حملة : معا ضد امتحان 1 / 4 انا مش هدخل .

[فارس الواحة]

لم تقدم لنا الاكاديمية شىء لتقيمنا ، ثم اننا نرفض التققيم بهذا الشكل ،
ايدكم فى ايدنا ،
انا مش هدخل امتحان الاكاديمية
كل اللى امتحانه 1/4 من المعلمين المساعدين ميدخلش
هنعمل وقفة سلمية امام مقار الامتحانات على مستوى كل المحافظات
للتواصل مع كل المحافظات تابعوا الموضوع ده .
لا لإهانة الرموز الحالية
لا للطلبات الفئوية الاخرى
فقط رفض جماعى للإمتحان

[ابو الفاروق]

المشاركة الأصلية كتبت بواسطة فارس الواحة

لم تقدم لنا الاكاديمية شىء لتقيمنا ، ثم اننا نرفض التققيم بهذا الشكل ،

ايدكم فى ايدنا ،
انا مش هدخل امتحان الاكاديمية
كل اللى امتحانه 1/4 من المعلمين المساعدين ميدخلش
هنعمل وقفة سلمية امام مقار الامتحانات على مستوى كل المحافظات
للتواصل مع كل المحافظات تابعوا الموضوع ده .
لا لإهانة الرموز الحالية
لا للطلبات الفئوية الاخرى

فقط رفض جماعى للإمتحان

والله العظيم هو دة الحل الوحيد فعلا لالغاء هذه الاهانة ، وما لم يتم الاستجابة لة بالعقل يتم الاستجابة لة بالذراع

[فارس الواحة]

نريد دعم وتنظيم فورى للموضوع

[عاصم حمزة]

ياعم لو خايف تدخل الإمتحان ماتروحش
كله بيدور دالوقتي علي الامل وهو التثبيت
والعملية مش ناقصة
ثم إنك بتتكلم عن نفسك متتكلمش عن كله لأن الناس كلها هتدحل وربنا يوفقها
ومفيش حد عارف الخير فين

[drfayoum2010]

فارس لسه مشترك في المنتدى من كام يوم وعايز يعمل فيها فارس بجد
لو مش عاجبك متدخلش الامتحان لوحدك وكفاية تحريض

[hazmanco]

ياناس بجد دى قمه الاهانه لان الفلوس اللى احنا مناخدها لما يسمع بيها احد واللهى بجد بستحقرنا واللهى العظيم الناس دى مش من مصلحتها ان التعليم فى البلد دى يكون بخير وبعد ده كله يجى ويقولك امتحانات طاب فين امتحان المهندس ولا الدكتور ولا ولا ولا احنا الحيطه المايله انا مش داخل حسبنا الله ونعم الوكيل

[محمد حسين الشربينى]

!!!!!!!!!!!!!!!!!!!!!

[ماجد محمود محمد]

لازم يكون لنا وقفه يوم الامتحان لازم نكون رجاله من اولها احنا مش خافين بس الامتحان ده ملوش لازمه عاوزين نكون رجاله وياريت يفرحونة ان الامتحان اتلغى قبل يوم 1/4 عشان نكون حبايب

[أشـرف فتحى]

بص يا فارس أنا معاك فى الرأى

ولكن دا مش وقته

نصيحتى ليك دلوقتى إنك تدخل

وكده كده كله هينجح

بس اثبت اسمك فى كشوف الممتحنين

[ابو الفاروق]

المشاركة الأصلية كتبت بواسطة عاصم حمزة

ياعم لو خايف تدخل الإمتحان ماتروحش
كله بيدور دالوقتي علي الامل وهو التثبيت
والعملية مش ناقصة
ثم إنك بتتكلم عن نفسك متتكلمش عن كله لأن الناس كلها هتدحل وربنا يوفقها
ومفيش حد عارف الخير فين

مصر لسة بخير ومعلمين مصر بخير

[محمد السيد مرسى عجمى]

انا موافق عاوزين نعمل اعتصام فى ها اليوم أرجو متابعة هذا الموضوع حتى نضغط على الوزير ليحقق مطالبنا فى التثبيت دون شروط

[عاصم حمزة]

المشاركة الأصلية كتبت بواسطة ماجد محمود محمد

لازم يكون لنا وقفه يوم الامتحان لازم نكون رجاله من اولها احنا مش خافين بس الامتحان ده ملوش لازمه عاوزين نكون رجاله وياريت يفرحونة ان الامتحان اتلغى قبل يوم 1/4 عشان نكون حبايب

ياراجل هو إحنا مش هنكون رجالة يعني لو دخلنا الإمتحان
وانت كمان بتدعوا لوقفات مش كفاية بقااااا .... بس فكرة الإلغاء أعتقد أنها بعيده أووووي
كل واحد نفسه في حاجة بيقولها

[المريسي]

موسوعةكادر المعلم

[جيهان2011]

ا/ اشرف
لية متاكد من نجاح الكل اصلا شكل الامتحان كددة مجرد غربلة للمعلمين علشان التعيين بما انة مربوط بالتعيين

[ابو الفاروق]

المشاركة الأصلية كتبت بواسطة عاصم حمزة

ياراجل هو إحنا مش هنكون رجالة يعني لو دخلنا الإمتحان
وانت كمان بتدعوا لوقفات مش كفاية بقااااا .... بس فكرة الإلغاء أعتقد أنها بعيده أووووي
كل واحد نفسه في حاجة بيقولها

يعنى هى فكرة اقصاء حسنى مبارك والعادلى واحمد عز وجرانة والمغربى وكل الاوغاد . كانت قريبة اوووى

لما فكرة الغاء امتحان كادر تبقى بعيدة

الوزير نفسة قالها فكرة الكادر كانت ليست قائمة على الاختبار ولكن على تقديم الدعم الفنى والثقافى والمهنى للمعلم اقرى اهداف الاكاديمية وانت تعرف ان الامتحان دة اصلا شىء وهمى اخترعة مستشارين الوزير الاسبق الجمل


وبعدين انا اهو خريج اداب ومش تربية وبقول حرام ان واحد خريج كلية التربية يدخل اختبار زى دة علشان ياخد شهادة اسمها مزاولة مهنة التدريس ودنك منين يا جحا

شهادة مزاولة مهنة دى اعملها لما اكون هروح اشتغل فنى لحام فى شركة بترول ولا المقاولين العرب


ناقص كمان نعمل شهادة صحية