والله العظيم حرام

[redasalah]

والله العظيم حرام علينا اللى بنعملة فى مصر ده
مش واقتة خالص للمظاهرات والاعتصامات اللى الناس عاملنها دى والا الجماعة اللى بتنادى للمظاهرات وخصوصا من المدرسين يا جماعه احنا ناس فاهمين ولازم نكون فاهمين لان احنا ناس مثقفين وفاهمين ان بلدنا بتمر بوقت عصيب ولازم نتكاتف جمب بعض مش كل يوم مظاهرات واعتصامات اللى سكتنا 30 سنة نصبر كمان على اغلاقل سنة ونشوف ولو ماكنش العملية هتتظبط يبقى نطلع تانى وميدان التحرير موجود اللهم بلغت اللهم فاشهد

[علي عضاضلي]

صح الكلام .. بس خلي بالك هيتهموك انك بتتظاهر بالوطنية.. مع انه اللي بتقوله عين العقل

[المعلم الافضل]

والله عندك حق بس مين يفهم
بس خد بالك ان فى ناس هيقولوا انك ضد شباب 25
هههههههههههههههههههه

[احمد حشمت احمد]

معك كل الحق

[mohamed.sebae]

انت كلامك مظبوط احنا لازم نعطى الحكومة فرصة تنفزى

[titooo10]

هام و عاجل لجميع المتعاقدون 3 سنوات-وكيل وزارة التربية والتعليم بسوهاج رافض تثبيت المتعاقدون الذين امضو ثلاث سنوات--بشرط دخولهم الكادر-وبذلك يكون قد خالف قرار الوزير 2/3/2011 بتثبيت المتعاقدون الذين مر على عمله 3 سنوات

[bakkar101]

قرأت اليوم ان وزير الصحة اقر وضع حد ادنى للاجور للاطباء 1200 والمقيم 1500 جنيه والله انا بستغرب حنفضل لإمته أقل من كل الناس هو مين اللى بيطلع الدكتور اللى بينظر لاى حد فينا نظرة فوقية وكأنه خلق اعلى منا مع ان المدرس هو اللى بيخليه دكتور وبيطلع من تحت ايده كل العلماء والوزار ولا حتى الرؤساء كل منهم تتلمذ على يد معلم كفاية سلبية عايزين وقفة ترجعلنا حقوقنا اللى قضا عليها النظام الفاسد حتى يستخرج جيل لا يفقه شئ ولا يفكر فى الخلاص من هذا العهد الفاسد ولكن الحمد لله ربنا اراد وسقط النطام آن الاوان اننا نطالب بحقوقنا ومنضطرش اننا ننزل وندى دروس ونهين نفسنا آن الاوان لتكون لنا وقفة ونعيد احترام كل انسان للمدرس وذلك لن يكون الا عندما نتساوى بغيرنا فى المصالح الاخرى بل من حقنا ان نتقاضى راتب أعلى من أى مصلحة أخرى . اللهم قد بلغت . فهل من مجيب

[man22]

طايل: إضراب عام للمعلمين 15 مارس


أعلن عبد الحفيظ طايل المتحدث الرسمي باسم نقابة المعلمين المستقلة،عن قيام المعلمين بإضراب عام عن العمل داخل المدارس،علي مستوي المحافظات،حتي يتم تحقيق مطالبهم بالكامل، وذلك في 15من مارس القادم.
وأشار"طايل" إلي توحيد اللوائح والقرارات الخاصة بشروط العمل لجميع العاملين في قطاع التعليم ،سواء في مدارس حكومية أو خاصة أو دولية أو أزهرية بغض النظر عن نوعية العمل ، الذي يقوم به المعلمون أو الإداريون أوعمال، مشدداً علي تجريم المدرس قانونياً في حالة إعطائه الدروس الخصوصية.

وقال: هل يعقل وجود فجوة الأجور بين العامل، الذي يتقاضي 85 جنيها شهرياً، وراتب وكيل أول الوزارة الذي يصل إلي 40 ألف جنيه بعد خصم الضرائب، وأن الحد الأدني لرواتب التعليم تبدأ بـ 200 جنيه شهرياً عند التعيين، مستشهداً بعمال المدارس الذي يصل أجورهم ما بين 200 إلي 300جنيه شهرياً بعد بيع الأغذية للطلبة، بالإضافة لتنظيف حمامات المدرسة بـ15جنيهاً تحت مسمي بدل بيت يحسب عليه اليوم بجنيه، في حين مساعد أول وكيل وزارة يأخذ 6 اّلاف ضعف شهرياً تحت مسمي بدل توقيع اجتماعات!!.

وطالب طايل قيادات الجيش، بالتحفظ علي مستندات اللجان النقابية والنقابات الفرعية والنقابة العامة وتسليمها للنيابة العامة، خوفاً من التخلص منها علي يد الفاسدين بنقابة المهن التعليمية علي كافة مستوياتها المختلفة.

وشدد طايل علي سحب الثقة من اللجان النقابية والنقابات سالفة الذكر، وتشكيل لجان تسيير أعمال داخل نقابة المهن التعليمية علي مستوي المحافظات، لتكون مهمتها إدارة أعمال النقابة لحين تعديل القانون الخاص بها،حتي يتم اجراء الانتخابات، مؤكدا أنه تم الاتفاق علي ذلك مع نقابة المعلمين المستقلة ومجموعة صوت اتحاد المعلمين المصريين، ماعدا مجموعة معلمون بلا نقابة المنتمية إلي الإخوان المسلمين