|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
28-11-2010, 11:04 PM
|
|||
|
|||
أرض الخوف Fear Factor Xtreme !!!!
أرض الخوف Fear Factor Xtreme ده برنامج مسابقات معروف و مشهور جداً اليومين دول و بييجي علي إحدي القنوات الفضائية و شباب كتيرجداً بيتابعوه تقوم فكرة البرنامج علي مسابقة بين مجموعة من الشباب ولاد و بنات متجمعين مع بعض في مكان ما زي مزارع أو جناين في إحدي دول Latin America تقريباً الأرجنتين كل واحد من الشباب دول حاطيين عينهم علي هدف واحد لازك كلهم يوصلوا ليه مهما كانت الصعوبات و المعوقات و كلهم تركيز عالي جداً و ذهنهم مش مشغول بأي حاجة تانية غير الهدف ده و كل واحد فيهم بيخرج أقصي الطاقات الكامنة جواه عشان ماعندوش غير فرصة أو اتنين لو فشل فيهم هيطلع بره و يخسر الجايزه الكبري ! و الهدف ده اللي كلهم عايزين يوصلوا ليه هو الفوز بجائزة قدرها 25000 $ تقريباً زي ماعرفت و عشان الهدف غالي أوي و الجايزة قيمة جداً تلاقي الشباب دول , زي ما قلت لكم في الأول كلهم تركيز جامد و عينيهم علي حاجةواحدة (الهدف) و ماعندهمش وقت يضيعوه في أي حاجة تانية عشان مايفقدوش الجايزة و المسابقات اللي بتتعملهم دي بتكون صعبة جداً و فيها مخاطرة كبيرة جداً و ممكن يتعرضوا لإصابات و حوادث و ممكن كمان تكون المسابقات دي وسط حشرات أو فيران أو حيوانات متوحشة المهم إن كله لازم يعبر المراحل الصعبة دي مهما كانت المخاطرة و لذلك إسمها أرض الخوف Fear Factor Xtreme يا جماعة ربنا سبحانه و تعالي بيقول في كتابه الكريم "الم , أحسب الناس أن يتركوا أن يقولوا آمنا و هم لا يفتنون" سورة العنكبوت هو ده يا جماعة موضوعنا كلنا مخلوقين في الدنيا دي لغاية معينة و هي "عبادة الله" "و ما خلقت الجن و الإنس إلا ليعبدون" و من خلال حياتنا في الدنيا و أعمالنا نقدر نحقق الغاية دي و اللي هتوصلنا في الآخر للجنة إن شاء الله لكن كتيير منا مش بيقدر مش بيكمل بيتعب بيزهق بيضعف نَفَسُه بيتقطع في نص الطريق مابيكملش المشوار لحد الآخر ليه ؟؟؟ كلنا و لله الحمد فينا خير مهما كانت معاصينا و ذنوبنا ماتقولش أنا مليان ذنوب و بلاوي أنا مانفعش أبقي كويس و ماأقدرش أصلح نفسي لأ تقدر إن شاء الله ربنا سبحانه و تعالي كريم و رحيم و غفور خلقنا عشان نعبده و نطيعه و أعطانا الفرصة في الدنيا مرة و اتنين و تلاتة....إلي قيام الساعة أو موت الإنسان تغلط و ترجع له تاني تعصاه و تتوب إليه بس وضع لك شوية اختبارات و ابتلاءات عشان يشوفك هتعمل إيه هتنجح و لا لأ ؟ زي إمتحانات الثانوية و الجامعة لازم تذاكر و تقفل علي نفسك و تمنع نفسك من الفسح و الخروج ووووو....الخ عشان تنجح كذلك الأمر في الدنيا ربنا سبحانه و تعالي حط لك امتحانات و ابتلاءات عشان تدخل الجنة لازم تعديها و لسه الفرصة قدامك مادام قلبك مازال ينبض لكن احذر قبل فوات الآوان و ماتقولش الموضوع صعب و أنا مش قادر لأ هتقدر إن شاء الله همه اللي بينجحوا في الدنيا أحسن منك في إيه عندهم رجل أو إيد أكتر منك ؟؟؟!!! كل الموضوع إنهم عايشين لهدف معين عايزين يوصلوا ليه و مركزين مع الهدف ده و بيبذلوا كل جهدهم عشان يفوزوا عندك الممثلين و المغنيين بيتعبوا و يجتهدوا بالأيام و الليالي و الساعات عشان ينجحوا و تلاقي الممثل فيهم ممكن ينط في بحر من مكان مرتفع أو يرمي نفسه من عربية عشان الدور يبقي حقيقي و يوصل للجمهور , مع إنه ممكن يستعين بدوبلير لكن مابيرضاش و بيعمل المشهد بنفسه عشان يبقي في مصداقية و بالتالي ينجح و المغني كمان بيتدرب علي الأغنية بالشهور و الأيام و الساعات و بيسافر هنا و هناك يغني في الحفلات و المهرجانات في مختلف دول العالم و حنجرته بتتعب أوي كل ده في سبيل إيه إنه ينجح لكن كل ده نجاح ( مُحرّم ) في دنيا زائلة دنيا لا تساوي عند الله جناح بعوضة (ذبابة) إنما إنت و إنتِ النجاح ده يكون بإذن الله دخول الجنة (ذلك الفوز العظيم) نعيم لا ينفد ما لا عين رأت و لا أذن سمعت و لا خطر علي قلب بشر فالمطلوب مننا إننا نستحمل شوية بعض الصعوبات و الإبتلاءات و نقفز من فوق الحواجز دي عشان نوصل لهدفنا في الآخر ربنا سبحانه و تعالي طلب مننا حاجات و نهانا عن حاجات كل واحد يسأل نفسه هل أنا فعلاً بقوم كل يوم من النوم أصلي الفجر ؟! بصلي الصلاة في أوقاتها و لا لأ ؟! مابسمعش أغاني ؟! بغض بصري ؟! مابعاكسش بنات ؟! مابصاحبش بنات؟! مابكدبش ؟! مابغتبش الناس ؟! ما بشربش سجاير أو غيرها؟! ما بشتمش أو بقول كلام بذيء ؟! ما بتفرجش علي المواقع ال*****ة ؟! بسمع كلام والدي و والدتي ؟! ........الخ و كل واحدة تسأل نفسها اتحجبت و لا لسه ؟! حجابى صح و لا لأ؟ بارفع حواجبى و لا خلاص؟ بصلي الفجر و لا لأ ؟! بحافظ علي الصلاة في أوقاتها؟! مابسمعش أغاني؟! ماباختلطش بشباب؟! مابغتابش حد؟! ما بتفرجش علي أفلام و مسلسلات ؟! ............الخ لازم نحاول و نحاول و نحاول و مانيأسش خالص و نجاهد نفسنا و الشيطان و يكون هدفنا دايما أدام عينينا الجنة يا تري هنقدر نكسب التحدي و نفوز ؟؟؟!!! |
|
#2
29-11-2010, 02:09 AM
|
||||
|
||||
السلام عليكم ورحمة الله وبركاته جزاكم الله خير الجزاء كلام موفق وممتاز ومعبر جدا أسأل الله أن ينفع به ولابد أن نستعن بالله عزوجل ونعلم جيدا أننا لاحول ولا قوة لنا إلا به فإن صدقنا الله يصدقنا إن صدقنا في إستعانتنا به يعيننا ويهدينا ويتول أمرنا وإذا تول الله عزوجل أمرنا فسيعيننا على كل العقبات فوالله هذا ليس بأنفسنا ... فإن الأنفس ضعيفة ولن نستطع أن نتغلب على أي عقبة أو نتقدم خطوة واحدة إلا بالله عزوجل يُرِيدُ اللّهُ لِيُبَيِّنَ لَكُمْ وَيَهْدِيَكُمْ سُنَنَ الَّذِينَ مِن قَبْلِكُمْ وَيَتُوبَ عَلَيْكُمْ وَاللّهُ عَلِيمٌ حَكِيمٌ * وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً * يُرِيدُ اللّهُ أَن يُخَفِّفَ عَنكُمْ وَخُلِقَ الإِنسَانُ ضَعِيفاً [النساء 26:28] ولكن لابد أن نجاهد أنفسنا ... ونري الله من أنفسنا خيرا وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ [العنكبوت : 69] فإن بذلنا وجاهدنا وصدقنا ودعونا الله وكلما ذللنا نرجع مرة آخرى ونري الله أننا مصرين على هذا الطريق لأننا نعلم أنه هو الفوز الحقيقي الذي نهايته الجنة إِنَّ اللّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الجَنَّةَ يُقَاتِلُونَ فِي سَبِيلِ اللّهِ فَيَقْتُلُونَ وَيُقْتَلُونَ وَعْداً عَلَيْهِ حَقّاً فِي التَّوْرَاةِ وَالإِنجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللّهِ فَاسْتَبْشِرُواْ بِبَيْعِكُمُ الَّذِي بَايَعْتُم بِهِ وَذَلِكَ هُوَ الْفَوْزُ الْعَظِيمُ [التوبة : 111] ولكن هذا الأمر يكون شاقا على النفس وأمامنا الكثير من العقبات حتى نشتري الجنة ونبيع أنفسنا لله عزوجل وَجَاهِدُوا فِي اللَّهِ حَقَّ جِهَادِهِ هُوَ اجْتَبَاكُمْ [الحج : 78] يقول الإمام بن القيم في كتاب زاد المعاد وأمرهم أن يجاهدوا فيه حق جهاده كما أمرهم أن يتقوه حق تقاته وكما أن حق تقاته أن يطاع فلا يعصى ويذكر فلا ينسى ويشكر فلا يكفر فحق جهاده أن يجاهد العبد نفسه ليسلم قلبه ولسانه وجوارحه للهفيكون كله لله وبالله لالنفسه ولابنفسهويجاهد شيطانه بتكذيب وعده ومعصية أمره فإنه يعد الأماني ويمني الغرور ويعد الفقر ويأمر بالفحشاء وينهى عن التقى والهدى والعفة والصبر وأخلاق الإيمان كلهافجاهده بتكذيب وعده ومعصية أمرهفينشأ له من هذين الجهادين قوة وسلطان وعدة يجاهد بها أعداء الله في الخارج بقلبه ولسانه ويده وماله لتكون كلمة الله هي العليا. أعتذر عن الإطالة والسلام عليكم ورحمة الله وبركاته
__________________
" يا أيها الناس قد جاءكم برهان من ربكم وأنزلنا إليكم نورا مبينا * فأمّا الذين آمنوا بالله واعتصموا به فسيدخلهم في رحمة منه وفضل ويهديهم إليه صراطا مستقيما "
|
|
#3
29-11-2010, 05:37 PM
|
||||
|
||||
|
جزاكما الله كل خير وبارك فيكم
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
|
#5
31-12-2010, 01:56 AM
|
||||
|
||||
|
جزاك الله خيرا
__________________
(اللهم أحسن خاتمتنا وتولنا برحمتك يا أرحم الراحمين ) |
|
#7
03-01-2011, 07:51 PM
|
||||
|
||||
|
جزاك الله خير
|
|
#9
08-01-2011, 05:03 PM
|
|||
|
|||
|
بارك الله فيك
|
|
#10
08-01-2011, 05:13 PM
|
||||
|
||||
|
موضوع جميـــــــل جدا ... بارك الله فيكم جميعا ..
__________________
C L O S E D
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:30 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
