بنى سويف : إلـــغـــاء قـــرار الــتــعــيــيــن !!!!!

[أحـمد قرنى]

قرر محافظ بنى سويف عدم اعتماد الكشوف الخاصة بالمعلمين المساعدين لتعيينهم على وظيفة معلم ، تلك الكشوف التى ارسلتها الوزارة واعتقد أن عدد هؤلاء المعلمون يقدر ب 2600 ملعم كمرحلة أولى .

كان سبب عدم اعتماد هذه الكشوف تظاهر اكثر من 1600 معلم تنطبق عليهم الشروط ولم يدرج اسمائهم ضمن المرحلة الاولى . وأكدت الوزارة بأن اسمائهم سوف تدرج فى المرحلة الثانية .

أدى هذا القرار إلى غضب رهيب لدى المعلمين المساعدين وأكدوا بعدم ذهابهم للمدارس مما جعل المسئولين يتخذوا قرارهم بتأجيل الدراسة . ولكن الى متى سيتم التأجيل .

حسبى الله ونعم الوكيل

[eslamkobessy]

أخي العزيز مش ألغاء إنما أرجاء الاعتماد

[بنت كايرو]

مصدرك ايه ؟

[البروفيسير ابو اياد]

حسبي الله ونعم الوكيل

[احمد الكوامي]

علي فكرة الاسماء الاخرى بعد اسبوع

[soha_teacher]

هو احنا مكتوب علينا الغباء ولا اية حتى المحافظ كمان يطلع غبى للدرجة دية وبعدان ما المشكلة دية حصلت فى محافظات كتير اشمعنا عندنا اللى بنفتى ما يعين دول والتانين هيتعينوا بردة لو ليهم حق عن طريق الوزارة
ولو انى بردة مش داخل دماغى انة يعمل كدة يمكن مستنى بس الناس تهدى

[drfayoum2010]

المشاركة الأصلية كتبت بواسطة بنت كايرو

مصدرك ايه ؟

هو حضرتك مش متباعة المنتدى ، بني سويف عاملة اضرابات واعتصامات من يوم الأربعاء والخميس واستمرت لليوم مع التوعد باستمرارها حتى تنفيذ المطالب ، وعموما قرار تأجيل التعيينات حتى غدا وذلك لعقد مؤتمر في الأكاديمية المهنية للمعلمين في المركز الرئيسي بالقاهرة يحضره وزير التعليم لبحث حل لهذه الأزمة

[drfayoum2010]

المشاركة الأصلية كتبت بواسطة soha_teacher

هو احنا مكتوب علينا الغباء ولا اية حتى المحافظ كمان يطلع غبى للدرجة دية وبعدان ما المشكلة دية حصلت فى محافظات كتير اشمعنا عندنا اللى بنفتى ما يعين دول والتانين هيتعينوا بردة لو ليهم حق عن طريق الوزارة
ولو انى بردة مش داخل دماغى انة يعمل كدة يمكن مستنى بس الناس تهدى

المشكلة إن المدرسين عاملين اعتصام وبيطالبو فيه بتعيين الكل مرة واحده وليس على مراحل ، والمدرسين مانعين موظفي مديرية التربية والتعليم من الدخول

[أحـمد قرنى]

المشاركة الأصلية كتبت بواسطة eslamkobessy

أخي العزيز مش ألغاء إنما أرجاء الاعتماد

حضرتك أنا وضحت داخل الموضوع عدم اعتماد الكشوفات لحين وصول كشوف بجميع الاسماء

[أحـمد قرنى]

المشاركة الأصلية كتبت بواسطة بنت كايرو

مصدرك ايه ؟

مصدرى هو ان حضرتك تذهبى للمحافظة وتشوفى الوضع بعينك أمام مديرية التربية والتعليم

ويكفى عدم اعتماد الكشوف لوقتنا هذا بالرغم من وصولها المديرية من يوم الاثنين

[مروة المصرية]

حسبى الله ونعم الوكيل

وبعدين المعلمين اللى مش مكملين ورقهم عايزين يتعينوا بدون تعب

والله احنا شوفنا المرار لحد ما صدر هذا القرار وعايزين هما يتعينوا على الجاهز

[soha_teacher]

فعلا على فكرة المديرية شغلها متعطل
امال اية موضوع ان كان فى كشوف جاية مش ممضية او مختومة وهتروح الاكاديمية وترجع؟ يعنى هو مستنى الاسماء اللى نزلت وجالها التهنئة فعلا تكمل ولا مستنى الاسماء اللى استوفيت ومجاش اسمها ولا جالها تهنئة ولا مستنى اية بالظبط

[drfayoum2010]

المشاركة الأصلية كتبت بواسطة soha_teacher

فعلا على فكرة المديرية شغلها متعطل
امال اية موضوع ان كان فى كشوف جاية مش ممضية او مختومة وهتروح الاكاديمية وترجع؟ يعنى هو مستنى الاسماء اللى نزلت وجالها التهنئة فعلا تكمل ولا مستنى الاسماء اللى استوفيت ومجاش اسمها ولا جالها تهنئة ولا مستنى اية بالظبط

موضوع ان الكشوف مش ممضيه دي كانت حجه عشان محدش يشوف الكشوف لأنه فيه اكتر من 1600 معلم مساعد يستحقون التعيين ولم ترد أسمائهم
أما لسؤال حضرتك هو مستني ايه بالظبط فهذا ما سنعلمه غدا بإذن الله بعد انتهاء المؤتمر الذي سيعقد في المركز الرئيسي للأكاديمية لدراسة الموقف ووضع حل للأزمة

[بنت كايرو]

انا اسفة لو كنت زعلت حد او ابديت لا مبالاة

و الله انا متابعة ممتازة للمنتدى و كل اخبار اى محافظة برضه متبعاها لاننا كلنا زمايل و اخوات و فى الهم سوا

انا سألت بس لانى ما وجدتش خبر الغاء القرار فى اى جريدة

و اسفة كمان مرة و ربنا معاكم

[Miss Ola]

بصراحة المساواة فى الظلم عدل
محدش احسن من حد يبقى كل اللى استوفو الشروط يتعينو مع بعض