التهديد بالامتناع عن العمل يصنع المعجزات: تثبيت المعلمين المؤقتين بالادارات بحلوان

أ/سلوى · #1 13-02-2011, 06:08 PM

تثبيت المعلمين المؤقتين بالإدارات التعليمية بحلوان
علي محمد علي |

13-2-2011 | 14:55

أعلن قدري حسين محافظ حلوان،أنه تسلم تعليمات مكتوبة من رئيس مجلس الوزراء بتثبيت جميع المعلمين المؤقتين بالإدارات التعليمية بحلوان، وبناءً على ذلك تم إعداد الكشوف اللازمة لتثبيتهم بدون شروط، وسيتم إخطار جميع الإدارات التعليمية بالمحافظة بالقرارات النهائية قبل الخميس المقبل.
يأتي ذلك بعد تهديد المؤقتين بعمل إضراب عام بدءًا من الأحد إذا لم يتم اتخاذ إجراءات تعيينهم.
أكد المحافظ عقب اجتماعه مع عدد من المعلمين أنه لم يتم تحديد المدة الزمنية التى سيتم اتخاذ الإجراءات اللازمة لتثبيتهم، وأكد لهم أنه بعد الانتهاء من الكشوف سيتم إخطار جميع المدرسين بالمده الزمنية التى سيتم تثبيتهم فيها، حضر الاجتماع خالد بهى الدين نقيب المعلمين بحلوان.
كان نحو 3 آلاف معلم اعتصموا صباح اليوم أمام مديرية التربية والتعليم بحلوان للمطالبة بتثبيت المؤقتين منهم، ومساواتهم بكافة هيئات الدولة والوزارات، ورفع الرواتب وإلغاء القرار 155 الذى يجبر المعلمين على الدخول فى اختبارات الكادر، وتقديم الأوراق فى الأكاديمية المهنية للمعلمين والحصول على مؤهل تربوى رغم حصول الكثير منهم على المؤهل التربوى ،ودورات كمبيوتر.
وأكدوا أنهم لم يستطيعوا الدخول فى اختبارات الكادر لكى يتمكنوا من التعيين ، وتم تهديد كافة المؤقتين اليوم بجميع المدارس بأنه سيتم خصم 3 أيام من رواتبهم إذا توجهوا إلى مديرية التربية والتعليم والوقوف أمامها، أو عمل اعتصام بها.
وحضر نقيب معلمى التبين ومايو إلى مقر المديرية لمحاولة حل أزمتهم إلا أنهم لم يقتنعوا بكلامه.

http://gate.ahram.org.eg/News/39612.aspx

*************************************************

عملوها الرجالة
سبق وان طرحت الفكرة فى المنتدى منذ 9/2 ...
لكن السلبية عدو ى فى هذا الجيل

ولا خايفين من خصم 3 ايام ؟؟؟؟؟؟؟؟؟؟؟؟؟؟؟؟؟؟

ده المـــــــــــــوضـــــــــوع:

بجد كفاية قوى كده هى خطوة واحدة بس حتكون اكبر رسالة

متعاقدون أزهريون · #2 13-02-2011, 08:23 PM

السلام عليكم ورحمة الله وبركاته

الاضراب هو الحل

قامت جبهة معلمى الأزهر المتعاقدين بتنظيم اعتصاما مفتوحا أمام مشيخة الأزهر منذ ليلة أمس
وهذه رابط فيديو الاعتصام
http://www.facebook.com/video/video....46836482043332

ونظرا لصعوبة قدوم من هم فى الصعيد فقد تم تنظيم اعتصاما مفتوحا يبدء يوم الاربعاء القادم فى جميع محافظات مصر
فساندونا

تحيات
جبهة معلمى الازهر المتعاقدين

mmagdy_81 · #3 13-02-2011, 08:26 PM

كله ده كدب وضحك على الدقون
ياجماعه كفايانا هبل بقى كفايه انا رايح يوم الاربعاء مع المعتصمين اللى هيروحوا ويا نيجى مثبتين يا ميتين ارحمونا ضربوا الاعور على عينه احنا مش اقل من اللى تعينوا احنا بقالنا 8 سنين متعاقدين وفى ناس من قبلى بسنين وفين كلام كلب الوزاره ابو سريع اللى قال ان التعيين الاسبوع اللى جاى كل النشرات اللى بتوصل المدارس مسكنات وسخه اتعودنا عليها والدليل انها مختلف من كل محافظه لتانيه مش بس كده ده مختلفه من اداره للتانيه انا اسف على الانفعال بس حررررررررررررررررررام .

نحن لانملك الغاء قانون الكادر الان فعلى الاقل نطالب بالتثبيت ولو للناس اللى استوفوا علشان نقدر نفهم الليله هتمشى ازاى ولاخر مره ياجماعه افهموا كلام هانى هلال اكد كلامى من قبل ان وزير الماليه لم يقصدنا نحن فى التعيين لان كل اللى اشتغل حتى بالمكافاه الشامله كان بيفصل لو يوم واحد فبكده لاينطبق عليها القانون الثلاث سنوات بالاضافه الى ان المعلم المساعد معظمهم متعاقد فى تاريخ 1\7\2008 يعنى لو على كلام البيه يبقى مش هتعين غير محافظات الاقصر وماشابههم اللى عقدهم انتهى خلال ايام السنه الثالثه ودول عددهم قليل جدا ياجمه ارجوكم فقوا ولو لمره واحده الناس ده مش بتيجى غير بلوى الدراع وشكرا

عصام ahm · #4 13-02-2011, 08:34 PM

لقد جاء وقت الحق ليرتفع صوته
فليرتفع صوتنا نحن المعلمون الى عنان السماء
ان لم يكن لنا صوت يسمع فمن من المهن الاخرى سيرتفع صوته
نحن من نبنى عقول المجتمع فلنجهر بمظالمنا
ان لم يكن لنا تحرك ايجابى للمطالبه بحقوقنا فكيف سنعلم ابناءنا اخلاق و مبادىء العدل والحريه
كفانا تخاذلا ولنطالب بحقوقنا

عمر العدوى · #5 13-02-2011, 09:45 PM

اتفقو بقىىىىىىىىىىىىىىى

أحمد قلانه · #6 13-02-2011, 10:11 PM

موعدنا 16 فبراير أمام وزارة التربية والتعليم
الساعة العاشرة صباحاً

darsh1 · #7 13-02-2011, 11:05 PM

حرام عليكم كل القطاعات حتي البنوك عملو مظاهرات...ايه الخوف و السلبية دي؟؟؟حرام عليكم فوقو باه....دكاترت الجامعة عملو اتصام...مكسوفين و خايفين من ابه

عايزين رفع المرتب و التعيين و الحوافز 100%

اعتصام امام الوزارة يوم 16|2