|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
24-01-2011, 12:22 PM
|
||||
|
||||
نصائح للبنات في فترة الخطوبة
آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد.. أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه .... 1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا 2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه.... 3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة..... 4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.. 5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود.. 6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك.. 7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت.. 8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي.. 9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي.... 10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
__________________
انا حديثي سكات علي الضمير اللي مات  |
|
#2
24-01-2011, 12:27 PM
|
||||
|
||||
|
هههههههههههههههـ
هو حد مستعد يخطب الايام دى يا رجالة سبوهم يعنسوا  بجد موضوع رائع جدااااااااااااااااااااااااا شكرررا
__________________
 |
|
#3
24-01-2011, 12:30 PM
|
||||
|
||||
|
هههههههههههههههـ
__________________
اجعل عملك لله إذن فلن تغضب أو تتعب أبداً فالأجر كله من الله وليس من البشر وتذكر ( ما عندكم ينفذ وما عند الله باق )  |
|
#4
24-01-2011, 12:33 PM
|
||||
|
||||
|
اقتباس:
في ناس كتير بالرغم من ظروفها المادية بتخطب وكمان بتجيب شبكة
معرفش منين في ايامنا دي المهم منور الموضوع يا استاذ محمود
__________________
انا حديثي سكات علي الضمير اللي مات |
|
#5
24-01-2011, 12:34 PM
|
||||
|
||||
|
اقتباس:
شكرا لمرورك
واضحك من قلبك
__________________
انا حديثي سكات علي الضمير اللي مات |
|
#6
24-01-2011, 12:54 PM
|
|||
|
|||
|
هههههههههههه
أكيد الموضوع فكاهي ( مش نصائح بجد ) مع ان الكلام دا بيحصل فعلاً قبل الزواج , لكن بعده الواحدة بتكون عايزة تاكل الراجل  وتسمع أصوات غريبة أثناء الأكل عمرك ما سمعتها منها في الخطوبة  مفيش أحسن من التصرف بطبيعة الشخص لأن التصنع في الحاجات دي وغيرها يؤدي إلي مشاكل , إلا إذا كان الغرض هو وقوع المسكين في الشبكة  مشكورة علي هذا الموضوع خفيف الظل . |
|
#7
24-01-2011, 12:58 PM
|
|||
|
|||
|
لا حول ولا قوة الا بالله
شكرا على الموضوع
__________________
الحمد لله |
|
#8
24-01-2011, 01:26 PM
|
||||
|
||||
|
انا من رأيي بلاش تتصنع اوي كده انتي كده هتعذبي البناتخليهم بطبيعتهم بس لو واحده مش طبيعيه تعمل زي مانتي بتقوليانما الرقه مطلوبه طبعا بس مش زياده عن اللزوم ماتبقاش اوفر يعنيزي مابيقولوا لان الواحد برضو مهما كان بيحب يشوف البنت الغير متصنعهوبعدين حاجه تانيه...دي نصائح عن الاكل بس فين بقي نصائح معاملتهالخطيبها المسكين اللي هي اهم من اي تصرف يصدر منها في اكل او شرب....وع العموم شكرا ع الموضوع
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#9
24-01-2011, 01:30 PM
|
||||
|
||||
|
اقتباس:
فعلا هو فكاهي
بس فعلا بيحصل فترة الخطوبة كلها تجميل في تجميل وفي الجواز كل حاجة بتبان علي حقيقتها شكرا لمرورك
__________________
انا حديثي سكات علي الضمير اللي مات |
|
#10
24-01-2011, 01:32 PM
|
||||
|
||||
|
اقتباس:
وشكرا علي المرور
الجميل
__________________
انا حديثي سكات علي الضمير اللي مات |
|
#11
24-01-2011, 01:37 PM
|
||||
|
||||
|
اقتباس:
والله انا لاحظت انه كله بيتصنع ويتجمل الطرفين يعني الولد والبنت كله في الفترة دي بيتجمل بقدر الامكان وبسيط اوي لما تلاقي حد فيهم بيتصرف بطبيعته صدقني فترة الخطوبة فترة تجميل وطبعا مرايه الحب عامية ساعات العيوب تبقي واضحة وضوح الشمس ومع ذلك منشوفهاش لان الحب ساعتها بيعمي النظر المهم شكرا لمشاركتك في الموضوع وهو ده المهم
__________________
انا حديثي سكات علي الضمير اللي مات |
|
#12
24-01-2011, 06:30 PM
|
||||
|
||||
|
هههههههههههه
ههههههههههههههههه اكيد طبعا حضرتك بتتكلم هزار مش معقوله في بنات كده يالهوووى يبقي مش اسمهم بنات بقا هههههههه بس موضوع بجد جمييييييييل جدا شكرا لحضرتك
__________________
(رَّبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَل لِّي مِن لَّدُنكَ سُلْطَانًا نَّصِيرًا) |
|
#13
24-01-2011, 06:35 PM
|
||||
|
||||
|
الصراحة والوضوح مفيش افضل منها
من الاتنين علشان تريح وده الاافضل بس ده ما يمنعش الذوق طبعا شكرا على موضوع اضحكتنى وفى انتظار هجومك للجانب الاخر كيف يتجمل هو لكى تعجب به ؟؟ مش البنت بس اكيد اللى بتعمل كده
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
|
#14
24-01-2011, 06:35 PM
|
||||
|
||||
|
هههههههههههه
يبقى محدش هيتجوز فى البلد دى  الغريبة انه ده فعلا هو الواقع البنت قبل الجواز حاجة وبعده حاجة تانية خالث قبل ما تتجوز تفضل معلقة على كل حاجة ومنتبهة لأصغر حاجة الدبوس ده جاى يمين ولا شمال والطرحة دى ظروفها ايه وخلصة الشعر دى مش عارف ايه ويا سلام بقا على التركيز على الألوان ... ولا طريقة المشى ...ههههه بإختصار البنت قبل الجواز بتبقى بوسى وبعده بتبقى عبد الستار  ولو قابلتها فردة شراب فى الشارع وهى ماشية بتلبسها عشان الجو برد  وبالمناسبة فيه فعلا بنات كده زى الموضوع ما قال
__________________
يا رب
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:22 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
