|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
17-03-2011, 06:21 PM
|
||||
|
||||
ماذا ستكون النهاية ؟ ومتى ينزل الستار!!؟
السلام عليكم ورحمة الله وبركاته اكيد كل اللى داخل فاكر انه هيلاقى قصة على بابا والاربعين حرامى  او قصة الساحرة الشريرة  او قصة بوليسية لأجاثا كريستى ياللا بلاش رغى كتير وندخل فى الموضوع  لان الموضوع كبير جدا او مش كبير اوى يعنى ياترى مصر رايحة فين؟ وفين النهاية؟  السؤال ده كل الناس بتسأله ؟ولا انا ولا حد من المصرييين عارف اجابته وفى ناس بتقول ان مصر بالشكل ده هضيع وهتبقى كوسة  وناس تانية بتقول ان اللى بيحصل ده عادى جدا وطبيعى انه يحصل بعد اى ثورة هدفها التغيير والاصلاح واكيد الوضع هيتغير للاحسن والافضل وانا محتارة ومش عارفة ايه الرساله اللى عايزاها الناس توصلنا ؟هل المطلوب اننا نندم على حكم مبارك ؟وهل فى ناس عايزة تشغلنا عن حاجات بتحصل تحت الترابيزة  ؟وفى كل الحالات احنا المصريين واللى بندفع التمن.. احنا كنا فى اطار ثورة نموذجية فى كل شى وفى الاخر انتهت باطاحة كل رموز النظام الفاسد الفاشى وبنكتشف كل يوم عنهم فضايح وجرايم لاتعد ولاتحصى كانوا بيرتكبوها  وفى الاخر اكتشفنا اننا مكناش عايشين فى دولة احنا كنا عايشين فى غابة  الكبير فيها بيدوس على الصغير وكنا عايشين فى اكبر وهم ... الامن اللى كان بيحافظ علينا ويحمينا عشان خاطر عيون النظام كان ضعيف جدا لدرجة انه تلاشى خلال 3 ساعات بس ومحدش عارف  ياهل مشى خوف او خجل ؟ او مشى بالامر من اللى اكبر منهم عشان يعرضوا المواطنين للبلطجية والمجرمين وبعد كده يطلب الشعب عودة الشرطة من تانى بأى تمن ...وكمان المبانى بتاعت جهاز امن الدولة العملاقة اللى الناس كانت بتخاف حتى تقول او تسمع اسمها الناس اقتحمته بكل سهولةوفى وقت واحد وبأسلوب واحد ومن غير اى مقاومة .... لماذا؟ طبعا محدش عارف ان كان ده امر طبيعى ولا متخطط ليه قبل كده!! الشعب شال الريس ورفض حكومة شفيق وشالها هى كمان ودلوقتى عندنا حكومة شرف اللى بدأ من ميدان التحرير وأدى اليمين هناك  وساعتها انا قلت وغيرى قال خلاص الوضع هيتغير وكل حاجة هترجع لطبيعتها للاحسن وللافضل ولكن اتضح العكس تماما لان الرجل مقضى وقته فى فض مظاهرات فئوية وطائفية.... والغريبة بئا!!! اننا بنسمع دلوقتى من تحذيرات من المشى فى طرق معينة عشان بيبقى فيهم قطاع طرق ..وكمان بنسمع عن بلطجية بتوقف العربيات فى الطريق وبيجبروا اصحابها انه يوقع عقد بيع للعربية ليهم هل هو ده المناخ المطلوب عشان نعيش فيه ونقول فينك يا مبارك وكانت فين ايامك ونقول ياريت اللى جرى ماكان !!!وكمان احنا نسينا اخطار حقيقية بتهدد حياة المصريين اللى فى الخارج والظروف اللى بتمر بيها ليبيا واللى هترجع اكتر من مليون مصرى ياترى ايه ظروفهم ؟ وهيلاقوا شغل فين هنا فى الظروف اللى احنا بنمر بيها دىوكمان الاتفاقية اللى وقعت عليها 6 دول من دول حوض النيل وطبعا اللى هتاخد من حصة مصر , وفى خبرا بيقولوا ان حصة مصر من مية النيل هتقل بنسبةمش هتقل عن 15% يعنى ده هيكون سبب بوار الاراضى الزراعية وبالتالى زيادة الفجوة الغذائية ...يا ترى هو ده المناخ اللى هنعيش فيه دلوقتى ويسمحلنا اننا ننتبه لشكلات تانية!؟!  ... وفى النهاية انى بعتذر لأن الافكار مش مترتبة كويس لانى كتبت الموضوع بسرعة ومن غير مراجعة دمتم بخير الصمت الحزين
__________________
رمضان كريم |
|
#2
17-03-2011, 06:32 PM
|
||||
|
||||
موضوع جميل بيتحدث عن كل شئ
حدث فى مصرررر والله انا تفاااءلت بهذه الحكومة الاخيرة ولكن من الواضح ان هناااك اشياااء لا نعلمهااا واشخااااص ايضاااا يخربون فى البلد ومش شااايف تفسيرررر لغااايب الامن لحد دلوقت لو مش عاااوزين بنزلوا احنااا موجودين بتوع حقوق يعنى والوضع الخااارجى شااايف انه خطرررر جداااا احنا مهددين من كل حتة الجنوب والغرب والشرق بس ان شاااء الله القذافى ينتهى ونبقى خلصنا من مشكلة ونشتغل على الدول الافريقة اللى شافت نفسهااا عليناااا دى ونبص للاسرائيل وتمويلهااا للبدو بالسلاح والمخدارات اللى بيبعوهاااا قدام الشرطة ومحدش بيكلمهم وانا شفت كده بعينى وبخصوص الناااس اللى راجعة من لبيبا انا سمعت ان اللى رجع بس 180 الف الباقى موجودين هناااااك وكاان فى وزيررر بيتكلم انه هيشغلهم بس مش عاارف ازاى ؟؟؟ يا رب اكوون قلت كلام مفيد شكرررا على الموضوع الجميل
__________________
 |
|
#3
17-03-2011, 07:44 PM
|
|||
|
|||
|
موضوع جميل جدا ..
بس للاسف انا كمان مش لاقية اجوبة للاسئلة ال انتي طرحتيها .. ومش عارفة مصر الى اين ؟؟؟ هل احنا كدا بنمشي لدولة ديمقراطية ولا فنفق مظلم لا يُعلم ظروفه ونتائجه ؟ ايه الصح وايه الخطأ ؟ ليه الدنيا واقفة كدا ومش شايفين حاجة ملموسة تدي شرارة امل وياترى ايه ال حاجة المستخبية عن الكل وهي السبب فده كلو وتطول قائمة الاسئلة ! و اسفة اني دخلت و زودت التساؤلات لكني بجد مابقتش عارفة حاجة .. لكن اتمنى اننا نكون بنخطو خطوات حثيثة للامام ومش بنرجع لورا وشكرا عالموضوع الرائع كـ روعتك |
|
#4
18-03-2011, 12:25 AM
|
|||
|
|||
|
سيتضح كل شىء يوم الأحد القادم بإذن الله
من خلال موقف من قال نعم ومن قال لا - ومدى تقبلهم للنتيجة أختى الكريمة الأحداث متسارعة منذ بداية هذا العام حتى صرت أكره رقم 11 فمن يعيش فى الظل وأصغر الأحداث قد تحرمه الحياة وهو وأولاده يجعله يفزع من أقل الأشياء من يعارض عودة الشرطة هم من يملكون البودى جارد ويسكنون مدن يحميها شركات حراسة خاصة ومن يعادى استقرار الوطن هم من لهم وجهة أخرى ووطن أخر ويعيشون داخل مصر وكأنهم فى وطن أخر أتحدى لو لم يكن هناك 90% من الشعب يمر عليه اليوم وفى نهايته يتشاهد ويحمد الله على إنه مر على خير سعدنا عندما قال الجميع البلد بلدنا ولكن وفى أول إختبار للديمقراطية المنتظرة وجدت هذه الأفكار الملتوية منهم من يدعو لمظاهرات مليونية لرفض التعديلات ومنهم من يدعو الناس لرفضها لنعطيهم الفرصة ليعيدو حسابتهم ويقوون أحزابهم لخوض الانتخابات ومنهم من يحاول وهم الناس بقوة الحزب الوطنى الذى مات ودفن وذلك لإعطاء أنفسهم الشهرة على حساب الثورة ومنهم من يوهمنا بالثورة المضادة ليحرمونا المطالبة بحقوقنا من وزير لايهتم بالمعلمين بقدر اهتمامه بالتباهى بعضويته بالثورة أمور كثيرة تلتف من حولنا ينصبها من حولنا مجموعة من النخب ربما لاتعلم أن هناك 40% من سكان مصر معدمين ربما لاتعلم أن هناك معلم يتقاضى 105جنيه شهريا ربما لاتعلم أن هناك من يعيشون على معاش لايكفى دروس مادة واحدة لتلميذ فى الثانوى -- إنهم مشغولون بأنفسهم ومناصبهم ولو على حساب الملايين أسف جدا جدا للإطالة ولكنى أحب هذا الوطن ربما بطريقة مرضية وأكره كل النخب الانتهازية ربما بطريقة مرضية أيضا وللأسف تجدهم فى كل مكان وللأسف أيضا صوتهم صار الأعلى على حساب أوجاع الشباب ومساكين القوم شكرا لكم جميعا
__________________
الحمد لله |
|
#5
18-03-2011, 01:13 AM
|
|||
|
|||
|
انتي قلبتي كده ليه يا فرح ؟
 لا أعتقد بأن أحداً يملك الاجابة علي هذه التساؤلات بصورة قاطعة بل علي النفيض تماماً , فسوف يزيد من عدد التساؤلات . يوجد لدي الكثير من التساؤلات حول بعض مواقف وقرارات قيادات المجلس الأعلي للقوات المسلحة , الكثير من التساؤلات حول التباطؤ في التعامل مع شياطين الفساد , الكثير من التساؤلات حول عدم محاكمة كبار الفاسدين محاكمة عسكرية كما حدث مع بعض البلطجية في حين أني أراهم أشد بلطجة وخطراً من البلطجية !! الكثير من التساؤلات حول انتشار حالات البلطجة بصورة كبيرة جداً بعد تولي حكومة عصام شرف مباشرة !! تساؤلات حول عدم حل الحزب الوطني وعودة المقرات لملكية الدولة !! تساؤلات حول بقاء المحافظين التابعين للنظام السابق كما هم !! تساؤلات حول بقاء المجالس المحلية الفاسدة كما هي !! تساؤلات حول العجز عن اجبار قوات الشرطة علي القيام بعملها !! وغيرها الكثير من التساؤلات التي لن تجد جواباً شافياً واضحاً علي الأقل في الوقت الحاضر . شفتي بقي .... اجاباتي واضحة خالص وقاطعة شكراً علي الموضوع وتقبلي مروري وشوفي حد يجاوب علي تساؤلاتنا كلها
|
|
#6
18-03-2011, 06:12 PM
|
||||
|
||||
|
اقتباس:
شكرا على المشاركة
__________________
رمضان كريم |
|
#7
18-03-2011, 06:17 PM
|
||||
|
||||
|
اقتباس:
شكرا على مرورك الاروع
وعلى الاسئلة الزيادة
__________________
رمضان كريم |
|
#8
18-03-2011, 08:35 PM
|
||||
|
||||
|
اقتباس:
بشكرك استاذ على على المشاركة
وعلى الاسئلة الزيادة مع انى كنت منتظرة من حضرتك الاجابات لكن اتضح العكس ونتمنى ان يكون فى اجابة
__________________
رمضان كريم |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:57 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
