الى الرجل الفاضل شيخ الأزهر

[الازهرى111]

بعض الملاحظات الهامة التى ستعيد الأزهر لسابق عهده:
*الطلاب مملحقين ومجاميعهم ضعيفة جدا فى الشهادة الاعدادية ومع كده بيطلعوا لثانوية أزهرية.
*الطلبة ممعاهمش مجاميع وخشين كليات.
*الطلبة فيها مبتذاكرش ومكبرة.
الحل:
1-عمل مجموع لدخول الثانوية الازهرية.
2-عمل مجموع محترم لدخول الكليات.
عمل معاهدبديلة مثل الدبلومات.
*وأتحدى ان حدبعد كده يسبق طالب الازهربعد الى بقترحه.
*هذه مجرد نصيحة من عاشق ومحب وغيور على هذه الجامعة الاولى على العالم
*وياريت حد يوصل اقتراحى للرجل الفاضل المحترم الفاضل شيخ الازهر

[خالد جمال888]

وانا اول المؤيدين لرايك ويارب يتنفذ دة

[منالت 7]

مين قال ان طالب الازهر ضعيف
ومين قال ان الكليات بتاخد من مجموع صغير
اكيد حضرتك مش ازهرى
عموما مش كل الطلبة بالاوصاف اللى حضرتك ذكرتها
البعض منهم
لكن الاغلبية مستواهم راقى جدا وعلى قدر كبير من العلم والثقافة
واحنا كلنا فى البيت ازهريين
ودخلنا كليات القمة زى ما بيقولوا
وكان مستوانا جيد جدا
وخاتمين القران الكريم
الازهريين ما شاء الله عليهم
بس عايزين شوية عناية من شيخ الازهر والمسئولين عن الازهر

[أبوووووعبدالرحمن]

المشاركة الأصلية كتبت بواسطة منالت 7

مين قال ان طالب الازهر ضعيف
ومين قال ان الكليات بتاخد من مجموع صغير
اكيد حضرتك مش ازهرى
عموما مش كل الطلبة بالاوصاف اللى حضرتك ذكرتها
البعض منهم
لكن الاغلبية مستواهم راقى جدا وعلى قدر كبير من العلم والثقافة
واحنا كلنا فى البيت ازهريين
ودخلنا كليات القمة زى ما بيقولوا
وكان مستوانا جيد جدا
وخاتمين القران الكريم
الازهريين ما شاء الله عليهم
بس عايزين شوية عناية من شيخ الازهر والمسئولين عن الازهر

الواضح إن فيه تعصب أعمى وإنفصال تام عن الواقع وعن ما آل عليه الأزهر

على فكرة أنا أزهري وبأدرس بمعهد ثانوي أزهري

[Mr MohammedHassan]

انا بقول ان طلبة الأزهر متعودين على الغش ومن جواهم فاضي تماما
وده بالفعل بكل أسف اللي حصل معايا في اللجنة النهاردة
الطلبة بكل بجاحة عايزين يخلصوا بالغش
وطبعا عندت فيهم وخليت اللجنة لآخر دقيقة رغم وجود الملاحظ الآخر اللي طبعا من محبي الغش
ولا حياة لمن تنادي

[على الفيومى]

هذا هو افضل ا قتراح والجميع من مؤيديه وانا اولهم

[مينومينو]

الازهر يحتاج الى الاصلاح
وكذلك منظومة التعليم فى مصر
كل السلة فسدت

[alien2]

المشاركة الأصلية كتبت بواسطة الازهرى111

بعض الملاحظات الهامة التى ستعيد الأزهر لسابق عهده:
*الطلاب مملحقين ومجاميعهم ضعيفة جدا فى الشهادة الاعدادية ومع كده بيطلعوا لثانوية أزهرية.
*الطلبة ممعاهمش مجاميع وخشين كليات.
*الطلبة فيها مبتذاكرش ومكبرة.
الحل:
1-عمل مجموع لدخول الثانوية الازهرية.
2-عمل مجموع محترم لدخول الكليات.
عمل معاهدبديلة مثل الدبلومات.
*وأتحدى ان حدبعد كده يسبق طالب الازهربعد الى بقترحه.
*هذه مجرد نصيحة من عاشق ومحب وغيور على هذه الجامعة الاولى على العالم
*وياريت حد يوصل اقتراحى للرجل الفاضل المحترم الفاضل شيخ الازهر

لو طالب التعليم العام درس نفس المواد التى يدرسها طالب الازهر
سيفشل

[Observer]

اقتراح جيد لكنك نسيت تحديد البدائل
ما مصير من لم يحصل على الحد الأدنى من الدرجات فى الإعدادية ؟
وكذلك الأمر بالنسبة لطلاب الشهادة الأزهرية ؟
الطريق فى الأزهر مسار إجبارى ولا توجد بدائل فى الوقت الحالى

[زكريا مختار]

الوضع ليس كذلك بالطبط فالازهر يعاني من الضعف ولكن هناك طلبة متفوقين وحافظين لكتاب الله وكفي ذلك شرفا لهم حفظ كتاب الله

اما طالب المدارس فالغالب منهم لا يستطيع القراءة من المصحف اصلا

[fahdalfahd21]

هناك قلة مستواهم ضعيف فى الزهريين لكن ليس بالعدد الكبير كما هو فى التربية والتعليم واسألوا الناس الذين حصلوا علىالدبلومات الفنية كيف نجحوا فى الامتحانات وكيف حصلوا على شهاداتهم 0 لا داعى للنيل من الازهر بسبب تعصب غير مرغوب فيه0 كما ارجو من الله ان يوفق رجال الازهر وشيخه الجليل الى النهوض بالازهر والازاهرة الى ما فيه الخير

[محمد المت]

مين قال ان طالب الازهر ضعيف?
ومين قال ان الكليات بتاخد من مجموع صغير/??????????
اكيد حضرتك مش ازهرىومش متابع التنسيق الازهرى!!!!!!!!!!!!!!!!!!!!!!!!!!!!

[البروفسير اسامة قمبرة]

بصوا ياجماعة وببساطة كدة تعالوا تقف قليلا مع هذا الموضوع الطيب
اولا : طلاب الازهر ناس طيبين جدا بس فى منهم ناس مش غاوية تكمل ( شهادة متوسطة وخلاص ) ولكنه ( وبالرغم عنه ) يدخل ثانوية ( ثم بالرغم منه ) ينجح ويجد نفسه فى كلية ( ولا حول ولا قوة الا بالله ) ياجماعة ( رحم الله امرئ عرف قدر نفسه ) احنا عايزين نفتخر بطلاب الازهر ولهذا يجب علينا فتح جميع الابواب امام جميع الطلاب حسب امكانيتهم ومستوى كل منهم ولا يجب ان نساوى بين الجميع ( فلتفتح دبلومات التعليم الفنى ابوابها امام الحاصلين على الاعدادية الازهرية ) وننقى طلاب الثانوية الازهرية من هؤلاء الطلاب ( اصحاب الدور الثانى فى الاعدلدية او المستوى المتدنى ) الذين لا تسمح له الظروف الاجتماعية ولا المادية ولا النفسية ان يستمعوا الى مناهج التعليم الثانوى ان هؤلاء هم الطلبة الذين يفسدون صفو التعليم الازهرى . هم الذين يتطاولون على مدرسيهم ( مش هامه حاجة )
ياجماعة التعليم الازهرى ممتاز وطلابه ممتزين ولكن مش الجميع فيه ( قليل ) مش فى دمغهم احنا بقى عايزين نصفى التعليم الثانوى مالازهرى من هؤلاء وليس معنى ذلك ان نطردهم من التعليم ولكن فلنعاملهم مثل امثالهم من التعليم العام
وقد بدا بصيص من هذا الاتجاة الى التعليم الفنى فى الازهر هذا العام ( ولكن اختيارى ) والاولى بنا ان نجعل ذلك اجبارى ومقنن بدرجة معينة من يتجاوزها ياتى الى الثانوية الازهرية اما من لا يتجاوزها فليذهب الى التعليم الفنى ( رحمة بنا وبه ) ( رحمة بالجميع )

[NazeeH]

وا أزهراه ......
اللهم ارفع راية الأزهر عالية خفاقة.
لأن أولاً وأخيراً ماذا تعني كلمة الأزهر؟
الأزهر يعني الإسلام... أليس كذلك؟

ورسالة إلى أخي الكريم .. كاتب الموضوع..
الرجاء من حضرتك عدم الكتابة بالعامية قدر الإمكان.
لأن لايصح كتابة
*الطلاب مملحقين(1) ومجاميعهم ضعيفة جدا فى الشهادة الاعدادية ومع كده بيطلعوا لثانوية أزهرية.
*الطلبة ممعاهمش(2) مجاميع وخشين(3) كليات.
*الطلبة فيها مبتذاكرش(4) ومكبرة.
(1)لديهم ملاحق - (2)ليس معهم أو ليس لديهم- (3)التحقوا - (4)لاتذاكر.
بما انك غيور على الأزهر , فمن باب أولى الغيرة على اللغة العربية "لغة القرءآن".
بارك الله فيك وزادك حرصاً على الأزهر.