قالوا في الصعيد زمان

[بنت سوهاج]

الى اللي بيقولو ع الصعايدة نسوان

____________________

بصفتي بنت من ابناء سوهاج اللي بتعتز جداً انها صعيدية و بتفخر بكل صعيدي و صعيدية و بتحب الصعايدة كلهم لشهامتهم و رجولتهم و حطلي 30 خط تحت كلمة رجولتهم دي
سمعت ان بعض الناس من بحري مع احترامي ليهم انا مقلتش كلهم لكن قلت بعض الشباب الفاسد كتب على القطارات اللي بتروح الصعيد جملة نرفزتني و تنرفز اي مصري و عربي كانوا كاتبين ع القطارات"لو عايز نسوان روح سوهاج و قنا و اسوان"
اول ما سمعت الجملة دي كان نفسي اولع في اللي كتبها بجاز قعدت ادعي عليه في الوقت اللي كنت بدعي فيه لشهدائنا قعدت ادعي ع اللي كتبها


و احب اقولكم ان المظاهرات شغالة عندنا زي القاهرة و الاسكندرية و السويس و شديدة جدااا في قنا ولعوا في اقسام البوليس و في اسيوط ولعو في قسم الشرطة و كانو بيضربوا نار بالالي و الرشاش ع الناس في سوهاج بلدي انا مكنتش عارفة انام و لا اغمض عيني لانه كان في خارجين عن القانون بيطلعو العمارات و يقتحمو الشقق و كان في تكسير للمحلات و البقالات و السوبرماركتس و في الاقصر عروس الصعيد كان الناس عاملين مظاهرات عنيفة و ولعو في مقر و استراحات الحزب الوطني و انا متأكدة من اللي بقولهولكم لان عندي قرايبي في كل مكان في الجمهورية اما اسوان بقى كانت خربانة في المظاهرات و اظن اني مش هقول ع اللي حصل في المنيا

فوق دة كله كانو هيولعو في مستودع البنزين عندنا في سوهاج و مقولكمش ضباط الشرطة كانوا متعاونين جدا في سوهاج لدرجة انهم كانو مستخبيين في الفنادق و رجالتنا هما اللي كانو بيحموهم
احب اقول ان الصعايدة اجدع الناس و دي مش انا اللي مألفاها و لا مخترعاها و ارجل ناس في الكون
و الخفيف اللي اهان رجالتنا و وصفهم نسوان احب اقوله انك اكبر بنوتة في العالم

__________________

و احب اقول في الاخر ربنا يحفظ ابنائنا و يرحم شهدائنا و ياريت ندعيلهم بالرحمة و الغفران

و شكرا تحياتي لكم
بنت سوهاج
feryal khaled

[libero]

لا عليكي
فنحن لا نحتاج إلى أي إثبات
لذلك

[عاشقة الطفولة]

والله عندك حق

انا موش عارفة يعني عشان ما جابوش على القنوات ان الصصعيد مقمشي بمظاهرة يبقى نصدق

انا لغاية دلوقتي من يوم الجمعة مروحتيش ولا درس عشان خطار المظاهرات في الشارع

[abo shahd]

اقسم بالله وبدون مبالغه اوثمة مجاملات ارجل ناس وكنت اتمنى ان اكون من مواليد الصعيد

[محمود سوهاجي]

والله نحن لا نحتاج اثبات لاي انسان لان الصعيدى معروف من يومه بدمه الحامي
وحسبي الله ونعم الوكيل

[محمد(o)]

الصعايده ارجل ناس

النسوان هما الى كتبوا كدا ع القطارات

لا عليكى يا اختى احنا مش محتاجين اثبات

الكل يشهد للصعايده بالرجوله والشهامه والكرم وانهم ارجل ناس ف الجمهوريه

الكلاب تعوى والقافله تسير

[عاشق البلانكو الابيض]

كفاية ان الرجوله والشهامة مربوطة بكلمة صعيدى

الصعايدة احسن وارجل ناس

وانا فى مدينتى وهى مدينة تتبع سوهاج حصلت مظاهرات

وطالبنا بحقوقنا بس مفيش شغب بيحصل علشان فى احترررررام

[مستر خالد غباشى]

الصعايده ارجل ناس

النسوان هما الى كتبوا كدا ع القطارات

[lyly me]

لا عيييييييييييب كدا والله عييييييييييييييييييييب
دى الصعيده اررررررررررررررررجل ناس طبععععا

[نقاء الروح]

لا عليكِ اختي ..
فمعروف ان كلمة صعيدي = رجل
وهذا لا يمكن انكاره !

[نزيه الصعيدى]

الصعايدة اجدع الناس

[يوسف جابر أحمد]

راجل يا بت من ضهر راجل

[عاشقة الطفولة]

صح زي ما بيقولوا الاعضاء

احنا موش محتاجين اي اثبات

ولا هم عايزين تخريب وبهدلة عشان نثبت اننا رجالة مثلا

القوى موش بالدراع القوى بالحكمة

[اسد السنه]

بصراحه ان حاسس انى اشاهد مباراه بين فريقين
الفريق الاول:
الحزب الوطنى والاعلام المصرى المؤيد تماما للرئيس مبارك
والفريق التانى:
فريق الشباب المتظاهرين فى القاهره والمحافظات التانيه والذى يتكلم بلسان حاله القنوات الفضائيه زى الجزيره والحره والمستقله ولندن والحره وغيرهم
خطه الفريق الأول:
1- استخدام الاعلام فى اعطاء صوره عن المتظاهرين انهم اعداء الوطن وخونه وبينهم جماعات مندسه واسرائيلين وانهم مش عاوزين استقرار مصر وطبعا ده هيخلى الناس تكره المتظاهرين ولو ماتوا كلهم يبقى هم اللى يستاهلوا انهم بيعملوا الشغب ده
واعتقد ان التلفزيون المحلى فعلا نجح فى كده
2- قفل البنوك وتضييق الحياه على الناس لحد الناس ماتزهق من المتظاهرين وده اكيد هيحصل
3- المراهنه على عنصر الوقت هيسيبوهم فى الميدان لحد مايزهقوا ولن يستجيبوا لمطالبهم الاساسيه
4- تخويف الغرب من جماعه الاخوان المحظوره انها ممكن تمسك السلطه لو الرئيس ترك الحكم ولذلك كل السياسين الموالين للحكومه بيضغطوا على الحته دى ويقولوك ان الثوره دى بيحركها الاخوان اللى الاعلام مخوف كل الناس منهم تقوم الدول الاخرى تقف ضد مطالب المتظاهرين
4- عمل مظاهرات مضاده لمظاهرات الشباب
5- بث الاشاعات فى وسط المتظاهرين وعمل حرب نفسيه عليهم
6- بث الفرقه بين صفوف المعارضه والمعروف ان فرق تسد
7- نشر ناشطين على الانترنت يقنعون الشباب بتأييد مبارك واتهام المعارضين بالخيانه وذلك منتشر فى المنتديات حاليا
وانا اعتقد ان الحزب الوطنى خطته نجحت تماما
خطه الفريق التانى:
1- التجمهر باعداد كبيره فى الميادين العامه وده بيجذب انتباه العالم الغربى
2- استخدام القنوات الفضائيه العالميه فى توصيل مطالبهم للعالم
3- المصريين الموجودين فى الخارج ينظموا مسيرات فى جميع انحاء العالم تضامنا مع المتظاهرين المعارضين فى الداخل
((ده تحليلى للموقف ده واعتقد ان الفريق الاول هيكسب والنظام سيظل باقى ))

[مسيو منتصر الجميلي]

قالوا مثل من زمان بيتردد ( اللي مالوش كبير يشتري له كبير )
واحنا عندنا الكبير عاش وسطنا 30 سنة حكم و30 سنة خدمة في القوات المسلحة برغم كل المساوئ والظلم والفساد اللي الناس بتتكلم عنه واللي هو كان بيشهد انه موجود بس مننكرش انه فيه بعض الاصلاحات بغض النظر المهم احنا كمصريين عيب اللي بنسمعه في المظاهرات من البعض أمام كاميرات تريد خراب مصر البعض يشتم بشتائم والبعض يتجرأ بشكل غير حضاري ونقول للقنوات دي انشروا غسيلنا الغير نظيف
خلاص الأمر انتهى والراجل حقق كل المطالب وان كان فيه مطالب لم تحقق يبقى التفاوض يحققها او أغلبها
نعتبره ضيف عندنا الكام شهر اللي باقيين له ومننساش ان احنا كشعب كنا مشاركين في جزء من الفساد يعني هو المرتشي اللي في مصلحة الريس قاله ارتشي ولا العامل اللي بيزوغ من عمله الريس قاله اعمل كده

يا ريت نكون موضوعيين في مطالبنا يا شباب وكما قيل اذا اردت أن تطاع فأمر بما يستطاع
يا ريت نحترم واحد عاش بيننا سنين في شخصه ونطالب بمطالبنا بطريقة حضارية وبتسامح المصريين دون شتائم او شعارات بذيئة.

ياريت نحكم عقلنا وبصرنا فيما نسمع وما نشاهد

ياريت تكون مصر هي هدفنا الأول ونضع مصلحة الوطن نصب أعيننا

ياريت نخلي العامل يروح شغله والتاجر يفتح متجره والأجير يصرف أجره والطبيب يعالج مرضاه يعني نشوف شغلنا وكفانا ما خسرناه وما كسبناه أيضا

ولعلم اخواني والله انا ليس لي انتماء لأي حزب او جماعة او طائفة معينة ولكنني اقول ما أشعر به ونحترم كل الآراء الحريصة على صالح الوطن