بعيدا عن التعيين!!!!!!!!!!!15/2/2011 ريهمسة

[ريهمسة]

السلام عليكم ورحمة الله وبركاته وكل عام وأنتم بخير

انا أسفه يا جماعة ان بقول الكلام ده

والكلام ده مش لحد معين

ان فيه ناس في المنتدي مش بتنتقي ألفاظها عند الرد علي المواضيع

وناس تسخر وناس تستهزأ وناس تكدب صاحب الموضوع وأظن ان حضراتكم شوفتوا كتييررر في المنتدي

وده نعم منتدي المعلم المساعد لكن اكيد بيدخل ويشارك ناس تانيه من فئات مختلفة

ياااااريت يبقي شكلنا حلو قدام الناس لان احنا نربي اجيال مصر والمستقبل

وكاد المعلم ان يكون رسولا وجاء الرسول ليتمم مكارم الاخلاق

" لا يسخر قوم من قوم"

والمفروض اناقولت رأيي وانت قولت رأيك واكيد هيبقوا مختلفيين


والاختلاف في الرأي لا يفسد للود قضية


واكيد كلنا أعمار مختلفة والكبير له خبرات والصغير يستفيد من الكبير و الصغير ممكن يقول رأي يفيد

الاخرين وكلنا اخوه في الله لم ولن نري بعض الا بمشيئة الله وأظن انه يجب ان نترك لبعضنا حرية الرأي وكل واحد في الاول والاخر له حريته في ان يشارك في المواضيع او لا


واظن ايضا انه يجب ان نترك انطباع جميل عند الاخريين

اختك في الله

تقبلوا موضوعي

[melad2009]

الأخت ريهمسة اشكرك علي هذا الكلام الجميل وانا اوافقك عليه وفقك الله

[فايز فراج]

نعم وانا معاك
في الكلام ده

مدرس مساعد
الازهر
وشكراااااااااااااااااا

[ريهمسة]

شكرااااااااااا لمرور حضراتكم

والله ولي التوفيق

[شيماء20]

فعلا كلامك مظبوط 100%
فى ناس فعلا بتتفنن انها تنرفز اللى قدامها
وربنا يهدينا جميعا
موضوع جميل وياريت الكل يعمل بيه

[محمد ابوصلاح]

فعلا عند حضرتك حق

[رضاالوادي]

اختلاف اراي لا يفسد للود قضية
اين الحرية والديمقراطية التي ننادي بها جميعا اذا لم نتقبل بعض في راي كيف نقبل بعض ونتعايش علي لرض وطن واحد هدفنا هو رفعة هذا الوطن
برجاء اختيار الكلمات لانها يقراها الأباء والطلاب
كيف نربيهم علي حسن الخلق ونحن لا نحسن الخلق
فاقد الشيء لا يطيه
بهذا الشكل نحن لا نصلح لتربية اجيال المستقبل

[أحمد قلانه]

كلام جميل وياريت نتقبل رأى الآخرين
ونحترم وجهة نظره حتى لو كنت شابف انها غلط

اعرض رأيك لكن بلاش تجريح

ندعو الله الهداية لنا جميعاً
واوعو حد يفهم غلط
انا قبلكم .. دا بعد اذتكم

سلااام

[alirahim]

تسلمى والله
قول رايك وخليك صريح بس عزرا من غير تجريح

[ريهمسة]

نعم للحرية والديمقراطية بيينا لكن في حدود

وكلام حضراتكم جميل جدا وشكرا لكم جميعا

وعجبني كل المشاركات وخصوصا

"قول رأيك وخليك صريح بس من غير تجريح"

والله ولي التوفيق

[عتـاب]

معاكِ حق في كلامك
جزاكِ الله خيرا

[رشادي]

اقولها بكل صراحة مازلنا نتجادل في حوارات ونحن اقل من ان نوصف بمعلمي الاجيال اين المطالبة بحقوقنا الضائعة وانت تتحدثين عن في موضوعات اخري اعزك الله ارجو الرد

[ريهمسة]

المشاركة الأصلية كتبت بواسطة رشادي

اقولها بكل صراحة مازلنا نتجادل في حوارات ونحن اقل من ان نوصف بمعلمي الاجيال اين المطالبة بحقوقنا الضائعة وانت تتحدثين عن في موضوعات اخري اعزك الله ارجو الرد

انت اكيد عضو جديد

وسوري حضرتك مش فاهم الموضوع انا قولت في الموضوع ان كل واحد له حرية الرأي في انه يدخل ويشارك في الموضوع او لا يعني حضرتك لو مش عاجبك الموضوع ببساطة ليه تدخل وتشارك اصلا

وكمان موضوعي له صلة بكل المواضيع في كيفية الرد علي المواضيع والمشاركات

عندي سؤال ليه حضرتك بتقول ونحن اقل من ان نوصف بمعلمي الاجيال


ليه بتقول نحن كل واحد ادري بنفسه لان فيه ناس كتير في المنتدي علي قدر عالي من

الوعي والثقافه ويقدروا مهنة التدريس لانها مهنة الانبياء

اما المطالبة بالحقوق الضائعه اتفضل حضرتك في ميدان التحرير فأنت رجل وطالب بكل حاجة

[نور البدور]

يسسسسسسسسسسلم فمك يا ريهمسة

[ابو رفيده وترنيم]

اختنا ( ريهمسة)
التمسى لاخينا العذر فيما قال
فهو لم يعلق على كلامك إلا بسبب ما يلقاه فى بلد تاهت فيها الحقوق
كما انك لم تتحملى أن يختلف أحد معك فى الرأى ( فأنت التى قلتى أن اختلاف الراى لا يفسد للود قضية )
نسأل الله أن يحقق كل الامنيات الحلوة لنا ولوطننا
الذى ننتظر منه الكثير فنحن فداء لكل ذرة من ثراه
والى الامام دائما