|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
03-12-2010, 09:49 PM
|
|||
|
|||
أحبـــــــــــــــــك أبـــــــــــــــــي...!!
السلام عليكم ورحمة الله وبركاته أحب أبي حبا جمااا لدرجة لا يتخيلها أحد صراحة ساعات كثيرة بزعل عندما يمنعني من شيء ولكن اكتشف بأن منعه هذا خيراا كبيراا لي... هو شخصية قوية جداا ..حقيقة لا أظن بأنه يوجد رجل ف شخصية أبي  (تعرفون مقولة كل فتاة بأبيها معجبة )من وقت ليس ببعيد وقعت في مشكلة من دون قصد والله قررت ان احل مشكلتي بنفسي وعملت شجاعة ههههه  ولكن عندما حاولت حلها تفاقمت المشكلة أكثر ... لا تعلمون حالي كان يرثي له من مجرد شيء تافهه لتكبير الامور كنت ابكي من شدة ما اتعرض له بكاء مريرااا وجاء أبي وفي ثواني حل المشكلة ... متوقعة بعدها ان يغضب مني ولكن قال لي:الانسان مش بيتعلم ببلاش ...ودا كان درس ليكي ... وياريت تتعليميه .. لا اكذب عليهم استرحت كثيراا من كلامه واستفدت من الدرس جيدااا واظن ان هذا الخطأ مستحيل ان اقع فيه مرة آخري... أيام ثانوي وظهرت النتيجة قلت أريد ان اسافر ..وادخل جامعة خارج محافظتي قال أبي :حبيبتي المواصلات والبهدلة والحاجات دي كلها انت كبنت مش هتستحمليها .. ولكن تعرفون اريد ان اسافر يعني عايزة اسافر ولكن الفكرة عن بابا مرفوضة ...وخوف عليه طبعا وغير ان طبيعتي مش تتأقلم مع السفر وجدي كان سوف يسافر فقلت وانا اريد ان اسافر مع جدي فوافق أبي وقال مش عايزة تسافري ..سافري ..وشوفي السفر شكله ايه !!! كان ع فكرة مسافرة فسحة يعني المواصلات مش فيها حد وكمان كنت معزومة ع الغدا  المهم اني وقتها فعلا اكتشفت ان السفر متعب جدااا جدااا لكن عارفيين العناد  مرضتش اعترف بالحقيقة وقلت لهم دا السفر تحفه هههههه  وطبعا هم عارفيينانه من ورا قلبي المهم اني فعلا دخلت داخل محافظتي والله بجد انا كنت هندم فعلا لو كنت سافرت وليه اصحاب بيسافروا بيعيطوا من السفر ودايما يقولوا انتم يابختوا بتيجوا الكلية بمزاجكم وع كيف كيفكم ام احنا الوقت بيضيع ف المواصلات ...... في 2 ث كنت مدمنة بوابة الثانوية العامة وادخل عليها باستمرار وكان قبل امتحاناتي بابا قال لي: بطلي تدخلي ع الثانوي ولما تخلصي الامتحانات ادخلي براحتك .. فاستغربت مكنتش لسه قلت اني دخلت ع المنتدي.. فقلت عرفت ازاي يابابا بابا:اكيد عارف انت بتدخلي ع ايه النت .... وكان متابع مواضيعي وردودي انا فعلا كنت سعيدة جدااا .... دلوقتي الشعب المصري كله عارف اني ع البوابة ههههههه صراحة انا فخورة بوالدي جدااا
لاني فعلا بحس انه شخصية قوية ونفس الوقت حكيمة ,... وبيتحمل اندافعي في أمور كثيرة جداا وبيتعامل معاها بحكمة مش انا بس معانا كلنا ... اكيد بتمني اكون زي بابا في كل شيء يمكن لاني سن صغيرة شوية خبراتي قليلة عشان كداا أظن بأن احنا مش بنسمع الكلام وعايزيين نجرب لكن الكبار بيبقوا عايزيين يفيدون بخبراتهم بس احنا بئا اللي عندنا هواية التجربة .......
__________________
والحب له قوانين آخري..!
آخر تعديل بواسطة **تسابيح** ، 03-12-2010 الساعة 10:00 PM 
|
|
#2
03-12-2010, 09:58 PM
|
|||
|
|||
فعلا يا تسابيح الاباء دايما بتبقى تصرفاتهم في مصلحتنا حتى ولو احنا شوفنها احيانا العكس .. وطبيعي اننا فالسن ده نحب نعاد ونجرب كل جديد بس لازم بتوجيه من الاكبر منا طبعا والا ربنا يستر من ال هنعمله وربنا يخليلك بابا يارب ومايحرمكوش من بعض وبعد كدة مش تعلمي سوبر وومن
ربنا يحفظك يارب
|
|
#3
03-12-2010, 09:59 PM
|
||||
|
||||
|
اه فعلا يا تسابيح ..
الواحد بقى عنيد بطريقة فظيعة ..و اكيد هما فاهمين كل حاجة عننا و عارفين نتائج الحاجة اللى ناووين نعملها علشان كده بيمنعونا منها خوفا علينا  ..ولكن احنا ايه .!! هيهات .. لازم نعمل الحاجة علشان نعرف ان عندهم حق .. بس بجد فى أوقات بصدقه من اول مرة و اقوله خلاص مش هعملهامدام حضرتك شايف كده . . وببقى مقتنع  لكن برضه كتير ببقى هموت واعمل اللى فى دماغى  ...بس يلا ربنا يهدينا ويهدي الجميع .. وموضوع جميل جدا يا تسابيح طبعا كالعادة .. وبيعجبنى فى مواضيعك انها تجارب شخصية ليكى و مش منقوله .. تسلمي ع الموضوع .. 
__________________
C L O S E D
|
|
#4
03-12-2010, 10:07 PM
|
|||
|
|||
|
اقتباس:
هههههههههههه
دا يابنتي بنودي نفسنا في داهية كنت فاكرة اني ممكن اكون فعلا سوبر ومن بس العملية عندي ادمرت ههههههه ولا حصلت اي حاجة هههههه عارفة اننا مش بنعرف كداا الا لما يمر الوقت او نخوض تجربه هم اعترضوا عليهم ربنا يحفظ كل الآباء ويحفظك ياروحي نورتي ياجميل
__________________
والحب له قوانين آخري..!
|
|
#5
03-12-2010, 11:31 PM
|
|||
|
|||
|
اقتباس:
هم بيفهمونا من نظرة عنينا طبعا
المشكلة اننا مش بنعرف نداري كل شيء بنعمله مكشوف كلنا هنموووت ونعمل اللي في دماغ حتي لو كنا عارفيين انه غلط بس حب المغامرة بئا بتجري ف الدم.. المهم ان اكثر ناس هيخافوا ع مصلحتك هم اهلك ربنا يحفظهم يارب شكراا لك ياحاج محمد وانا بحب المنتدي وبحب احكي فيه اكيد تشرفيك للموضوع بيزيده رونقاا نورتني
__________________
والحب له قوانين آخري..!
|
|
#6
04-12-2010, 12:01 AM
|
|||
|
|||
|
اقتباس:
هي دي أكبر مشكلة بتواجه الشباب والفتيات في سن المراهقة . الواحد بيعتقد ان تفكيره صواب وبيكون مصر عليه اصرار جامد جداً , وفيه بيكون معندوش استعداد حتي انه يسمع كلام يخالف وجهة نظره أو اصراره علي عمل شيء ما ولذلك فهي أخطر مراحل العمر البشري والتعامل معها لابد وأن يكون بوعي وحكمة حتي لا يفلت الأمر من بين أيدي الأب أو الأم . يا ريت بقي يا تسابيح تروحي لبابا وتعتذري له عن كل شيء فعلتيه وسبب له أي غضب وتقولي له ( اضربني يا بابا ) ( 13 ) !!
|
|
#7
04-12-2010, 12:49 AM
|
||||
|
||||
|
معاكى حق والله فى كل الكلام ده
أنا بحب بابا بطريقة فظيعة بصراحة هو أغلى حاجة عندى فى الدنيا دى ودايما بحترم اراءه حتى لو أنا ليا رأى تانى السنة اللى فاتت كنت مصممة أختار أحياء فى 2 ثانوى بس هو قاللى اختارى كيمياء وذاكرى جامد والحمد لله ده نفعنى أوى فأنا تقريبا قفلت الكيمياء أنا جبت فيها 49,5 ولقيت معظم البنات اللى اختارت أحياء نازلين أوى فيها فبجد دلوقتى حسيت بنصيحته وحاجة تانية أنا كنت مختارة مستوى انجليزى لأنى بموت بصراحة فى حاجة اسمها انجليزى بس هو قعد يقنعنى انى أحوله لعربى لأنه مضمون شوية عن الانجليزى وفعلا أنا غيرته ولقيت العربى سهل أوى فى حفظه وعندى احساس ان ربنا هيكرمنى فيه بإذن الله
__________________
that's me ... as i want & i'll be ... not as any other one wants from me ... i like being me SalMa kHaliL
|
|
#8
04-12-2010, 06:23 AM
|
||||
|
||||
|
انا بقى بابا ده حاجة كبيرة اوى بالنسبة لى انا بحبه جدا وكمان بخاف عليه
اوى يعنى لما بيتاخر شوية فى الشغل بكون قلقانة عليه اوى يمكن اكتر من ماما كمان وانا صغيرة كان بيلعب معايا انا واختى وكمان وانا فى الحضانه افتكر انى كنت بقوله بابا لماتيجى تصلى خدنى اصلى معاك كمان كنت بحبه اوى يغسل لى ايدى بعد الاكل بصراحة هو كان مدلعنى اوى كل ما اكبر بابا بيخاف عليا اكتر بطريقة مش معقوله يعنى بصراحة لدرجة انى بكون متضايقة يعنى وبقول لنفسى طيب ما كل الاباء بيخافوا على بناتهم هو مش بيحب يخلينى اخرج مع صحباتى خالص حتى فى العيد يعنى صحباتى كلهم بيخرجوا وانا لا كمان مش بيخلينى اخرج خالص لوحدى يعنى الحمد لله انى بروح دروسى ولو فى يوم رايحه الدرس لوحدى ومش معايا صحبتى بيروح هو او ماما يودونى حتى لما مثلا قرايبى عايزينى اخرج معاهم ماما بتقولهم لا علشان بابا بيخاف عليا بيستغربوا جدا بكون ساعات متضايقة بقول انا نفسى يبقى عندى حرية شوية علشان افهم الدنيا واعرف الصح من الخطا وكمان علشان اعتمد على نفسى بس بقول لنفسى اكيد هو فاهم الدنيا اكتر منى واكيد خوفه عليا ده صح وانى لما يكون عندى اولاد هحس بخوفه عليا انا بحب ماما وبابا اوى ربنا يخليهم ليا ومش يبعدنى عنهم وبجد شكرا ليكى يا تسابيح على الموضوع الجميل ده يعنى بصراحة انا بحب مواضيعك اوى
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !(
|
|
#9
04-12-2010, 10:19 AM
|
|||
|
|||
|
اقتباس:
....... اقتباس:
كأن حضرتك بتتكلم عني بالضبط
المشكلة اني هموووت واجرب كل حاجة في حياتي وطبعا فيه حاجة بتبقي ممنوعه وعليها خطوط حمراا بس انا مش بجرربها طبعا وبكتشف من ناس جربت ان اهلي مش منعوا الا فعلا لمصلحة دايما كانوا يقولوا لي (انت خالف تعرف )كل حاجة بتعترضي عليها بابا كان بيفهمني براحة بس ساعات اللي في دماغ في دماغ دا أيام ثانوي وبكتشف الحقيقة بعدها بفترة دلوقتي الي حد ما فيه حاجات كثيرة اتغيرت أكيد....
__________________
والحب له قوانين آخري..!
|
صبور لأبعد الحدود |
#10
04-12-2010, 10:26 AM
|
|||
|
|||
|
اقتباس:
تصدقي فعلا حصل معايا كنت هاختار حاجة ضد ميولي فقط عشان احس اني بختار صح واني مش بمشي ورا كلام اهلي واني عندي حرية الاختيار
بس طبعا وافقت ع كلام بابا وبجد لو انا كنت مشيت ورا اختياري كنت ندمت جامد ولان فعلا الحاجة اللي كنت هاختارها مكنتش هتتوافق مع ميولي وقدراتي ربنا يوفقك يارب .. ما شاء الله !! ربنا يوفقك ياجميل في دراستك ويحفظ والدك وكل أهلك
__________________
والحب له قوانين آخري..!
|
|
#11
04-12-2010, 10:34 AM
|
|||
|
|||
|
اقتباس:
أكيد طبعا والدك مش بيعمل كداا اللي خوفا عليك ربنا يخليهم ويحفظهم يارب شكراا ياروحي ع زوقك اكيد مواضيعي بتزداد تشريفا بيكي ياروحي 
__________________
والحب له قوانين آخري..!
|
|
#13
04-12-2010, 02:16 PM
|
|||
|
|||
|
اقتباس:
ربنا يحفظ جميع الآباء
__________________
والحب له قوانين آخري..!
|
|
#14
04-12-2010, 11:44 PM
|
||||
|
||||
كم يا أبي لك من يدٍ عندي وكم لك من أثر أنت الذي ربيتني ورعيتني منذ الصغر وكسوتني وغذوتني ووقيتني شر الغِيّر فإذا ألم بيّ الضنى حل الأسى بك والسهر تدعو الطبيب ولا تنِ حتى يجاوزني الخطر وأفدتني العلم الذي هو كنز مالي المدخر وتظل تكدح في الحياة لحاضري والمنتظر هو يا ابي دَينٌ عليّ أرُدُهُ عند الكِبَر
__________________
معلم اللغة العربية بمدارس المنصورة كولدج الدولية 
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:56 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
