السلم أوراق التقدم لامتحان الكادر 25/3/2011 أدخل ضرورى

[eshak2009]

تحيه طيبه لكل الاخوه والاخوات بالمنتدى الفاضل

حقيقه بين الروتين وعدم المعرفه أصبح التخبط هو السائد وكل واحد برأى

لتوضيح الموضوع ( التقدم لامتحان الكادر 25/3/2011 )

وأكيد فى كل القرارت بس يريد نركز فى دى حاليا

الرجاء من قام بتسليم الملف الخاص به الى أدارة الاحصاء او الى اى جهة مثل الاكاديميه

يذكر لنا مفردات الملف وبالتوضيح ويريد محدش يبخل علينا بالرد لو سمحتوا لانى بجد بقالى خمس ايام بعمل ورق وارجع اعيدوا

اسمحولى احط بعض النقط عشان استفيد من حضرتكم فيها

أولا : هل اوراق الاخصائى المساعد تختلف عن المعلم المساعد

ثانيا : هل نعمل تقييم جديد والا نستعمل التقرير القديم بتاع السنه الفاتت والا الاتنين سواء

ثالثا : هل يذكر التخصص اومادة التدريس للاخصائين فى صحيقة الحاله واذا لم تذكر ما هو البديل

رابعا : يريد نذكر كل المستندات والاوراق المطلوبه لانهم بيقولوا عايزين الفيش والتشبيه وهو مش ضمن الاربع طلبات

الرجاء من سلم ملفه أو عندو تساول يحطوا بالموضوع عشان نقدر نستفيد جميعا وفى النهايه بشكركم

[مصري13]

والله الواحد زهق رحت اعمل الصحيفة الالكترونية بيها اخطاء كتير وطوابير

والموجه مش لاقيه ياتري محتاجين ختم توجيه ؟؟

وانا حاصل علي دبلومة اقدمها مع الورق ولا ايه حد يدلني ياجدعان؟؟

[eshak2009]

مصرى ياغالى اسم فى الوجود

لادعى للياس باذن ربنا ....ابطال المنتدى.... هيوضحوا الرؤيا لينا

[hob7a]

طبعا شهادة الدبلوم الصل هيتسلم مع اوراقك
هو شهادة اصل المؤهل بتاعتك وبقى التقرير

[مصري13]

المشاركة الأصلية كتبت بواسطة hob7a

طبعا شهادة الدبلوم الصل هيتسلم مع اوراقك
هو شهادة اصل المؤهل بتاعتك وبقى التقرير

متاكد من ده ربنا يستر يارب العالمين انصر المعلمين الحلوين

[محمد يوسف مرسي]

بالنسبة للمتقدمين لامتحان الكادر القادم اللي هما اخدوا عقد قبل 30/10/2009 طيب المجموعة اللي استلمت في 9/3/2010 هل سيدخلوا الامتحان القادم مع العلم أن هذه المجموعة كانت ملحق لمجموعة 2009 وكانت تظلمات ولم يستلموا الا في 2010 ياريت اللي يعرف حاجة يوضح لنا وجزاكم الله خيرا

[eshak2009]

هل يعقل ان محدش سلم الملف الخاصه باوراق التقديم لامتحان الكادر على مستوى الجمهوريه والمنتدى ؟؟؟

[saidsokar]

بص يا غالى انا سلمت اوراقى كاملة الى قسم الاحصاء وعلى فكرة الغالب والمعروف ان مافيش حد فاهم حاجة ولكن اطمنك مكونات الاوراق كالتالى
1- جواب الترشيح من مدير المدرسة ودا جواب قديم نفس الصيغة بتاعت الناس اللى قدموا للاكاديمية زمان
2- تقرير الكفاية من المدير ودا مكون من ورقتين وهما موجدين على موقع الوزارة وجاهزين على الطباعة
3- تقرير الكفاية من الموجه وهو عبارة عن ورقة معلومات عنك وعن المدرسة و ورقة خاصة بالتقييم النهائى وهى حصر لاربع شهور تقييم بيكتبهم الموجه فوق بتواريخ زيارته للمدرسة ولكن لابد ان يكون تاريخ اخر تقييم قبل 6/2010 يعنى تاريخين فى 2009 وتاريخين فى 2010 وبكده يكون تقييم سنة دراسية كاملة و ورقة تصورها انت اربع صور وكل تاريخ زيارة مكتوب فى التقرير النهائى تفرده انت فى ورقة منهم
4- صحيفة الحالة الالكترونية ودى طبعا بتحصل عليها بدخولك بكلمة السر والكود والرقم القومى وتمضى رئيس قسم الحصاء ويختم ثم الادارة التعليمية وختم النسر ودى اهم ورقة على ما اعتقد
بالنسبة لصحيفة احوال الاخصائيين للاسف مش مكتوب فيها مادة التدريس ودى مش غلطة الحصاء ولا الادارة ولكن غلطة الاكاديمية اللى ما عمملتش لنا خانة غير مادة التدريس ولكن من المهم جدا جدا ان موظف الدارة مايكتبش عليها اى كلام غير الامضاء لانها والله اعلم تكون لاغية واتمنى من الله ان اكون قد افدتك

[eshak2009]

استاذ سيد شكرا ليك على ردك واهتمامك

لك جزيل الشكر

بصرحه انت وضحت الرؤيه كلها قدمنا

[soma elsaied]

أنا دفعة 2007واشتغلت 1/1/2008 بعفد عادى وبعد ذلك حصلت على العقد المميز 1/7/2008 لان تقديرى كان امتياز مع مرتبة الشرف ومكتوب فى صحيفة الاحوال الالكترونية تاريخ العقد المميز اللى هو 1/7/2008 فهل سوف يتم احتساب مدة العقد العادى ولا لا وهل كدة يبقى انا بقالى 3سنوات ولا هاانتظر لشهر 7
ارجو الافادة

[eshak2009]

أستاذه سومه

ممكن تركزى حاليا فى اختبار الكادر واعتقد باذن ربنا هيتم التعيين بعد النجاح

أما بالنسبه لموضوع التلاث سنين حضرت مميز سنه 2008 بصرف النظر عن الشهر كده بتحسب الثلاث السنين وحضرتك مكمله الشرط ده ( الكلام ده من رئيس الاداره مش من عندى )

تمانيتى ليكى بالتوفيق والنجاح اختى