اللى اختشوا ماتوا

[icdl_man]

وزارة خدمية</STRONG>
الوزارة دى شايفانا وزارة خدمية يعنى مش بندخل فلوس

و أهو كده كده التعليم عندنا بايظ لعامة الشعب طبعاً

و اللى عايز يعلم عياله صح يدفع فى المدارس الخاصة أو الاجنبية اللى بتدفع ضرائب للبلد يبقى دول يستحقوا الزيادة و يطلعوا عيال بتفهم كمبيوتر و لغات و كله صح .. برضه ده رأى الوزارة

أنما الوزارة شايفة و اعتقد ده رأى الوزارة:-
"مش بتدخلوا فلوس و التعليم بايظ و بتخدوا اجازة طول الصيف و اجازة يومين فى الأسبوع و بتدوا بكثيره 18 حصة يعنى بتشتغلوا تقريباً 18 ساعة فى الأسبوع و الباقى تزويغ و شرب شاى و ألخ و كمان عايزين زيادة فى المرتب"

صحيح اللى اختشوا ماتوا

ده أحنا من الساعة 7.30 صإلى 2.30 و خاصة فى المدارس الثانوى قاعدين ايشى حصصص و إيشى اشراف و إيشى جودة و إيشى تحضير و إيشى أمن و إيشى جودة و ده حصة واحدة فى فصل 65 طالب أو طالبة تخلى الصداع يركبك طول اليوم و لازم تدادى الطالب ده و تصلح كراسة ده و تدى درجة كويسة لده عشان نسبتك تبقى حلوة و تشترى كراسات تحضير و لازم تكون حلوه عشان الباشا الموجهة و لا الزائر و كراسات درجات عشان ما فيش ميزانية فى المدرسة و ايضاً مش مسموح لك تمرض فأنت ما فيش غيرك يخش الفصل و ايضا التأمين أول ما يسمع أنك مدرس كأن سلك كهربة لمسه و الأعتيادى فى الصيف بس فأنت مدرس يعنى مكلف و غيره و غيره.

المشكلة انهم فى الوزارة مش شايفين اللى احنا بنعانية هما فى التكييف و احنا فى القرف من ساعة لما تصطبح بشكل الوكيلة لغاية الأنصراف لما تقف طابور طويل عشان تمضى احسن ممكن لا قدر الله تحسن بأدميتك فلازم تبقى تحت رحمة الإدارة من الصبح لنهاية اليوم غير طبعاً سفالة قفل أبواب المدارس بالجنزير و لما محتاج مناديل و لا أكل يتدى لعامل فلوس اللى بسرعة بتتفتح له الأبواب المغلقة او تخش تتذلل للمدير عشان يديلك كلمتين مالهومش لزمة



و من وجهة نظر الوزارة احمدوا ربنا على اللى بتخدوه ( مرتب + كادر + مكافأة + حوافز+ مجاميع + دروس) ده احنا فعلاً معندناش دم و طبعاً ده من وجه نظر الوزارة.

فطبعا موقف الوزارة فى الحالة صحيح و هو:-
مطالبكم فئوية و حالة البلد لا تسمح الأن و الميزانية مش حتكفى

يبقى فعلاً لازم نراعى ظروف البلد
ما هى وقفت علينا احنا بس مش احنا ب،ادى رسالة ( ملحوظة: البريد و البنوك و المصانه و التمريض و الشرطة , غيره مختلفين عننا)

على رأى عادل أمام احنا اللى بنكد على الحكومة

و أل ايه يقولوا لك اصلاح أحوال التعليم

يا عمى دول عايزينها كده بايظة علشان ولادهم هما بس اللى يتعلموا كويس و يخشوا كليات حلوة و يشتغلوا وظائف حلوة و الباقى كفاية عليه انه اتعلم مجانى يبوس ايده وش و ظهر
ما هو مش أكل و بحلقة

ما هو التعليم استثمار فى البشر يعنى لو تقدر تدفع ابنك حيلاقى وظيفة فى المستقبل

و لكن الحقيقة أن التعليم استثمار فى عقول البشر و طالما الوزارة دى مش عايزة تعلم و لا تتعلم و تحترم كرامة اللى بيعلم
يبقى كل سنة و انت طيب
و يجعلة عامر

[YaserTrboush]

جيت ع الجرح حالنا لايسر عدو او حبيب

[السيد خاطر]

كل سنة و انت طيب

[icdl_man]

اللى سمع معالــــــــــــــــــــــــــــــــــــــــــــــ ــــــــــــى وزيــــــــــــــــــــــــــــــــــــــــر التربيــــــــــــــــــــــــــــــــــــــة و التعليم صدق كلامى

احنا ملناش ثمن عندهم

بلد ايه اللى عايز تتصلح فى المشمش