تثبيت المتعاقدين

[أبوطالب82]

يا جماعة والله إحنا النهاردة رحنا الوزارة وهتفنا كتير وبعدين
أتى السيد الوزير / هانى هلال وطلب منا دخول القاعة
فسألناه عن التثبيت : قال إن التثبيت لمن تنطبق عليه الشروط وهى نجاحه فى امتحان الكادر
فردينا عليه بأننا تنطبق علينا الشروط ولكن لم نمتحن الكادر فأجاب ان امتحان الكادر الأسبوع الجــــــــــاى
أيه رأيكم فى الكلام ده ؟

[جارةالوادى]

الكلام واضح انه اى كلام لانه عرف ان فيه وزير تانى جاى وهو قيد التحقيق عشان فيه بلاغات ضده فبيسكتكم باى حاجة والسلام (يعنى دى عادة المسئولين فى بلدنا ولاهيشتروها )

[ابن الأكرمين]

هو الآن يرواغ كالذين سبقوه

مزيد من الضعط يأتي التعيين بأمر الله

[باهوق]

ولاكادر ولادياولوا نحن نريد الغاء قانون الكادر الظالم وتثبيت المتعاقدين دون اى شرط

[أبوطالب82]

طب حتعملوا أيه ؟؟؟؟؟؟؟؟؟؟؟؟؟؟؟؟؟

[مسيو عاطف]

هو بيثبتكم بس مش هيثبتنا

[عصام ahm]

الاسبوع الجاى ايه بس هو مفكره انه سهل امتحان الكادر دا تقديم ورق للاكاديميه وتسجيل بيانات على موقع الاكاديميه دا لوحده شهر وتجهيز اسئله الامتحان وتحضير اللجان شهر كمان وبعدين نمتحن دا كمان شهر ثم التصحيح واعلان النتيجه دا شهر كمان ولما يفتكروا يعينونا ادى كمان شهر ولما نبدا نقدم مصوغات التعيين ادى كمان شهر يعنى بحسبه بسيطه لو على كلام الوزير يبقى بعد سته شهور
شوفوا انتو بقى ينفع كلام الوزير دا ولا هو اساسا مش فاهم القصه ايه والكادر وتعقيداته وشروطه الموضوعه لتعجيز المدرسين

وشكرا