جمعة الشوال

[حميد بدوى]

فاكرين جمعة الشوال

انا واحد من الناس

كنت فاكر انه مات من زمان

ربنا يطول فى عمره كمان وكمان

الراجل دة يعادل ملايين الرجال

واللى عمله ميتصدقش

ولا فى القصص ولا فى الخيال

يستاهل يتعملوا الف شارع والف حارة والف ميدان والف تمثال

ويدرس فى المدراس علشان تتعلم من بطولاته اجيال ورا اجيال

حب الوطن فى العقل والقلب والبال

تاريخ الدول بتصنعه الابطال

البلد همه فداها بدمه

ولحد الان بيقول يمكن اكون مقصر

او اكون غلطان

انت عمرك ما قصرت بس يا عم جمعه

البلد هى اللى فى حالة توهان

البلد بقت بتاعت لاعب الكورة والفنان

البلد بقت بتاعت الجبان ابن الجبان

جمعة الشوال بيقول

مبخدش معاش ولو خمسة جنية

فاضل اية يا بلد فاضل اية

عملتوا اية فى البلد

ياولاد الاية

بلدك وانت حر يا عز بيه

الراجل دة عايز معاش لية

واحنا كنا بنعادى اسرائيل من الاساس لية

الراجل بيقول عايز معاش وعلاج

اية يا بلد اللى جرالك

لية بتحاربى ابطالك

اللى احنا عايشين على حسهم

اللى التاريخ كتب بالدهب اسمهم

بتحرقى ليه قلبنا وقلبهم

الشاعر
عبد الحميد بدوى