|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
15-02-2011, 01:16 AM
|
|||
|
|||
دعوة هامه جدا ياريت كلنا ندخل
السلام عليكم ورحمة الله وبركاته
اولا احب احيي شهداء الثورة العظيمة اللي كان ليا الشرف اني اشارك فيها تحية كبيره لكل واحد نزل وشارك وايد اهداف الثورة دي ثانيا عندي موضوع مهم بالنسبة للمظاهرات اللي الناس بتنادي بيها اليومين دول طبعا كلنا شايفين وساعين ان معظم القطاعات ف البلد بتعمل اضرابات وعايزه رفع للجور وغيرها من المطالب الفئوية انا قبل ما اكمل اعرفكم بنفسي انا عبدالله حبشي مدرس علوم اعدادي في اسكندرية خريج 2009 ولسه متعينتش انا عايز كل زمايلنا المدرسين مينزلوش لاي مظاهرات دلوقتي خالص نهائي لعدة اسباب 1- السبب الاول اننا لسه طالعين من انتصار كبير وعظيم اننا اسقطنا النظام في 18 يوم بس واحنا دلوقتي في مرحلة بناء مصر جديده فنزولنا الشارع وتظاهرنا هيكون بالشكل دا ودلوقتي بيضر مصر جدا انا عايز من حضراتكم نتفق اننا مننزلش مظاهرات ولا نعمل اعتصامات دلوقتي خالص ونستنى على الاقل شهر او اتنين 2- الحومة الحالية دي حكومة تسيير اعمال يعني عامله زي عسكري المرور ف الشارع بينظم الامور بس وكمان مش متعين فيها وزير خاص لوزارة التربية والتعليم وهاني هلال قايم بدور الوزير دا واي مطلب لو طلبناه دلوقتي مش هيتبصله 3- هتقولوا يا عم الحج احنا لو سكتنا مش هنعرف نتكلم ولا ناخد حقنا بعد كده هقولكم لا بالعكس احنا نهدى دلوقتي خالص واللي خلانا نوقع اكبر راس في البلد مش هنقدر ناخد حقنا من حته وزير موظف في الحكومه؟؟؟؟؟ 4- البيان الاخير للجيش اعلنها صريحه مش عايز اي مظاهرات فئوية دلوقتي خالص ونسيب فرصه للحكومه دي نشوف هتعمل ايه ولو الناس اللي بتتظاهر دلوقتي هتستمر واحنا كمان هنعمل مظاهرات زيهم يبقى كده البلد هتخرب هتخرب ومش هنقدر نحل مشاكلنا ولا اوضاعنا هتتحسن احنا دلوقتي لما هنسكت هيبقى بمزاجنا مش غصب عننا ودي نقطة مهمه جدا مكنتش موجوده قبل كده اللي ف دماغي واتمنى اننا نتفق عليه اول حاجه انا عايز كل المدرسين الموجودين في المنتدى يعملو حصر للمدارس بتاعتهم بعدد المدرسين ف كل مدرسه ولو في عجز او زياده ونكتب الكلام دا في سجل دي مش محتاجه شغل كتير يعني مدرسين العلوم مثلا في كفر الشيخ كل مدرس يسجل في كام مدرس علوم زيه ف مدرسته والمدارس اللي حوليه وهكذا بحيث اننا نطلع بقايمة المدارس اللي بيكون فيها عجز مدرسين لان في زميل قالي ان مدارس كتير فيها عجز مدرسين فانا اتمنى من حضراتكم تساعدوا في الحصر دا ومعرفة المدارس اللي فيها عجز مدرسين تاني حاجه عايزين نعمل غرفة عمليات ونتجمع مع بعض مدرسين كل محافظة يجتمعوا مع بعض في يوم محدد نتفق عليه يكون زي اجتماع بين المدرسن وبعضهم نناقش فيه بمشاريع مختلفه اللي تساعدنا ف النهوض بالعملية التعليمية المشاريع دي هتنفعنا جدا لما نيجي نطالب بحقوقنا نقدمها معانا ونطالب بتفعيلها واجتماعنا مع بعض هيخلي كل واحد عنده فكره معينه يطرحها على غيره ونتناقش فيها والنقطة كمان المهمه اننا لازم نعمل لنفسنا نقابه حرة محترمة زي باقي النقابات علشان نضمن حقوقنا ف كل حاجه ونزيل النقابه الهشتك بشتك الموجوده دي ودا علشان يتحقق لازم نستنى ونسيب فرصه للحكومة تسيير الاعمال دي نشوف هتعمل ايه ولما تتشكل الحكومة الانتقالية ويتعين وزير جديد للتربية والتعليم نروح ونقدم طلباتنا ومشروعاتنا اللي فكرنا فيها وياريت بجد منعتمدش على شوية الخبراء اللي في الوزارة اللي ماجرينهم من الترب الا من رحم ربي انهم يفكروا في تطوير التعليم انا متاكد ان كل مدرس عنده فكره اننا نطور بيها تعليم ولادنا فياريت نجمع كل افكارنا ونقدمها مع مطالبنا بس مش دلوقتي خالص نستنى على الاقل شهر او اتنين كمان وافكركم تاني اللي خلانا نوقع النظام في 18 يوم نقدر ناخد حقنا برده من اي حد انا اسف طولت على حضراتكم اخوكم عبدالله حبشي
__________________
 |
|
#2
15-02-2011, 01:35 AM
|
||||
|
||||
احسنت القول اخى عبد الله فعلا كلام صحيح 100%
__________________
حسين شاكر |
|
#3
15-02-2011, 01:41 AM
|
||||
|
||||
أنا معاك ياأستاذ عبد الله
الفترة دي لازم الشعب ياخد نفسه ونبدأ نصلح آثار الثروة اللي عملها المخربين ومانستعجلش على الطلبات اللي عايزين من مصر تديهم لازم يدوها الأول وبدل ماننزل نتظاهر دلوئتي نصلح البلد ونشوف هي محتاجة مننا ايه ونعمله وان شاء الله ربنا يكرم الجميع ويرزقهم بالعمل ويوسع رزقهم
__________________
 |
|
#4
15-02-2011, 01:52 AM
|
|||
|
|||
|
هذه هي الحقوق التي سنطالب بها الاربعاء امام النقابة العامة (الوقفة الثانية)
1زيادة الحد الادنى لاجر المعلم الى 2500جنيه اسوة بكل المهن الاخرى 2اختيار وزير التعليم من المتخصصين وليس من المتجسسين او المخبرين او الاطباء او المهنسين 3تثبيت المعلمين المتعاقدين 4الرعاية الصحية المجانيةوليس التأمين الصحي العقيم 5اسقاط مجالس النقابات الحرامية 6كرامة المعلم في معاملة اولياء الامور ومنع لجان المتابعة الفاشلة وعودة اللجان الفنية 7اصدار طابع المعلم 5جنيه يلصق على كل مكاتبات الوزارة ويدخل في المساهمة في رفع المعاناة عن المعلم متوقع ان يدر على المعلم 100مليون جنيه سنويا 8الغاء تدريب المعلم اثناء الدراسة وجعله في العطل 9زيادة اعانة الوفاة من300جنيه الى3000جنيه 10انشاء صندوق التكافل الاجتماعي ويمول من حصيلة طابع المعلم 11الاشراف القضائي على انتخابات النقابات والاعلان عنها في الصحف 12اصدار كتيب المعلم ليعرف كل معلم حقوقه الانتخابيةو النقابية 13 زيادة مكافاة الامتحانات الى 300يوم بدون حد ادنى 14الغاء موافقة امن الدولة على استمارة تعيين المعلم وترشيحه للنقابة شارك معنا لغد افضل للمعلم طرق المشاركة 1اتصل باكبر عددمن المعلمين للحضور يوم الاربعاء امام النقابة العامة 2صور المطالب ووزعها على الزملاء 3انشر المطالب على كل مواقع الانترنت المتاحة لك 4احضر للنقابة يوم الاربعاء القادم فهو يوم ميلاد المعلم اتصل /صور/ انشر/ احضر الوقفة السابقة كان العدد قليل نحتاج لدعمك معلمو مصر الشرفاء |
|
#5
15-02-2011, 02:02 AM
|
|||
|
|||
|
اقتباس:
انا بايد حضرتك بكل المطالب دي واضيف ليها كمان تعيين الخريجين الجدد بعقود ثابته
بس مينفعش ننزل الوقفه دي يوم الاربع الجاي خالص احنا لازم نهدى وزي ما قلت ننزل ونتظاهر ونطالب بحقوقنا بس بعد شهر على الاقل مش الاربع الجاي لاننا مش هناخد حاجه من الوقفه دي وغير كدا الجيش مش هيدعمنا فيها لاننا عارضنا طلبه بوقف المظاهرات الفئوية دلوقتي ارجوا الصبر بجد والله هكون اول واحد ينزل ويتظاهر قدام الوزارة مش المديريات بس مش دلوقتي خالص
__________________
|
|
#6
15-02-2011, 02:05 AM
|
|||
|
|||
|
اقتباس:
الله يكرمك يا استاذي وربنا يقدم اللي فيه الخير ان شاء الله اقتباس:
اشكرك يا استاذه علياء ودايما والله ليكي طله حلوة
وفعلا ياريت نصبر دلوقتي ولما نبقى ف وسط الترم ونعتص ونقف العملية التعليمية علشان مطالبنا تتحقق حيبقى تنفيذ المطالب على طول وغصب عنهم
__________________
|
|
#9
15-02-2011, 02:57 AM
|
|||
|
|||
|
فئة كثيرة من معلمى مصر اتعودت تمد ايديها اول كل شهر للطالب تقول له يا سيدي ...
وان اى زيادة لحيتان الدروس لا تساوى يوم يضيـع فى التظاهر والراتب بالنسبة لهم يُــعتبر قلبظ وشيبسى للعيال البقاء لله فى معلمى المحروسة |
|
#10
15-02-2011, 03:02 AM
|
|||
|
|||
|
اتحدوا مرة فى العمر تُحسب لكم
يوم الاربعاء نقف ونطلب حقنا |
|
#11
15-02-2011, 03:05 AM
|
|||
|
|||
|
اعتصام يوم 16\2 للمطالبة بالتعيين و حوافز 100%..
ورفع قيمة المكافأة ، والدرجات و.............و..........و...........و........... امام الوزارة و المديريات في المحافظات |
|
#12
15-02-2011, 06:05 AM
|
||||
|
||||
|
لالالا لالالا
لالالا لالالا لالالا لالالا لالالا لالالا لالالا لالالالالا لالالالالالالالا للمظاهرات لالالا لالالا لالالا لالالا لالالا لالالا لالالا لالالا لالالا لالالالالا لالالالالالالالا للمظاهرات لالالا لالالا لالالا لالالا لالالا لالالا لالالا لالالا لالالا لالالالالا لالالالالالالالا للمظاهرات
__________________
|
|
#14
15-02-2011, 12:31 PM
|
|||
|
|||
|
سيدى الفاضل كلنا نحترم حماسك والمطالبة بحقوقنا المهدرة ولكن لكل شى تحت السماء وقت وهذا ليس وقت اعتصامات او مطالب فالمصلحة العامة وحبنا الحقيقى لمصر يتطلب منا الصبر وبمعونه الله سوف ناخذ حقوقنا كاملة
|
|
#15
15-02-2011, 02:03 PM
|
|||
|
|||
|
اقتباس:
اقتباس:
اقتباس:
مع احترامي لحضراتكم
مينفعش ننزل مظاهرات دلوقتي خالص انا بطالب بتحقيق كل المطالب دي ودي ليها وقتها مش دلوقتي لازم يا جماعه نسيب فرصه دلوقتي للحكومه ومننزلش مظاهرات لاننا احنا اللي هنضرر مش هنقدر ناخد حاجه دلوقتي اصبروا اصبرو اصبروا اللي خلاكم صابرين 30 سنه في زل وهوان مش قادرين تستنوا كمان شهر ع الاقل ؟؟؟؟؟؟؟؟؟؟؟؟
__________________
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:37 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
