ازاى نطبق العدل يامعلمين !!!!!!!!!!!!

[mmagdy_81]

السلام عليكم ورحمه الله وبركاته
استحلفكم بالله ان تقروا الموضوع للنهايه
فى البدايه احب ان اقدم التهنئه لكل من تم تعينهم ومن ينتظره التعيين سواء امتحن او فى انتظار الامتحان نحن طالبنا بالتعيين وتحقق .نحن طالنا بالمساوه بين كل المتعاقدين فى التعيين والحمد لله الهدف يتحقق .
هذا جزء من العدل وليس كل العدل يامعلمين , هل من العدل ان يتساوى خريج 2002 او 2001 او 98 بخريج 2006 و2005 و2007 و2008 مع كل الاحترام ليهم وشخصهم كمعلمين؟

,الوزير اعلنها صريحه كلنا هنبقى واحد يعنى كله ان شاء الله هيعين وده حق اصيل لكل معلم ليس من حقى ان اصادر على هذا الحق واحرمه منه ولكن كيف يروق لنا البال وكل هذه الناس توضع فى سله واحده.

ياجماعه لو كان التكليف مستمر حتى الان ماذا سوف يحدث؟ كان كل معلم اخد حقه بما يرضى الله وده الحق بعينه بمعنى اخر ان الخطوه التاليه بعد التعيين هو تثبيت او ضم المده السابقه من سنه التخرج لكل متعاقد وده حقه( الوزاره مش بتجبى علينا) انما من اصول تحقيق العداله ارجاع الحقوق الى اصحابها يااخوانى ,لانريدها ماديه حتى لايقول بعضنا اننا نستغل ظروف البلد رغم ان ده حقنا انما على الاقل تكون درجات تضاف الى المعاش وبذلك لايمكن ان يتساوى الكل لان ده حقنا حررررررررررررررررررررام اكون انا خريج وشغال من 2002 وزميلى شغال من 2006لا ونبقى واحد لالالا حرام ربنا ميرضاش بالظلم نحن لانتهكم على احد كل واحد اخد حقه وكل الناس هتتعين من الان وحتى شهر 7 هيكون باذن الله الكل معين ومرتاح نفسيا حتى الحصه والمكافاه هيتعينوا على معلم مساعد وهيثبتوا ان شاء الله لكن نفسيا الكل هيبقى تعبان ده سنين ضاعت من العمر ومش بمزاجنا. ارجوكم ساعدونى وساعدوا انفسكم من اجل المطالبه بهذا الحق الاصيل .
الرجاء الدعاء الى شهداء ثوره 25 اصحاب الفضل الاول والاخير بعد الله سبحانه وتعالى فى تحريك المياه الراكده وفيما وصلنا له الان وما سوف نصل البه فى المستقبل من خير باذن الله اسف على الاطاله
والسلام عليكم ورحمه الله وبركاته

[mmagdy_81]

واضح انى فشلت فى توصيل وجهه نظرى لاعضاء المنتدى

[amiraahmedhasen]

لا ما فشلتش ولا شيء وده اقل حق لينا لان احنا عانينا في التعاقد من الموضوع ده انا خريجه 2000 ومن يومها باشتغل وما انقطعتش ولا يوم عن العمل ومعانا زميلات لينا اتعاقدوا معانا في نفس الوقت وهما خريجين 2006 و2007 وكانت قمه الاحباط لينا بصراحه احنا كمان ناويين نرفع قضيه لضم المده بس يدوينا جوابات التعيين الاول

[mmagdy_81]

المشاركة الأصلية كتبت بواسطة amiraahmedhasen

لا ما فشلتش ولا شيء وده اقل حق لينا لان احنا عانينا في التعاقد من الموضوع ده انا خريجه 2000 ومن يومها باشتغل وما انقطعتش ولا يوم عن العمل ومعانا زميلات لينا اتعاقدوا معانا في نفس الوقت وهما خريجين 2006 و2007 وكانت قمه الاحباط لينا بصراحه احنا كمان ناويين نرفع قضيه لضم المده بس يدوينا جوابات التعيين الاول

الف شكرا على مشاركتك وبجد مش هيحس بينا غير اللى زينا وانا اوعدك اننا مجرد نستلم جوابات التعيين مش هنسكت والمفروض زى ما وقفنا مع الخرجين الجدد حتى ياخدوا حقهم المفروض يقفوا معانا علشان ناخد حقنا احنا كمان, ده التكامل اللى المفروض يكون بين الزملاء وده ما يزعلش حد.
ومش هنطالب بحقنا من سنه ما شتغلنا (لا )حقنا من سنه التخرج اللى المفروض كان يوصل فيها جواب التعيين لينا زى كل الناس

[mmagdy_81]

هذا جزء من العدل وليس كل العدل يامعلمين , هل من العدل ان يتساوى خريج 2002 او 2001 او 98 بخريج 2006 و2005 و2007 و2008 مع كل الاحترام ليهم وشخصهم كمعلمين؟