مجرد راى!!!!!!!!!!!!!!!!!!!!!!

[mmagdy_81]

انا عارف ان الكلام ده يمكن يغضب منه الكثير من الاعضاء وكذلك مشرفين المنتدى ولكن انا هقول وجهه نظرى ويمكن تكون صح ويمكن تكون خطا بس انا استنتجتها من مايدور حولنا فى هذا التوقيت ورجاء من مشرفى هذا المنتدى الا يحذف احد هذا الموضوع ويتركوا الحكم لاعضاء المنتدى ليعبر كل واحد منا عن وجهه نظره ورايه فى هذا الكلام.

الكل ينتظر قرار التعيين من وزيرنا المبجل احمد زكى بدر والذى نجح فى جعلنا مغيبين ننتظر ونتلهف على سماع اى خبر حتى وان كان غير مصدق وناتى وكل واحد مننا يقول لزميله اللى زيه فين مصدرك ياباشا ؟ مصدر ايه .اذا كان الوزير نفسه ميعرفش هو عايز مننا ايه وايه اللى هيتعمل معانا وده سياسه دوله واسلوب متبع المفروض اننا منعرفش ايه اللى بيحصل فى البلد ومحدش يقولى القانون يبقى بيضحك على نفسه واكبر دليل ماحدث فى الانتخابات التشريعيه للدوله واثبات التزوير واللى مش عاجبه يخبط دماغه فى الحيطه.

ياجماعه القانون فيه مليون ثغره واللى عامله يقدر يلعب فيه وده معروف بين كل المحامين مفيش قانون مفهوش ثغره ؟

البيه الوزير استخدم الشو الاعلامى وسخر جرايد المعارضه قبل الوطنى فى تغيب الغلابه المتعاقدين وده اللى حاصل من يوم ماتعيين بكره يجر بعده وهكذا وربنا وحده اللى عالم الموضوع هيخلص امتى؟

والجماعه اللى منتظرين شهريناير ممكن يحصل تعيينو وممكن ميحصلش حتى ولو انتهت السنه التالته ممكن يسيبوهم من غير اى قرار .بحجه اننا فى انتظار قرار التعيين وخلاص هانت والكلام الحلو ده طبعا عارفينه.

اللى عايز اقوله اننا لازم نتروى فى مشاعرنا ولا نجعل الاخبار المنشوره او المسموعه او المرئيه هى اللى تتحكم فينا وفى مشاعرنا .

وبرده هقولها للمره الاخيره احنا السبب فى اللى بيحصل فينا ده بسبب قله الحيله اللى احنا فيها.وكل واحد مستنى الخبر اليقين يجيله وهو نايم فى بيته ...........وشكرا واسف على الاطاله

[شيماء20]

عنك حق طبعا احنا بنصدق اى حاجه تتقال لنا ومش مهم المصدر ايه

[the keng]

احنا السبب فى اللى بيحصل فينا

[رامي ابو عاشور]

ميهمكش كل حاجة في البلد دي ماشيه بالعكس ولا يوجد احترام للوعود لان المسئولين في بلدنا تنقصهم الشجاعة والقدرة علي اتخاذ القرار وأهلا بيك أنت في مصر ولو أنت فاكر أنك في بلد متقدم يحترم فيه الناس بعضهم بعض

[أبو محمد وفاطمة]

كلام مظبوط 100%

[محمدأنور3710]

الكالم دة كلة عرفينة بس الامل

[somaelsaied]

عندك حق فى كل الكلام بس هانعمل اية

[رائحه الورد]

لنا الله حسبنا الله ونعم الوكيل

[ريهمسة]

كل يوم بسمع الكلام ده ان احنا السبب في عدم التعيين من شهر 7 اللي فات

واحد يقول هنعمل وقفة وواحد يقول اعتصام واخر يقول اضراب

وبعد كده ننام علي الموضوع ومفيش حد بيعمل حاجة

واكتر اللي بيكلموا علي الاعتصام شباب (رجال)

لان احنا فينا معلمات متزوجات وفيه بنات وما اعتقدش

ان فيه رجل هيسيب اخته او زوجته تعمل مظاهرة في الشارع ولا ايه

ياجماعة احنا عملنا كل حاجة طلبوها مننا وتعبنا كتييييرررررررررررررررررررر

وربنا مش هيضيع تعبنا ان شاء الله

وحسبنا الله ونعم الوكيل

انا أسفة علي الاطالة

[أشـرف فتحى]

عندك حق يا أستاذ آدم فى كل كلمة .

[أبو أشرف]

والله كلام معقول

[رشا منصور قرنى]

عندك حق انا لله وانا اليه راجعون............................................ .

[mmagdy_81]

لنا الله وانا لله وانا اليه راجعون

[ابن الأكرمين]

المشاركة الأصلية كتبت بواسطة adam-marim

انا عارف ان الكلام ده يمكن يغضب منه الكثير من الاعضاء وكذلك مشرفين المنتدى ولكن انا هقول وجهه نظرى ويمكن تكون صح ويمكن تكون خطا بس انا استنتجتها من مايدور حولنا فى هذا التوقيت ورجاء من مشرفى هذا المنتدى الا يحذف احد هذا الموضوع ويتركوا الحكم لاعضاء المنتدى ليعبر كل واحد منا عن وجهه نظره ورايه فى هذا الكلام.

الكل ينتظر قرار التعيين من وزيرنا المبجل احمد زكى بدر والذى نجح فى جعلنا مغيبين ننتظر ونتلهف على سماع اى خبر حتى وان كان غير مصدق وناتى وكل واحد مننا يقول لزميله اللى زيه فين مصدرك ياباشا ؟ مصدر ايه .اذا كان الوزير نفسه ميعرفش هو عايز مننا ايه وايه اللى هيتعمل معانا وده سياسه دوله واسلوب متبع المفروض اننا منعرفش ايه اللى بيحصل فى البلد ومحدش يقولى القانون يبقى بيضحك على نفسه واكبر دليل ماحدث فى الانتخابات التشريعيه للدوله واثبات التزوير واللى مش عاجبه يخبط دماغه فى الحيطه.

ياجماعه القانون فيه مليون ثغره واللى عامله يقدر يلعب فيه وده معروف بين كل المحامين مفيش قانون مفهوش ثغره ؟

البيه الوزير استخدم الشو الاعلامى وسخر جرايد المعارضه قبل الوطنى فى تغيب الغلابه المتعاقدين وده اللى حاصل من يوم ماتعيين بكره يجر بعده وهكذا وربنا وحده اللى عالم الموضوع هيخلص امتى؟

والجماعه اللى منتظرين شهريناير ممكن يحصل تعيينو وممكن ميحصلش حتى ولو انتهت السنه التالته ممكن يسيبوهم من غير اى قرار .بحجه اننا فى انتظار قرار التعيين وخلاص هانت والكلام الحلو ده طبعا عارفينه.

اللى عايز اقوله اننا لازم نتروى فى مشاعرنا ولا نجعل الاخبار المنشوره او المسموعه او المرئيه هى اللى تتحكم فينا وفى مشاعرنا .

وبرده هقولها للمره الاخيره احنا السبب فى اللى بيحصل فينا ده بسبب قله الحيله اللى احنا فيها.وكل واحد مستنى الخبر اليقين يجيله وهو نايم فى بيته ...........وشكرا واسف على الاطاله

أقسم بالله أخي الفاضل أنك جأت بالحقيقة المرة وهي
أننا في دولة مخادعة ويمكرون بالناس
ماحدث ويحدث يدل على أنه كل المسئولين منافقين ولن يكون هناك تعيين أبد الدهر المدرسين المتعاقدين يمرون بحالة من اليأس أرجوا أن تفهموا جيداً أنه ليس هناك تعيين مادمت في مصر استحمل وعيش ولنا الله

[mmagdy_81]

المشاركة الأصلية كتبت بواسطة ابن الأكرمين

أقسم بالله أخي الفاضل أنك جأت بالحقيقة المرة وهي
أننا في دولة مخادعة ويمكرون بالناس
ماحدث ويحدث يدل على أنه كل المسئولين منافقين ولن يكون هناك تعيين أبد الدهر المدرسين المتعاقدين يمرون بحالة من اليأس أرجوا أن تفهموا جيداً أنه ليس هناك تعيين مادمت في مصر استحمل وعيش ولنا الله

جزاك الله كل الخير ياابن الاكرمين