ـ (البوز بيز) بين الانتماءات !! ـ

[حسام الدين 3]

السلام عليكم و رحمة الله و بركاته


و ألف مبروك الحرية للمصريين
و كل 30 سنة و انتوا طيبين

و قبل ما أبدأ كنت عاوز أقول حاجة لـ(عزيزي المستمع) ,
طبعا أنت (مصري) و (مسلم) و (عربي) في نفس ذات الوقت

طيب لو قلت لك : رتب الانتماءات السابقة حسب الأولوية لديك
هترتبهم إزاي ؟؟

بالنسبة لي أنا فالوضع كالآتي :
مسلم ثم مصري ثم عربي


طبعا هتلاقي واحد يقول و ليه ترتبهم أصلا ؟؟
ما هو كلنا فينا التلات حاجات دي على التوازي مش على التوالي ,
لأني مولود في مصر , و ديانتي الإسلام , و بتكلم عربي
يبقى مافيش حاجة من الحاجات دي بتعارض بعضها

و أنا معاك ,
فعلا مافيش تعارض و كلهم موجودين في وقت واحد
لأن الجنسية : مصري , و الديانة : مسلم , و العِرْق : عربي
يعني كل واحدة تندرج تحت تصنيف تاني خالص

بس خدني على قد عقلي و رتبهم بس الأول , و أنا أقول لك ليه ؟؟

ببساطة ياسيدي لأن الشيطان صايع و شاطر و تيييت كمان ,
فبيخلي أحد هذه الانتماءات يستخدم ( قاعدة البوز )
the bose base
و ( يكسر ) يمين أو شمال على الإنتماءات الأخرى ,

فمثلا واحد مسلم و مصري عادي و مافيش تعارض زي ماقلنا ,
علشان يثبت إنه (مصري و أبويا مصري) بيروح يتلزق في الفراعنة و يفتخر بيهم
بينما هو في نفس الوقت (مسلم) , و بيؤمن بسيدنا موسى عليه السلام- و كل الأنبياء -
و إن الفراعنة كانوا كفار و كفروا بالله و برسالة سيدنا موسى اللي هو بيؤمن بيها
لكنه بكده , يبقى سمح لجنسيته أن تطغى على أجزاء من دينه

علشان كده أنا قلت لك إنك لازم ( ترتب انتماءاتك ) من البداية

خد عندك ياسيدي مثال تاني بيتعلق بالأحداث الجارية


أنا (مسلم)
و الإسلام بيقول :
{ إِنِ الْحُكْمُ إِلَّا لِلَّهِ } [الأنعام:57]
{ وَأَنِ احْكُمْ بَيْنَهُمْ بِمَا أَنْزَلَ اللَّهُ وَلا تَتَّبِعْ أَهْوَاءَهُمْ وَاحْذَرْهُمْ أَنْ يَفْتِنُوكَ عَنْ بَعْضِ مَا أَنْزَلَ اللَّهُ إِلَيْكَ } [المائدة-49]



و أنا برضو (مصري) :
و يأتي واحد و يقول لي :
احنا معانا 6% مصر مش مسلمين
و علشان خاطر ما يزعلوش
يبقى نخلي (جنسية) الأغلبية الـ94% تطغى على (ديانتهم) ,
و يلغوا المادة الثانية من الدستور التي تنص على أن :
( الإسلام دين الدولة،
واللغة العربية لغتها الرسمية،
ومبادئ الشريعة الإسلامية المصدر الرئيسي للتشريع )


مع إن برضو الموضوع ما كانش فيه تعارض أصلا ,
أولا :لأن الإسلام هو دين الدولة الطبيعي لأن الأغلبية مسلمة ,


- رابط موقع أمريكي يوضح نسبة المسلمين في العالم , قف بالمؤشر على مصر -
http://pewforum.org/Muslim/Mapping-t...on%282%29.aspx


و ثانيا : لأن الدين الإسلامي لا يضطهد و لا يتجاهل النصارى و لا غيرهم من أصحاب الديانات الأخرى
بل بيّن الأحكام التي تتعلق بهم , و الأشياء التي يخضعون فيها لأحكام الإسلام
و الأشياء التي يخضعون فيها لأحكام دينهم
قال تعالى : { وَلْيَحْكُمْ أَهْلُ الإنجِيلِ بِمَا أَنزلَ اللَّهُ فِيهِ } [المائدة-47]
{ إِنَّا أَنْزَلْنَا التَّوْرَاةَ فِيهَا هُدىً وَنُورٌ يَحْكُمُ بِهَا النَّبِيُّونَ الَّذِينَ أَسْلَمُوا لِلَّذِينَ هَادُوا
وَالرَّبَّانِيُّونَ وَالْأَحْبَارُ بِمَا اسْتُحْفِظُوا مِنْ كِتَابِ اللَّهِ وَكَانُوا عَلَيْهِ شُهَدَاءَ }[المائدة-44]



يبقى ليه الخلط بين ما يختص بالدين و الجنسية و العرق ؟؟
و ليه نسمح لانتماء إنه يطغى و يتعدى على اختصاصات انتماء آخر ؟؟

خصوصا إن كان هذا الانتماء الآخر المُعتدى عليه هو ( الدين )
الذي خلقنا الله من أجله , و سيحاسبنا عليه في النهاية !!؟؟

و أخيرا دعوة للمشاركة في حملة لإنقاذ مصر من السقوط في هاوية العالمانية
و منع إلغاء المادة الثانية من الدستور المصري

http://www.facebook.com/IslamicId

فإن إخواننا في ميدان التحرير لم يضحوا بأرواحهم لتكون مصر عالمانية



نرجو النشر



و جزاكم الله خيرا

منقول من مدونة تظبيط

[أ/رضا عطيه]

شكراااااا لك

[حسام الدين 3]

لا شكر على واجب

جزاك الله خيرا

[حسام الدين 3]

يرفع للأهمـــــــــــــــــــــــية : شارك معانا فى الحملة اللى بالتوقيع

[ابو ضيف 15]

اولا شكرا يا استاذ حسام الدين
على نقل هذا الموضوع بس صراحة استغربت من عنوان الموضوع يا ريت توضح معناه

[هانى الشرقاوى]

احنا معانا 6% مصر مش مسلمين
و علشان خاطر ما يزعلوش

بصرف النظر عن رأيى الشخصى
النسبة دى غير صحيحة بالمرة

ويخصوص التصنيف
ف انا مصرى ... مصرى و هذا يكفى

أه عشان محدش يفهم غلط
انا مش من ال6 فى المية ... مع إن النسبة دى غلط

[حسام الدين 3]

المشاركة الأصلية كتبت بواسطة هانى الشرقاوى

احنا معانا 6% مصر مش مسلمين
و علشان خاطر ما يزعلوش

بصرف النظر عن رأيى الشخصى
النسبة دى غير صحيحة بالمرة

ويخصوص التصنيف
ف انا مصرى ... مصرى و هذا يكفى

أه عشان محدش يفهم غلط
انا مش من ال6 فى المية ... مع إن النسبة دى غلط

هههههههههه

انا بقى مسلم مصرى

وكل بلاد المسلمين اوطانى

ودينى هو اللى جعل دفاعى عن بلدى شهادة فى سبيل الله

والنسبة الغلط دى بقى مش عيب منى انا عندك الموقع بتاع الاحصائيات فى الموضوع

وياريت تصحح النسبة الصحيحة

[حسام الدين 3]

المشاركة الأصلية كتبت بواسطة ابو ضيف 15

اولا شكرا يا استاذ حسام الدين
على نقل هذا الموضوع بس صراحة استغربت من عنوان الموضوع يا ريت توضح معناه

قاعدة البوز......
يستخدم ( قاعدة البوز )
the bose base
و ( يكسر ) يمين أو شمال على الإنتماءات الأخرى ,

فمثلا واحد مسلم و مصري عادي و مافيش تعارض زي ماقلنا ,
علشان يثبت إنه (مصري و أبويا مصري) بيروح يتلزق في الفراعنة و يفتخر بيهم
بينما هو في نفس الوقت (مسلم) , و بيؤمن بسيدنا موسى عليه السلام- و كل الأنبياء -
و إن الفراعنة كانوا كفار و كفروا بالله و برسالة سيدنا موسى اللي هو بيؤمن بيها
لكنه بكده , يبقى سمح لجنسيته أن تطغى على أجزاء من دينه

ده شرحها...يعنى يستخدم القاعدة دى وميوافقش على الانتماءات الاخرى

[هانى الشرقاوى]

المشاركة الأصلية كتبت بواسطة حسام الدين 3

هههههههههه

انا بقى مسلم مصرى

وكل بلاد المسلمين اوطانى

ودينى هو اللى جعل دفاعى عن بلدى شهادة فى سبيل الله

والنسبة الغلط دى بقى مش عيب منى انا عندك الموقع بتاع الاحصائيات فى الموضوع

وياريت تصحح النسبة الصحيحة

انا مصر ان النسبة خاطئة
انا أخر مرة قريتها فيها كانت 12 فى المية من السكان أقباط وكانت النسبة صاردة عن الدولة نفسها
ما علينا
أنا بقا إنسان
كوكب الأرض وطنى وبنى البشر جميعا مواطنى وكل اللغات لغتى وكل الأديان دينى وكل البشر أهلى

انا مقلتش ان دفاعك عن بلدك مش واجب ... وان الموت من أجل الواجب ده شرف وشهادة فى سبيل الحق
انا كمان كنت بدافع عن بلدى زيك ... بس أنا اخدت 14 رصاصة مطاطية قى ضهرى ورجليا وكام حجر صغنون كده على دماغى ... ومبقتشى نافع خلاث

[حسام الدين 3]

المشاركة الأصلية كتبت بواسطة هانى الشرقاوى

انا مصر ان النسبة خاطئة
انا أخر مرة قريتها فيها كانت 12 فى المية من السكان أقباط وكانت النسبة صاردة عن الدولة نفسها
ما علينا (( هههههههه الظاهر حضرتك مش معترف بإن الموقع الامريكى ده كلامه مظبوط )
أنا بقا إنسان
كوكب الأرض وطنى(يعنى معنى كده لو انت فى اسرائيل تبقى فى وطنك؟!!!) وبنى البشر جميعا مواطنى وكل اللغات لغتى ((انا خلقت وانا اتحدث العربية وهى لغتى التى انتمى اليها وهى اعظم اللغات ببساطة لأن بها كلام الله عز وجل نزل وايضا هى لغة أهل الجنة مع احترامى للغات الاخرى )) حضرتك وكل الأديان دينى(( لا حول ولا قوة إلا بالله : هو ينفع اكون مسلم وفى نفس الوقت مجوسى ونصرانى و كل الاديان تبقى دينى اعوذ بالله من سخط الله.. قال تعالى إن الدين عند الله الاسلام )) ((ومن يبتغ غير الاسلام دينا فلن يقبل منه )) وكل البشر أهلى

انا مقلتش ان دفاعك عن بلدك مش واجب ... وان الموت من أجل الواجب ده شرف وشهادة فى سبيل الحق
انا كمان كنت بدافع عن بلدى زيك ... بس أنا اخدت 14 رصاصة مطاطية قى ضهرى ورجليا وكام حجر صغنون كده على دماغى ... ومبقتشى نافع خلاث

ايه اللى خلى دفاعك عن بلدك شهادة وجهاد (( انه الاسلام))

ايه اللى انت اتخلقت من اجله (( العبادةواعمار الارض بالاسلام))

ايه اللى فتح البلاد ومن اجله قامت السماوات والارض ومن اجله ستنصب الموازين يوم القيامة ومن اجله سنمر على الصراط كل حسب عمله

(( انه دين التوحيد )) وليس الأديان الباطلة

حقيقة لقد وقعت فى خطأ فادح ينكره كل مسلم بقولك ان كل الاديان دينك ......استغفر الله وتب إليه

عفا الله عنى وعنك وغفر لنا جميعا

[*احمد*]

المشاركة الأصلية كتبت بواسطة هانى الشرقاوى

احنا معانا 6% مصر مش مسلمين
و علشان خاطر ما يزعلوش

بصرف النظر عن رأيى الشخصى
النسبة دى غير صحيحة بالمرة

ويخصوص التصنيف
ف انا مصرى ... مصرى و هذا يكفى

أه عشان محدش يفهم غلط
انا مش من ال6 فى المية ... مع إن النسبة دى غلط

ياريت تحسب النسبه انت

ولما تحسبها (ابقى قابلنى) قولنا عشان نبعت رساله للموقع ونقوله على النسبه الصحيحه بتاعتك (ابتسامه ساخره)

[حسام الدين 3]

أسعدنى مرورك يا أحمد
جزاك الله خيرا

[فارس المحبة]

جزاك الله خيرا

[حسام الدين 3]

وجزاك مثله

[هانى الشرقاوى]

المشاركة الأصلية كتبت بواسطة حسام الدين 3

(( انه دين التوحيد )) وليس الأديان الباطلة

حقيقة لقد وقعت فى خطأ فادح ينكره كل مسلم بقولك ان كل الاديان دينك ......استغفر الله وتب إليه

عفا الله عنى وعنك وغفر لنا جميعا

للتصحيح ليس إلا
ما قصدته بمقولتى هذى هو مجرد قول مبالغ فيه لإظهار تسامحى لكل ما انا مختلف معه او فيه
فكوكب الارض وطنى ... أنا لم أزر كل اجزاء الأرض لتكون أرضى وموطنى ..
ولا أنا رأيت كل الناس ليكونوا اهلى
ولا أنا أعلم كل اللغات لتكون لغتى
ولا انا أحصيت كل الأديان عددا ... لتكون عقيدتى ودينى

أشكرك