احنا يأسنا من متعاقدين البحيرة

[sami zaloa]

احنا يأسنا من متعاقدين البحيرة انا رحت النهارده مديرية التربية والتعليم بالبحيرة واكتشفت ان فيه ناس هنا "فنجرية بق وخلاص" لأن مفيش حد خالص راح دخلت انا وزميل واحد فقط لابتهال شرف ولياسين ودول بيعطلوا وبيقولوا الموضوع عند التنظيم والادارة واعملوا اللى انتوا عايزينه لانهم حسوا اننا مشتتين ولا نستطيع التجمع ولو لساعة واحدة . ورحنا التنظيم والادارة لقيناهم عاملين اضراب وعندهم رتبة عسكرية كبيرة تحاول ارجاعهم للعمل وكلمنا الراجل العسكرى وقال لنا انهم هيشتغلوا تعالولهم يوم الثلاثاء بس احنا لو رحنا لوحدنا محدش هيعبرنا واحنا النهاردة عملنا مشاكل جامدة مع ابتهال وياسين ونعيم وبيقولوا احنا ملناش دعوة بالمحافظات التانية واللى بيحصل فيها............................................. هل من حى يسمع النداء حقنا هيضيع ارجوكم بطلوا نوم مفيش حاجة هاتيجى لوحدها والله الموضوع محتاج نصف ساعة فقط من وقتنا وهيخلص انا مبقولش اضراب او اعتصام ولكن وقفة بسيطة علشان يسرعوا الاجراءات زى المحافظات اللى سلمت جوابات التعيين

[كابتن محمد فوزى]

فين رجالة البحيرة؟؟؟؟؟؟؟؟؟؟؟؟؟؟؟؟؟؟؟؟؟؟

[الدكتور المهندس]

اخى الكريم المشكلة فى الوزارة اللى تغيرت ولكن المشكلة ان لسه فيه ناس على المكاتب دبلوم قديم وفاهم نفسه الوزير دى المصيبة الكبيرة

[aleman]

لا تقلقوا يا جماعة
انتوا عقد ال3سنوات بالبحيرة ينتهى امتى؟
لو زينا 31/3/2011
يبقى انتوا زيينا من 1/4/2011 باذن الله متعيين على درجة معلم

[عمرواحمدعيد]

والله محدش يزعل منى فى تخاذل كبير من رجالة البحيرة
هنفضل الناس تريح فينا لحد امتى 3 سنوات مروا وكل الشروط اللى عايزينها مش عارف احنا ساكتين ليه كل عايز يروح مدرسته وخلاص
ومعتمد على غيره يجيبله حقه محدش هياخد حقه بالشكل ده
كفاية سلبية حرام وحسبى الله ونعم الوكيل فى اللى ظالمنا وواخد حقنا احنا فعلا مظلومين

[sami zaloa]

المشاركة الأصلية كتبت بواسطة aleman

لا تقلقوا يا جماعة
انتوا عقد ال3سنوات بالبحيرة ينتهى امتى؟
لو زينا 31/3/2011
يبقى انتوا زيينا من 1/4/2011 باذن الله متعيين على درجة معلم

عقدنا المفروض انه انتهى يوم 10/3/2011

[aleman]

مينفعش فصل يعنى المفروض 11/3/2011 يكونوا متعيين
باذن الله ييجى التعين بتاريخ قديم لكم باذن الله

[ahmedghoname]

بتوع مديرية البحيرة شغاليين بدماغهم
هل تعلموا ... ان فيه تعليمات وصلت للادارات بالبحيرة خاصة بالناس اللى انتهى عقدهم فى 9/3/2011 بعدم الفسخ وان يظلوا فى العمل ........وانا متاكد من كلامى
طيب ... تحت اى بند وتحت اى اساس دى العقد انتهى من اربعة ايام ... والناس دى حتقبض ازاى.... الناس دى بتخبط ومش فاهمة حاجة ... وفاكرين نفسهم دولة داخل الدولة ... طول عمر مديرية البحيرة كده ..... محدش فاهم حاجة خالص .... وشماعتهم روح للتنظيم و الادارة ..... روح للمحافظ ......... مش عارف والله ........... حاجة تفلق والله

[بحراوية من دمنهور]

انا رحت المديرية النهاردة والجو كان هادى مفيش اى قلق الكل بيخلص ورقه بالنسبة للى هيدخلو الامتحان ومفيش اى اخبار عننا وامتى هنستلم جوابات التعيين ولما سالت قالولى اوراقكم فى التنظيم والادارة وموظفين التنظيم عاملين اضراب ومش عارفة ايه اخرتها يا جماعة احنا اولى بكل يوم فى سجل خدمتنا المفروض نستلم العمل من يوم 1/3 والله اعلم هنستلم امتى وبتاريخ كام فى الظروف دى ومحدش عايز يريحنا ويدلنا ونبدا بقى فى اجراءت التعيين الفعلية تفتكرو ايه اخرتها ؟؟

[احمد محمد الدفراوى]

ياجماعه والله العظيم انا ليا اصحاب فى كفر الشيخ استلمو جوابات التعين واحنا نايمين فى الطبيخ ومحدش بيدور على حد لازم يكون لينا وقفه احسن من كده حد يرد عليا حرام عليكم

[أيمن الشابوري]

ربنا معانا وقادر على كل شيء

[ابو الفاروق]

هو فى البحيرة بس فنجرية بوق

دة وباء بعيد عنك منتشر فى مصر كلها
واخطر من وباء انفلونزا الطيور والخنازير وللاسف ليس لة لقاح