فيه ايه يا مايكل ؟ مش ح نسمح لك تخربها

[tareq23]

استفزتنى جدا مداخلة تليفونية اجراها المهندس القبطى مايكل منير مع برنامج الحياة اليوم بالامس ..
ومايكل منير لمن لايعرفه هو رئيس منظمة اسمها " أقباط الولايات المتحدة الأمريكية"
وكان يقيم فى امريكا
ويصدع رؤوسنا طول الوقت بمزاعم عن اضطهاد الأقباط فى مصر،

وسبق لهذه المنظمة ان عقدت مؤتمرا فى هولندا

واقترحوا فيه

• إلغاء القرآن الكريم من المناهج التعليمية،
• وطالب مايكل فى هذا المؤتمر المشبوه -
• شأن كل مؤتمر يذكر فيه اسمه -
• بفصل الدين عن الدولة،
• وإلغاء نصوص القرآن من التعليم،
• وله تاريخ مهبب فى اثارة الفتن

وفى البرنامج الذى اذيع بالامس
كان مايكل يتكلم عن حادثة اطفيح ..
وعن المسيحيين المعتصمين امام مبنى التليفزيون والذين قطعوا طريق المحور وتجمهروا فى منطقة الزرائب بالقرب من ميدان لبنان ..

وكان البرنامج قد اجرى مداخلة تليفونية مع
اللواء سامى الروينى قائد المنطقة المركزية العسكرية ،
وعد فيها الضابط المسئول بحل المشكلة بالشكل الذى يرضى المسيحيين
وتعهد بالاشراف بنفسه على اعادة بناء الكنيسة التى احترقت فى نفس مكانها اذا رغب المسيحيون فى ذلك ..
كان كلامه واضحا ومسئولا ومهذبا وراقيا ..
فإذا باللى اسمه مايكل يعمل مداخلة مع البرنامج ..
ويطلب على الهواء ان يحصل من اللواء سامى على ورقة مكتوبة ومختومة بختم النسر تؤكد هذا الكلام ..
وقال مايكل كلاما مستفزا وتحدث بطريقة فى غاية السخافة ..
مما اضطر اللواء سامى الروينى لعمل مداخلة اخرى مع البرنامج ليكرر فيها وعده بتنفيذ ما قاله وتاكيده بانه قال هذا الكلام فى حضور مجموعة من الاساقفة وان كل هذا الكلام مسجل على شريط فيديو ومنشور فى الصفحة الرابعة من جريدة الاهرام ..
لكن مايكل الذى كان موجودا على التليفون واصل كلامه المستفز .. واستخدم لغة متعجرفة واصر على الحصول على ورقة مكتوبة ..
الذى ازعجنى اكثر ان
مقدم البرنامج شريف عامر بدا وكأنه يطبطب على
مايكل .. يتوسل اليه ليقبل بما قاله اللواء المسئول ..
يكاد يقول له : والمسيح الحى تعالى على نفسك واقبل وخلاص .. لغة شريف كانت تخرج من ثلاجة درجة حرارتها تحت الصفر ..
فى الوقت الذى وصل فيه دمى الى درجة الغليان ..
تمنيت ان ادخل على الهواء فى البرنامج لاقول له :
هو فيه ايه ياد يامايكل ؟
انت مين ياله ؟
يه اللى جايبك هنا دلوقتى ؟
جاى تولعها ؟
وبعدين .. من الذى منحك الحق لان تتكلم باسم المسيحيين ؟
ولا انت مرشح نفسك بابا ولا ايه قصتك بالظبط ؟

ما تحترم نفسك ..
ولو عندك كلمة كويسة قولها ..
ولو ماعندكش واعتقد انك معندكش غور فى داهية وارجع ماطرح ماجيت ..
وبعدين .. انا مش فاهم ،
هى الحرية معناها ان كل واحد مالوش لازمة
يركب اى موجة ويعمل فيها فارس؟
هى الديموقراطية معناها ان اى عيل ملوش لازمة يطلع ييكلم بمنتهى قلة الادب والاستفزاز ومحدش يرد عليه ؟
طيب لو الحكاية كده ..
انا بقى بارد على مايكل منير باسمى وبشخصى ..
واقول له :
لو راجل تعالى ورينى نفسك !

محمد عبد الله

منقول

http://shabab.ahram.org.eg/Inner.asp...y=04&issueid=6

[مستر/ عصام الجاويش]

مايكل منير عاوز طلب واحد وهو ان المسلمين يتركوا الاسلام عشان يرضى عنهم سيادته
ربنا يهديك يا مايكل قولوا آمين يا اخواننا

[Soaad-532]

مصر مسلمين ومسيحيين نسيج واحد لايجب تمزيقه فلا لكل فاسد يريد الفتنة وتدمير البلد

[عاشق البلانكو الابيض]

ربنا يهديناااا جميعاااااا
شكرررا على الخبررر

[حسن علي حسن H]

دا راجل تييت ياجماعة تقبل مروري

[teacher_2]

قال تعالى
((ولن ترضى عنك اليهود ولا النصارى حتى تتبع ملتهم))



خلص الكلام

[الأستاذة ميرفت رياض]

مين قال انك تتكلم عنا مين انت عشان نسمعلك اصلا ياوصولى وانتهازى وانانى
انت احقر من ان تمثل اى فئة
وانا من الاقباط وكتير منة بيكرهوك
وكلامك وضح انك بتدور على مصلحة نفسك
يا امريكانى يا عميل بعتينك تحجز منصب سياسى
برضوة منك للة انت معدوم الضمير يا مايكل

[ahmed eldessoky]

المشاركة الأصلية كتبت بواسطة teacher_2

قال تعالى

((ولن ترضى عنك اليهود ولا النصارى حتى تتبع ملتهم))

خلص الكلام

صح والله
لكن هما ليهم عندنا الأمان و الحماية و كمان مساويين معانا فى حق المواطنة
و طول عمرنا بنعملهم أحسن معاملة
و كانو واقفين معانا فى ميدان التحرير
إيه اللى جرى يعنى؟!

[حازم 93]

مـــــــصــــــر بلدنا كلنا مسلمين ومسيحيين
ومنسمحش لحد من برة انه يتدخل فى شئوننا ويتكلم عننا .. احنا مع بعض حتى لو هنقطع بعض (وده طبعا عمره مايحصل) محدش يتدخل بيننا مادام سايب بلدنا وقاعد براها وعايز يولعها نار يبقى يغور
احنا والله ياجماعه اخوات ونسيج واحد مهما حاولوا يعملوا فتن ومؤامرات بتبقا محدودة جدا وفى منطقة واحدة مش بتوصل لفتنة طائفية ولا حرب اهلية الحمدلله وده اللى غايظ بعض دول العالم اللى بتكرهنا عشان كده تلاقيهم يكبروا كل موضوع صغير .. مثلا طار فى الصعيد بين عيلتين لو عيلة مسلمة وعيلة مسيحية يقولوا دى فتنة ودى بتبقى مشاكل نتيجة قتل مش عشان اختلاف دين ..... وحاجات كتيرة غير كده
وللأسف فى ناس قليلة مننا بتسمح للناس دى تتدخل بينا وتحاول تولع الدنيا

ربنا يحمى بلدنا ويحفظها ان شاء الله ويحفظ ولادها الرجالة اللى دايما بيثبتوا للعالم فى كل وقت انهم احسن شباب ورجالة

[Mr. Ali 1]

مايكل منير لا يمثل الأغلبية ورأيه لا يعنينا ولا يهمنا .
عذراً
الموضوع مغلق لعدم اثارة الجدل وخاصة الأن .