خبرين مهمين لكل اسكندرية وامنية

[رباب حمدى اليكس]

السلام عليكم زميلتى اليوم فى مدرسة بالدخيلة ادارة العامرية اقسمت لى بالله انها شافت نشرة تنص على زيادة مرتبنا بعد التثبيت على وظيفة معلم 350 والمدراء 500 والاساسيين 400 حد عرف حاجة زى دى او شافها او سمع عنها وياريت لو فى حاجه حد يبلغنا او لو فى منشور رسمى حد يرفعهلنا
ثانيا فى خبر نزل على موقع مصراوى ان الدراسة تاجلت فى الاسكندرية لاجل غير مسمى وخصيصا رياض الاطفال والابتدائى حد يعرف حاجة زى دى او امتى ميعاد استئناف الدراسة باليكس
ثالثا بالنسبة لموضوع تعينا مفيش لا حس ولا خبر هو فى ايه كل المحافظات بتتعين واحنا لا حس ولا خبر كله ميت وساكت ومستنى الفرج ياريت نعرف حنعمل ايه ياريت نتواصل ارجوكم يا سكندرانية وياريت اللى يعرف اى حاجة يضيفها والله الموفق

[محمد أحمد عبد الراضي]

اولا اذا كانت النشرة وصلت قبل التثبيت يبقى التثبيت متى وانت متاكدة من الخبر ده
اما بخصوص استئناف الدراسة فسيتم شهر 4 ان كان هناك استئناف للدراسة

[رباب حمدى اليكس]

والله زى ما بقل لحضرتك ان اتنين زمايلى اطلعوا على هذة النشرة دى حاجه الحاجه التانية حضرتك متاكد ان الدراسة شهر4 وشكرا للتواصل

[مريم اليكس2011]

لو حد فهم حاجه من الخبر الاول يا ريت يفهمني

[محمد أحمد عبد الراضي]

نعم لان هناك تعليمات وصلت للمدارس الخاصة التي تشرف عليها الوزارة

[جاكسون]

النشرة بخصوص منحة العمال وصلت عندنا فى قنا

[mhegazi]

المشاركة الأصلية كتبت بواسطة رباب حمدى اليكس

السلام عليكم زميلتى اليوم فى مدرسة بالدخيلة ادارة العامرية اقسمت لى بالله انها شافت نشرة تنص على زيادة مرتبنا بعد التثبيت على وظيفة معلم 350 والمدراء 500 والاساسيين 400 حد عرف حاجة زى دى او شافها او سمع عنها وياريت لو فى حاجه حد يبلغنا او لو فى منشور رسمى حد يرفعهلنا
ثانيا فى خبر نزل على موقع مصراوى ان الدراسة تاجلت فى الاسكندرية لاجل غير مسمى وخصيصا رياض الاطفال والابتدائى حد يعرف حاجة زى دى او امتى ميعاد استئناف الدراسة باليكس
ثالثا بالنسبة لموضوع تعينا مفيش لا حس ولا خبر هو فى ايه كل المحافظات بتتعين واحنا لا حس ولا خبر كله ميت وساكت ومستنى الفرج ياريت نعرف حنعمل ايه ياريت نتواصل ارجوكم يا سكندرانية وياريت اللى يعرف اى حاجة يضيفها والله الموفق

لا اعتقد ان يتم تأجيلها مرة اخرى خاصة مع عودة الشرطة للشوارع مرة اخرى
كفاية كدة تأجيل خلاص العيال نست ان في دراسة

[محمد أحمد عبد الراضي]

طب لما الشرطة بتمارس عملها تفسر بايه اني بسمع طلقات نارية بصورة شبه يومية في المنطقة اللي انا ساكن فيها

[رباب حمدى اليكس]

يا اخت مريم النشرة بتقول انهم حيزودوا مرتبتنا 350 فوق اللى بناخده يعنى يبقى 715 جنيه

[رباب حمدى اليكس]

النشرة بخصوص منحة العمال وصلت عندنا فى قنا
ارجو التوضيح

[السيد عبده محمد]

النشرة دي بتاعة حافز الاثابة وجه لينا في محافظة الشرقية وهو 300للمعلم المساعد 350 من أول معلم حتي معلم أول أ والمعلم الخبير 400 والمدير 450

[مريم اليكس2011]

معقول ده شيء لا يصدقه عقل والزياده دي بمناسبه ايه اكيد كان مكتوب في النشرة

[السيد عبده محمد]

الكلام فيه خلاف علي السبب لكن دي مرة واحده في السنه

[مريم اليكس2011]

اكيد في سوووووووووووووووووووووووووووووء فهم

[رباب حمدى اليكس]

يعنى فعلا الكلام ده مظبوط يعنى فعلا المرتب حيزيد 350 ياريت لو حد عنده النشرة يرفعهلنا وشكرا للتواصل