مظاهرات ضد "بدر" بالتربية والتعليم واحتمال رجوعه.

أشـرف فتحى · #1 06-02-2011, 05:25 PM

مظاهرات ضد "بدر" بالتربية والتعليم

الأحد، 6 فبراير 2011 - 17:07

الدكتور أحمد زكى بدر
كتبت إسراء أحمد فؤاد

قال مصدر "لليوم السابع" هتفت مظاهرات ضد الدكتور أحمد ذكى بدر فى مقر وزراة التربية التعليم، وذلك أثناء زيارة الدكتور هانى هلال وزير التعليم العالى للوزارة لمباشرة العمل وتلويحه برجوع الدكتور ذكى بدر للوزراة مجدداً.

وهتف المتظاهرون "مش عايزينه مش عايزينه"، فيما قام دكتور هلال باجتماع للمناقشة مع المعارضين لرجوع الدكتور زكى بدر.

أشـرف فتحى · #2 06-02-2011, 05:31 PM

واللـــــــــه ما عارف

يمشى والا يقعد لأسباب كثيرة

محمدطعيمة · #3 06-02-2011, 05:40 PM

كيف يا إخواني
لو كانوا يريدون رجوع بدر كانوا وضعوه في التشكيل الوزاري
كذلك الدكتور أحمد شفيق قال عندما سأله الصحفيون عن وزير التربية والتعليم
قال بدر كويس ولكنه يفتقد فن التعامل مع الناس

alirahim · #4 06-02-2011, 05:43 PM

بس فى اخر الكلام قال ولو ملقتشى الافضل منه سيستمر والله من مصلحتنا انه يستمر علشان نتعين لانه فاهم الوضع

hassan43 · #5 06-02-2011, 07:04 PM

حبس وزير التعليم السابق ومحافظ القاهرة سنة

الأحد, 06 فبراير 2011 16:17

قضت محكمة جنح عابدين برئاسة المستشار شريف إسماعيل بمعاقبة وزير التعليم السابق ومحافظ القاهرة، بالحبس لمدة عام وكفالة 1000 جنيه لكل منهما لإمتناعهما عن تنفيذ أحكام القضاء. أقام ملاك أحد العقارات بشارع شبرا جنحة مباشرة ضد الدكتور أحمد زكى بدر وزير التعليم السابق وعبد العظيم وزير محافظ القاهرة لعدم احترام أحكام القضاء، لعدم تنفيذهم حكم محكمة القضاء الإدارى في النزاع القائم على العقار الذى استولت عليه الوزارة، وحولته إلى مدرسة بالمخالفة للقانون.

hassan43 · #6 06-02-2011, 07:07 PM

لو رفعنا قضية من بدرى كان كسبناها

hassan43 · #7 06-02-2011, 07:13 PM

بس فى حاجة
هو محافظ القاهرة ده من كام شهر مش هو برده اترفعت عليه قضيه قبل كده و قالوا انهم هيحبسوه سنة عشان ما التزمش بتنفيذ احكام القضاء
الناس دى ايه .......؟
مش بتخاف
و اللى يغيظ انهم بيتمادوا و مش بيهمهم حد لا قضاء و لا أحكام
هى كلها 1000 جنيه كفالة يدفعوها و الدنيا تمشى
و يبقى الوضع على ما هو عليه ........ههههههههههههههههههههههه

hassan43 · #8 06-02-2011, 07:19 PM

و اهو الدليل على كلامى :
بتاريخ الاحد 31/10/2010
الحبس سنة وغرامة 5 آلاف جنيه لمحافظ القاهرة لامتناعه عن تنفيذ حكم قضائي

قضت محكمة جنح عابدين بحبس الدكتور عبد العظيم وزير محافظ القاهرة سنة مع الشغل وعزله من وظيفته وإلزامه بدفع تعويض 5 آلاف جنيه لامتناعه عن تنفيذ حكم قضائى صادر من محكمة القضاء الإداري.وكانت محكمة القضاء الإداري قد اصدرت حكما بوقف إعلان نتيجة انتخابات المجلس المحلي عن دائرتي البساتين ودار السلام.
جدير بالذكر أن أحد المحامين قد أقام دعوى أمام القضاء الإداري يطالب فيها بإلغاء قرار محافظه القاهرة لإعلان نتيجة انتخابات المجلس الشعبي المحلي بدائرتي البساتين ودار السلام وصدر حكم لصالحه بإلغاء قرار المحافظ وإعلان المحافظ بتنفيذ الحكم إلا أنه رفض تنفيذه فأقام المحامى جنحة مباشرة وطلب فيها حبس المحافظ وعزله من وظيفته.

hassan43 · #9 06-02-2011, 07:23 PM

و سبحان الله نفس المحكمة فى القضيتين
و يمكن نفس القاضى و نفس المحامين و نفس الناس و نفس اليوم بس التاريخ هو اللى اتغير

بتاريخ الاحد 31/10/2010
قضت محكمة جنح عابدين بحبس الدكتور عبد العظيم وزير محافظ القاهرة سنة مع الشغل وعزله من وظيفته وإلزامه بدفع تعويض 5 آلاف جنيه لامتناعه عن تنفيذ حكم قضائى صادر من محكمة القضاء الإداري.

خدت بالك من كلمة عزله عن وظيفته هههههههههههههههههه

بتاريخ الاحد 6/2/2011
قضت محكمة جنح عابدين برئاسة المستشار شريف إسماعيل بمعاقبة وزير التعليم السابق ومحافظ القاهرة، بالحبس لمدة عام وكفالة 1000 جنيه لكل منهما لإمتناعهما عن تنفيذ أحكام القضاء

تحيا مصر طول ما فيكى ناس كده مش هتتقدمى خالص

عجلت اليك ربى لترضى · #10 06-02-2011, 07:31 PM

يا جماعة بدر مش هيرجع تانى
رئيس الوزراء احمد شفيق قال بنفسه
وانا سمعته قال ان بدر كف وكويس جداااااااا
لكنه لا يعرف ان يتعامل مع الناس فعلشان كده
انا ضحيت بيه

ريهمسة · #11 06-02-2011, 09:02 PM

اقتباس:

المشاركة الأصلية كتبت بواسطة alirahim

بس فى اخر الكلام قال ولو ملقتشى الافضل منه سيستمر والله من مصلحتنا انه يستمر علشان نتعين لانه فاهم الوضع

فعلا انا معاك لانه قعد سنه لحد ما فهم وضع المتعاقدين اما لو جه غيره الله اعلم اللي هيحصل

zemosat · #12 07-02-2011, 03:13 AM

اقتباس:

المشاركة الأصلية كتبت بواسطة ash500

واللـــــــــه ما عارف

يمشى والا يقعد لأسباب كثيرة

أنا أتمنى لو يرجعوا الدكتور أحمد جمال الدين موسى يرجع وزير التربية والتعليم مرة أخرى عشان الراجل ده أحسن وزير تربية وتعليم شفناه وهو الرجل المتخصص فى نفس المجال وأعتقد أنه كان استاذا تربويا فى الجامعة بس يا خسارة مقعدش غير سنة واحدة ولا عجب لأنها حكومة الفاسدين التى خرجت من رحم الحزن الوطنى كعبة الفساد فى مصر المحروسة

ابن الأكرمين · #13 07-02-2011, 07:46 AM

يرجع مين ياعم

رئيس الوزراء انا سمعه يقول

أحمد زكي بدر من أكفأ الوزراء اللي اتعامل معاهم بسي عيبه (( حاد في التعامل مع الاخرين ))

ابن الأكرمين · #14 07-02-2011, 07:52 AM

وبعدين

أحمد زكي بدر وزير محترم جداً

كل المظاهرات اللي خرجت عليه علشان كان بينظف الوزارة من الرشاوي والمحسوبيات والوساطة

ليه واحد قريبي بيقولي أن بتوع الأبنية التعليمية بس كانت رواتبهم ومكافأتهم 11 مليون جنيه في السنة بالذمة دا كلام

زهراء دريم · #15 07-02-2011, 08:57 AM

شكرا على الموضوع