الازهر شىء والتربيه والتعليم شىء اخر!!!

[mmagdy_81]

السلام عليكم ورحمه الله وبركاته فى ملحوظه ارجو الانتباه ليها والتفكر فيها بهدوء

الجماعه فى الازهر تعاقدهم ممتد ل5 سنوات متصله ولم يفصلوا ولا يوم وعلشان كده ينطبق عليهم قانون ال3 سنوات ثم ان الامور فى الازهر غامضه جدا والناس اللى فى الازهر ماشين بالبركه وغير منظمين بدليل ان لحد دلوقت مثلا مسمعناش انهم حتى طلبوا الرخصه الدوليه ومخرجش مسئول فيهم اتكلم عن العدد المستوفى للشروط فى الازهر للتثبيت

الازهر يختلف كثيرا عن العام صدقونى انا مع زملاء يعملون فى الازهر لم يحركوا ساكن بالنسبه لموضوع استيفاء الشروط

والكلام اللى دايما على لسانهم اننا عقد من قبلكم 5 سنوات ولم نفصل

فعلا هم يحق لهم التعيين المباشر دون ادنى شك ولكن فى المقابل انهم لايخضعون معنا لنفس بنود الكادر لان لو هم زينا كانوا مشيوا معانا بنفس الاسلوب فى كل شىء الحاجه الوحيده اللى مشتركين معانا فيها فقط هى امتحان الكادر

نحن شىء والازهر شىء اخر بدليل ان الوزير لم يذكر اى شىء عنهم وقرار التعيين بتاعهم اللى منشور ده خاص بقانون العمل وليس كادر المعلم ثم ان دايما وزير التعليم يتحدث عن تعيين 43 الف معلم مساعد كلهم يعملون فى نطاق التربيه والتعليم ولم نسمع مطلقا بشيخ الازهر يقول تعيين اى عدد والله ياجماعه مع احترامى لمدرسين الازهر فهم تابعين للتربيه والتعليم وكما ذكرت كلهم ناس محترمين ولكننا نختلف فى القانون عنهم كثيرا .وشكرا

[emtaha2010]

كلام صح الصح
بارك الله فيك

[الأمير محمد السيد حمودة]

فى باقى الوزارت والمصالح الاخرى تم تثبيت المتعاقدين الذين مر عليهم 3 سنوات دون اى شروط وامتحانات وبالغم من ان مرتباتهم اعلى من مرتبات التربية والتعليم فيجب الغاء امتحانات اكاديمية المعلم لانها مهزلة واهانة للمعلمين وان ثورة 25 يناير من ضمن اهدافها تحقيق العدالة الاجتماعية والقضاء على البطالة والمساوة والله حرام اللى يتعمل فينا ده ويجب ان نقف جميعا وقفات للمطالبة بحقوقنا فنحن المهدر حقوقنا

[mmagdy_81]

المشاركة الأصلية كتبت بواسطة الأمير محمد السيد حمودة

فى باقى الوزارت والمصالح الاخرى تم تثبيت المتعاقدين الذين مر عليهم 3 سنوات دون اى شروط وامتحانات وبالغم من ان مرتباتهم اعلى من مرتبات التربية والتعليم فيجب الغاء امتحانات اكاديمية المعلم لانها مهزلة واهانة للمعلمين وان ثورة 25 يناير من ضمن اهدافها تحقيق العدالة الاجتماعية والقضاء على البطالة والمساوة والله حرام اللى يتعمل فينا ده ويجب ان نقف جميعا وقفات للمطالبة بحقوقنا فنحن المهدر حقوقنا

انا مش مختلف معاك يااستاذنا الفاضل ولكن الان لايمكن الغاء قانون الكادر لعدم وجود مجلس شعب ياجماعه ليس العيب فى قانون الكادر ولكن العيب كل العيب فيمن فشلوا فى تنفيذه فلولا هذا القانون لظل المتعاقدين ب105 حتى الان وبرده مكناش هنقدر نطالب بالتعيين دلوقت لاننا كنا بنفصل فى نهايه كل عام دراسى ياجماعه لولا الفاشلون الذين لم يتقوى الله فينا لكنا جميعا مثبيتين الان ووفقا برده لقانون الكادر

نعيب الزمان والعيب فينا هذا باختصار فالمشكله فينا وليس فى قانون الكادر وشكرا

[mmagdy_81]

ياجماعه القرار اللى نشره احد زملائنا من الازهر لا يمس لقانون الكادر باى صله افهمونى

[wael99009]

مين قال الكلام ده
انا مدرس فى الازهر
ونفس اللى بيطبق عندكم يطبق عندنا
كادر واكاديمية والرخصه والتربوى
بلاش تأليف

[mmagdy_81]

احنا كده لاهنطول بلح الشام ولا هنب اليمن وهنفضل محلك سر اوعى تكون فاكر انك هتضغط على الزرار كل حاجه تتحقق فى يوم وليله انتوا طول عمركم سلبيين ولم حبيتوا تعملوا حاجه عملتوها بغباء لان مفيش حد بيطلع السلم مره واحده طول عمرنا بنسمع عن تظاهرات فى كل الوزارات الا التربيه والتعليم انت لو وقفت على راسك عمرك ما هتبقى زى الكهرباء ولا البترول لان ده وزارات منتجه انما احنا وزاره مستهلكه

العقل بيقول اننا ناخد العمليه خطوه خطوه ونبارك لزمايلنا اللى هتتعين ان شاء الله وان شاء الله نلحق بهم فى القريب العاجل
انما اللى انتوا بطالبوا بيه ده ضرب من الخيال لاننا اكبر نسبه متعاقدين فى الدوله واحنا كذا نوع من التعاقد وليس نوع واحد والقانون اللى مغلبكم الكادر لن يلغى الان باى شكل من الاشكال لانكم لستم الوحيدين الموجودين فى الوزاره فالاساسين من اكبر المستفيدين من قانون الكادر واحنا بالنسبه ليهم صفر على الشمال كنتوا فين من 10 سنين ومن اكتر من كده كنتوا فين لما اترفع التكليف عن خريجى كليات التربيه