اللى بيحصل ده تهريج.... ثبت يا مشرف علشان حقوق خريجى تربية

[زياد الشلقامى]

رحت الادارة النهاردة وجدت تقديم لتعيينات جديدة قلت حلو الحمد لله لكن صدمنى موقف زعلنى بجد واحدة خريجة كلية تربية جاية تقدم قالوا ليها اسفين التعينات الجديدة للى سبق عمله بالحصة وخدت ورقها الولية ومشيت حزينة وبعديها بشوية جات واحدة خريجة اداب اجتماع جايبة جواب انها قال ايه اشتغلت بالحصة سنة ايه قال 2002لمدة شهرين بالترم الاول وراحوا واخدين ورقها
طب بالذمة ده كلام يرضى ربنا
خريجى تربية المفروض ما يسكتوش على الكلام ده ويبلغوا صوتهم للوزير ويقولوا ان تعيينات الحصة كانت وسايط
الغريب انه هناك مظاهرارت حاليا للعاملين بالحصة تطالب بالتعيين والوزير مش عارف الحكاية من اولها لاخرها وسمح للمديرييات بتلقى طلبات تعيينهم وما حددش شروط يعنى مثال الاخت دى اللى اشتغلت شهرين مفيش غيرهم ومن امتى من اكتر من 9 سنين وجاية دلوقتى وليها اولولية
الحكم للاعضاء

[soha_teacher]

انا اول ما نزل قانون الكادر وانا اعترضت على الموضوع دة المفروض يعملوا مسابقة لعقد المعلم المساعد ويلغوا شرط العمل بالحصة لأن كلها وسائط

[Mark 2011]

ياريت الشرط ده يتلغى لان فيه ناس ممكن تكون ما اشتغلتش بالحصة و تطلع جواب مزور انها اشتغلت

[زياد الشلقامى]

صح ولا لا...................

[mahmmoud_sakr]

من مشكلات العمل بالحصه ليس له حقوق أو ما يثبت أنه عمل بالحصه
وما يثبت عملوا ورقه وقد تكون مزوره
العمل بالحصه أهانه للمعلم وياريت يلغى

[drfayoum2010]

والله العظيم اللي بيحصل ده تهريج
في الأول اعتصم المعلمون المساعدون الذين لم ترد أسمائهم في كشوف التعيينات او لم تصلهم التهنئة على موقع الأكاديمية وهذا حقهم مليون المية والكل كان معاهم وفيه ناس كتييييييييير جدا كان اسمها موجود في التعيينات وقفت مع زملائهم
ولكن
شوفو اللي حصل واحكموا بنفسكم
بداية انضم إلى المعلمين المساعدين بعض المعلمون بالحصة وطالبو بالتعيين بدون شروط وهذا لم ولن يحدث بل هو مجرد تضييع للوقت وتعطيل الفئة المستحقة للتعيين
ثانيا دخل على المظاهرات مطالب شخصية ، وكل واحد عنده مظلمه شخصية ياخد الميكرفون ويتكلم في السماعات على الملأ ، ما هي فرصة طبعا لن تعوض
مثلا واحد بيقول انا عايز ألغي المصاريف الدراسية علشان مش عارف ادفع مصاريف ولادي واليوم كنت بشحت أمام المسجد عشان اكمل المصاريف
وواحد تاني اتكلم وبيقول انا اتنقلت غصب عني من المدرسة لمدرسة تاني ولازم تقفو جنبي لأنه حاول يكلم وكيل الوزراة ولكن دون جدوى

طبعا مع احترامي وتقديري لكل من له مظلمه شخصية بس بالله عليكم ينفع الكلام ده
لازم المعلمين المساعدين المستحقين للتعيين يفوقوا شوية والناس تفكر بموضوعية

[هشام ابوحسين]

المفروض بتاع التربية يعين دون قيد اوشرط يكفي انه تربوي فعشا ن لم اعمل بالحصة يبقي حقي ضاع لا دي حرام شرعا وقانونا
بتاع تربية دخل الكلية عشان يبقى مدرس
تربيه اولا ثم باقي المؤهلات

[السيد عبده محمد]

كلامك صحيح المفروض التكليف يرجع لكليات تربية أو يلغوها مدام مش عايزين خرجيها

[زياد الشلقامى]

والله بجدانا مش بقلل من شأن حد بس بجد حرام نظلم ناس على حق

[fatema2004]

طبعا حضرتك معك حق
خريج تربية المجال أمامه للتدريس فقط
أما الآداب والغات والترجمة فالمجال مفتوح
والتزوير للحصة وللخبرة مفتووووووووووح

[Mark 2011]

ياريت اسثتناء الاخصائى الاختماعي و اخصائى المكتبات من التقييد بشرط الدبلومة لان تخصصاتهم عير موجودة بكليات التربية كما ان طبيعة عملهم لا تحتاج الي تاهيل تربوى

[مروه احمد عبد الرحمن]

يعنى هو احنا مش لينا الحق فى التثبيت ولا على شان انت امتحنت كادر واثبت يبقى خلاص احنا مظلومين بجد لما يبقى عد المدرسين الاساسين فى ادارة ابوكبير لمادة الحاسب الالى 20 دا اذا مكنش اقل وانا تخصص تربية نوعية وذلونا شغل بالحصة من اول ما اتخرجت 2006 ولما اتعاقدنا 2009 قالو استنو بقا الشروط دا يرضى مين ده

[ابو الفاروق]

المشاركة الأصلية كتبت بواسطة هشام ابوحسين

المفروض بتاع التربية يعين دون قيد اوشرط يكفي انه تربوي فعشا ن لم اعمل بالحصة يبقي حقي ضاع لا دي حرام شرعا وقانونا
بتاع تربية دخل الكلية عشان يبقى مدرس
تربيه اولا ثم باقي المؤهلات

طيب افرض انك خريج تربية لكنك تخرجت ومكثت فى بيتك لحين التعيين
وزميل اخر غيرك خريج كلية الاداب وتخرج وسعى للعمل بالحصة لاكثر من سنة


هل ستكون الاولوية لك ام لة .؟

[ابن الأكرمين]

المشاركة الأصلية كتبت بواسطة ابو الفاروق

طيب افرض انك خريج تربية لكنك تخرجت ومكثت فى بيتك لحين التعيين
وزميل اخر غيرك خريج كلية الاداب وتخرج وسعى للعمل بالحصة لاكثر من سنة


هل ستكون الاولوية لك ام لة .؟

أرزاق مقسمة في علم الله أزلاً
ربنا يوفق جميع أخوانا وأخواتنا

[احمد حشمت احمد]

معك كل الحق كلامك مظبوط يا استاذ زياد