شكراً سيادة الوزير علي حوافز التميز

[توفيق رفعت عجيز]

بصراحة مش عارف ابدء من فين لكن الموضوع ببساطة انني في يوم من الاسبوع الماضي لقيت سكرتير المدرسة بينادي عليا ذهبت فقال لي امضي علي الكشف فمسكت القلم ولقيت كشف مكتوب عليه الحوافز المميزة تصوروا حوافز مميزة لمن لم يحصل علي بدل معلم او كادر فرحت وقلت كويس الناس بيفكروا فينا ياسلام العيد قرب وربنا كريم حوافز مميزة وبصيت في الكشف ورحت عند اسمي ووقعت وياريتني ما وقعت
تعرفوا ليه بلاش تفكروا كتير انا هقلوكم ليه
الحوافز المميزة كانت مبلغ 18.50 ثمانية عشر جنية وخمسون قرش لا غير وطبعا المبلغ موحد السكرتير اقدم واحد في المدرسة مثلي انا يعني 12سنة تعيين والعمال ايضاً مثلنا.
تصوروا المبلغ ده يعمل ايه هو اكيد يعمل هو ممكن يشتري 2او3كيلوا طماطم بجد حاجة قمة الاستخفاف بالناس لا وسيادة الوزير اول ما استلم الوزارة قال الناس دول لازم يعيشوا كويس
شكرا سيادة الوزير علي 18.50 .
تعرفوا لو الوزير بيشوف كل الفاكسات ايلي بتتبعتله كنت بجد بعت بالمبلغ العظيم ده فاكسات شكر وامتنان لسيادة الوزير.

[Super Teacher]

والله دا فعلا استهانة واستخفاف بالشعب في صورة المعلم.
منهم لله

[Lutfy Zidan]

احمد ربنا انت اخذت 18.50 احنا لم ناخذ ولامليم وشغال منذ 30 عام وانا مدرس اول ا

[توفيق رفعت عجيز]

المشاركة الأصلية كتبت بواسطة lutfy zidan

احمد ربنا انت اخذت 18.50 احنا لم ناخذ ولامليم وشغال منذ 30 عام وانا مدرس اول ا

ال 18.50 دول للفنيين والاداريين والعمال دول عوضا عن الكادر وحوافز المحليات

[الأستاذة هدى]

طيب ينفع كده يا أستاذ توفيق ؟؟

لالالا بجد انا زعلانة منك جداً

ينفع كده؟؟!!!!!

ينفع تتكلم عن المبلغ الضخم ده علناً كده قدام الناس مش خايف من الحسد؟؟؟

يعنى الوزير حاسس بالناس مظاليم التربية والتعليم تقوم تفضحه كده؟؟!!

[توفيق رفعت عجيز]

المشاركة الأصلية كتبت بواسطة ابلة هدى

طيب ينفع كده يا أستاذ توفيق ؟؟

لالالا بجد انا زعلانة منك جداً

ينفع كده؟؟!!!!!

ينفع تتكلم عن المبلغ الضخم ده علناً كده قدام الناس مش خايف من الحسد؟؟؟

يعنى الوزير حاسس بالناس مظاليم التربية والتعليم تقوم تفضحه كده؟؟!!

• لالالالالالالالالالالالا بلاش حضرتك تزعلي مني
• انا بس كنت عاوز الناس تعرف ازاي الوزير بيفكر فينا فقط لاغير

[الأستاذة هدى]

المشاركة الأصلية كتبت بواسطة توفيق رفعت عجيز

• لالالالالالالالالالالالا بلاش حضرتك تزعلي مني
• انا بس كنت عاوز الناس تعرف ازاي الوزير بيفكر فينا فقط لاغير

شوف ازاى وأنا اللى فهمتك غلط !!!!!

[العربى446]

مش هقول غير كلمة واحده
تحيا مصر تحيا مصر تحيا مصر
الحكومة تعمل دائما على تنمة الحب لمصر و غرس الانتماء وروح التضحية من اجل البلد
وعجبى

[Lutfy Zidan]

شيخ الازهر اعطى شهر للعاملين فى الازهر ووزير التعليم حرمنا من علاوة الدر جة .لاحظ الفرق بين الاثنين

[الرندى]

فعلا استخاف بالمعلمين للأسف حسبي الله ونعم الوكيل بس هنعمل ايه مفيش غيرها الشغلانة دي