جات عندنا والوزاره ما فيهاش فلوس

[ابوامانى]

سمعتو اللى حصل فى اجتماع البيه الوزير مع المتظاهرين قالهم دا حال البلد كلها والوزاره ما فيهاش فلوس يعنى مصر اللى من كتر فلوسها بتتنهب من اى مسئول يقعد فيها اقل مدة بيقول انها ما فيهاش فلوس اما ل فين الفلوس بتروح وياريت من الاخوه9 والاخوات اللى مخدوعين بان المعلمين المساعدين ليهم قااااااااانون خاص بيهم وهو قانون كاد المعلم ما يتخدعوش اكتر من كدا ودى نصيحه منى لوجه الله والوطن لان لبتها بانت خلاص فبلاش نضحك على نفسنا كفايه والله اقل حاجه كان قالها الوزير ليهم لما سالوه المتظاهرين والبرنامج التلفزيونى كان قال الموظفين حنستنى القانون الجديد حنشوف حيعمل معاهم ايه اما المعلمين المساعدين فجارى تثبيتهم بعد مراجعة الملفات بتاعتهم لكن ماحصلش ولا حيحصل ابداااااا فما علهش يشباب احنا نايمين خالص فى العسل لغايت ما حيطلع علينا القانون الجديد اللى مش حيدى للموظف اى حق ولكنه قانون متعسف وابقو شوفو واسمعو وكل حاجة وحتقولو كلامى كان صحيح الحل ننزل للشارع نورى للناس نفسنا مش اكتر من كدا وحناخد حقنا ومش مستنى اى حد يهبطنا فلو كان فيه حد ناوى يخذلنا زى كل مره واحنا مش عالافين قصده ايه ولا هو تبع الوزاره ياريت كفايه ما يردش ولا يعقب لان انا خلاص تعبت وقرفت وصدقونى مش حشارك باى كلام تانى لو مافيش فايدة فما ضاع حق وراءه مطالب حنستنى ايه تانى لنا معظم الشباب يفكر والعياذب الله فى الانتحار زى العضو اللى تكلم قبل كدا فلازم نحدد وقت قريب خالص للاعتصام عشان مانديمشض فرصه ينزلو اى خبر يضحكو بيه علينا يا خوانا دا والله العظيم خراب بيوت والى اللقاء

[msrahmedseef]

والله يا أخى الحكومة شكلها ها يتعمل فيها زى تونس هايفضلو يضغطو علينا لحد ما البلد تفرقع ولما تفرقع محدش يعرف هايقدروا يهربوا برة مصر ولا ممكن يتعمل فيهم اية ربنا يسهلهم ويسهل لنا ومبروك للشعب التونسى الحر ( اذا الشعب يوما اراد الحياة فلا بد ان يستجيب القدر ) ولكى الله يا مصر ولشبابك

[alirahim]

كلام حضرتك صح ميه فى الميه مش هنستنى تانى اى ردود سلبيه ولا هنسمعلها وهنعمل الى احنا عيزينة وهو مطالبة بتثبتنا باثر رجعى من 7 /2010