هام جدا للمعلمين المساعدين والحصة والمكاقاة اسيوط

لقد كانت اليوم مظاهرة امام مكتب وكيل الوزارة ثم توجهنا الي مبنى المحافظة للمطالبة بالتثبيت الفوري ورفع المرتبات .
وقد قررنا ان يوم الخميس 17/ 2 / 2011 م هو يوم اعتصام امام مبنى المحافظة فارجوا منكم ان تاتوا وتخبروا الجميع
اخيكم حسام

[hishamhassan]

إذا لم يتم الإستجابة للمطالب سيكون الإضراب أول أيام الدراسة

http://www.thanwya.com/vb/showthread.php?t=286576

[ramy12]

ياجماعةانا بقترح اننا
1- نعمل منشور بميعاد الاعتصام ونوزعة على المدارس اى حد لية زمايلة من معلمين مساعدين او بالحصة علشان الوقفة تعمل ضجة كبيرة للمحافظ ويخاطب الوزير بتعينا زى ما عملوا الموقتين فى الجامعة وكمان
2-ياريت ينضمولنا مراكز وقرى اسيوط سواء ابوتيج وابنوب ومنفلوط وغيرها
3- ياريت نتصل بالفضائيات علشان تيجى تصورنا ويحس بينا الورير ورئيس الوزراء

[hishamhassan]

المشاركة الأصلية كتبت بواسطة ramy12

ياجماعةانا بقترح اننا
1- نعمل منشور بميعاد الاعتصام ونوزعة على المدارس اى حد لية زمايلة من معلمين مساعدين او بالحصة علشان الوقفة تعمل ضجة كبيرة للمحافظ ويخاطب الوزير بتعينا زى ما عملوا الموقتين فى الجامعة وكمان
2-ياريت ينضمولنا مراكز وقرى اسيوط سواء ابوتيج وابنوب ومنفلوط وغيرها
3- ياريت نتصل بالفضائيات علشان تيجى تصورنا ويحس بينا الورير ورئيس الوزراء

عملنا فعلاً منشورات ووزعناها على المعلمين الموجودين لتوزيعها على زملائهم بالمدارس

[samehnabil]

الاعتصام هيكون الساعة كام دا أولاً
ثانياً أقترح أستخدام أى وسيلة لزيادة العدد يعنى كل واحد عندة رقم زميل لة من المتعاقدين يتصل بية ويخلية يتصل بكل المتعاقدين اللى على تليفونة

[hishamhassan]

المشاركة الأصلية كتبت بواسطة samehnabil

الاعتصام هيكون الساعة كام دا أولاً
ثانياً أقترح أستخدام أى وسيلة لزيادة العدد يعنى كل واحد عندة رقم زميل لة من المتعاقدين يتصل بية ويخلية يتصل بكل المتعاقدين اللى على تليفونة

الاعتصام هيكون الخميس الساعة التاسعة

[ناصرة]

الله عليك يا مصر

[Mr:M.Kamal]

هو دة الكلام

[محمدمبروك]

يا جماعة انا مدرس زميل متعاقد اتمنى فعلا ان يكون لنا وقفة محددة ومنظمة
ويارت ميكنش كل واحد برأى فى الميعاد واليوم وياريت بسرعة وانا هساعدكم فى مكانى

وبعد ازنكم انا رأييى 1. التثبيت
2. المساواة فى المرتبات

[Mr/ Mahmoud.K]

متهيألي في بيان للجيش بيقول الأعتصامات وكل الكلام ده مش مطلوب دلوقتي وبجد وبكل صدق أنا بحذر لو الجيش لقى مفيش فايدة في عودة الهدؤ هيرجعوه بأكتر من طريقة أولها الأحكام العرفية وده حق مكفول لهم
إن الحل هو مراسلة الجهات المسئولة بأسلوب متحضر
فاكسات خطابات مسجلة أيميلات أتصالات أوك كل ده متحضر ومجدي تمتا وكمان مؤكد وصول الصوت لكن يافرحتي بأعتصام ومظاهرة ادام المحافظة ولا من شاف ولا من دري.
دي مجرد وجهة نظر من معلم مساعد زيكم في أسيوط وعندي ولد وبنت بس بخاف على مصر أكتر من مصلحتي الشخصية في وقت الشدة
ده أنتو لحد دلوقتي ما حددتوش وقت التجمع ده أسمه كلام

[الشموس2010]

اسيوط عمرها مجابت غير الرجاله ربنا معاكم

[ramy12]

ياجماعة احنا لو ماخدناش حقنا اليومين دول يبقى عمرنا ما هانتثبت وبعد دة يقولنا مفيش ميزانية علشان نثبتكم فوقوا اصحوا ياجماعة

[Mr/ Mahmoud.K]

بجد لا تعليق
مرحبا فالفوضى على ارضك يا مصر

[مسافر222]

انا من اسيوط وهعمل منشورات بكرا لجميع المعلين ودعوتهم لتظاهرة يوم الخميس واول ايام الدراسة