سؤال فى لا النافية !!!

[Twilight2011]

السلام عليكم ورحمة الله وبركاته

سؤال نحوي ؟؟؟

لا قلمي معي ولا كتابي ------> لا نافية للجنس مهملة .... ليه
لا طالب علم مهمل -----------> لا نافية للجنس عاملة ليه

الاتنين أسماء مضافة ايه الفرق

ولو كانت المعلومة غلط يا ريت التصليح ؟؟؟؟؟؟؟

[Twilight2011]

أرجو من المدرسين الإجابة والإفادة سريعاً

[الـشـيـمـ ء ـا]

انا اقدر اجاوب على التانيه

لا طالب علم مهمل -----------> لا نافية للجنس عاملة ليه

لانه لم يسبق لا النافيه للجنس حرف جر مثل الباء او من

ولا يوجد فاصل بينها وبين اسمها

والاسم ممكن يكون مفرد او مضاف او شبيه بالمضاف

وهى هنا مضاف

والتانيه على ما اعتقد ممكن تكون عشان هى معرفة كدة فلغت شرط انها تكون نكرة
رغم انى مش مقتنعه اصلا انها مهملة وعلى ما اعتقد هى عاملة

ان شاء الله مدرس ييجى يقول الاجابة الصحيحة

[Twilight2011]

انا سألت المدرس

وقاللى ان الإضافة حقيقية ومجازية
الاسم الجامد يكتسب التعريف من الإضافة
أما الاسم المشتق لا يكتسب التعريف من الإضافة انما يكون شبيه بالمضاف

يا ريت يكون الكلام صح !!!!!!!!

[tweetaya]

على فكرة الشيماء مجدى مجاوبة صحوالجملة الاولى يا شيماء ليست عاملة فعلا لانها اسمها معرف باضافى ياء المتكلم ل(قلمى)

[Twilight2011]

المشاركة الأصلية كتبت بواسطة tweetaya

على فكرة الشيماء مجدى مجاوبة صحوالجملة الاولى يا شيماء ليست عاملة فعلا لانها اسمها معرف باضافى ياء المتكلم ل(قلمى)

رغم انى مش مقتنعه اصلا انها مهملة وعلى ما اعتقد هى عاملة


الكلام ده معناه ان في شك عندها اصلاً

[tweetaya]

المشاركة الأصلية كتبت بواسطة samirgomaa

رغم انى مش مقتنعه اصلا انها مهملة وعلى ما اعتقد هى عاملة


الكلام ده معناه ان في شك عندها اصلاً

هى شكة بس انا متأكدة على فكرة اصلا
دة اهيف درس عندنا

[tweetaya]

بص توضيح اكتر لا النافية عشان تكون عاملة لازم 3 شروط:
-اسمها وخبرها نكرتين
-الا ينفصل عنها اسمها
-الا تسبق بحرف جر

لو اختل شرط من اول شرطين :يلغى عمل لا النافية للجنس وتكرر

وهنا( لا قلمي معي ولا كتابي)
فى الجملة دى اتكررت اهه لا........ولا.....
ودة بسبب الغاء عملها ..والغاء عملها دة بسبب ان اسم لا هنا معرف باضافة ياء المتكلم
فهنا اختل كدة اول شرط اللى هو اسمها وخبرها نكرتين..فتصبح لا غير عاملة

يا رب اكون قدرت افيدك

[ادهم زكى]

فى جملة لاطالب علم مهمل اسم لا النافية للجنس (طالب) مضاف لنكرة (علم)
اما فى الجملة الاولى لاقلمى معى ولا كتابى اسم لا النافية للجنس مضاف لياء المتكلم وهى معرفة فيكون اسم لا النافية للجنس
معرفة ايضا فيلغى عملها ويجب تكرارها

[gamal youssef]

لاقلمي معي ولا كتابي الاسم معرف بالإضافة وليس مضافًا إلى نكرة ولعلك تلاحظ الفرق بين
لا قلم حبرٍ معي وبين لا قلمي الحبر معي ولا كتاب النحو مثلا
إذن لابد من الإضافة أن تكون نكرة

[Twilight2011]

المشاركة الأصلية كتبت بواسطة gamal youssef

لاقلمي معي ولا كتابي الاسم معرف بالإضافة وليس مضافًا إلى نكرة ولعلك تلاحظ الفرق بين
لا قلم حبرٍ معي وبين لا قلمي الحبر معي ولا كتاب النحو مثلا
إذن لابد من الإضافة أن تكون نكرة

انا حاسس ان كلامك صح لأني شامم ريحة الصحة بس يا ريت مدرس يأكد الموضوع فين مستر عبدالعزيز الكويس ومستر على العربي والباقى