"بدر" يقرر صرف منحة 120 يوماً لجميع العاملين بديوان "التعليم"

[mr_moh555555]

120 يوماً لجميع العاملين بديوان "التعليم"

الأحد، 31 أكتوبر 2010 - 22:51
الدكتور أحمد زكى بدر وزير التربية والتعليم
كتب حاتم سالم

قرر الدكتور أحمد زكى بدر، وزير التربية والتعليم، مساء اليوم الأحد، صرف منحة مالية قيمتها 120 يوماً لجميع العاملين بديوان الوزارة والجهات التابعة له تحت مسمى منحة أعمال امتحانات الدور الثانى من الثانوية العامة.

وأوضح مصدر مسئول بديوان "التعليم" أن "بدر" اعتمد قرار الصرف فى تمام الثامنة من مساء اليوم، وأضاف أن إدارة الحسابات بالوزارة ستتسلم القرار من الإدارة المركزية للشئون المالية لتبدأ الصرف غداً الاثنين، مؤكداً أن "بدر" طلب المساواة بين جميع الإدارات فيما يتعلق بقيمة المنحة، فبرغم أن عدداً من مسئولى الوزارة عرضوا عليه فى بادئ الأمر بياناً بأسماء الإدارات المستحقة يميِّز إدارات عن أخرى وهو ما رفضه الوزير، بحسب المصدر.

[أمجد حلواني 9]

بيتعبوا
ربنا يعينهم
المهم ان هو كده ما وزعش عليهم مكافأة في العيد زي الوزرا اللي فاتوا
وعجبي

[elmahla22]

حسينا الله ونعم الوكيل في وزاره النربيه والتعليم ووزير التربيه والتعليم هيفهم امتي الرجل ده ياعالم ارحمونا من الناس ديه شويه ومنهم الاستاذ / المحترم وزير التربيه والتعليم ذكي بدر
هما بيشتغلوا في الديوان العام للوزاره والمدرسين قاعدين مفيشي شغل للمدرسين خالص لافي فصول ولا حصص فوق النصاب تصل الي 27 حصه في الاسبوع ولا المدرسين لهم اشرف يومي ولا المدرسين بيتعبوا في الطابور الصباحي ولا في اليوم الدراسي ومشاكل الطلبه والطلابات ولا الوكلاء ليس لهم معرفه بنظام سير العمل في المدرسه

[محمد عبد الحميد1]

مبروووك عليكم

[العربى446]

عندما اتى السيد الوزير الى الديون قال بالحرف الواحد انه (جراج) وان كل واحد له قريب ياتى به فى الجراج والان هل تم تصيلح الجراج وهل تم تغير سلوك واداء موظفى الديوان وهل اصبحوا مبتكرين ولهم فكر مختلف وانا ليس ضد ان يمنح ويعطى السيد الوزير للعاملين بالديوان اى منح لكن هل باقى العاملين فى الوزارة والادارات والمدارس ليس تبع سياده ونحن المعلمون حتى لم نحصل على الدرجة التى نستحقها فى هذة الوزارة ناس خلقت لكى تاخذ وناس خلقت حتى تهان فى الاعلام وتاخذ الاجزاءت وبس
وعجبى عليكى يابلد

[سامى الجنانى]

والمعلمين فين من تورتة المنح لكل الوزارات بمناسبة الاعياد حتى الازهر كان سابقا يطالب بالمساواه بنا صرف شهر فى عيد الفطر واخر فى عيد الاضحى والان نطالب بالمساواه بالازهر

[mr_moh555555]

120 يوم يا ظالمة

ليه...ايه المناسبة؟

اعمال فوق العادة....ياريت نعرف زي ايه؟

دي اكيد اعمال سفلية
فعلا البلد دي تكية و ورث كل واحد بيوزع للحبابيب


4 شهور مرة واحدة و احنا المدرسين و لا حتي 10 ايام

[sayedhtm]

ههههههههههههههه
حاجة تقرف

[m_nagib_2010]

لا حول ولا قوة إلا بالله

[أبلة ناهد]

التعليم حاله كما هو لن يتغير طالما إن المعلم آخر حاجة بيفكروا فيها وديما على الهامش وكأن المعلم هو عدو مصر

[algazzr]

ما شاء الله
تبارك الله
تقتتير على المدرسين
ايراف على غيرهم
حسبنا الله ونعم الوكيل فى هذه الوزاره
عدد ما كان وعدد ما يكون وعدد الحركات والسكنات

[توفيق رفعت عجيز]

120يوم لديوان الوزارة حاجة بسيطة خالص بلاش حد يحسدهم يا جماعة دول ناس قاعدين جنب الوزير ولازم يتوبهم من الحب جانب بيتعبوا طبعا ايام الثانوية بيخرجوا يراقبوا في مدارس بعيدة عن بيوتهم وبيتبهدلوا في الموصلات وبيموت منهم ناس مش كده والا ايه؟

[سامي10]

والمدرس الي طالع عينه ملوش حتي شهر
ليه يعني 4 شهور ؟
لكن هقول ايه حسبي الله ونعم الوكيل

[mr_moh555555]

المشاركة الأصلية كتبت بواسطة sayedhtm

ههههههههههههههه
حاجة تقرف

ههههههههههههههههههه

حاجة واحدة بس....اكيد قصدك كل حاجة تقرف