المنهج المكثف لشهري 3 و 4 ... <<< أدبي >>>

[الباش مهندس]

بسم الله الرحمن الرحيم


توزيع منهج المرحله الثانيه من الثانوية العامه
البرنامج المكثف

مذاكره اخر شهرين ..
والله والله والله هتلحق
والدليل اهو .. امشي بس ورا كلامي وهتكسب الرهان
وهتجيب اكبر من المجموع اللي ف دماغك كمان

بص احنا عندنا خمس مواد ..
لغه عربيه . لغه انجليزيه . تاريخ . فلسلفه . علم نفس
هنذاكر مادتين بس ف اليوم
وهنركز ع التاريخ شوية عشان هو اطول ماده
وهنخف من الفلسفه وعلم النفس .. تمام ؟؟

بص الجدول اللي هنمشي عليه اهو
السبت .. تاريخ + انجلش
الاحد .. لغه عربيه + فلسفه
الاتنين .. تاريخ + علم اجتماع
الثلاثاء .. منطق + انجلش
الاربعاء .. علم نفس + لغه عربيه
الخميس .. تاريخ + لغه عربيه
الجمعه .. مراجعه علي كل الدروس اللي سبق دراستها ف نفس الاسبوع

هنذاكر كل ماده .. مش بالوقت
احنا هنذاكر بالدرس .. تمام ؟؟؟
يعني هنقسم المناهج كلها لمجموعه دروس
ولما الدرس يخلص يبقي كده انت ف السليم


تعالي نشوف العربي هيتقسم ازاي .. وخد بالك معايا
احنا بنذاكر عربي .. ثلاث ايام ف الاسبوع
يعني لما يكون عندك تمن اسابيع
يعني بالظبط .. 3*8 = 24 درس
يبقي هنقسم منهج العربي علي 20 درس او 21 درس
هنعمل حساب المراجعات او ايام تفوتها
تمام كده ؟؟

تقسيم منهج العربي
العربي عندك .. قصه وقراءه ونصوص ونحو
باعتبار ان الادب والبلاغه جزء لا يتجزا من النصوص
القصه هناخد منها اول جزئين وهنسيب التالت لانه الامتحان لازم قطعه نم اول فصلين .. ولو تبقي وقت هنذاكره باذن الله
القراءه دروس سهله وممتعه جدا جدا جدا
النصوص جميله وسهله وهعلمكو طريقه لمذاكرتها شيقه جدا
النحو اغلبه من سنه تانيه .. واكيد بالمذاكره هيبقي اسهل واسهل

1- قيم انسانيه ( قراءه ) + حياه العقاد ( قراءه ) + فصل اول ( قصه )
2- البلاغه .. مش بتاخد اكتر من يوم علي فكره ..
3- القدس ( قراءه ) + ادب مدرسه الاحياء والبعث
4- نص غربه وحنين الي الوطن
5- النواصخ ( نحو ) + فصل تاني وتالت ( قصه )
6- العلم ف الاسلام ( قراءه ) + مدرسه خليل مطران
7- بناء الفعل ( نحو ) + فصل رابع وخامس ( قصه )
8- قضيه السكان ( قراءه ) + مدرسه الديوان ( نصوص ) .. نصف نص الشاعر وصورة الكمال فقط
9- مراجعه ع مدرسه الديوان + تكمله النص + فصل سادس ( قصه )
10- اسلوب واسلوب ( قراءه ) + الممنوع من الصرف ( نحو )
11 - مدرسه ابوللو ونص صخره الملتقي ( نصوص ) + فصل سابع وتامن ( قصه )
12- الارقام العربيه ( قراءه ) + في اعراب الاسم (نحو )
13- مدرسه المهاجر + نصف نص كم تشتكي ( نصوص ) + فصل تاسع وعاشر ( قصه )
14- تابع نص كم تشتكي ( نصوص ) + فصل حادي عشر ( قصه ) + سقط القناع ( قراءه )
15- في بناء الفل ( نحو ) + المدرسه الجديده ونص النسور ( نصوص )
16- الادوات ( نحو ) + مقال الصغيران ( نثر - نصوص )
كده احنا خلصنا القراءه والنحو والجزء الاول من القصه وهنبدأ الجزء التاني من القصه وفاضل تلات نصوص بس
16- فصل اول وتاني وتالت ( قصه ) + مقال سيد قرارك ( نصف النص فقط )
17 - فصل رابع وخامس وسادس + بقيه مقال سيد قرارك ( نصوص )
18- قصه نظره ( نصوص ) + فصل سابع وثامن وتاسع ( قصه )
19 - مشهد من مسرحيه كليوباترا ( نصوص ) + فصل عاشر ( قصه )
20- فصل حادي عشر ( قصه )

كده منهج العربي تمـــــــــــام ف عشرين يوم بس
فاضلك اربع ايام للعربي تقدر تراجع فيهم براحتك جدا غير ايام المراجعه لشهر 5




منهج الانجلش
الانجلش بيتكون من قواعد وكلمات وقصه
طبعا القواعد كلها من السنين اللي فاتت .. الجديد بس القصه والكلمات
القصه اسهل ما يمكن .. يمكن اسهل من قصه العناكب
وكمان الكلمات ف المعقول يعني
عندنا درسين ف الاسبوع بجانب مراجعه يوم الجمعه
يعني برضه محتاجين 20 او 18 درس لمنهج الانجلش
ركز معايا

1- فصل اول وتاني ( قصه ) + زمن المستقبل
2- فصل تالت ( قصه ) + كلمات الوحده الاولي + المعدود وغير المعدود
3- فصل رابع (قصه ) + كلمات الوحده الثانيه + زمن الماضي التام
4- الازمنه
5- فصل خامس ( قصه ) + كلمات الوحده الثالثه + الروابط
6- مراجعه علي اول خمسه فصول قصه + كلمات الوحده الرابعه
7- كلمات الوحده الخامسه +المبني للمعلوم والمبني للمجهول
8- كلمات الوحده السادسه + فصل سادس قصه
9- كلمات الوحده السابعه + حالات قاعده اذا الشرطيه
10- الاسلوب المباشر وغير المباشر + كلمات الوحده الثامنه
11- كلمات الوحده التاسعه + فصل سابع ( قصه )
12- كلمات الوحده العاشره + السؤال المذيل
13- كلمات الوحده الحاديه عشر + فصل ثامن ( قصه )
14- كلمات الوحده الثانيه عشر + فصل تاسع ( قصه )
15- كلمات الوحده الثالثه عشر + فصل عاشر قصه )
16- كلمات الوحده الرابعه عشر + مراجعه سريعه علي القصه
17- كلمات الوحده الخامسه عشر
18- كلمات الوحده السادسه عشر
19 - كلمات الوحده السابعه عشر
20- كلمات الوحده الثامنه عشر

كده خلصنا منهج الانجلش قصه وكلمات وقواعد وكمان لسه فاضل اربع حصص لو هتراجع حاجه او في حاجه لسه مش ذاكرتها
وعايز اطمنك مش تقلق من الكم الهائل من الكلمات ده لان معظم الكلمات مكرره ف كل وحده
ومش عايز افكرك تاني ان ده برنامج مكثف يعني انت بجد محتاج كل ثانيه من وقتك ف الشهرين دول




منهج التاريخ
اطول منهج ف العالم كلو .. ومع ذلك اسهل منهج والله
عايز ه يثبت .. ذاكره بالترتيب .. وكمان ركز وانت بتذاكره واقرا اللي ذاكرته كذا مره وكمان اكتب اهم النقاط ف الدرس اللي بتذاكره
وربنا هيوفقك باذن الله ... اهم حاجه تركز ع الفصل الخامس .. والفصل الثامن .. والفصل العاشر .. والفصل الثالث عشر


يلا نبدا مع التاريخ
التاريخ معاك اربع دروس ف الاسبوع .. من ضمنهم يوم الجمعه
يبقي 4*8 = 32 درس
احنا هنعملهم ف 28 او 29 درس بس
بسم الله

1- اول فصلين
2- فصل تالت + فصل رابع
3- فصل خامس حتي نهايه ائمه التشريع
4- فصل خامس ( من العلوم اللغويه وحتي نهايه النقل والترجمه )
5- فصل خامس ( من علوم الفلسفه وحتي بدايه الفنون الاسلاميه )
6- فصل خامس ( من الفنون الاسلاميه وحتي نهايه الفصل الخامس )
7- فصل سادس ( من بدايته وحتي نهايه الحمله الصليبيه الثانيه )
8- فصل سادس ( من الحمله الثالثه وحتي نهايه الحمله السادسه )
9- فصل سادس ( تصفيه الخطر الصليبي + الخطر المغولي )
10- فصل سابع ( من بدايه الحمله وحتي نهايه ثورة القاهره الاولي )
11- فصل سابع ( من الايام الاخيره للحمله وحتي نهايه الفصل السابع )
12- فصل ثامن ( من بدايه الفصل وحتي نهايه م***ه المماليك )
13- فصل ثامن ( مظاهر بناء الدوله الحديثه وحتي انهيار سياسه الاحتكار )
14- فصل ثامن ( من انهيار سياسه الاحتكار وحتي محاولات الاستقلال عن الدوله العثمانيه )
15- فصل ثامن ( حروب محمد علي وحتي اسماعيل ومشروع الاستقلال عن مصر)
16- نهايه الفصل الثامن + فصل تاسع ( من بدايته وحتي اسباب الثورة العرابيه )
17- فصل تاسع ( احداث الثورة وحتي الاحتلال الانجليزي لمصر )
18 - فصل تاسع ( احوال مصر تحت الاحتلال وحتي نهايه الفصل )
19- فصل عاشر ( احتلا الجزائر وتونس والمغرب وليبيا )
20- فصل عاشر ( القوميه العربيه الي نهايه الفصل )
21 - فصل حادي عشر ( من بدايته الي نهايه استقلال العراق )
22- فصل حادي عشر ( استقلال دول المغرب العربي وحتي نهايه الفصل )
23 - فصل ثاني عشر ( ثورة مصر القوميه وحتي بدايه ثوره يوليو )
24- فصل ثاني عشر ( ثورة يوليو .. احداثها وانجازتها )
25- فصل ثالث عشر ( تطور حركه القوميه العربيه + انشاء جامعه الدول العربيه )
26- فصل ثالث عشر (دور مصر ف استقلال الدول العربيه وحتي بدايه حرب فلسطين 1948 )
27- فصل ثالث عشر (مصر والصراع الاسرائيلي وحتي نهايه حرب اكتوبر )
28- فصل ثالث عشر ( الدروس المستفاده من حرب اكتوبر وحتي نهايه الفصل )

كده التاريخ كمان خلص ومعاك برضه لسه اربع حصص .. دا غير شهر 5 كله .. بالتوفيق

منهج الفلسفه
طبعا اسهل منهج ف الكون ومش محتاج كلام
بص احنا هنقسمه علي تمن حصص بس
والمنطق علي تمن حصص

1- باب اول ( اساليب التفكير ومكانه الاسلوب الفلسفي )
2- باب اول ( ارتباط الفلسفه بالانسان وبالمجتمع )
3- باب ثاني ( الشك واليقين + الشك المذهبي )
4- باب ثاني ( الشك المنهجي + نشأة الفرق الاسلاميه )
5- باب ثالث ( الجهميه والمعتزله والاشعريه + الحريه من وجهه نظر ابن رشد
6- باب رابع ( مذاهب الحريه والجبريه ف الغرب )
7- باب خامس ( الاتجاه الحسي ف الاخلاق )
8- باب خامس ( الاتجاه الوجداني والاتجاه العقلي في الازام الخلقي )

كده الفلسفه تمام التمااااااااام .. وعندك كمان ايام الجمعه تقدر تعمل فيها اللي انت عايزه
وافتكر انك ف برنامج مكثف .. يعني المذاكره ثم المذاكره ثم المذاكره


منهج المنطق
ندخل ف التقسيم بسرعه

1- فصل اول
2- فصل تاني
3- فصل ثالث ( القضايا )
4- فصل رابع ( الاستدلال المباشر .. او .. مربع ارسطو )
5- فصل خامس ( القياس )
6- فصل سادس ( الاستدلال الرياضي )
7- فصل سابع ( الاستقراء )
8- فصل ثامن ( التكامل بين جميع انواع الاستدلال)

والفصل الثامن هيحتاج منك حصتين عشان يثبت ويبقي تمــام
تمام ؟؟؟

فاضل بس علم النفس وعلم الاجتماع
وطبعا من اسهل مواد المجره .. ولا ايـــه ... ؟


طب شوف علم النفس كده ..

1- فصل اول ( مدخل لعلم النفس )
2- فصل ثاني ( دوافع وانفعالات )
3- فصل ثالث ( الاحساس والانتباه والادراك )
4- فصل تالت ( التعلم والذاكره )
5- فصل رابع ( تعريف النمو والارتقاء الانساني )
6- فصل رابع ( مظاهر النمو )
7- فصل خامس ( الشخصيه )
8- فصل خامس ( الاتجاهات )

خلص .. ههههههههه


علم الاجتماع ..

1- فصل اول ( مدخل لعلم الاجتماع )
2- فصل ثاني ( التنشئه الاجتماعيه )
3- فصل ثاني ( الوعي )
4- فصل ثاني ( الوقت )
5- فصل ثاني ( الانحراف )
6- فصل ثالث ( التخلف الي التحديث )
7- فصل ثالث ( الانفجار السكاني واثاره )
8- فصل رابع ( بعض مشكلات العالم المعاصر )
9- فصل رابع ( علم الاجتماع والمستقبل )

وبكده يكون منهجك كله بين ايديك .. وفي شهرين بس تقدر تجيب 100 % ويمكن اكتر كمان
بس انت شد حيلك وذاكر .. ذااااكر .. ها
مستقبلك ف شهرين اهو .. ربنا يوفقك كده وتدخل كليه محترمه .. وهتطلع هتلاقي شغل والله
النظام الفاسد والوساطه خلاص بح .. يبقي فرصتك ادامك ..
دا كان منهج مكثف في شهرين 3 وكمان 4 .. دا غير مراجعاتك في شهر 5
انت ضروري لازم يكون عندك خلفيه بالمنهج عشان يثبت في مراجعات اخر شهر
وعلي فكره .. انا عارف ان في ضغط جامد جدا في تقسيم المناهج .. بس دا لمصلحتك ..
حاول تيجي علي نفسك بقي واستحمل .. ما جتش من تلت شهور يعني


يلا بالتوفيـــق ..
ربنا يوفقنا ويوفقكولكل خير يااااا رب .. وتتطلعو كلكو من الاوائل وتفرحو كل اهاليكو وتخدمو بلدكو
والسلام ختـــام ...

[Asa7be Wawa]

يااااااااااه ما الحكايه سهله اهى ربنا يوفقكم ان شاء الله انتم السابقون و نحن اللاحقون
و موضوعك متميز و بتدى دفعه معنويه كبيره اوى ربنا معاكم

[EZEL coming]

الف شكر ياريت لو توزيع منهج المرحله الاولى من الثانوية العامه لان انا فى الصف الثانى الثانوى ومن اول السنة مذكرتش كويس ومش عارف اعمل اة وكل مما اقول اذاكر و ابداء بجد ولا اذاكر ولة اعمل حاجة خالص

[الباش مهندس]

المشاركة الأصلية كتبت بواسطة qqwawa

يااااااااااه ما الحكايه سهله اهى ربنا يوفقكم ان شاء الله انتم السابقون و نحن اللاحقون
و موضوعك متميز و بتدى دفعه معنويه كبيره اوى ربنا معاكم

اه الحكايه سهله .. واسهل من كده كمان
وربنا يوفق الجميع يـــا رب

[hoda_gabr]

طب حضرتك باش مهندس صح ؟
يعنى كنت علمى رياضة
طب ما تعمل كدة لمنهج العلمى رياضة وتبقى عملت خدمة عمرى ما هنسهالك

[الباش مهندس]

المشاركة الأصلية كتبت بواسطة hoda_gabr

طب حضرتك باش مهندس صح ؟
يعنى كنت علمى رياضة
طب ما تعمل كدة لمنهج العلمى رياضة وتبقى عملت خدمة عمرى ما هنسهالك

لا ماي هي المشكله اني مش باش مهندس ولا حاجه
انا لسه ف ثانوي
وادبي

انتي علي فكره ممكن تاخدي الفكره.. وتعملي جدول ليكي
وربنا يوفقك يا رب

[Confidence]

ممكن واحد للصف الثالث الثانوى علمى رياضة و مادة ادبية علم نفس

[صابر عزت]

ايوه نعم انا فى علمى رياضه وماده ادبيه علم نفس

[صابر عزت]

ياجماعه عايزين جدول رياضه بسرعه