بتذاكروا العربي ده ازاي ... ؟؟!!

[The Joker]

السلام عليكم و رحمة الله و بركاته ..

انا اخوكم احمد ... الصف الثاني الثانوي ..

انا طبعاً بذاكر المواد اولاً اول بأول .. بس العربي اللي سبته خالص ..

الكيمياء الحمد لله تمام .. و الانجلش و الرياضه دول بيعتمدوا على الفهم و ان كان فيه في الانجليزي شوية حفظ

و الفرنساوي تمام الحمدلله .. بس المشكلة في العربي

بيقولوا لازم نذاكروا العربي بالحرف .. يعني مذاكرة دقيقة !!

مينفعش افهم مثلاً و اعبر بطريقتي ؟؟!!

يعني مثلاً القراءة عارفين انها حفظ .. و الادب انا بحفظ فيه على قد ما اقدر بس ساعات بعبر لو مافتكرتش اسلوب

الكتاب بالظبط ..

و النصوص انا حافظها .. بس هو لازم احفظ الايحاءات و الحاجات دي و لا ممكن تتفهم !!؟؟

و تقديركم للي لسه بادئ مذاكره .. هل هو اتأخر ؟؟!! .. و لا لسه فيه فرصة

مع العلم .. انا من الاوائل في كل سنة .. و قدراتي الفهمية كبيرة .. بس الحفظ مش اللي هي و بنسى بسرعه

تنصحوني اذاكر ازاي .. و في العربي و غير العربي

مستني ردود اساتضتي الكرام .. و زمايلي الطلبة

[الجنة امنيتى]

بص والله هيه مشكلة الحفظ دى تقريبا عند كل الناس فمش هينفع نقول مثلا انا هفهم بس
او اقول انا هحفظ بس
افهم بحفظ واحفظ بفهم
وحاول الحاجات اللى محتاجة حفظ تحفظها وممكن انك تنساها ودة الاكيد لان كل حفظ حتى لو مفهوم بيتنسى
فعشان كدة لازم المراجعة الدايمة
انا بردو بعانى من نفس المشكلة بس اعتقد ان دى النصيحة اللى هتنفعنا . لازم المراجعة الدايمة
وبالنسبة للايحاءات دى اديها مثلا للحفظ 10% والفهم 90% لان مثلا لو فى بلاغة ولا حاجة لازم ان انت تطلع ايحاءات او كدة وانت هتكون مش حافظها طبعا لانها لسه جديدة عليك
فلازم انك تحاول تفهمها من سياق الابيات
مع الاستعانة بالله فى كل الاوقات.قبل وبعد المذاكر
وان شاء الله كلة يبقى تمام باذن الله
وربنا معانا باذن الله

[romantic queen]

انت اتكلمت علي لساني ومشكلة الحفظ دي مشكلتي الكبيرة انا مفتحتش العربي والانجلش من اول السنة غير يعني فين وفين ولسة محفظتش اي نص بس الانجلش مش مشكلة بشكرك علي طرح الموضوع المهم ده

[Ƹ̴Ӂ̴Ʒ EsLaM MaSHaL Ƹ̴Ӂ̴Ʒ]

هههههههههههههه

الحفظ الحفظ الحفظ

هو قرآن ؟( استغفر الله )

دا عربي..... يعني اللي كاتب الملخصات دي استاذ

يعني انسان وبيكتب الايحاءات الحجات دي من تفكيره وفهمه ..

ممكن الكلمه يبقي فيها اكثر من ايحاء ..... ابسط حاجه انك تشوف مهناها وتكتب انها توحي بمعناها

او توحي بصفه حميده الا هي ... ....... او توحي بصفه ذميمه الا وهي .....

وبالنسبه للأدب .... الكلام اللي بيتقال في كل عصر هو نفس الكلام

والحجات التاريخيه ومقدمات العصور والحجات دي سيبك منها ... بقي سؤال الادب هيسيبوا الادب ويجيبولنا تاريخ

وحاول تشوف ملخص يجيب الاجابات مبسطه ..... لان الاجابات اللي فيها فزلكه دي....

بتتنسي بسرعه وبتاخد نفس الدرجه بتاع الاجابات التانيه

بالنسبه للقراءه .... دي فهم برضو ... مثلا يعني درس العدل.... تفتكر ايه هو تعريف العدل؟

العدل هو المساواه واعطاء كل ذي حق حقه ....... لو كتبت الاجابه دي هتاخدها صح؟

[الجنة امنيتى]

غلط طبعا العدل مش يعنى المساواة

دة ظلم كدة