|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
11-10-2007, 08:13 PM
|
||||
|
||||
الدرس الأول : مقدمه عن الفوتوشوب و التصميم
 السلام عليكم و رحمه الله و بركاته س : معني " الفوتوشوب " ؟ ازيكم يا جماعه عاملين ايه ؟ يارب تكونوا بخير النهارده بإذن الله ناخد اول درس في الدوره التدريبيه بتاعتنا و طبعا مش هنبدأ علي طول كدا لازم نعرف احنا هنتعامل مع ايه و نعرف ايه لزمه الفوتوشوب و ايه استخداماته و اول حاجة طبعا نعرف معني الفوتوشوب ؟ وانا من رأيي ان الدوره هتبقي عاميه يعني اكننا بندردش مع بعض كدا عشان متبقاش تقيله رخمه مع ان الاسلوب العامي في الفوتوشوب بيتعبني انا بس يالا تعبكم راحه   ج : الفوتوشوب دي ترجمه حرفيه لكلمه Photoshop و دي معناها ورشه صور او ورشه عمل جرافيك . ايه ده ؟! معني كدا اني هلاقي في الفوتوشوب كل الحاجات اللي ممكن الاقيها في ورشه للرسم ؟ ايوه ياعم امال انت فاكر ايه ؟ هما دول ناس بيعلبوا ولا ايه ؟! يعني م الآخر بإذن الله لو دروسنا خلصت مع بعض و تابعنا مع بعض و ركزنا هنبقي مصممين جامدين اوي اوي و نقدر في الأخر نشترك كلنا في تصميم واحد و بكل خبرتنا هيطلع احلي شغل ان شاء الله . مبتدئ : ايه ياعم احمد انت بتشتغلنا ولا ايه ؟! ياعم احمد انا بسمع ان الفوتوشوب صعب و تعامله وحش و اللي يقولك لايزر و ابصر ايه و مش عارف ايه .. طيب و كدا احنا هنفهم حاجة ؟ احمد : بص يا سيدي اللي بيقولك الكلام ده مش عايزك تتعلمه وبيريح دماغه منك وعشان تبقي عارف بقي الفوتوشوب ده حاجة لذيذه جدا جدا .. و الطبقات اللي بيقولك عليها دي حاجة سهله جدا . اصل المبرمجين بتوع الفوتوشوب عملوا ايه ؟ قالك عشان اعرف اشتغل و اعمل تصميم لازم تكون الشغل طبقات فوق بعضها و اقدر احرك كل حاجة لوحدها . مش زي الرسام لو كتبت حاجة ولا عملت حاجة متعرفش تحركها و تعامل عقيم . يعني من الآخر خليك معانا هنا و ابقي روح قول للكابتن اللي بيقولك كدا وحط صباعك في عنيه مبتدئ : يعني يااحمد بعد ما اتعلم الفوتوشوب هقدر اصمم صور و اعملك تواقيع لنفسي و احطها في المنتدي ؟؟ احمد : ايوه يابني و مش بعد كتير من التعلم يمكن في الأوائل كدا تصمم توقيع لنفسك و هيبقي جبار و تنافس التخين في التصاميم . وبعدين ده اقل حاجة ممكن تعملها علي الفوتوشوب .. الفوتوشوب جبار يا مان . مبتدئ : طيب ما تدينا لمحه عن الشغل كدا قبل ما نبدا عشان نبقي عارفين برده احمد : بص اهم شئ في الفوتوشوب نظام الليرات اللي قولت عليه قبل كدا و بعد كدا الفلاتر الجماعه اللي قاعدين كلهم : الفلاتر ؟؟؟؟؟!!!!!!!! احمد : ايه يابني انت وهوا خضتوني !! ياجماعه هقولكم الفلاتر اصبروا بس الفلاتر دي تأثيرات علي الصورة بيوفر عليك انك تنعم الصورة ، تخشنها ، تعملها تحديد ، برواز ، تغير الوانها بطريقه معينه ، النظام ده يعني . مبتدئ : طيب و الحكايه اللي انا سمعتها عن ان الفوتوشوب يقدر يصمم منتدي لوحده و موقع لوحده و الكلام ده يا ابو حميد ايه اخباره ؟ احمد : و الله يا جميل الحكايه دي مش صحيحه .. يعني منقدرش نعمل موقع او منتدي بالبرنامج لوحده .. لكن فيه توابع و مكملات للفوتوشوب يعني مثلا فيه برنامجين اللي هما مثلا الفرونت بيج Front Page او الدريم ويفر Dream Waver وغالبا ما يستخدم الفرونت بيج لانه اسهل و لكن الدريم ويفر اكتساح و شغل جامد جدا ً . مبتدئ : طيب ممكن لو سمحت يا احمد هوا انت عامل الحركه اللي في التوقيع دي علي برنامج ايه ؟ احمد : الفوتوشوب . مبتدئ : ازاي ؟ احمد : بص يا سيدي في برنامج مرفق مع الفوتوشوب اسمه Image Ready ده خاص بالإينميشن و الحركه في التصاميم بس دلوقتي بقه الناس مش بقت بتحبوا اوي يعني عشان الحركه بتبقي بسيطه و حجم الصورة بيزيد و حل بداله ملفات SWF اللي هيا اختصار Shock Wave Flash دي بقه حلوة في ايه ؟ لما مثلا انت مصمم حاجة عليها بيكون فيها حركات كتير و حجمها بيكون مثلا 40 كيلو بايت بالكتير . ودي حاجة من مميزات الفلاش بقه وعلي فكرة انا سمعت ان شركه ادوب فوتوشوب هتشتري الفلاش و تدمجه مع الفوتوشوب فهمت يا سيدي ؟ مبتدئ متعجرف : هيا الدوره دي لزمتها ايه يا اخ ؟ احمد : ايه ده من اولها .. ماشي ياعم .. الدوره دي لزمتها اننا هنتعلم حاجة كويسه و زي ما انت شايف بقول المعلومه اللي عندي بأسلوب عامي عشان الكل يفهمه مش اكلمك بالفصحي ومتفهمش حاجة .. بس انت تابع معايا بس و كلنا هنظبط . احمد بس علي فكرة يا جماعه كل الكلام ده حلو اوي اوي بس فيه حاجة مهمه لازم نعرفها لو مفيش ابداع و محاوله و مجهود و تطبيق مفيش تعليم مفيش دوره مفيش اي حاجة هتنفعك وده الدرس الأول اتمني اني اكون وفقت فيه وقدرت اوصل معلومه ويمكن ده الدرس الوحيد اللي هيكون من غير صور تقريبا اه كنت هنسي شوية نصايح بقه قبل ما نبدأ 1 - عايزك تعملي مجلد باسم الفوتوشوب هتحط فيه كل الدروس والتطبيقات و كل حاجه هتلاقيها هنا 2 - لو استفدت من درس فيما بعد متجيش تقولي شكور و شكرا لو قولتلك عايز تطبيق يبقي تعملي تطبيق عشان احس اني انجزت معاك 3 - لو فيه تصميم طلبته منك باستخدام معلومات معينه حكايه الالوان دي تاخد بالك منها رغم اني معنديش الملكه الكافيه في اختيارالألوان بس انا عايزك تبقي تمام في الألوان حتي يا سيدي عشان نتعلم منك  4 - اه كمان لو انا مثلا اديتك معلومه لازم تفكر تستغلها ازاي و تظبط بيها 5 - في الفوتوشوب بالذات اوعي تتحرج من انك تعرض تصممك قدام الناس لانك لو اتحرجت ولا ما انا ولا انا نافعين هههههههه 6 - لو خطرت في بالك فكره و خلاص نفسك تعملها كلمني لو انا مش عارفها هسألك وأحاول فيها و اشوفها بس المهم تكون امتلكت شوية معلومات كويسه 7 - و انت بتشتغل علي الفوتوشوب خليك في الواسع يعني ايه ؟ يعني خلي مساحه العمل واسعه عشان تاخد راحتك في التصميم 8 - لو جيت تعمل تصميم متحطش صور كتير و لو حطيت صور كتير يبقي ترتبها صح بقه 9 - اياك تنسي حرف من اللي انا قولتهم ههههه اتمني اكون وفقت في البدايه النهارده و بإذن الله نكمل و بتمني منكم لتواصل و المتابعه كل سنه و انتوا طيبين و اي سؤال حول الفوتوشوب انا جاهز بإذن الله
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 11-10-2007 الساعة 10:01 PM |
|
#2
11-10-2007, 08:25 PM
|
||||
|
||||
ربنا معاك يا احمد ويوفقك فى الموضوع دهعشان باين ان الحوار متعب
وواضح اننا هنتتعبك معانا  بس سؤال انت دلوقتى فى الموضوع التانى منزل فوتو شوب 8 ينفع اتغل بـ7 ولا هيبقى مختلف وولا ايه النظام وكمان لو كان فى مواعيد هتنزل فيها الدروس ابقى عرفاها؟؟
__________________
والله زمان .... |
|
#3
11-10-2007, 09:35 PM
|
||||
|
||||
|
والله انا علي حسب تواجد و تفاعل الاعضاء يا دارك يعني لقيت فيه تواصل هكمل ورا بعض لقيت في استجابه و تطبيق كويس هكمل برده ملقتش هتاخر و افضل اقول في الحاجه تاني لحد ما توصل المعلومه
بالنسبه للبرنامج الفوتوشوب سبعه هوا تقريبا مش هيبقي فيه اختلاف كبير اوي بس انا كنت افضل انك تكوني شغاله بنفس النسخه
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
|
#5
11-10-2007, 10:02 PM
|
||||
|
||||
|
اقتباس:
مفيش اي مشاكل يا نونا بس من الواضح انك من الناس اللي مش بتفهم غير بالشغل العملي طيب علي العموم مش هتفرق كتير انا كنت عايز اديكم خلفيه عن البرنامج اللي هشتغلوا فيه و تتعلموه بس بالنسبالك استني لما نحط الدرس التاني عشان فيه عملي و هتجربي كل كلمه بتشوفيها وكدا تابعينا و كل سنه و انتي طيبه
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
|
#6
11-10-2007, 10:05 PM
|
||||
|
||||
|
اصل يا احمد انا بتكلم على النسخه عشان دى اعتقد ان هى ديمو يعنى هنستخدمها كام مره وبعد كده مش هتشتغل
يا نونو دى مقدمه بس التقيل جى
__________________
والله زمان .... |
|
#7
11-10-2007, 10:07 PM
|
||||
|
||||
|
والله انا حكايه ديمو دي مش عارف انا و لو خلصت نجيب الأصدار الكامل بس عبال ما نبقي نرفعه نشتغل بدي
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! آخر تعديل بواسطة احمد رضا ، 25-12-2007 الساعة 03:46 PM |
|
#8
11-10-2007, 10:19 PM
|
||||
|
||||
|
ماشى يا احمد مفيش مشاكل وانا برضو هعمل احتياطى وانزل السبعه برضو
__________________
والله زمان .... |
|
#9
12-10-2007, 03:15 AM
|
||||
|
||||
|
بدايتها عسل قوى يا ريس
ياالله ياعم جميل قوى حكاية العامية دى
__________________
لا اله إلا الله *** محمد رسول الله[/ |
|
#11
27-11-2007, 01:46 PM
|
||||
|
||||
|
مشكورين اوي اوي ايها المشرفين
ولو اني دخلت متاخر شوية THANKS ALOT MR AHMED REDA
__________________
TO BE OR NOT TO BE *أذا لم تكن لقمتك من فأسك لن تكون كلمتك من رأسك* امح ذنوبك فى دقيقتين آخر تعديل بواسطة احمد رضا ، 25-12-2007 الساعة 03:45 PM |
|
#13
23-07-2010, 10:44 PM
|
||||
|
||||
|
ما افضل ان يكون الشرح بالحوار
حتي يمكن للمتعلمين الفهم اكثر علي فكرة كلمة me معناها الشرق الأوسط وهي نسخة عربية يمكن الكتابة داخلها بالعربية
__________________
تحياتي لكم جميعاً: عاصم حمـزه مشرف علي قسم التصاميم والجرافيكس مــدرس حاسـب آلـي حاصل علي مصداقية البرمجيات في الحاسب الآلي(إعداد مدربين) دورة تصميم المواقع
|
|
#14
19-01-2011, 08:20 PM
|
|||
|
|||
|
الموضوع شيق وجميل وانا نفسى اتعلم الفوتوشوب بس ماعندى البرنامج  |
|
#15
13-02-2011, 12:21 PM
|
||||
|
||||
|
وده الدرس الأول اتمني اني اكون وفقت فيه وقدرت اوصل معلومه
ويمكن ده الدرس الوحيد اللي هيكون من غير صور تقريبا اه كنت هنسي شوية نصايح بقه قبل ما نبدأ فين بالظبط المقدمة وفين الدرس الأول؟ ياريت حضرتك تعمل فواصل ....(وياسلام لو بالتواريخ)
__________________
اللهم بلغنا رمضان اللي يفتكرني يدعيلي |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:29 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
