لا للتعديلات الدستوريه

[بسام فارس]

لا للذل ولا والف لالالالالالالالالالالالالالالالالا
الثوره وقعت الحاكم ويبقي لازم يقع الدستور الظالم ويكون واحد جديد يوافي العصر ويكون كل الشعب موافق عليه

[عاشقة الموج]

أنا معكم فلا بكل لغات العالم لالالالالالالالالالالالالا و الف لالالالالالالالالالالا
و لكن تعالوا نرى ماذا كانت التعديلات !!!!!!

الماده 75:
اللى اتعدلت علشان محدش يحكم مصر يكون معاه جنسيه اجنبيه لا هو ولا زوجته .
الماده 76:
اللى جعلت ممكن مرشح مستقل يقدر يرشح نفسه لرئاسه الجمهوريه

بشرط الحصول على 30 الف صوت من الناس ,او يكون عضو فى حزب

له عضو واحد على الاقل فى البرلمان(بعد ماكان لا يمكن لحد يترشح غير بتوع الحزب الوطنى)
الماده 77:
اللى جعلت مده الرئيس 4 سنوات بس, ممكن تتجدد مره واحده بس
(بعد ماكانت المده مفتوحه للابد)
الماده 88:
اللى رجعت الاشراف القضائى الكامل على الانتخابات كلها من جديد.
الماده 93:
اللى جعلت الفصل فى عضويه مجلس الشعب من خلال محكمه النقض العليا

علشان مايكونش فى حاجه اسمها المجلس سيد قراره.
الماده 139:
الزمت رئيس الجمهوريه انه لازم يعين نائب خلال 60 يوم من انتخابه.
الماده148 :
وده مهمه جدا لانها جعلت لو حدث شئ فى البلد يستدعى حاله الطوارئ

انه يمكن لرئيس الجمهوريه ان يعلن حاله الطوارئ لكن لازم يعرضها على مجلس الشعب
خلال 7 ايام فقط تكون حاله الطوارئ محدده بمدة 6 اشهر فقط ولا تتجدد الا باستفتاء شعبى.
الماده 179:
تم الغائها لان الماده ده كانت بتسمح ان بيتى وبيتك ممكن يقتحموه فى اى وقت بحجه الارهاب.
الماده189
وهى اللى بتنظم طلب تعديل مواد الدستور او طلب عمل دستور جديد
ولم تجعله فى يد رئيس الجمهوريه فقط , ولكن لابد من مواقفه مجلس الوزراء
ونصف مجلسى الشعب والشورى.
الماده 189:
مكرر مهمه جدا لانها اكدت ان بعد اقرار التعديلات
بمجلس الشعب المنتخب يكون ملزما بتكوين لجنه من 100 عضو

لوضع دستور جديد خلال 6 اشهر.



و لكن كل واحد له مطلق الحرية فى رأيه !!!!!!

و لا يجب توجيه الناس على هدف معين و إلا كيف تكون ديموقراطى !!

أقرأ التعديلات و كن الحكم فيها بنفسك

[عاشقة الموج]

مفاجأة تم العثور على شنطة بها أوراق الاستفتاء
فى محافظة أسيوط مطبوع عليها بالختم لجنة 91
أسفل سيارة للشرطة و هذا دليل ع النية المبيتة
على تزوير الاستفتاء و هذه هى استمارة الاستفتاء
و لكن لا نعرف أهى رسالة حتى لا نذهب لحقنا الدستورى
أم هى الحقيقة
الله اعلم و لكن سنذهب و ندلى برأينا
و حسبنا الله و نعم الوكيل

[مصرى الى الابد]

لا لترقيع الدستور

[بسام فارس]

لو عايز البلد ده تقف من الاول لازم نبدء من الصفر يعني نعمل احنا الدستور اللي يعجب الشعب وبعدين نجيب اللي يحكمنا بيه يعني نحدد مصيرنا بنفسينا مش اجيب حاكم يفصله هو علي مزاجه

[بسام فارس]

وطبعا لازم يكون في تزوير لانك مشلتش الحاجه من الجذر لكن لو دستور جديد عمر ما يحصل كده

[salahn]

لا للتعديلات الدستورية
لا لترقيع الدستور
لا للثورة المضادة
تحية إلى شهداء ثورة 25 يناير الذين ضحوا بأرواحهم لترتفع راية الكرامة والعزة
الأخوة الأعزاء / أبناء مصر الثورة والتاريخ العظيم إننا وفى ظل المعطيات الحالية لابد أن نقف جميعا يدا واحدة لنحبط مخطط الذين يريدون لمصر الثورة العودة للوراء. إننا لابد أن نقول لا للتعديلات الدستورية ولا لترقيع الدستور
ولا لخدمة فلول النظام السابق.
ونرى رفضنا لهذه التعديلات للأسباب الآتية:
أولا : أن فلول النظام السابق ما يزالون يسيطرون على مجريات الأمور فى البلاد والدليل :
* جميع المحافظين الحالين هم صنيعة النظام السابق
* جميع رؤساء الجامعات هم صنيعة النظام السابق.
* المجالس الشعبية المحلية هم أيضا صنيعة النظام السابق.

ثانيا : أن الثورات دائما تسقط الدساتير إذا فالثورة أسقطت الدستور الحالى .
ثالثا : ترقيع الدستور لمصلحة من ؟ ألم يحدد الرئيس السابق هذه المواد المقرر الاستفتاء عليها .
ألم يوجد فى مصر من الكفاءات القضائية والقانونية لوضع دستور جديد للبلاد يجتمع عليه كل القوى الوطنية. علما بأن أكثر الدستوريين المصرين والقضاه رفضوا هذ الترقيع والتعديل .
رابعا : الفوضى الأمنية و استنزاف اقتصاد مصر لأننا سننتخب ست مرات فى عام واحد و هو مالم يحدث فى تاريخ مصر و لا فى أى بلد أخر...استفتاء..... مجلس شعب..انتخابات مجلس شورى ...استفتاء على الدستور الجديد... مجلس شعب جديد لان الأول يسقط بصدور دستور جديد...انتخابات رئاسة؟
خامسا : إن في كل ثورات العالم لم يحدث أن رقع دستور سقط وإنهاء نظام .
ثم يعيد إحياؤه باستفتاء فلابد من احترام دماء الشهداء .

سادسا : أن التعديل الحالي للمادة ‏ ستة و سبعين‏ لا يقبل الطعن علي نتائج الانتخابات الرئاسية و انه لن يتم تعديل المواد المعدلة مرة أخرى؟

سابعا : أن المادة‏136‏ تعطي رئيس الجمهورية الحق في حل مجلسي الشعب والشورى دون استفتاء الشعب الذي هو مصدر السلطات‏ و بالتالي الانقلاب على كل مكتسبات الثورة؟

ثامنا : ان هناك ضغوط من أصحاب المصالح و المنتفعين من النظام السابق لإجراء الاستفتاء الآن و تمريره و عمل مجلس شعب سريعا و هم مازالوا مسيطرين على المجالس المحلية و المحافظات و متأكدين من التدهور الأمني؟


تاسعا : الجيش سيظل نفس المدة حتى لو وضعنا مبادئ دستور جديد و لكننا سنضمن حقنا و لن نغامر بان يأتي رئيس ينقلب على الثورة و قد أعلن الجيش فى نفس البرنامج أن انتخابات الرئاسة أول العام القادم و مجلس الشعب فى سبتمبر .

عاشرا : طبعا هيكون فى تزوير لأن بنيته الأساسية المتمئلة فى فلول النظام السابق وسيطرة رأس المال لسه موجودة والتعديلات دى لو تمت هتكون المنفذ الأخير لسيطرة الحزب الوطني من جديد ولو لم يتم التزوير هيحصل شراء أصوات بكثافة أكثر من المعتاد فى الانتخابات السابقة..وهيتعمل دستور جديد العن من دستور 1971 والجيش لو استمر فى الحكم بعد إقرار التعديلات هيسبب مأزق دستوري لأن وجوده فى الحكم معناه تعطيل الدستور واعتماده على الشرعية الثورية
لكل هذه الأسباب نقول لا لا لا لأ للتعديلات
نعم لدستور جديد تجمع عليه جميع القوى السياسية


كلنا نقول لا...ملحوظة: معظم القوى السياسية قالت "لا" للتعديلات باستثناء: الحزب الوطنى وجماعة الإخوان
لماذا قال الأخوان والوطنى نعم للتعديلات الدستورية؟
السبب الأول : إنهم عاوزين كل حاجة تتم بسرعة لأنهم أكثر ناس حاليا جاهزين ومنظمين لانتخابات الرئاسة والبرلمان.
السبب الثانى : أن الحزب الوطنى الفاسد يريد أن يلحق بجزء من السلطة قبل الانتهاء من قضايا الفساد أو فتح قضايا فساد جديدة.
نحن نريد دستور جديد مش مرقع يحد من سلطة الحاكم قبل أي انتخابات. وونريد أن نعطى فرصة للأحزاب تبنى نفسها لضمان منافسة عادلة فى الانتخابات لأن النظام السابق نجح فى تفتيت أوصال المعارضة .
فلا لا وألف لا
نعم لاستقرار مصرنا الحبيبة مصر الثورة.

[السيد أبو مروان]

لو سمحتم لا تفرضوا اراءكم على احد احتفظ برأيك لنفسك فهذه هي الديموقراطية التي ننادي بها
اما عن رائي انا فانا مواااااااااااااااااااااااااااااااااااااااااااااااا اااافق على التعديلات
ولكل واحد رايه من حقه ان يعبر عنه كيفما شااء المهم المشاركه
وعلى الانسان ان يحكم نفسه وعقله ولا يركن الى اراء الاخرين
اما عن المواد المعدلة فهي مواد مؤقته حتى تنتهي الازمة وبعد ذلك هناك دستور جديييييييييييييييد بعد انتخاب رئيس ومجلسي شعب وشورى

[MR.Mamdouh Ramadan]

جزاك الله خيرا

[icdl_man]

لو اعتبرنا الثورة نجحت يبقى الدستور سقط

لو قلنا الثورة فشلت يبقى الدستور موجودونعدله

إذا فسؤالنا لنفسنا هل الثورة نجحت ولا لا

فلو الثورة فشلت طيب ما يرجع مبارك ونأخد تانى على قفانا
و لوالثورة نجحت يبقى يتعمل دستور جديد

و عشان تتفهم بالبلدى لو بعت عربيتى اشترى لها فردتين كاوتش جداد ليه

لو بعت شقتى يبقى ادهن غرفها ليه

الناس دى بجد بتستعبطنا و لا ايه الليلة بالضبط

مش كده و لا ايه
ماهو يا الثورة نجحت يأما مبارك( لا قدر الله ) يرجع والسلام ختام

[الاستاذ محمد الطنطاوى]

والله الواحد مش عارف يقول اية

يا ترى اية الصح واية الغلط

انا مبقتش عارف حاجة فى البلد دى

يا جماعة ارجوكم

حد يفهمنا

الدستور الجديد حيكون لصالح البلد ولا ضدها

يا ترى الاخوان فعلا حتستفيد وممكن تدخل للرئاسة وتمسك البلد

وتبقى كارثة لو النظام القديم رجع تانى

بعد ما طلعنا من البحر اللى كنا غارقانين فية ننزل تانى

عشان كلمتين

نعم

ولا

لا

اقول اية
حد يفهمنى ارجوكم؟؟؟

[icdl_man]

ما بنى على باطل فهو باطل

لا لدستور الذل لا لدستور مبارك لا لدستور مجلس رجال الأعمال

عايزين دستور وطنى جديد

لا للتعديلات الدستورية الجديدة

لا لفرعون جديد

[عاشقة الموج]

المشاركة الأصلية كتبت بواسطة الاستاذ محمد الطنطاوى

والله الواحد مش عارف يقول اية

يا ترى اية الصح واية الغلط

انا مبقتش عارف حاجة فى البلد دى

يا جماعة ارجوكم

حد يفهمنا

الدستور الجديد حيكون لصالح البلد ولا ضدها

الدستور سقط بمجرد تخلى مبارك عن السلطة

يا ترى الاخوان فعلا حتستفيد وممكن تدخل للرئاسة وتمسك البلد

مش مشكلة الأخوان أو أى حد يمسك البلد المهم هو مطالب الثورة
و التى طالبت بدستور جديد

وتبقى كارثة لو النظام القديم رجع تانى

الدستور القديم مازال بكل صلاحيته
و إن تقلصت بعض الشئ بمعنى إن ارمى طاغية
و احضر ديكتاتور و كأن الثورة لم تقم
ومطالب الشباب و الشعب و كأنها لم تكن ثم بعد الانتخاب
اعمل دستور جديد بموافقة البرلمان أو لا

بعد ما طلعنا من البحر اللى كنا غارقانين فية ننزل تانى

عشان كلمتين

نعم

ولا

لا

اقول اية
حد يفهمنى ارجوكم؟؟؟

ينفع إننا نرقع ملابسنا و أنا قدامى الجديد
بمنتهى الراحة
الانتخاب للرئاسة سيأخذ 6 أشهر و+ 3 شهور للاعداد للبرلمان ى الشعبى و الشورى
+ شهر كمان للاعادة= سنة بالتمام و الكمال و الذى جعلنا نصبر اكثر من 30 سنة نصبر سنة
كل هذه المدة الجيش ف البلد أيهما أولى أعمل دستور جديد فى تلك الفترة أم اضع على رقبتنا رئيس يوافق على عمل دستور جديد أم لا و المجالس المنتخبة هل ستوافق على عمله أم لا أ1ذن من الاولى ان يتم عمله حاليا
و كما قالت جدتى( ودنك منيين يا جحا )

[patient]

المشاركة الأصلية كتبت بواسطة marawn1

لو سمحتم لا تفرضوا اراءكم على احد احتفظ برأيك لنفسك فهذه هي الديموقراطية التي ننادي بها
اما عن رائي انا فانا مواااااااااااااااااااااااااااااااااااااااااااااااا اااافق على التعديلات
ولكل واحد رايه من حقه ان يعبر عنه كيفما شااء المهم المشاركه
وعلى الانسان ان يحكم نفسه وعقله ولا يركن الى اراء الاخرين
اما عن المواد المعدلة فهي مواد مؤقته حتى تنتهي الازمة وبعد ذلك هناك دستور جديييييييييييييييد بعد انتخاب رئيس ومجلسي شعب وشورى

هذا هو الكلام الصحيح كل واحد يعبر رأيه منتهى الديموقراطية

[أ/عبدالعزيز عيسي]

المادة 189 اللي عملوها في التعديلات الدستورية مش بتقول انه سيتم تشكيل لجنة من الحكماء لوضع دستور جديد للبلاد
يعني 100% الدستور اللي هيترقع هيرجع يتعدل كله تاني ..... بس الفكرة دلوقتي تنظيم انتخابات الرئاسة المقبلة وتحويل مصر من عزبة يحكمها العمدة وابنه الي دولة ديموقراطية يحكمها رئيس منتخب بارادة الشعب كما ان التعديلات بتطمني اني مفيش حد يقتحم بيتي وبيتك في اي وقت او يتصنت علي التلفونات والرسائل الشخصية ..... بصراحة انا عاوز دستور جديد بس في نفس الوقت عاوز بلدي تقف علي رجليها الأول ونعتبر دي الخطوة الأولي ....... حد موافقني؟