|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
04-02-2011, 12:12 AM
|
||||
|
||||
عزيزي المغفل
عزيزي المغفل , تحية طيبة و بعد ... ... اذا كانت احد أهدافك لوقف المظاهرات هيه فرصة تانية .. البلد هتخرب .. الامان .. دول أجنبية يبقى يا ريت تقرا لحد الاخر عزيزي المغفل .. أنا برضه مغفل .. كنت زمان بقول اني انسان .. مسلم .. مصري .. عربي اكتشفت اني لو حبيت أمارس شعائر الاسلام و أصلي الفجر و أربي دقني هيعتقلوني و لو حبيت أعمل فيها مصري و خايف على الوطن و أحارب الفساد برضه هيعتقلوني و لو العرق العربي نفر و قلت فلسطين أو تونس برضه لازم يعتقلوني و لو طالبت بأبسط حقوقي الاّدمية : هواء نضيف .. ميه نضيفة .. أكل نضيف .. مسكن و جواز مش بلاقيها .. و لو اعترضت عشانها برضه هيعتقلوني عزيزي المغفل .. تسمح تقولي احنا ايه ؟؟؟؟؟؟؟؟ ايه هيه هويتنا ؟ لازمتنا ايه ؟ عايشين ليه ؟ عزيزي المغفل .. ياللي فرحان بخطاب الرئيس و شايف انه كفاية يعني - بفرض انه هينفذه - مش غرييييييييب شوية يعني اننا لازم نموّت مننا ييجي 500 واحد عشان البيه يبدأ ينطق و يحس ان فيه - لا سمح الله - شوية فساد و بتقول نديله فرصة تانية !!!! اه صحيح .. عندك حق .. ما الراجل - - ماباقالوش غير 30 سنة بس في السلطة يعني كان هيلحق يعمل ايه ؟؟ ده الواحد على ما يفطر و يشرب الشاي بياخدله 5 سنين عزيزي المغفل .. ياللي بتقول كده البلد هتخرب .. و السرقة و النهب و عدم الامان ده أنت مغفل جدا حادثة واحدة من حوادث الفساد زي حادثة العبارة مات فيها اكتر من 3 أضعاف اللي ماتوا في الاسبوع ده و السبب في موتهم سافر بره و همه سابوه عشان تبعهم عزيزي المغفل .. هوه انت فعلا كنت عايش في امان ؟؟ انت كل اللي كنت بتعمله انك بتطبق قاعدة " يحدث للاخرين فقط يعني انت بس مش متخيل ان اخوك يموت في عبّارة او اختك تولع في القطار او امك و ابوك يتهانوا و يتبهدلوا من أي امين شرطة مايسواش 3 مليم او جوازتك تتفركش عشان عز بيه محتكر الحديد او حد قريبك ينتحر لانه لا لاقي شغل ولا عارف يتجوز او يمكن مش مدرك ان موقفك من القضية الفلسطينية ممكن يتغير عن كوننا ولاد عم اليهود و اللي ينكسف من بنت عمه مايخدش منها ريال او يمكن باصص للحظة دي بس يعني مش مفترض انك هيجيلك سرطان من المبيدات المسرطنة او فشل كلوي من الميه الملوثة او على المدى القريب ممكن تنضم لضحايا وباء اسفكاسيا الخنق - افتكاس يا - و ده لو حصل سوء تفاهم مع المخبرين اياهم او لو حظك وحش شوية ممكن يضطروا يعزبوك لحد ماتموت انت ليه مستبعد انك يحصلك اي حاجة من دول ؟ همه اللي حصلهم كده ماكانوش مصريين زيك ؟ ماكانوش بني ادمين زيك اراهنك كمان انهم كانوا مستبعدين الافكار السوداوية دي زيك تمام عرفت انت ليه مستبعد الحاجات دي ؟؟ معرفتش ؟ عشان مغفل عزيزي المغفل .. ياللي شايف ان فيه ديموقراطية و حرية رأي فيه فرق بين حرية الرأي و تسفيه الرأي الموضوع ببساطة ان رأيك مالوش وزن طالما همه المتحكمين في كل حاجة خلاص يا حبيبي اتكلم و ألطم و اشتم و عض في الارض هل ده هيقلل من فلوسهم ؟ هل ده هيقلل من نفوذهم ؟ يبقى هيتعبوا نفسهم و يمنعوك ليه ؟ هيه المشرحة ناقصة قتله ؟ عزيزي المغفل لما يكون نظام فاسد و متخلف و تعمّد اثارة الفوضى عشان الناس تقول خلاص رضينا بيه و يمسكوا امناء شرطة بيحاولوا يسرقوا و ظباط بيحاولوا يقتلوا و يحرقوا في زي مدني و بلطجية و هتيفة مأجورين من الحزب الوطني و مجلس الشعب بهدف قتل و ضرب المتظاهرين حتى بعد الخطاب العظيم للرئيس و ده يدل على مصداقيته الشديدة و بعد كل ده نقول نديله فرصة تانية 6 شهور و نسيبه يعدل اللي هوه عايزه من الدستور حسب رؤيته العظيمة يبقى تقدر تقول و بكل فخر : أنا مغفل جدا جدا جدا و تكون دي هيه هويتك .. و من حقك تموت في سبيل افكارك و ختاما يقول الامام عليّ ابن ابي طالب الناس من خوف الذل في الذل .. و الناس من خوف الفقر في الفقر |
|
#2
04-02-2011, 12:16 AM
|
||||
|
||||
|
لا تعط العامة فوق ما لهم من حقوق عقلية أو خلقية .. فإن مستويات الجماهير لا تتحكم فى تقرير الحق أو تحديد الفضيلة. بل تؤخذ الحقائق والفضائل من ينابيعها الأصلية دون مبالاة بالجاهلين لها أو الخارجين عنها. وإن كانوا ألوفا مؤلفة.. وعلى الرجال الكبار أن يبنوا سلوكهم فوق هذه الأسس؛ فلا يتبرموا بالنقد المثار أو يقلقوا لكثرة الهجامين الشتامين.
ا...لشيخ الغزالي
__________________
معلم اللغة العربية بمدارس المنصورة كولدج الدولية  |
|
#3
04-02-2011, 12:19 AM
|
|||
|
|||
|
انا وبكل فخر اقولها انى مصرية بخاف على بلدى ومش هاسمح لااى انسان مهما كان يغير فى فكرى
انا مع كل مصرى ومصرية يقول نعم لاستقرار نعم لاما ن مصر واذا كنت فى نظرك من هؤلاء المغفلين فنعم انا اوافق المغفل اللى بيصدق ان دول بلطجية من مصر بلطجية مصر دول اللى دخلوا مستشفى سلطان الاطفال ورموا اطفال من على الاجهزة اللى بتعالجهم علشان يسرقوها انت تصدق ده المغفل هو اللى بيدى ودنه لغيره ويسمع كلام مش مظبوط المغفل اللى عايز يعمل اطرش ويقفل اذنه وميسمعش كلام حد هو ده المغفل
__________________
|
|
#4
04-02-2011, 12:29 AM
|
||||
|
||||
|
والله اللى انت بتقوليه ده معناه ان الريس المفروض يلف بيت بيت يخبط عليه ويطبط عليهم ويقلهم ايه مشكلتكم وده مستحيل احنا كام و كل مشكله فى كل بيت فى ايه بالظبط
لو على البطاله اولا اللى عاوز يشتغل ويجوز يقدر الجمعيات اللى بتدى قروض للشباب و بتساعدهم يبداوا حياتهم موجوده فكل المحافظات يعنى مش فاضل ان غير ان الواحد ينزل و يفكر يتعب شويه يعنى ما فى ناس تعبت ووصلت مش الواحد منهم عاوز ميكنش اقل من مدير بلاش نكلم فالموضوع ده وبعدين مقلتيش غير سلبيات واى حكم ليه سلبيات و ايجابيات مثلا محمد حسنى مبارك عمر مهياجى واحد تانى زيه يعرف يحافظ على امن البلد ومن الناحيه العسكريه محدش زيه على الاقل المفروض نحترم انه دافع عن ارض البلد ديه فى 56و67و73 ومستعد يدافع عنها والدليل انه مهربش زى ناس....مع ان ده كان اريحله ده لو اى حد مكانه كان قال احسن ميولعوا مش هوه قاعد يحاول يرجع البلد تانى ايه يعنى 6 شهور يعنى خلاص نسيته كل حاجه وبعدين لو ظلمتوه هياجى حد يظلمكم تفكروه موسى ويطلع فرعون فبلاش
__________________
Don't cry over anyone who won't cry over  you  |
|
#5
04-02-2011, 12:34 AM
|
||||
|
||||
|
تعرفى هوه مخلى امريكا متدخلش فبلدنا بس لو طلع هتلاقى اسرائيل وامريكا فوق دماغنا وهنبقى العراق2
هوه فاهمهم ولولا كده كان زمان نصنا مقتول والباقى بيتعذب بس هوه راجل عسكرى بيتحمل المسئوليه وبيدافه عن بلده
__________________
Don't cry over anyone who won't cry over you |
|
#6
04-02-2011, 01:01 AM
|
||||
|
||||
|
[quote=MiSty AnGel;3067418]
عزيزي المغفل , تحية طيبة و بعد ... ... اذا كانت احد أهدافك لوقف المظاهرات هيه فرصة تانية .. البلد هتخرب .. الامان .. دول أجنبية يبقى يا ريت تقرا لحد الاخر عزيزي المغفل .. أنا برضه مغفل .. كنت زمان بقول اني انسان .. مسلم .. مصري .. عربي عزيزي المغفل .. ياللي فرحان بخطاب الرئيس و شايف انه كفاية يعني - بفرض انه هينفذه - مش غرييييييييب شوية يعني اننا لازم نموّت مننا ييجي 500 واحد عشان البيه يبدأ ينطق و يحس ان فيه - لا سمح الله - شوية فساد و بتقول نديله فرصة تانية !!!! اه صحيح .. عندك حق .. ما الراجل - - ماباقالوش غير 30 سنة بس في السلطة يعني كان هيلحق يعمل ايه ؟؟ ده الواحد على ما يفطر و يشرب الشاي بياخدله 5 سنين هينتقم من المعارضين كلهم
__________________
ليتنا مثـل الطفولـه بالبرائـه..مانخـون
ماندل الاطريق الصدق مانعـرف نفـاق ليتنا مثل الامومه قلبـي وقلبـك..حنـون لاانت ترضى في فراقي ولا انا بعدك يطاق وليت شوقك لي مثل ماانا على حر اشتياق صنعـــت لنفسـى قنـاع..بعيــد عن الخـداع والـزيـف والنفـاق..قنـاع لا يرسم ســوى فرحـى وابتسامتـى وسعادتـى المصطنعـه..قنـاع يخفـى الحـزن الـدفيـن بـــــ داخلى |
|
#7
04-02-2011, 01:04 AM
|
||||
|
||||
|
[quote=H.H.KH;3067560]
اقتباس:
هيقعد عشان هينتقم من المعارضين كلهم
والجديد انه بيقول بوده يقدم استقالته بس خايف ان البلد يحصلها فوضى لما يمشي.. 
__________________
ليتنا مثـل الطفولـه بالبرائـه..مانخـون
ماندل الاطريق الصدق مانعـرف نفـاق ليتنا مثل الامومه قلبـي وقلبـك..حنـون لاانت ترضى في فراقي ولا انا بعدك يطاق وليت شوقك لي مثل ماانا على حر اشتياق صنعـــت لنفسـى قنـاع..بعيــد عن الخـداع والـزيـف والنفـاق..قنـاع لا يرسم ســوى فرحـى وابتسامتـى وسعادتـى المصطنعـه..قنـاع يخفـى الحـزن الـدفيـن بـــــ داخلى |
|
#8
04-02-2011, 01:14 AM
|
||||
|
||||
|
الرئيس مبارك والسيد نائب الرئيس يحملون الاخوان مسؤليه التظاهر وحدهم لكن المحللين السياسين يقولون ان المتظاهرين فيهم مسيحين واخوان وماركسيين وعلمانيين ويعتقدون ان الاخوان لايمثلون غير نسبه 10%
__________________
مستر/ عصام الجاويش معلم خبير لغه انجليزيه بمدرسه التل الكبير الثانويه بنات بمحافظه الاسماعيليه |
|
#9
04-02-2011, 01:22 AM
|
|||
|
|||
|
" جمعـــــــة الأستــــقرار "
  هذه دعوه إلى أنه يجب أن تكون هذه الجمعة هى جمعة الأستقرار وكفا كفااا !! حرائق دمار قتل سرقة خوف وترويع ... خســـائر فى الأقتصاد ..  يجب أن يعود الوضع فى السويس وفى مصر كلها كما كان .. والجميع يرا أن معظم المطالب قد تحققت وفى وقت قريب ستتحقق جميع المطالب بإذن الله فيجب على كل من يحب هذه البلد نشر هذه الدعوه ولتعود مصر الحبيبه كما كانت أمنه . 
__________________
|
|
#10
04-02-2011, 03:09 AM
|
|||
|
|||
|
لا للبلطجة المنظمة بايدى الداخلية ارحمونا الشعب تعب ودلوقتى بتقولوا ان الاخوان هم السبب
أنا والله مش اخوان ولكن الاخوان ناس محترمة مشكلتهم انهم محترمين واسرائيل مش بتحبهم وبقاءه فى السلطة حيكون انتقام منهم ارضاء لاسرائيل حتى تطمئن وترتاح ويتحرق شعبه مش مهم
__________________
|
|
#11
04-02-2011, 03:16 AM
|
||||
|
||||
|
بدون كلام كتير ومشاركات مليانة
المغفل هو من يحركه العملاء بكيبورد وماوس وهما قاعدين على كراسي فيجعلوه يقاتل اخوته المغفل الحقيقي هو من يبيع وطنه من اجل ساندوتش وصفيحة كانز المغفل الحقيقي هو من سد اذنه عن الحق واستمر في طغيانه وعناده |
|
#12
04-02-2011, 03:23 AM
|
||||
|
||||
|
حسبي الله ونعم الوكيل
عاوزينها تولع ؟ ربنا ينتقم من الظالمين
__________________
لا اله الا الله عدد ما كان , وعدد ما يكون , وعدد الحركات والسكون |
|
#13
04-02-2011, 03:34 AM
|
|||
|
|||
|
اقتباس:
من حق كل شخص أن يعبر عن رأيه فيما حدث وفيما يحدث , ولكن بلا تجريح أو اتهامات بلا دليل ولا يقبلها العقل السوي !! ان كان من يقيمون في ميدان التحرير هم عملاء وخونة وقابضين , فلولاهم لما قال الرئيس مبارك ما قاله في خطابه الأخير ( الخطاب كان مساء يوم الثلاثاء 1/2/2011 , وما حدث معهم كان صباح اليوم التالي 2/2/2011 ) قولوا عنهم شباب تنقصهم الخبرة , تنقصهم الحكمة والتريث , لا يجيدون لغة السياسة , انتابهم بعض الغرور , ..... ولكن لا ينعتهم أحد بالعملاء والخونة والقابضين !! أي طرف فيهما يقتل الطرف الأخر ؟!! فكما قلت لولاهم لما استمع الشعب المصري وكل دول العالم إلي الخطاب الثاني للرئيس , أم أن هؤلاء الشباب تم استبدالهم فجأة ؟!!! |
|
#14
04-02-2011, 03:49 AM
|
||||
|
||||
|
اقتباس:
هم يقولون على من يخالفهم خائن واذا كنت تعرف احد يقطن في منطقة التحرير فإسأله عما يقوله المتظاهرون له اذا طل من البلكونة
الرئيس لم يقل الخطاب بسببهم وإنما قاله لإعادة الأمن والأمان أيا كان مضيعه ... بمعنى لو بيتك اتهد وملكش مكان غيره هتقعد تضيع وقتك وتشوف مين اللي هدهولك ولا هتبنيه من جديد الأول. الأطراف تتقاتل لعدم وجود قيادة لها وعدم توحيد مطالبهم وتدهور الحالة الامنية بسببهم هم أختلف معك تماما في السطر المكتوب باللون الأحمر وقد وضحته لك بالأعلى هؤولاء الشباب لم يستبدلو ولكنهم غيبو وتمردو فالمستبدل ليس الشباب ولكن عقولهم التي تفتح تلقائيا امام العميل ابو كيبورد وماوس وتغلق تلقائيا امام الحق . تحياتي لك,, |
|
#15
04-02-2011, 03:53 AM
|
|||
|
|||
|
الحمد لله انى مغفل . لان الغفله عن افكارك السيئه .واسلوبك الاسوء . هى عين البصيره
وافولها فى كل الاماكن .حكم راى الدين . و اسال الشيوخ (اهل الذكر). سوف تعلم من هو الذى فى غفله من ينشد الاستقرار ام من ينشد الدمار من يعتصم فى التحربر ام من يعتصم بالله من الفتن من بدا بالحق ووصل الى الباطل.ام من وقف بعيد ليميز الحق من الباطل من بنشد البطولة على حساب البلد . ام من قلبه منفطر على البلد من ينظر من جانب واحد.ام من ينظر من كل جانب للموضوع الواحد من بنظر للخلف............ام من ينظر للامام من مصيره اما معتقل او مقتول او شمشون الجبار ......ام من مصبره بعيد عن ذاك الان علمت من فى غفلة ومن يستحق لقبها |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:32 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
