|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
12-11-2010, 12:02 AM
|
|||
|
|||
من رايكم اعمل ايه !!!!
السلام عليكم ورحمة الله وبركاته ...
اولاا ازيكم كلكم ^.^ ان شاااء الله تكونوا بخير انا طبعا سعيدة جدااااا بانضمامي للمنتدى ... كنت عايزة بس طلب منكم من اولها يعني  وبعتذر لو الموضوع مالوش دعوة بالقسم اللي انا بكتب فيه ^.^ انا طبعا في ثانوية عامة والكلمة دي والله بقيت بكرههاا جدااااا وياارب احبها بس مفتكرش يعني  المهم .. انا قعدت طوول السنين اللي فاتت برة مصر (السعودية بمعنى اصح) وبعدين جيت هنا على تانية ثانوي السنة دي يعني وطلعا معرفش انجليزي !! ولا متاسسة صح في الرياضة ! ونفس الحال في العربي .. واتبقى الفرنساوي والحمد لله جالي اعفاء منه يعني بقى عندي عربي وانجليزي واحياء ورياضة .. بس المشكلة !! معرفش انجليزي ! ولا اعرف طريقة الامتحانات ! ولا متعودة على المدراس ! ومش متعودة على الدروس بمعنى اصح .. مش متعودة على البهدلة ! بس باخد طبعا دروس غصبا عني لكن المشكلة اعمل ايه في الانجليزي !!  واعمل ايه في الرياضة !!  من رايكم يعني ربنا يوفقكم والسلام عليكم  
|
|
#2
12-11-2010, 02:51 AM
|
|||
|
|||
|
انتي كده هتتبهدلي جامد انا اعرف ناس نزلوا من السعودية وخدوا منهج مصر وفي الاخر سقطوا لو كنتي كويسة في الانجليزي
هتبقى سهلة عليك لكن كده هتصعبيها ع نفسك
|
|
#3
12-11-2010, 04:27 AM
|
|||
|
|||
|
اهلا بيكى يا سارة
وحمدلله على سلامتك صدقينى الانجليزى سهل جداً بس محتااااااااج مذاكرة والرياضة بجد انا لحد اولى ثانوى و انا معتقد انى داخل على بروجرام هارد انما لما دخلت المقرر وقعدت حليت مرة واتنين وتلاتة مع نفسى لاقيت الموضوع بيمشى و بيتحفظ ويتفهم بسرعة صدقينى متقوليش انا مش بحب كذا بصى هى كلها سنتين ان شاء الله يعنى لازم تظبطى نفسك فيهم والكلية باذن الله هتقضيها فسح  والله انا بكلمك بجد بس خدى دروس فى المواد دى وانتى تبقى مية مية سلام عليكم
|
|
#4
12-11-2010, 04:38 AM
|
|||
|
|||
|
اقتباس:
انا لسه هتبهدل !! منا اتبهدلت خلاص بس الحمد لله ربنا ما يقدر سقووط ... هصعبها ازاي!!منا نزلت غصبا عني وخلاص الحمد لله شكرااا جزيلا بالتوفيق ان شاء الله
|
|
#5
12-11-2010, 04:40 AM
|
|||
|
|||
|
اقتباس:
والله انا باخد بدل الدرس درسين !!! ولا في اي حاجة !! هو انا ااه الحمد لله بقيت احسن ..بس مش احسن للثانوي يعني والله ما عندي مانع ادخل كلية عدلة واللي يحصل يحصل بس ادخل الرياضة مهما ذكرتها هي غلسة ورخمة اسااسا ربنا يستر شكرااا
|
|
#6
12-11-2010, 08:57 AM
|
|||
|
|||
|
وعليكم السلام ورحمة الله وبركاته اولا: حمدلله على السلامة واهلا بيك فمصر و فالمنتدى ويارب ان شاء الله يكون عجبك ، ثانيا والمهم : شوفي ياحبيبتي شيلي فكرة اني جاية من برة ومش هكون قد المناهج وكدة اختك فالله ال هي انا حصل معايا نفس الموقف رجعت من برة على تانية علطول بس مش كنت فالسعودية كنت فعمان والحمدلله مع شوية جهد قدرت اذلل الصعوبات ومش هكدب عليكِ هتتعبي شويتين بس كله هيروح لما تلاقي نفسك بتحلي كويس و جبتي درجة فاخر السنة وبالنسبة للدروس ، هتتعودي وحدة وحدة ولازم يبقى من جواك رغبة فمسايرة الوضع يعني تتأقلمي مع نظام تعليمنا المبجل وهما كلهم سنتين وبيعدوا بسرعة البرق والله بالنسبة للانجليزي خليك مع استاذ شاطر وبتفهمي منه وكل درس تاخدي تذاكريه اول بأول و الكلمات احفظي على قد ماتقدري والحل ثم الحل ثم الحل حلي كتير و وري الحل للاستاذ عشان يصححلك لو مش كنتي متأكدة والانجليزي مادة حلوة ( مع اني مش بحبها ) بس لو ذاكرتيها كويس بتجيبي درجات تمام فيها والقصة بردوا خلي بالك منها وذاكريها اول بأول بالنسبة للرياضة شوفي ياقمر حلي رياضة كتير وانتي هتلاقي نفسك تلقائيا بدأتي تكوني كويسة خالص فيها انا كنت دايما اقول افهم القاعدة او القانون كويس هتلاقي المسألة مشت معاك تمام اكيد هتحتاجي قانون طاير من هنا على هناك وهتسألي الاستاذ وهيقول جملتهم الشهيرة : " ديه اخدتوها فسنة ...... شوفي ما تتحبطيش منها ، من كتر ما هتحلي هتلاقيك عرفتيها وفهمتيها وحفظتيها وانا والله كان بيحصل معايا كدة بس الاستاذ جزاه الله خيرا كان بشرح القانون الجديد عالسريع كدة على قد مايلزمني والحمدلله الرياضة كانت مادة لذيذة اوي وهتحسي بيها فالاخر لما تبدأ المراجعة وتلاقي نفسك بتحلي مسألة ورا التانية من غير اي صعوبة ان شاء الله بس مش تحبطي لو قابلتك مسألة كدة ولا كدة شيء عادي جدا و بيقابل كل الطلبة وبالنسبة للعربي هقولك حاجة صغنونة كدة فيه نصيحة منتشرة فوسط الثانوية العامة بتقول سيبك من العربي وذاكره فاخر اسبوعين على اساس انه اول امتحان وده غلط ، ذاكري العربي علطول من اول السنة وفالنهاية بتمنالك التوفيق ويارب ان شاء الله تجيبي مجموع عالي وتدخلي الكلية ال نفسك فيها و اخر حاجة مش تنسي علاقتك بربنا و بوالديك وربنا معاك ياعسل وكل سنة وانتي طيبة ، وكلي لحمة كويس  اه فيه حاجة صغنتوتة كدة انا مش بحبذ حكاية الدرسين فمادة واحدة بتشتتك وتضيع وقتك لو التزمتي مع استاذ واحد كويس هيكون افضل من وجهة نظري وده فالاخر مجرد رأي اقتباس:
  كذب عليك من قال هذا !! ماحدش راضي بحالو كنا فالثانوية نقول الكلية
دخلناها رجعنا نقول يا ثانوية يلا ربنا يوفق الجميع
|
|
#7
12-11-2010, 07:53 PM
|
||||
|
||||
|
انا بوقل ترجعي السعوديه تاني
__________________
|
|
#8
14-11-2010, 02:32 AM
|
|||
|
|||
|
اقتباس:
يا اختاه يا فاضلة هذه مجرد مزحة
لكى لا نكثر الهم على الاخت صاحبة الموضوع (( بس ده مش يمنع ان الكلية دلع برضووو  ))كل عام وانتم بخير
|
|
#9
14-11-2010, 10:54 AM
|
|||
|
|||
|
اقتباس:
عارفة والله
واعتذر لو ردي فيه خشونة شوية يمكن من اعصابي المشدودة من الكلية واسفة بجد لو ضايقت صاحبة الموضوع او حضرتك وحضرتك بخير والامة الاسلامية جميعا
|
|
#10
14-11-2010, 06:49 PM
|
||||
|
||||
|
ابسط مثال حي يعيش و يتعايش على وجهه الارض ...
انا اهو في تانيه ثانوي قدك بس انا نزلت السنه الي فاتت بس و من السعوديه و لا حصل اي حاجه و واخده احياء اهو و الله العظيم و الله العظيم كمان مره ان انا محستش بفرق بين مصر و بره الا في حاجه واحده انتي هناك عارفه تنظمي وقتك و مزاكرتك انما هنا في مصر نوعا ما في هرجله و تضييع وقت انما المناهج كويسه جدا و انا ماشيه على حكمه في وجهه نظري ان الشاطر شاطر في اي مكان ..و الي عايز يثبت نفسه هيثبتها و يوصل للي هو عايزه انا و اعوذ بالله من كلمه انا اقسملك بالله انا في دكتور جامعه في كليه الطب بتدرس اختي الكبيره و بنتها الصغيره قدي جابتني انا و اختي في مكتبها و مكنتش مصدقه اننا كنا في السعوديه اختي الكبيره كانت شهاده معادله و دخلت طب بس ايه اثبتت نفسها و طلعت من الاوائل و رتبت على دفعتها و انا ان شاء الله اكون زيها عشان اثبت للمجتمع كله ان الي جايين من السعوديه زيهم زي اشطر شاطر في مصر شيلي اي افكار من دماغك و اعملي زيي و سيبك من اي كلام ممكن تسمعيه عن السعوديه و لا غيرها و بسم الله ما شاء الله اهو اعضاء كويسين جدا قالولك المفيد ف ربنا يكرمهم و يكرمك يا رب
__________________
 ya rab estorha m3ana
|
|
#11
15-11-2010, 02:35 AM
|
|||
|
|||
|
اقتباس:
لا والله ابدا , وارجوا الا تعتذرى لاننا اخوات
و حاولى تهدئى من روعك ومتخليش حاجة تؤثر عليكى كل عام وانتى بخير اخوكى محمد
|
|
#12
19-11-2010, 12:04 AM
|
||||
|
||||
|
السلام عليكم و رحمة الله و بركاته
هي مشكلة كبيرة فعلا و خاصة في اللغة الانجليزية ممكن فعلا في باقي المواد متواجهيش مشكلة بس الانجليزي بالذات تراكمي من و انتي في ابتدائي يعني من ساعة ما اخدتي a و b بس تعرفي.....انتي فعلا تقدري تلمي الانجليزي كله في السنتين دول...لان المنهج مش جديد نفس القواعد و نفس الكلمات بس طبعا الكلمات بتزيد يمكن هتحسي بصعوبة شوية لانك تعتبري مبتدئة بس صدقيني انتي فعلا تقدري تنجحي بس شوية تعب و ان شاء الله ربنا يوفقك ارجو ان تتقبلي مروري
|
|
#13
19-11-2010, 10:52 AM
|
|||
|
|||
|
علي فكرة في ناس كتير بيجو من برا مصر
لكن بيجتهدو ويذاكرو كويس ودة العادي لاي طالب انة مورهوش غير مذاكرتة ودراستة وهتبقي من المتفوقين وبلاش تضيع وقت في النت في مرحلة الثانوية دي حبي المواد وميبقاش في حياتك غير المواد الي بتدرسيها وهتبقي من المتفوقين ولازم تصبي لقدام لان دة هيريحك اجتماعيا ونفسيا لما تكوني في حاجة كويسة فعملي لمستقبلك
__________________
سبحان الله وبحمده سبحان الله العظيم
|
|
#14
27-11-2010, 08:46 PM
|
|||
|
|||
|
يعنى انتى عايشة من صغرك فى السعودية وكل مراحل تعليمك هناك
جاية على اصعب مرحلة فى مصر وتخديها هنا حرام انا هعيطلك والله طيب احنا ومتعودين وراضين بالامر الواقع عموما انتى قدام امر واقع ف انتى اعملى الى عليكى بصى الانجلش حفظ ولغة كلمات يعنى اهم حاجة الكلمات الجرمر سهل قاعدة وهتطبيقها حاولى تحفظى كلمات كتير بدعيلك وبدعى لكل الثانوية بالنجاح تحياتى
|
|
#15
27-11-2010, 11:10 PM
|
||||
|
||||
|
صح و الله
انا اعرف واحده نزلت من السعوديه على تانيه ثانوي و اجتهدت و دخلت صيدله و مش جامعه خاصه .. ... ربنا سبحانه و تعالى واحد و القدر واحد هنا و لا في السعوديه ... بس علينا بالاجتهاد و ربنا معانا جميعا
__________________
ya rab estorha m3ana
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:35 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
