ماذا حدث فى مجلس الشعب ؟

[أ/سلوى]

ماذا حدث فى اخر جلسات مجلس الشعب

• اوصى الدكتور فتحى سرور فى الجلسة بتغيير مسمى منعافد الى معلم مساعد
• وكذلك تعيين المتعاقدين فى اعوام 2005 - 2006 - 2007 م وذلك لتعاقدهم قبل اصدار القانون الخاص بالكادر وهو القانون 155 لسنة 2007 م

محتاجين تفاعل من الاعضاء ورفع دعوى امام القضاء الادارى
لأن التعيين حق كفله القانون وتغافل عنه وزير التنمية الادارية احمد درويش

وحسبنا الله ونعم الوكيل

• القانون 155 لسنة 2007 والخاص بالكادر وترقية المعلم المساعد يجب الا ينطبق على المتعاقدين من قبل 2007 لانه عند التعاقد لم يكن تم اصدار القانون اصلا

• الغاء فترة التعاقد من 2005 وحتى 2008 ليكون التعاقد بداية من 2008 فيه ظلم واضطهاد واضح للمتعاقدين قبل 2008 كما انه غير قانونى وضياع وظلم لحقوق المتعاقد

• واما عن المتعاقدين من 2008 فان الحكومة ملزمة قانونا بتعيين كل من اجتاز الاختبار وذلك فى مدة اقصاها 2010 م وذلك لعدم قانونية التعاقد اكثر من عامين فى حالة استكمال الاوراق وثلاث سنوات فى حالة عدم استكمال الاوراق

• واذا تم تطبيق القانون على جميع المتعاقدين فان استمرار عمل المتعاقدين من 2005 وحتى 2010 مخالفة صريحة للقانون

• الحكومة ملزمة باعلان سياسة واضحة للتعامل مع المتعاقدين بمواعيد ثابتة وقوانين موضوعية يتم على اساسها ترقية وتعيين المتعاقدين

• بناء على ما سبق يحق للمتعاقدين رفع دعوى امام القضاء الادارى ومجلس الدولة تجاه السياسة الخاطئة ومن اجل الحصول على حقوقهم كاملة

[أسامة النمر]

و مين يسمعك

[عصام ahm]

ممكن اخوانى من خلال ذلك المنتدى اختيار محامى من كل محافظه والتنسيق معه لرفع قضيه فى القضاء الادارى
وبالتالى المطالبه بحقوقنا كامله
لذلك نهيب كل من لديه معرفه باحد المحامين ان يسرع بالتنسيق مع باقى اخوانه فى محافظته لرفع القضيه بصفه عاجله
لذلك نرجو التفكير بايجابيه وعمل فعل بدل الكلام الكثير
وشكرا

[أ/سلوى]

ما هو مش معقول حقوقنا ضايعة ومش عارفين نتكلم

[مصروى عنيد]

الواحد زهق بقى من المماطلة دى بقى

[مستر / طاهر أبو خزيم]

لا بد من اللجوء للقضاء الأدارى ومجلس الدولة يا اخوانا بجد احنا زهقنا من المماطلة ولازم نفعل هذا الأمر

[mmagdy_81]

انسى ياعمرو احنا متعاقدين من 2002 ومنقدرش نتكلم بس املنا فى ربنا كبير

[Le Samurai]

إنتوا عارفين يعني إية قضية في القضاء الإداري يعني مش أقل من سنتين لازم وقفة لازم نعمل حاجة تحرك إعتمادات تعيينا ال في البنوك بتعمل كل يوم فوائد للوزراء والحكومة إفهموا بقة مفيش تعيين من غير موقف يسمع البلد كلها ......

[hassan43]

معايا فكرة مجنونة
ممكن نفتح حساب فى احد البنوك
و كل متعاقد عاوز يرفع قضية يدفع 10 جنية فى هذا الحساب
لو دفع 5 الاف متعاقد كل منهم 10 جنيه ممكن نوكل محامى ب 50 الف جنيه
و شوفوا بقه 50 الف جنيه ممكن تعمل ايه ؟
ايه رأيكم
مش فكرة مجنونة بس ممكن تحصل ...............!!!!
انا عارف ان فيه ناس هتضحك على كلامى و تقول ايه الهبل ده ؟
و فيه ناس هتقول و مين ان شاء الله اللى هيبقى الحساب باسمه و ايه اللى يضملنا انه ما يخدش الفلوس و يفلسع ؟

يلا اهو جنان و خلاص
و 10 جنيه مش حكاية كبيرة

[مدرسة علوم أبتدائى]

ههههههههههههههههههههههههههههههههههههههههههه

[eslamkobessy]

[QUOTE=hassan43;2809374][b]معايا فكرة مجنونة
ممكن نفتح حساب فى احد البنوك
و كل متعاقد عاوز يرفع قضية يدفع 10 جنية فى هذا الحساب
لو دفع 5 الاف متعاقد كل منهم 10 جنيه ممكن نوكل محامى ب 50 الف جنيه
و شوفوا بقه 50 الف جنيه ممكن تعمل ا
فكرة جامدة اوووووووي

[عاشقه الجنه 29]

[quote=eslamkobessy;2809921]

المشاركة الأصلية كتبت بواسطة hassan43

[b]معايا فكرة مجنونة
ممكن نفتح حساب فى احد البنوك
و كل متعاقد عاوز يرفع قضية يدفع 10 جنية فى هذا الحساب
لو دفع 5 الاف متعاقد كل منهم 10 جنيه ممكن نوكل محامى ب 50 الف جنيه
و شوفوا بقه 50 الف جنيه ممكن تعمل ا
فكرة جامدة اوووووووي

والله لقد اصبت الهدف ولكن ممكن تعديل الفكرة شوية احنا عندنا المركز القومى للحق فى التعليم فية اكثر من محامى عقر فى شئون التعليم فممكن مجموعة من شباب المنتدى الواعد يسافر ويتفق معى واحد من المحامين دول والكل فى محافظتة يعمل توكيل للمحامى ويبعتة بالفاكس ويدينا رقم حساب له فى احد البنوك واللى يسدد المبلغ ياخد وصل ويدرج اسمة فى الكشوف الخاصة برفع القضية ومتهيالى ان محدش كدة هيمانع انه يعمل توكيلات من المكان الموجود فية فى الجمهورية بس اهم شى الرجالة الصح اللى هتساف تتفق معى المحامى وكدة تكون الفكرة مش مجنونة ولكن تصيب الهدف وشكرا

[gebreel]

ياجماعة الخير الصبر مفتاح الفرج وفات الكثير ماباقى الا القليل

[أ/سلوى]

القضاء الادارى جاد وعادل فى القضايا

ولابد من اللجوء اليه حتى لو حصلنا على التعيين حتى لا تضيع علينا السنوات الماضية

حسبنا الله ونعم الوكيل

[كفايه اجر]

خلصني الصبر كله