لا للاضراب لا للاعتصام نعم للعمل نعم للاستقرار نعم للانتاج

[تامر محمود مراد]

تمر مصر خلال هذه الايام بمرحله دقيقه ومعقده للغايه فيجب منا نحن ابناء هذا الوطن ان نعمل بكل جهد ونشاط ونرفض دعوات المغرضين والانتهازيين الذين يدعون الي الاضراب والاعتصام لكي نحصل علي حقوقنا فهذا الوقت وقت عمل لا وقت اعتصام واضراب دلوقتي المدرسين بيعملوا اضراب علشان عايزين حقوقهم اللي طيب انا معاك ممكن تقولي حضرتك لما موظفي وعاملي شركات المياه والكهرباء والمطاحن والمستشفيات واقسام الشرطة وجنود الجيش يضربوا عن العمل ماذا ستكون النتيجة ستكون كارثه حقيقية وساعتها مش هنلاقي كوب ماء ولا رغيف خبز وسيختفي الامن
هل هذا هو المطلوب ارحموا مصر مصر لا تستحق كل هذا يجب ان نكون نحن المعلمون قدوة حسنه لباقي افراد المجتمع فنذهب الي مدراسنا ونوضح للناس خطورة الاضراب والاعتصام في هذا الوقت ونحثهم علي العودة الي اعمالهم ومصانعهم حتي تدور عجله الانتاج فلن نحصل علي حقوقنا و نحن لا نعمل وندمر اقتصادنا فكل من يدعو الي الاضراب والاعتصام هم بقايا النظام البائد ليخلقوا في مصر فوضي ويجعلوا الناس تقول كانت ايامهم افضل وهذا ما يسمي بالثورة المضاده فيجب انا نعاهد انفسنا علي بذل الجهد لكي تتقدم مصر وتزدهر وساعتها سيحصل كل فرد في البلد علي حقوقه من غير ان يطالب بها فلسنما اقل ممن ضحوا بانفسهم لكي نعي في حريه وديمقراطيه ونقضي علي الفساد افيقوا قبل ضياع مصر افيقوا يرحمكم الله

[soha_teacher]

فعلا كفاية اعتصامات بقى انا زهقت بصراحة ياريت كل واحد يفكر فى حال البلد شوية ونشوف طريقة تانية ناخد بيها حقنا ممكن نعمل مثلا ورق بالمطالب ويمضى علية كل واحد مع المطالب دية او نعمل صفحات على الفيس بوك يعنى نوصل صوتنا بطريقة تانية

[تامر محمود مراد]

هذا وقت مشرفي المنتدي للتصدي لدعاة الاعتصام والاضراب والفوضي بحظرهم وحذف الموضوعات التي تشجع علي ذلك

[تامر محمود مراد]

افيقوا قبل ضياع كل شيء افيقوا قبل ان ياتي وقت لا ينفع فيه الندم

[مستر واى]

هو احنى بنعمل اعتصمام فرحانيين بيه احنا عاوزيين حقننا وده شيئ مبيخربشى البلد وبطل كلام كتيير
هو احنا هنوقف انتاج مصنع ولا شركة احنا وزارة غير منتجة انتجنا هو عقول البشر لو مش مسترحيين اجتماعيا واقتصاديا مش هنطور فى البلد دى

[مستر واى]

هو ده المنتدى الى كان بيحارب الثورة وكمان بيحارب حقوق المدرسين هو انتم بقايا الحزب الوطنى

[تامر محمود مراد]

انا شاركت في الثورة ورحت ميدان التحرير يعني مش من بقايا الحزب الوطني وعمري ما انتخبت عضو في الحزب الوطني لما المدرس يعمل اضراب اكيد كل باقي افراد الشعب هيقلدوه تقدر تقولي ايه اللي هيحصل لو كله اضرب عن العمل هتحصل كارثة مش المدرس بس هو اللي مظلوم وله مطالب قطاعات عريضه في الدوله مظلومة ولخا مطالب بس لو الكل طالب بحقه في وقت واحد هتحصل كارثه لازم نكون قدوة لباقي افراد مجتمع وندعو للعمل والانتاج

[تامر محمود مراد]

الناس اللي بتدعوا للاعتصام تقدر تقولولي هتعمل ايه لو صحيت الصبح لقيت اصحاب المخابز ومحطات المياه والكهرباء اضربوا عن العمل يا تري هتساندهم في حقوقهم ولا هتعترض زي ما المدرس حقوقه ضائعه ناس كتيرة حقوقها ضايعه ولو كل واحد هياخد حقه بالدراع قول علي البلد يا رحمن يا رحيم وانبسط لما تاخد حقك وتعيش في غابه

[مستر واى]

الدولة تعطى ليهم حقوق الى ما تعرفهوش انه رئيس الأكاديمية بيتقاضى مرتب 75 الف جنيه واحنا 360 جنيه على ايه
والدكتور وزير المالية لما قال يتم عمل حد اقصى للأجو ر وحد ادنى يتم توفير 10 مليار سنويا
وتانى حاجة فين الحق بالدراع كل المصالح الحكومية اثثبتت الا المدرسسن ومرتبهم 360 لو اثبتوا معظمهم هيفظوا وظيفتهم وهيسافروا للخارج علشان مرتباتهم ضعيفة يبقى لازم الحكومة تزود المرتبات والمرتب ده ميجيش ايجار شقه انت يببص لنفسك مش شايف غيرك

[تامر محمود مراد]

اه بناخد حقنا بالدراع قبل 25 يناير كنت تقدر تدعو للاعتصام والاضراب رد بصدق ثانيا كل من له حق وليس له حق بيطالب
المرله صعبه انا عارف اننا لينا مطالب ان مش بنكر بس بعد استقرار الاوضاع مش دلوقتي انا عايز الناس ترجع اعمالها ةتشتغل ممكمن اسالك سؤال تاني لو مكنش الثورة حصلت كان حد هيعمل اعتصامات ويشارك في مظاهرات

[سمسم طه]

المشاركة الأصلية كتبت بواسطة تامر محمود مراد

الناس اللي بتدعوا للاعتصام تقدر تقولولي هتعمل ايه لو صحيت الصبح لقيت اصحاب المخابز ومحطات المياه والكهرباء اضربوا عن العمل يا تري هتساندهم في حقوقهم ولا هتعترض زي ما المدرس حقوقه ضائعه ناس كتيرة حقوقها ضايعه ولو كل واحد هياخد حقه بالدراع قول علي البلد يا رحمن يا رحيم وانبسط لما تاخد حقك وتعيش في غابه

يارحمن يارحيييييييييييييييييييييييييييييم
ربناااااااااااااااااااااااااا يستر

[سمسم طه]

المشاركة الأصلية كتبت بواسطة تامر محمود مراد

اه بناخد حقنا بالدراع قبل 25 يناير كنت تقدر تدعو للاعتصام والاضراب رد بصدق ثانيا كل من له حق وليس له حق بيطالب
المرله صعبه انا عارف اننا لينا مطالب ان مش بنكر بس بعد استقرار الاوضاع مش دلوقتي انا عايز الناس ترجع اعمالها ةتشتغل ممكمن اسالك سؤال تاني لو مكنش الثورة حصلت كان حد هيعمل اعتصامات ويشارك في مظاهرات

ولا كان اى حد هيتكلم وكنا هنصبر كمان 30 سنة

[miss_emy]

يا جمااااعه كفايه اعتصامات واضرابات بجد بلدنا بتضييييييييييييع

[مستر واى]

يا حبيبى الحمد لله كان فيه اعتصام للمدرسين 30 يناير ولكن جاءت الثورة المباركة قلنا المصلحة العامة مقدمة على المصلحة الخاصة وارجع على الفيس بوك معلمون معتصمون والحمد لله كنا فى المظاهرة 25 يناير والحمد لله
المهم انت ليك وجة نظر وانا لى وجه نظر
نفس الكلام كان بيقال عل الثورة المباكة مفيش امن هنجوع لو مبارك مشى البلد هتموت وووووووووووووو
المهم فيه ناس كتييير بتكلم وخلاص لو اقنعتها بالحق لا تشارك ايضا المهم حيلتها الكلام والمجادلة بس
حتى لو اظهرت لها الحق متفرجييين فقط وناقدييين فقط
فلا تفرض رايك على احد ولا تنكر على احد واحنا بنحب البلد دى زيك واكتر
علشان نفس الكلام بيكرر اثناء الثورة بحجة بنحب البلد ده وعلى هذا الموقع
ولكن

[بدر البدور وائل]

كفايه حرام البلد بتضيع ارجوا غلق هذا المنتدى المثير امن الوطن اهم احنا مش حزبين ولا مسيسين احنا مصريين والانتخابات هتثبت للجميع اننا مش حزب وطنى ولا اخوان ولا جماعات كفايه مصر مش ميدان التحرير