نتكلم بقى فى(( المفيد )) خاص بالمعلم المساعد المعين حديثًا

[أشـرف فتحى]

زملائى الأبطال
وقبل كل شـــىء
توكلنا على اللــــه

تاريخ التعيين طبعًا زى ما عرفنا 1/3/2011
ولكن
مش هاتكلم عن سنوات العمل بالأجر
لازم
ولابد
وحتمــــًا
إضافة سنوات العمل بــالعقد (( العادى أو الممييز ))
إلى الدرجـــــة المالية كحد أدنى (( 3سنوات)) وحد أقصى (( 7 سنوات ))
وإضافة العلاوات الدورية على مربوط الدرجة الثالثة وحاجات زى كده
عشان السنين اللى فاتت مترحش أونطة
والدليل التأمينات والمعاشات والنقابة وصندوق الزمالة و.... و.....إلخ
اللى كانت بتتخصم من مرتباتنا

وطبعًا كل واحد فينا فاكر تاريخ أول تعاقد
يعنى أنا مثلاً 1/10/2005

الأجـــر كان سنة 2003 (( سيبنا منه ))

[كتائب الشهداء]

ده حقنا ولازم نطالب به

[vip_ame]

طبعا

بس نشوف الاول قانونية الكلام ده

او ازاى نطالب بيه من خلال القانون

[almoslema]

هل فى الميرية هيرضوا ولا هنروح على الفاضى

[المحب لرسول الله 2]

فعلا معاك حق ..

انا اول عقد ليا كان بتاريخ 15/12/2006 في بني سويف

وكمان بالنسبالي كنت شغال في مدرسه خاصه لمدة سنتين مثلا

وكان متأمن عليا وكل حاجه .. كمان السنتين دول هيروحو ؟؟

[magedmak88888888]

انا قبل العقد اشتغلت بالحصة 5 سنين
كانوا بيخصموا تامينات ومعاشات كانت الحصة 110 قرش كنا بناخدها 85 قرش فاكرين؟
مش المفروض السنين دة تضم ولا لا؟

[نهر المعرفة]

ده حقنا ولازم نطالب به................................................

[almoslema]

معنىكده هتروحوا المديرية بكرة

[ghostmax]

صفوت النحاس قال انها سوف يضم 5 سنوات كا حد اقصى للتعين من اول العمل ويارب

[tatateto]

انا زيك تاريخ العقد 1/10/2005

[nor123456]

ده حقنا ولازم نطالب به................................................

[المحب لرسول الله 2]

المشاركة الأصلية كتبت بواسطة almoslema

معنىكده هتروحوا المديرية بكرة

مديريه تاااااااااااني ....!!

طيب خلوها المحافظه عشان المحافظ يخلّص قرار التعيين وكمان يصرف الشهر اليتيم

هههههههه

[almoslema]

صفوت النحاس قال انها سوف يضم 5 سنوات كا حد اقصى للتعين من اول العمل ويارب

عايزين توضيح اكثر . يعنى اللى ليه سنه مش هتضاف؟؟

[almoslema]

مديريه تاااااااااااني ....!!

طيب خلوها المحافظه عشان المحافظ يخلّص قرار التعيين وكمان يصرف الشهر اليتيم

معنى كدة ممكن نروح و محدش يعملنا حاجة

[soma elsaied]

أنا دفعة 2007واشتغلت 1/1/2008 بعفد عادى وبعد ذلك حصلت على العقد المميز 1/7/2008 لان تقديرى كان امتياز مع مرتبة الشرف ومكتوب فى صحيفة الاحوال الالكترونية تاريخ العقد المميز اللى هو 1/7/2008 فهل سوف يتم احتساب مدة العقد العادى ولا لا وهل كدة يبقى انا بقالى 3سنوات ولا هاانتظر لشهر 7
ارجو الافادة