هام : تظاهر المدرسين المتعاقدين ببني سويف

[drfayoum2010]

احتشد اليوم عدد كبير من المدرسين المتعاقدين بمحافظة بني سويف أمام مديرية التربية والتعليم مرددين شعارات تنادي بالتثبيت الفوري لكل المتعاقدين ، والجدير بالذكر أن مديرية التربية والتعليم ببني سويف تقع في أهم شارع في المحافظة وهو الشارع الرئيسي ( ش صلاح سالم ) وقام المتظاهرين بإغلاق الطريق تماما
ومن الشعارات التي رددها المتظاهرون:
1- واحد اتنين المحافظ فين
2- من أول مارس خلاص مفيش مدارس
3- إحنا مؤهلات وهما دبلومات ( كان هذا الشعار موجه نحو موظفي المديرية)
بصراحة مش فاكر باقي الشعارات ، بس كان شئ كويس جدا

[drfayoum2010]

نسيت أقولكم أنهم أغلقو باب المديرية ومنعو دخول أو خروج الموظفين منها ، وعلى الرغم من محاولات بعض أفراد الشرطة لتهدئة الموقف ( بطريقة إيجابية جدا ومنتهى الاحترام في التعامل ) إلا أن المدرسين رفضوا الاستجابة لأي شئ ثم تدخل بعض القيادات في الأكاديمية التي تقع امام المديرية مباشرة لتهدئة الموقف أيضا ، لكن دون جدوى

[mr.ebrahim_samir]

الصراحة ميثبتونا وبعدين نشوف موضوع الاكاديمية دة
لأنة مش شرط في القانون علشان تتثبت ...دي ملهاش دعوة بدي ... لكن الاكاديمية مرتبطة بالكادر ... اللي ميمتحنش ميخدش الكادر

[drfayoum2010]

المشاركة الأصلية كتبت بواسطة mr.ebrahim_samir

الصراحة ميثبتونا وبعدين نشوف موضوع الاكاديمية دة
لأنة مش شرط في القانون علشان تتثبت ...دي ملهاش دعوة بدي ... لكن الاكاديمية مرتبطة بالكادر ... اللي ميمتحنش ميخدش الكادر

ما هو الموضوع كله علشن التثبيت ، والاعتصام كان أمام مديرية التربية والتعليم بس للصدفة إن الأكاديمية والمديرية متجاوران في وش بعض على طول

[ايهاب2323]

ياريت كل المحافظات تعمل كده

[mohamed_]

يا عم يلى مش فاهم لازم علشان تتعين فى التربيه والتعليم فى الوقت ده انك تنجح فى الكادر

[خالد ابوالعلا]

حد عارف ليه هما مخبيين كشف الاسماء فى المديرية الغبية

[Miss Ola]

حسبنا الله ونعم الوكيل ف اللى قطعو الكشوف اللى اتعلقت امبارح
رحنا النهردة نشوف الاسماء لقينا الكشوف اتقطعت
والله حرام كده

[ellafy]

غدا ان شاء الله موعدنا الساعة 9صباحا امام مديرية التربية والتعليم ببنى سويف للمطالبة بتعيين المعلمين المساعدين

[hadeen]

انا كنت موجود النهاردة في التجمهر اللي امام المديرية وكانت حاجة جميلة جدا وبطلب من كل واحد عرف بالتظاهر اللي هيحصل بكرة من الساعة 9 صباحا انه يعرف اي شخص متعاقد معانا سواء جاله التثبيت اولا انه يبلغه عشان يجي عشان نطالب بحقوقنا مش التثبيت وبس

[drfayoum2010]

المشاركة الأصلية كتبت بواسطة hadeen

انا كنت موجود النهاردة في التجمهر اللي امام المديرية وكانت حاجة جميلة جدا وبطلب من كل واحد عرف بالتظاهر اللي هيحصل بكرة من الساعة 9 صباحا انه يعرف اي شخص متعاقد معانا سواء جاله التثبيت اولا انه يبلغه عشان يجي عشان نطالب بحقوقنا مش التثبيت وبس

كلامك مظبوط ، لازم الكل يتجمع بكرة لأن العدد النهاردة كان قليل شوية

[aleman]

يارب التثبيت للكل يارب

[ellafy]

انا معاكم وهجيب الخيمة

[مستر ابو عبد الرحمن]

و الله لو شافوا قدامهم رجالة ما كانوا عملوا كدا معانا

الازهر كله اتثبت بدون شرط

[degabro]

معاكم ان شاء الله يا رجالة علي الرغم من اني مدرس اساسي بس للتضامن معاكم ومع حقوق المدرسين المتعاقدين
و وهاجيب معايا الكنتاكي