وقفة مع النفس

[المعلم الحزين]

ان شاء الله خلاص اعتقد ان المدارس سوف تبدأمع بداية الاسبوع القادم وطبعا بنبارك للناس اللي دخلت الترم الثاني وهم معلمون ويعوض علينا ربنا لاننا ببساطه داخلينه واحنا زي ما احنا محلك سر علي الاقل في محافظة المنيا تباطأوتكاسل شديد في تنفيذ الاجراءات ومسئولين عايزين اباده لكن مايعنيني اليوم هو ليس التعيين او التثبيت فهو رززززززق من عند الله وما قُدر يكون وان اللي المكتوب علي الجبين لازم تشوفه العين دي اقدار وملناش طبعا دخل فيها
ولكن ماجأت اليه اليوم هو مع بداية الترم الثاني هل سنتغير كمعلمين او كمعلمين مساعدين مثلما تغيرت مصر بعد 25 يناير هل ستتغير نظرتنا الي التلاميذ والي التعليم والي المنظومه ككل بكل ما كان فيها من تقصير هل سنحاول قبل بدء الحصص المدرسيه وفي اثناءها ان ننصح التلاميذ ونعلمهم بعض القيم الهامه هل سنفهمهم الدور المنوط بالمدرسه وكيفية احترام الكبير وتوقير الصغير هل سنحاول ان نوضح لهم كيفية مراعاة حقوق الجار واحترام الراي والراي الاخر هل هنقدر نستوعب ان المؤسسه المدرسيه هي اهم مؤسسه في الدوله لا يمكن الاستغناء عنها هل هنقدر نفهم في الاول احنا كمدرسين ان النظام الموجود عليه شكل المدرسه هو عبارة منظومه متكامله بتعلمنا اشياء عديده بتعلمنا ان التخته او المقعد عبارة عن مكان يتقاسم فيه التلميذ وزملاءة هذا المقعد وان كل واحد منهم ليه جزء معين يجلس عليه ولا يمكن تخطي الحد عارفين ايه الهدف من حكاية المقعد ده ده ليه ابعاد كبيرة جدا نفسيه بتعلمه انه الانسان لا يمكن انه يجور علي جاره او جيرانه ومش ممكن يتعدي الحد المسموح ليه في الشارع او المسكن وان كل واحد ليه مساحه معينه وان التعدي او محاوله اخذ جزء اخر هو بمثابة الحصول علي اشياء مش من حقه هل هنعلمهم ازاي ميغشوش ازاي يكون فيه تعليم حقيقي ازاي نوصل بيهم الي بر الامان هل الحاجات دي كلها هتتغير
ولا هنفضل زي ما احنا واديها ماشيه لو كل واحد مننا استقطع 10 او 5 دقائق من وقت الحصه يقول فيه كلمتين زي دول ويعلم الاولاد وخصوصا تلاميذه الصغيرين الانتماء وحب البلد ويعلمه عدم الخوف ويعرفه ازاي يقول رايه ويعتز بكرامته بدال مايقهره بالعصا بدال ما يخرج مرضي نفسيين تعالوا نصاحب التلاميذ تعالو نقترب منهم اكثر نشوف مشاكلهم نساعدهم او نحاول نساعدهم في ايجاد حلول صدقوني لو عملنا كده بلدنا هتبقي احسن حتي لو فيه ناس منهم فشلت او اخفقت اعتقد حتي لو خرج منهم ناس مش مكملين تعليمهم او لم يحصلوا علي تعليم جامعي اكيد هنقدر عن طريق تلاميذنا دول نحد من ظاهرة البلطجه اكيد مش هيبقي فيه بلطجيه كتير لاننا هنغرس فيه ضمير يراقب ويعرف فين الصح من الخطأ تعالو ندرس ليهم تاريخ صح لبلادهم مش تاريخ مغلوط يغني ويطبل ويزمر علي الحالي والموجود تعالوا نعلمهم حقوقهم وواجباتهم تجاه الوطن ارجو ان كلنا نفكر كويس واسف لو كنت طولت عليكم

[علي عضاضلي]

كلام رائع .. وتحول 360درجة.. أحييك يا سيد

[المعلم الحزين]

ايه ياجماعه هو انا كاتب كلام قبيح محدش عايز ينفعنا بشاركه عليه العوض في المعلمين

[mohammed ahmed25]

كلامك راااااااااااائع جدا ...بس الاحساس بالظلم اللى الصعيد عايش فيه خلانا محبطين...مش مهم عدد اللى بيرد عليك ..المهم انك وصلت فكرتك وانت مقتنع بيها...وللعلم ممكن تلاقى مشاركات عباره عن اشاعات وتلاقى الكل يهتم بدون تفكير....

[أحمد قلانه]

كلام جميل يا حزين
والوزارة كمان احتمال تقتصر زمن الحصة من ساعة الا ربع لنصف ساعة فقط
وكدا التحول بقا 180 درجة ياعضاضلى

[ريهمسة]

كلالالالالالالالالالالالالام جميل
باااااااااارك الله فيك يامستر سيد
ياارب كل الناس تعمل بالكلام ده

[اييمى]

كلام جميل بجد

ويا ريت كلنا نعمل كده

حلوه الروح الجديده دى

[المريسي]

والله كلام جميل وانا عن نفسي باعمل به

[Miss Ola]

كلام جميا فعلا بارك الله فيك
المهم نلاقى وقت للكلام ده
الحصة بتكفى الدرس بالعافية
بس هنحاول على اد مانقدر

[علي عضاضلي]

المشاركة الأصلية كتبت بواسطة أحمد قلانه

كلام جميل يا حزين
والوزارة كمان احتمال تقتصر زمن الحصة من ساعة الا ربع لنصف ساعة فقط
وكدا التحول بقا 180 درجة ياعضاضلى

سيبك انته .. انته برنس أوي يابو حميييييييييييييد

[المعلم الحزين]

thanks aloooooooooooooooooot

[المعلم الحزين]

ربي اني لا اسالك رد القضاء بل اسالك اللطف فيه

[مديح أبوزيد زيدان]

أسأل الله التوفيق للجميع
ما يلفظ من قول إلا لديه رقيب عتيد

[الاستاذ محمود حميد]

كلام انشاء ليس له علي ارض الواقع اي قبول فكيف تزرع في التلاميذ حب الوطن وحفظ الحدود والحقوق وانت كمعلم لا تجد الا التجاهل من هؤلاء المسئولين
صدقني فاقد الشيء لا يعطية
ظل كما انت تطالب بحقوقك ولا تركن الي كلمات وردية لا تناسب المطحونين امثالنا