(اسرار الليل)لكل حد من سر في حياته..بس لما يكون السر انك مثلية وشواذ ؟السر يبقى كارثة

[حمامة فلسطين]

السلام عليكم
انا اليوم بقدم لكم قصة بتعالج قضية حساسة جدا
الصراحة ترددت كتير جدا قبل ما انزلها
بس عموما قلت انزلها واشوف رايكم
لانى بجد حسيت انها ممكن تساعد حد ممكن تفيد
للقضية الحساسة لي بتعالجها والي احنا بنقول( ما عدناش من ده في وطنا العربي) بس المصيبة انو عندنا وموجود بس مش حاسين ومش بنقول ولا حد بيعترف...

ديماً الغرب بيتباهى بالغلط لكن احنا منخبيه ومنستر عليه بدل ما نعالجه...

المثلية او الشواذ..الي بيسموهم الجنس الثالث..صدقوني بنشوفهم كل يوم بيمرو جنبنا في الشارع ولا بنحس بيهم ومنفتكرهم زيينا وهما مش زيينا...مين الي خلاهم كده؟؟ وليه هما كده؟؟ وليه بيعملو كده؟؟

كل ده حنشوفو في قصتي الجديدة اسرار الليل....

خلونا نتكلم عن الناس دي الي موجودة في الحياة ومع الوقت حنلاقيها بكثرة...للأسف الزمن اتقلب بينا...بقينا في ايام قوم لوط واسحاق ...للأسف...بس الي اوعدكم بيه اني حعالج الموضوع باحترام شديد وشفافية كبيرة وصراحة اكبر بس من غير ما اجرح مشاعر الذوق العام ..زي ما عودتكم...
بس لازم نناقش يا بنات يا امهات الموضوع ده...لأنه لو حصل انتو السبب فيه...












أسرار الليل

الفصل الأول


- مساء الخير اعزائي المستعمين..لكل حد منا سر محتفظ بيه لنفسه...لكل حد منا سر يمكن تعبه ...لكل حد منا سر يمكن مأثر على كل حياته...اسرار الليل البرنامج الوحيد الي ممكن تتكلمي او تتكلم فيه براحتك عن الي شاغلك ومحيرك من غير حتى ما تقول اسمك ...معاكم من ورا المايك مي اشرف حرافقكم من هنا لبعد نص الليل حتلاقوني اخت وصديقة تشارككم احزنكم وافراحكم....دقايق اعزائي المستعمعين ونبتدي نتلقى اول اتصال...حسيبكم مع الرائعة فيروز...وحرجعلكم .....\

عدلت مي جلستها على الكرسي ووضعت السماعات من على أذنيها وراقبت بحذر اشارة المخرج الذي يعد على اصابعه الثواني لأعادة البث الإذاعي من جديد ....وعلا صوت مي في كل مذياع ...في البيوت في السيارات في المقاهي ...صوت ألفه الجميع خاصة الشباب والفتيات .....تتحدث عن مشاكلهم عن احلامهم عن اوجاعهم عن كل ما يشغل تفكيرهم ولا يجدون من يستمع اليهم........لقد أخذت هي على عاتقها هذه المهمة...في برنامجها اليومي..أسرار الليل....

- ورجعنالكم تاني وحبتدي اتلقى اول اتصال....مساء الخير...
- بدا الصوت مخنوقاً من بعيد ...صوت يخرج بصعوبة ولكنه صوت فتاة: مساء النور ..
- اتفضلي حضرتك....ايه الي تحبي تتكلمي عنه...
- وعاد الصوت المخنوق يخرج من جديد: انا بعاني من مشكلة كبيرة اوي في حياتي...مش قادرة اتحملها خالص...وما فيش حد يعرفها.....
- احنا هنا عشان نساعدك...اتكلمي...
- انا...فتاة مثلية........
- تجمد صوت مي للحظة وقد ارتبكت ولم تعرف ما يمكنها قوله بعد جملت الفتاة الأخيرة لكنها تداركت الموقف بقولها: تقصدي ايه حضرتك وضحي اكتر...
- انا عارفة انك استغربتي...لكن دي مشكلتي بجد..والله العظيم ما بهزرش...انا بنت ما بحبش الولاد من صغري وانا كده جربت بكل الوسايل اتغلب على شعوري بس ما قدرتش.. انا انسانة من الي بقولو عليهم شواذ مش طبيعية ...انا حاولت انتحر اخلص من الدنيا.....انا تعبانة اوي...

....نظرت مي الى المخرج الذي يعلمها انه سيقطع الاتصال وهي تهز له برأسها كي لا يفعلها ولكنه فعلها ووضع اغنية بسرعة....انتزعت مي السماعات بعصبية واقتربت من مكتبه...

- انت ايه الي عملتو ده...عملت كده ليه يا محيي ...
- ايه الي انتي بتقولي ده البنت دي اكيد مدسوسة دي بتتكلم في حاجة مستحيلة دي حتقوم الصحافة كلها علينا..
- انت الي بتقول كده يا محيي...دي بتتكلم عن مشكلتها هي.....مشكلة موجودة ..
- لق مش موجودة يا مي..وبلاش نلعب في النار احنا برنامجنا مشاكل مش فضايح...
- انت لي بتسميه الي بتتكلم عنه البنت دي فضيحة دي مشكلة فعلاً مشكلة....وانت بكده حطمتها اكتر ما هي متحطمة...
- اش عرفك ما يكنش حد بيشتغلنا....
- احنا هدفنا نساعد على الاقل نسمع .....انت بجد بتحطم مصداقية البرنامج ايه يعني نقول للناس احكولنا عن مشاكلكم واسراركم ونجلدهم كده ...
- مي..ارجوكي..ارجعي..البث حيرجع تاني....اتفضلي...

.............عادت مي الى غرفة البث وهي مرتبكة من الذي حصل ولم يغب عن تفكيرها كلام الفتاة ....

- اسفين على القطع الي حصل الي ناتج عن عطل فني عندنا وبقول للمتصلة الأخيرة تعاود تتصل بينا احنا هنا عشان نسمع اي حد واي مشكلة انا هنا عشانكم....ونستقبل اتصال جديد...الو مساء الخير
- مساء الخير يا مي...انا مجدي بكلمك من القاهرة
- اهلاً وسهلاً يا مجدي الهوا مفتوحلك اتكلم في الي تحبه
- انا بس عاوزة اعلق على كلام المتصلة الي قبلي الي قالت انها مثلية..بقلها عيب عليها بجد تطلع وتتكلم ايه البجاحة دي..اهنا هنا في مصر ماعندناش الحاجات دي..احنا بلد مسلم ليه عاداتو وتقاليدو واذا كانت طالعة عشان تشوه صورة بنات مصر احب اقولها ان بنات مصر اشرف من الشرف مش زييها و...

قاطعته مي قائلة: مجدي احنا تعودنا في البرنامج ده ما نعلقش عل حد ولا نتهجم على حد لو قادر تقدم اي حل اهلاً بيك غير كده لازم نراعي شعور المتصلات لو سمحت..شكراً ليك وعلى مشاركتك...

نتابع مع بعض الاتصالات...

............اعلنت مي انتهاء البرنامج قبل موعده الأساسي بنصف ساعة...شعرت بدوار في رأسها..لقد تسبب لها الاتصال الأول في حلقتها بمتاعب سريعة فلم يتصل احد الا وعلق على اتصال الفتاة بأنه مشين في حق بنات مصر وجلب السمعة السيئة....شعرت بالاحراج..انها المرة الاولى التي تصادف متصلة تتحدث عن مشكلة كهذه ..كانت تتمنى ان تسمعها أكثر أن تتحدث معها لكن المخرج منعها مخافة على سمعة البرنامج..لكن هذا الأمر لم يمنعها من الذهاب الى مكتب الاتصالات والحصول على رقم المتصلة ....

صعدت سيارتها عائدة الي البيت وهي مصممة على الاتصال بالفتاة فور عودتها...
دخلت المنزل لتجد والدتها بإنتظارها في الصالة تتابع التلفاز وكان وجه والدتها عادياً جداً كأنها لم تتابع حلقتها الاذاعية....حمدت الله في سرها....
- مساء الخير يا ماما
- حبيتي تعالي ...اتعشيتي
- اه يا حبيتي الحمدالله اكلت سندويتش.
جلست الى جانبها وضمتها قائلة: هي نهال فين؟؟
- نايمة من بدري عندها كلية الصبح...علفكرة احتك سهى اتصلت من امريكا وبتسلم عليكي
- صحيح هي جية امتى
- الشهر الي جي بإذن الله ...
- طيب يا ماما انا حقوم ارتاح اصلي تعبانة...

قبل ان تدخل غرفتها توقفت عند غرفة اختها فتحت الباب بهدوء لتجدها ذاهبة في نوم عميق...اقفلت الباب ودخلت غرفتها بدلت ثيابها بسرعة وامسكت هاتفها المحمول وطلبت رقم الفتاة المجهولة..وجدته خارج الخدمة....بقيت لساعتين تحاول دون جدوى.......
...............................

في الصباح الباكر استيقظت ولم تجد أحداً في المنزل..جلست على الشرفة تحتسي القهوة وتقرأ جريدة.....لفتها عنوان عريض ... اعلان عن محاضرة للدكتور كمال عز الدين...يتحدث فيها عن (المثلية في عالمنا العربي)

ذهبت مي في خيالها من جديد نحو حديث الفتاة المجهولة وكلامها وجربت الاتصال بها مرة اخرى ولكن ايضاً هذه المرة خارج الخدمة....
رن هاتفها المحمول ..ردت بهدوء..
- الو صباح الخير يا محيي
- صباح الخير يا مي..اناعاوزة اقلك حاجة حصلت امبارح
- في ايه؟؟
- امبارح بعد ما خلص البرنامج جالنا يجي اكتر من 10 اتصالاات عاوزني رقم البنت الي بتقول انها شواذ واحنا رفضنا طبعاً ..
- قالت باستغراب: بتتكلم بجد وعاوزين الرقم ليه
- مش عارف ناس بتقول عاوزين نساعدها وناس عاوزة الرقم وتدينا اي مبلغ نطلبه تيخيلي...
- ضحكت باستهزاء ققائلة: وبتقولي ما فيش مثلية...
- المهم تعالي بدري النهاردة عشان نتكلم شوية ...
- مش قادرة لازم امر على الجرنال وبعدين الساعة 6 عندي محاضرة عاوزة احضرها مهمة اوي ..الظاهر ان الموضوع ده مش حخليه يعدي بالساهل..
- قال بخوف: قصدك ايه
- افهمك بعدين يلا سلام...

.................................................. ..........


جسلت في قاعة المحاضرات بإنتظار الدكر كمال عز الدين ...لطالما كانت تعرفه منذ سنوات دراستها في كلية الاعلام وكانت متفوقة في صفه ...هل نسيها ام زال يتذكرها رغم مرور خمس سنوات على تخرجها....وجدت في هذه المحاضرة المنفذ الزحيد لتفهم اكثر عن طبيعة هذاالموضوع الذي شغلها منذ اتصال الفتاة المجهولة..طوال حيتها لم تقتنع بهكذا أمر وتعتبره أمراً غير موجود في مجتمعنا العربي ..ولكن يبدو انه موجود والا لما اتصلت الفتاة ولما اعطى الدكتور هذه المحاضرة..يبدو ان الموضوع يشغل بال الجميع...طردت كل الافكار من رأٍها عندمل لمحت الدكتور كمال يتوجه نحو المنصة ليتكلم...تركز نظرها عليه...لم يتغير ابداً...

- االسلام عليكم ورحمة الله وبركاته...
لقد اتيت اليوم لأحاضر في موضوع هام ولأوقع على كتابي الذي نشرته مؤخراً تحت عنوان..(المثلية في الوطن العربي)...من غير شك الغريزة الجنسية طاقة موجودة فى كل الناس لتؤدى وظيفة هامة وهى التكاثر وعمران الأرض ، ولكى يحدث هذا أحاطها الله بأحاسيس سارة ولذيذة كى تدفع الناس لتحقيق هذه الأهداف ويتحملوا مسؤليات بناء الأسرة وتربية الأبناء ، ولكن نتيجة لبعض الظروف التربوية فى فترة الطفولة تتجه هذه الطاقة الجنسية اتجاهات مخالفة للمألوف ، وهذه الاتجاهات اعتبرت شاذة ( فى نظر الأديان والأعراف السليمة والعقلاء من البشر ) لأنها لاتساهم فى عمران الحياة فضلا عن أنها تقويض لمسار الحياة النفسية والاجتماعية والخلقية . وما من مجتمع تفشت فيه هذه الحالات حتى أصبحت ظاهرة إلا وأصابه الانهيار ( والمثال الأشهر هو قوم لوط ) وذلك لأن هذا السلوك يسير ضد تيار الحياه الطبيعية .ولكن للأسف هذا الموضوع تفشى في عالمنا العربي بشكل كبير..فامتلأت عيادات الطب النفسي بمن يعانون من هذه المشكلة...والأغلبية لا تتكلم انما تبقى على ما هي عليه بصمت..هناك فئة اصابها هذا المرض بناءً على عوامال نفسية وتربوية واجتماعية عديدة وهي غير راضية عن ما يعتيرها من مشاعر والقسم الاخر اختار ذلك بنفسه ليتنقم اما من نفسه او من المجتمع...
اخواني نحن امام موضوع خطير للغاية وهو موجود فعلاً علينا أن نكون حذرين منه وأن ندعو الجميع الوقوف ضه وضد هذه الافة التي جلبها لنا الغرب رغم انفنا ورغم عدم تقبلنا لها ونبذنا للمثليين ولكن لا ننكر انها موجودة واذا عدنا الى الاسباب لوجدناها فينا ..فهي تعود الى تربية الاطفال والى عوامل عديدة اجتماعية ونفسية تخلق في نفس الطفل هذا الشذوذ ليكبر معه مع الوقت....وهذه المواضيع جميعها عالجتها في كتابي ..اتمنى للجميع قراءته ومناقشتي في اي وقت يريد علنا نصل الى حل لهذه الافة الخطيرة التي تهاجم مجتمعنا تحت شعار( التطور والانفتاح).....

.................................................. ..........................
خرجت مي من المحاضرة متجهة الى الاذاعة..كانت قد اقفلت هاتفها المحمول..فتحته لتجد اكثر من 20 اتصال قج اتاها من المخرج محيي.......اتصلت به بسرعة...
- الو محيي...
- ايوة يا مي انتي فين
- انا جية في السكة....
- مي عارفة حصل ايه؟؟
- قالت بخوف : لق في ايه؟؟
- البنت الي اتصلت الي بتقول انها مثلية....انتحرت ...وسايبة رسالة ان احنا السبب وان كل الناس نبذوها...الشرطة اتصلت بينا وبلغتنا الموضوع ده من شوية.....

توقفت مي في نصف الطريق قبل ان تسبب بحادث ما ووقع الهاتف من يدها...



ميــــــــــــــن هيتابع عشان اكملها
هى 14 فصل
عموما مش هقدر انزل واتابع الا لما اشوف ردود
واشوف عاوزين اكمل ولا لا

[somaaa_555]

بجد موضوعك مهم جدا ولفت نظرى بصراحة وركزت فى كل كلمة فية ياريت تكملية وانا هتابع معاكى بأذن اللة

[hmh_hmh]

جزاك الله خيرا
ياريت تكمل

[MoHaMeD ELsHeRbEnY]

انا متابع معاكى واسلوب عرضك جيد جداً ما شاء الله
بس ياريت انتى تتابعى الموضوع دا بأستمرار
عشان محدش يدخل يتكلم بأسلوب مش كويس
موضوع جيد جداً واحيكى بجد على اختيارك للموضوع
فى رعاية الله

[Mr. Ali 1]

يا جماعة الموضوع موجود فعلاً
لكنه موضوع حساس للغاية
وممكن الردود عليه تسبب مشاكل .

[(( أريــ الفـردوس الأعلى ــد ))]

فعلا يا حبيبتي موضوعك مهم جدا ..
والمشاكل اللي بتواجة مجتمعنا لازم نعلجها ومنهربش منها وناخد الموضوع بجدية وعقلية..
وآنا متابعة موضوعك يا حبيبتي وان شاء الله نلاقي حلول لمشاكلنا..
في حماية المولى..

[امل اليكس]

موضوع رائع بارك الله فيك

[Dr. Hoda Ahmed]

موضوع غريب اوى ورائع ويا ريت تكملى اكيد هنستفاد منه ولو بحاجة انا عن نفسى اول مرة اسمع عن كده بس شكلها قضية كبيرة فعلا

كملى ان شاء الله

[منمووونه]

بجد موضوع حساس اوى واحنا لام مش نهرب لازم نواجهة

هوا اكيد موجود فى مجتمعنا وياريت نلاقى حل تابعتى موضوع كويس

وانا هتبعة ان شاء الله

[مس رانيا حسن]

السلام عليكم
موضوع هام وشائك
احيكى عليه
ان شاء الله فى مشاركتى القادمة سوف اقدم بعض الحلول لتلك المشكلة من وجهة دينية نفسية
فى امان الله

[aymaan noor]

الموضوع الحقيقة اكثر من رائع ، وطبعا جميعا نعترف أن هذه الحلات موجودة بيننا ، ولكن اسمحى لى أن اعترض على طرحه من خلال هذا المنتدى التعليمى ، فرغم ايمانى بالحرية وبضرورة عرض جميع الموضوعات ، الا أن لكل مقام مقال ، فهذا الموضوع له أماكن أخرى يمكن أن يعرض فيه ، ولس من خلال هذا المنتدى
و أخيرا أرجو من كاتبة المقال أن تقبل تحيتى لها على العرض الرائع للموضوع

[Specialist hossam]

جزاكم الله خيرا ........... ولكن ارى انه يكفى الاشارة لهذا الموضوع ..... ولا داعى للاسهاب فيه .....
ونسأل الله العظيم ان يشفى جميع مرضى المسلمين وان يردهم الى دينهم ردا جميلا

[حمامة فلسطين]

شكرا جميعا لردودكم اللى شجعتنى فعلا وانا هخاد بالاكتر وهكمل باذن الله واللى فيه الخير هيكون واتوكل على الله
وياريت ياميس نداء الجنة فعلا تساعدينا بالمعلومات اللى هتفيد الموضوع جداا
واشكركم مرة تانى
وطبعا يااستاذ ايمن المنتدى تعليمى وده شىء مهم علميا واعتقد ان الموضوع هيفيد شباب كتير
وربنا يكرمكم على ردودككم ويعينى على الموضوع واقدر اكمله ويفيد ناس بجد

[حمامة فلسطين]

الفصل الثاني

بدأت تنظر الى ساعتها بعجل...لقد انتظرت طويلاً واجتماع الدكتور كمال لم ينته بعد ....اخيراً خرج الجميع واقتربت منها السكرتيرة لتعلمها بأن الدكتور في انتظارها...

ما إن رأها حتى هبّ واقفاً وقد اتسعت عيناه وارتسمت على شفتيه ابتسامة عريضة...قال مرحباً..

- اهلاً بمي...اشطر واحدة عندي كانت في الجامعة
- ابتسمت بخجل قائلة: الله يسلمك يا دكتور ...
- اتفضلي اتفضلي ايه المفاجأة الجميلة دي..
- ربنا يخليك يا دكتور...تعرف انا افتكرتك نستني..
- معقولة انسى الطالبة المثالية الي كانت عندي...قوليلي انتي بتعملي ايه الايام دي؟؟
- صحفية في جرنال اسمو( صدى العصر) ...ومذيعة في الاذاعة بعمل برنامج مشاكل اسمو( اسرار الليل)
- ربنا يوفقك انتي تستاهلي كل خير.........
- وانت يا د. كمال من الناس الي صعب يتنسو وانا كنت في المحاضرة الي عملتها من يومين عن المثلية ..
- بجد؟؟ وما شفتكيش ليه؟
- اصل كنت مستعجلة وقتها...وجيه الوقت الي اقعد اتكلم معاك في موضوع مهم.......
- خير ان شاءالله ..
- بصراحة يا دكتور عاوزة اتكلم معاك في موضوع شغلني اليومين دول وعاوزة اعمل سبق صحفي في الجرنال عن الموضوع ده بالتحديد..
- موضوع ايه؟؟
- المثلية.....
- نظر اليه بتعجب قائلاً: انتي؟؟طب ليه..؟؟
- انا حاسة اني لازم اعمل عن حاجة مهمة بتحصل الايام دي الناس زهقت من نفس المواضيع زواج وطلاق وغيرو وكلو عادي ما بيغيرش حاجة بس الي بيحصل دلوقت كارثة بالمعنى وانا بيجيلي اتصالات كتيرة عن ناس عندهم الموضوع ده ومش قادرين يلاقو حل...لازم اساعدهم انا برنامجي مشاكل وحلول يبقى لازم الاقي حل للناس الي زي دي خاصة الي عاوزين حل لمشكلتهم انا بقف عاجزة بجد .... عشان كده جتلك عاوزة حضرتك تساعدني عاوزين نعمل حملة كبيرة ضد الناس دي وفي نفس الوقت مع الي عاوزين يتعالجو...
- سرح قليلاً وهو ينظر الى طريقتها وحماسها في الكلام وقد اعجب به: تعرفي انا اول ما اتكلمت عن الموضوع ده الكل وقف ضدي بحجة ان مافيش عندنا ده انما انا من الي شفتو وبعالجو عندي في العيادة بقيت اكتر حد واثق انو موجود...
- قالت بإستغراب: يعني بيجيلك حالات زي دي؟؟؟؟؟؟؟؟
- طبعاً..في ناس تكون مقتنعة انها لازم تتعالج مجرد ما تحس انهامايلة للحاجات دي وتكون لسه ما عملتهاش وفي ناس تكون مضى عليها فترة كده وتحس انها لازم تتعالج ووتتوب...وفي فئة هي تكون كده ومقتنعة انها كده وراضية انها كده وما يهماش ......ورغم وجود كل الفئات عذابهم عند ربنا واحد يعني اختلفت الاسباب والعقاب واحد...
- طب ده ايه اسبابو ازي انسان عادي ممكن يتحول لانسان شاذ بالطريقة الغريبة دي مع ان ربنا خلقلنا مشاعر واحدة موجهة نحو غريزة واحدة...
- شوفي يا مي الموضوع ده محتاج شرح طويل الي عاوز اقلهولك انو احنا منتهم الغرب بالظاهرة دي مع انها موجودة قبل كده ب 10 الاف سنة وقبل الي هما قوم لوط وقوم اسحاق مش حكاية جديدة يعني المشكلة مش في الغرب المشكلة فينا احنا كأمة اسلامية وعربية الي بقيت الظاهرة عندنا موجودة ومنتقبلها غالباً بالكلام ومنمر عليها عادي!!!!!!!!!!
- والحل يا دكتور؟؟
- امال انا بعمل المحاضرات كلها ليه مش عشان نتحاذر من المضوع ده ولحد دلوقت عامل كتابين في الخصوص ده عن اسبابه النفسية والبيولوجية...عارفة انا جتلي حالة بجد مش حتصدقي...الام عندها 5 بنات البنت الخامسة كانت مثلية وهي الي جت تتعالج عندي من انها حاسة بمشاعر غريبة مش قادرة تسيطر عليها وهي ميلها للبنات مش للشباب...اساساً لو شفتي شكلها حتشوفيها راجل رغم انوثتها..بس لبسها وقصة شعرها رجالي حتى مشيتها..ده اسبابه من الطفولة..الام لان ما جالهاش صبيان عاملت البنت الاخيرة على انها ولد مش بنت..كانت تقصلها شعرها وتكلمها كأنها ولد لغاية ما بقى عمر البنت 9 سنين وهي بتعاملها على انها ولد وسمتها رضى البنت حست انها ولد مش بنت وماصدقت الا لما جالها الدورة الشهرية....ومع الوقت كل ده خلق في نفس البنت حب البنات لأنها حاسة نفسها راجل مش بنت ولغاية دلوقت بعالج في الحالة دي....
- قالت برعب: للدرجة دي تأثر....
- سن الطفولة الي الاهل بيتعاملو معاه انو عمر تافه ده الي بيأثر على شخصية الانسان في كل حياته..
- طب يا دكتور انا عاوزة اتوسع في الموضوع ده واكتب عنه واتابعه في برنامجي..عاوزة مساعدتك..
- طب اديني يومين وارجعي عشان اساعدك اكتر وانتي كملي ابحاثك في المضون ده وقوليلي توصلتي لأيه..
- حاضر يا دكتور...(استعدت للذهاب )..انا بجد بشكر وقتك الي ادتهولي ومتشكرة اوي..
- يا اهلاً وسهلاً بمي..شرفتي العيادة والمكتب...

..............................................

كانت مي تتناول العشاء ورأسها في مكان اخر تمسك الملعقة وتعبث بها في الصحن من دون أن تأكل..تنبهت اليها والدتها فقالت لها..
- مالك يا مي ما بتاكليش ليه..
- استيقظت من سرحانها قائلة: لق لق..باكل.
- نظرت اليها شقيقتها نهال بعتب وقالت: دي حتى بقالها يومين ما اتكلمتش معاية...
- قالت لها مي بلغة اعتذار: معلش يا نهال اصلي مشغولة اليومين دول بموضوع مهم..
- موضوع ايه؟؟
- ابقى اقلك بعدين..انا لازم ددلوقت اروح عشان البرنامج حيبتدي بعض نص ساعة..يلا مع السلامة...

....قبل أن تذهب وقفت لدقائق على الباب واستدارت لترى أختها وكأنها تراها لأول مرة رغم انها طوال حياتها على هذا الشكل....شعرها قصير تقصه دائماً لا تلبس سوى الجينز والاحذية بدون كعب وتتصرف كالأولاد في حركاتها وكلامها ...
بدأ قلبها يطرق بشدة...نظرت اليها اختها نهال قائلة...
- مالك يا مي في حاجة....

اشرات اليها بالنفي وتابعت طريقها وهي مازالت سارحة في عالم اخر...هل من المعقول ان تكون اختها هكذا...لا لا مستحيل لقد ربتها والدتها على الدين ...نهال فتاة طبيعية اختها وتعرفها....لا يجب ان تسمح لهذه الوساوس ان تدخل الى رأسها...

تابعت طريقها متجهة الى الاذاعة وعقلها وتفكيرها مصوب على موضوع واحد..الشواذ..كأنها أخذته على عاتقها موضوع تحدي...
.................................................. ..................

اعزائي المستعمين...بعد غيبة طويلة رجعتلكم...وكلي امل انا احنا نتواصل مع بعض على الهوا ونتكلم مع بعض بحرية...مي اشرف معاكم....عشان نتكلم كلام من القلب للقلب...مش ضروري تقول اسمك ولا تقولي اسمك..اتصلي بينا وقولي علي واجعك...مهما كان مر وقاسي...مهما كان صعب وشديد عليكي..ولو حتى كنتي مش قادرة تقولي لحد في الدنيا دي كلها...وحتى لو كان موضوع ما يتحكيش...اسرارالليل...برنامج ليكي وليك...عشان تتكلمي وتتكلم علي وجعك...ولو حتى ما قدمتش الحل..على الاقل اكون سمعتك وكلنا سمعناكي وكانت قصتك او حكايتك عبرة للكل ممكن تنقذي حد عندو نفس المشكلة...يلا نفتح قلوبنا....ونتسقبل اول اتصال...

n مساء الخير يا مي..
n اهلاً وسهلاً اتفضل حضرتك...
n انا عندي مشكلة تعابني اوي ...
n ااتفضل..اتكلم
n انا حبيتي سابتتني بعد حب استمر 3 سنين من غير سبب فجأة وحاولت معاها كتير لكن هي رافضة..
n تنفست الصعداء وكأنها سئمت من مشاكل كهذه تعتبرها تافهة امام الموضوع الذي تتابعه او كأنها تنتظر اتصالات من نوع اخر فقالت بلا مبالة:طب وسابتك ليه مش ممكن ما يكنش فيه سبب...

n مش عارف يمكن عشان انا مش معاية فلوس وما قدرتش اتقدملها بس انا لسه في الجامعة وبصرف على نفسي وهي وافقت انها تستنىبس الظاهر انها ملت
- معلش الحياة ما خلصتش كل واحد بيشوف حياته الدنيا ما خلصتش المواضيع دي نصيب..
n لق....انا حنتحر اذا ما رجعتليش..وبقلها بصوت عالي...انتي عارفة يا سمر لو ما رجعتليش حقتقلك واقتل نفسي..
n عندها قالت باستهزاء وعصبية خفيفة: حيلك يا عم..فيه ايه..انت شايف ان موضوع زي ده يستاهل انتحار..كل حاجة انتحار...ما بتخافوش من ربنا ...
n ( قطع المخرج الاتصال وصوت مي عندما وجدها متوترة قليلاً ووضع موسيقى واقترب منها قائلاً)

- مالك يا مي فيه ايه انتي مش واخدة بالك انك بتزعقي على الهوا على الراجل..
- قالت بتوتر: مش قادرة اتحمل مشكل تافهة كده..
- ايه يامي طول عمرنا منتقبل اتصالات زي دي وعادي اوي اوي..ولا انتي من الاتصال الي جالك من البنت اياها ليه مش قادرة تتقبلي حد ولا حاجة...
- نظرت اليه بحنان وقالت: تعبانة يا محيي...
- طب خلاص اتقبلي على قد ما تقدري اتصالات وروحي بدري...

هزت برأسها بسكينة وكأنها متعبة حقاً....
.................................................. ..

لم تتوقف مي عن البحث والتدقيق في موضوع الشواذ واستعانت بكتب جلبتها من المكتبة وكتبت اول تحقيق لها للصحيفة التي تنشر بها مواضيعها وكان المقال يتحدث عن الشواذ واعراضه البيولوجية....دخلت الى مدير التحرير لتعرضه عليه...كانت خائفة من الا يوافق فقد تعودت على لهجته الصارمة فهي تعرف انه انسان جاهل ليس له علاقة لا بالعلم ولا بالثقافة لقد افتتح الجريدة فقط لجلب المال من الاعلانات والمواضيع التافهة التي يدفع اغلب اصحابها ثمناً لها لتنشر لهم اخبارهم ولكن كانت هي لها صفحتها الثقافية والاجتماعية التي احبها الناس وتابعوها من خلالها ولمع اسمها اكثر....لعل هكذا موضوع سيرعبه خاصة انه خارج عن المألوف..ولكن ستحاول,,,

دخلت الى مكتبه وقدمت له باقة جميلة من الورود علها تستجدي رضاه قليلاً ليسمح بنشر الموضوع...
- دخلت بضحكة واسعة وفي يدها باقة ورد: صباح الخير استاذ رأفت..
- نظر الى باقة الورود كأنه نظر الى باقة فجل...لا تعنيه هكذا امور لا يتسفيد منها.... اخذها بجدية ووضعها جانباً وقال: اهلاً ايه يا انسة مي..فينك اليومين دول..فين الموضوع الي حينزل اتأخرتي اوي..

- قالت بحماس: مهو انت عارفني ما غبش الا اذا كنت ساكتة على موضوع سقع اوي..

- قال بفرح: ايه فضيحة فنانة ولا فنان...

- قالت بفخر: لا لا اضخم..

- اتسعت ضحكته وقال: قولي بسرعة..

- عملت ابحاثي على النت والكتب وحتكلم في موضوع مهم اوي في المجتمع بيشكل ضربة لمجتمعنا العربي....المثالية..

- وقف وقال بصوت عال: نعم يختي..يعني ايه..

- يعني الشواذ يفندم..الي رغباتهم اتجاه الناس الي زييهم الناس الي مش طبيعية..

- هز بيده ليسكتها: عارف عارف انت فاكراني جاهل قاعدة بتشريحيلي..واحنا مالنا ومال المواضيع المكلكعة دي انا ناقص نقد..مش كفاية النقد الي بيتوجهلنا من الفنانات عن الفضايح الي بتزل..

- واحنا ما لنا يا استاذ رأفت بالكلام الفاضي ده..انا جيبالك موضوع مهم...حنتكلم عن الشواذا بشكل عام وخاص لو تحب من تجارب شخصية ده حيفيد اوي..كل اسبوع حيتضمن موضوع يخصهم..المرة دي مثلا كاتبة عن اسباب المرض العضوي للشواذ المرة الي جي النفسي والي بعدها الاجتماعي وحدعم الموضوع بنماذج وتجارب حية ده حيفيد كتير و...

- قاطعها قائلاً: بلاش يا انسة مي..واكتبلنا حاجة عادية موجودة مش الي انت يبتقولي عليه ده..

- قالت بعصبية وحماس: مهو الموضوع ده موجود والله...اسمعني شوية لو سمحت..

- قال بإستياء: اتفضلي...

- مثلاً انا في المقال ده كاتبة عن الاسباب العضوية للمرض مثلاً الولد يخلق اساساً عنده في الكرموزمات بتاعته (اتسعت عيناه وكأنها تحدثه عن امور من العالم الاخر ولكنها تابعت حديثها) في اخر اتنين كرموزوم في جسم الانسان اذا حصل خلل معين بيخلي يتجه لما يكبر اتجاه انثوي رغم انو ذكر وده الي بيخلي ميوله للرجاله مش للبنات لأنو حاسس نفسه بنت في شعوره ونفس الوقت لو بنت يصيبها خلل في كرموزماتها الانثوية وتغلب الذكورية فتحس نفسها راجل وتميل للبنات...

- نظر اليها وهو يتظاهر بأنه يفهم ما تقوله: وبعدين....

- وفيه هورمانات في الجسم بتكون ما بتأديش وظيفتها بشكل تام للأنثى والذكر..مثلاً في غدة موجودة فوق الكليتين دي بتأثر على الهرمونات الذكورية عند البنت بس بنسبة قليلة انما لوكانت بنسبة كبيرة اوي يبقى شكل خارججي بنت بس وشعورها زي الراجل يعني ما يعدش يعنيلها الراجل في حاجة تتجه اتجا ه انثوي وده كله ممكن يتعالج بأدوية...

- وقف قائلاً وكأنه تعب من المناقشة وهو لا يفهم شيئاً: اسمعي انا ماليش دماغ على الحاجات الفاضية دي..لا رموزمات ولا سورمون...انا مش عاوز الموضوع ده..

- قالت بحزن: يا استاذ رأفت من فضلك ده موضوع علمي عادي زي مرض عادي منتكلم عنه..

- واانا اش ضمني الثورة الي حتحصل من بعده..

- انا المسؤولة اطردني لو تحب صدقني انا المسؤلة..

- ماشي يا مي حنزله ولو حصل حاجة حطردك يا مي..

- قالت بفرح: ماشي....
..............يتبع

[shima'a]

جزاك الله خيرا
ياريت تكمل