خطه 244 خطه رمضانيه

[الرهينه]

بسم الله الرحمن الرحيم
كل عام وانتم بخير وبمناسبة رمضان انا جيبالكوا خطه رمضانيه
سمعتها فى خطبه للشيخ محمود المصرى واستفدت منها جدا فحبيت الخصها على اد ما قدرت وانقلها لكم عشان الاستفاده تكون عامه
بس الاول لازم نتفق على حاجه تيجوا نعتبر ان رمضان السنه دى آخر رمضان فى حياتنا وقبل ما ندخل ننوى اننا منخرجش منه الا ورقابنا معتوقه من النار .......ها مين هيكمل معايا
اللى موافق على الاتفاق ده يكمل معايا "اللى موافق بس" .......نبدأ

هى خطه رمضانيه "خطة 244"

عباره عن 10 خطوات 4 قبل رمضان و4 فى رمضان و2 بعد رمضان .....

4قبل رمضان...
1-فتح الكاتالوج
قبل ما ندخل رمضان لازم نتعرف على عليه اكتر رغبه فى اشتثمار كل لحظه فيه عشان كده هنفتح مع بعض الكاتالوج ونشوف ثمرات الصيام:

1-تفتح ابواب الجنه الثمانيه

2-تغلق ابواب النار السبع

3-تصفد "تسلسل" الشياطين
وطبعا مش كل الشياطين لانهم يصنفوا كما نصنف فمنهم التقى والمؤمن ومنهم المسلم ومنهم الكافر والفاسق
والسؤال دلوقتى ليه بعض الناس بتعصى ربنا فى رمضان مع ان الشياطين مسلسله؟؟؟
سبحانك اللهم اشهد ان لا اله الا انت استغفرك واتوب اليك

4-دعوه لا ترد عند الافطار
قد اخبرنا رسولنا الكريم بان ثلاث لا ترد لهم دعوه وذكر اولهم الصائم عند فطره فعليك بلاصرار والعزيمه وتحديد الادعيه التى ترغبها وتصر عليها طوال الشهر وتعزم على تحقيقها قبل انتهاء الشهر الكريم واغتنام دعوة الصائم

5-الصوم كفاره للخطايا

6-للصائم فرحتان
كما حدثنا الرسول صلى الله عليه وسلم ان للصائم فرحتان عند فطره وعند لقاء ربه
وحكى ان داعيه مسلم ذهب الى بلد اوروبيه ودعا رجل كبير فى السن "خواجه" وربنا هداه ودخل الاسلام على ايد الداعيه ده وفى يوم فى رمضان الداعيه عزم الخواجه على الفطار وقدم له اكل مصرى يعنى بميه وملوخيه وحط ادامه فرخه الخواجه قاله يا خبيبى كده ناقص واخده قاله ليه؟ قال مش الرسول بيقول "للصائم فرختان":D

7-شفاعة الصيام لصاحبه
يأتى الصيام والقيام يوم القيامه يشفعان لاصحابهما فالقرآن ياتى للتوفى فى قبره ويترصد للملائكه فلا يجعلها تحاسبه من ناحيته

8-سبيل لدخول الجنه

9-للصائمين باب خاص بهم
باب الريان:يقال ان باب الريان لدخول الصائمين فاذا ادخل الصائمون جميعا اغلق فلا يدخل منه غيرهم

2- التوبه
كثيرا ما سمعنا عن توبة اشرف الخلق واطهرهم حبيبنا المصطفى صلى الله عليه وسلم فقد قيل انه يستغفر فى الجلسه 70 مره ويتوب كل ليله 100 مره فما بالنا نحن وقد اقترفنا العديد من الخطايا
وفى حديث قدسى عن ابى الدرداء رضى الله عنه
عن رسول الله صلى الله عليه وسلم قال: "قال الله تعالى: يا ابن آدم مهما عبدتني ورجوتني ولم تشرك بي شيئاً غفرت لك على ما كان منك، وإن استقبلتني بملء السماء والأرض خطايا وذنوباً، استقبلتك بملئهن من المغفرة، وأغفر لك ولا أبالي".
ولو لم يكن غير هذا الحديث لكفى
ويقول سبحانه وتعالى "قل يا عبادى الذين اسرفوا على انفسهم لا تقنطوا من رحمة الله"
وقد قسم الناس صنفين التائبون وغيرهم اولئك هم الظالمون
وروى عن رسول الله صلى الله عليه وسلم عندما نزلت آيات التوبه وعلم بتوبة كعب بن مالك قال له رسول الله صلى الله عليه وسلم ابشر بخير يوم هو لك منذ ولدتك امك
وما دمنا نتحدث عن التوبه فلا بد من ذكر سيد الاستغفارفمن قاله حين يصبح وحين يمسى دخل الجنه
"اللهم انت ربى لااله الا انت خلقتنى وانا عبدك وانا على عهدك ووعدك ما استطعت اعوذ بك من شر ما صنعت ابوء لك بنعمتك على وابوء بذنبى فاغفر لى انه لا يغفر الذنوب الا انت"
والسؤال دلوقتى متى يتوب من لا يتوب فى رمضان؟

3-الاكثار من طاعة الله قبل شهر رمضان
اما النبى فكان صلى الله عليه وسلم يصوم شعبان كله او كله الا قليلا مع العلم انه لا يتعارض مع حديث النبى صلى الله عليه وسلم الذى ينهى فيه عن الصيام فى النصف الآخر من شعبان فقد اخبرنا بهذا صلى الله عليه وسلم لمن لم يعتد على صيام النوافل "الاثنين والخميس والثلاث من كل شهر عربى" طوال العام

4-التحلل من المظالم
اليوم نتعامل بالدرهم والدينار ويوم اللقاء التعامل بالحسنات والسيئات
فمن كان عنده مظلمة لاخيه فليتحللها منه اليوم قبل ان يؤخذ من حسناته يوم الحساب لترد لهم مظالمهم فاذا فنيت حسناته اؤخذ من سيئاتهم وطرح عليه ثم طرح بها فى النار"نستعيذ بالله منها"

4فى رمضان......
1-استعن بالله
الاول لازم تعرف ان صيامك وصبرك من اذان الفجر حتى اذان المغرب مش شطاره منك ولا فهلوه .......لأ لا انت ولا انا نقدر نعمل حاجه بدون الاستعانه بالله عز وجل"واذا استعنت فاستعن بالله"
وفقد قال رسولنا الحبيب لاحد الصحابه "انى احبك فقل عقب كل صلاه اللهم اعنى على ذكرك وشكرك وحسن عبادتك"

2-استثمار كل لحظه فى طاعة الله
ليه احنا منستثمرش كل لحظه نحياها فى طاعة الله يعنى بدل ما اننا بنام فى الايام العاديه 7 او 8 ساعات او اكتر ننام فى رمضان 3 او 4 ساعات
وليه متبقاش الكام ساعه راحه دول بنيه ناخد عليها اجر يعنى بنية الاعانه على ذكر الله وطاعته
وليه ميبقاش الاكل بنيه؟ والشرب بنيه؟ وعداد حسناتك يزيد وتتباهى بجبال الحسنات يوم القيامه
ومن الطاعات عظيمة الثواب يسيرة التنفيذ "الذكر والقرآن واطعام يتيم ومساعدة فقير وافطار صائم"
ومن افطر صائم فله مثل اجره دون ان ينقص من اجره شئ
ومن ناحيه تانيه طبعا فى التليفزيون المسلسلات والافلام بتبقى على ودنه تحت مسمى "سل صيامك" وان صح التعبير "شل صيامك"
انت ممكن تتفرج واحتمال صيامك يتقبل "الله اعلم" بس خلى بالك انت كده بتضيع حسناتك ومتنساش احنا كان اتفاقنا من الاول عتق الرقاب من النار يعنى ان شاء الله مش هنخرج من رمضان الا ورقابنا معتوقه باذن الله جميعا
نيجى بقى للنص الحلو"ستات البيوت" دول بقى زى ما بيقولوا كده دماغ:D
الناس عماله تعبد ربنا وتحاول تتقرب منه وهما او عشره من رمضان خاصه بالعزايم وتانى عشره طبعا الكحك والبسكويت وما شابه وتالت عشره لبس العيد وخلافه
لأ وايه المعظم هوايه عندهم يقضوا week end فى الارافه يروحوا ومعاهم اكلهم وشربهم ولوازم القاعده ولما يروحوا هناك يكلوا ويشربوا وينكتوا كمان وفى الا خر ربنا يتقبل "منا ومنهم ان شاء الله"

3- التأمين على العباده
جينا بقى للتأمين على العباده "التأمين الوحيد الحلال"
قولى بقى..... تحب تصوم كام روضان السنه دى؟؟؟
قول اى رقو 10 ، 100، 1000 زى مانت عايز طيب اقولك تعمل ايه؟؟؟؟
ممكن حضرتك بدعوة 99 واحد تاخد بتوبة كل واحد اجر رمضان كامل وانت واحد يبقى كده 100 وطبعا كل اما العدد يزيد كل ما ثوابك يزيد وجبال حسناتك تزيد.....ها قولت ايه
طب اسمع دى كان فى راجل بسيط جدا سمع حديث الرسول صلى الله عليه وسلم "كلمتان خفيفتان على اللسان ثقيلتان فى الميزان حبيبتان الى الرحمن سبحان الله وبحمده سبحان الله العظيم"
فعجبه الحديث وظل يدعى بالحديث ده للرجوع الى الله سنوات عده واصيب بمرض ادى به لاجراء عمليه جراحيه ولحظه الجراح لم يسجد لربه من قبل وبعد اجرائه للعمليه وبعد ان افيق من تأثير المخدر طلب احضار الجراح بلهفه فاعتقد الطبيب انه يحتاج الى جرعة مخدر اخرى للتغلب على الالم وفوجئ ان هذا الرجل يروى عليه هذا الحديث ثم مات فاندهش الطبيب وادرك فى نفسه ان هذا الرجل خلق من اجله ومن يومها عاد الى الله تائبا ولم يترك فرضا قط
بقولك ايه متعملش بقى استاذ مكسوف واستاذه مكسوفه وافتكر لما تقف يوم العرض على الجبار ولما يسألك هتقوله ايه "كنت مكسوف"
ها نويت على ايه؟؟؟؟؟؟ كام رمضان السنه دى؟؟؟؟؟

4- حسن الظن بالله
احنا كان اتفاقنا من الاول العتق من النار...... صح
فأكيد لازم هنبذل قصارى جهدنا لتحقيق هدفنا وفى مقوله لاحد الاسلاف يقول" بقدر ما تتعنى تنل ما تتمنى"
متقولش بقى انا وحش وكده كده ربنا مش هيتقبل منى انا ذنوبى كتيره ... لأ خلى عندك حسن ظن بالله اجتهد واعمل اللى عليك وادعى ربنا انه يتقبل منك

2 بعد رمضان.........
1- الثبات
ولا تكن كالتى نقضت غزلها
يعنى متضيعش كل اللى عملته فى رمضان ، يمكن تكون الطاعه مش صعبه اوى لكن الاصعب منها هو الحفاظ عليها
ومتنساش ان حوار رب العزه مع ابليس قال له"لعنة الله عليه"
"لاقعدن لهم صراطك المستقيم _ لولاغوينهم اجمعين الا عبادك منهم المخلصين"
فكل اللى عليك بعد رمضان على الاقل تحافظ على الحد الادنى من النوافل اللى كنت متعود تعملها قبل رمضان ولوحتى مكنتش متعود قبل رمضان على نوافل معينه افتح صفحه جديده مع ربنا ويكون رمضان بدايه موفقه ان شاء الله والنوافل مثل
1-12 ركعه سنن
2 قبل الفجر و4 قبل الظهر و2 بعد او العكس و2بعد المغرب و2 بعد العشاء
2-الاثنين والخميس
3-الثلاث من كل شهر عربى "13 و 14 و15"
وغيرها من النوافل وربنا يقدرنا على طاعته وحسن عبادته

2- شكر الله عز وجل على الخير الذى هدانا اياه
اما عن شكر الله عز وجل فله 3 طرق:
1-اما بالقلب
وهو ان تشعر بالنعمه التى انعم الله عليك بها وان تعترف وتقر بهذه النعمه
2-باللسان
"واما بنعمة ربك فحدث"
3-او بالجوارح والاركان
قال الله تعالى "واعملوا آل داود شكرا وقليلا من عبادى الشكور"
فان احب الصيام الى الله صيام داود "يوم ويوم"
واحب القيام الى الله قيام داود

واخيرا اليكم بعد الادعيه رفيعة المكانه عند الله ورسوله........
"يا مقلب القلوب ثبت قلبى على دينك"
"اللهم انك عفو تحب العفو فاعفو عنا"
"اللهم اعنى على ذكرك وشكرك وحسن عبادتك"

واليكم هذا الرابط "خطبه يوم فى حياة صائم" ويوضح فيه كيفيه قضاء الصائم يومه لدكتور "حازم شومان"
http://www.way2allah.com/modules.php?name=Khotab&op=Detailes&khid=3309

اللهم بلغنا رمضان وتقبله منا اللهم سلمه لنا وسلمنا له وتقبلها منه
أخبرنا رسولنا الكريم عن رب العزه بأن الشياطين تسلسل ولكن لم يقل بان الانفس سلسلت هى الاخرى لذا فاعلم انك اذا اقترفت اثما فى رمضان فان نفسك امارة بالسوء فعليك اصلاحها ومعرفتها بالله عز وجل

[mR . mOstafa Fathi]

جيجو
بوركتى للموضوع
رمضان كريم
وفى ميزان حسانتك ان شاء الله

[fares elnet]

شكرا للموضوع الجميل
وجزاك الله عنا كل خير

[الرهينه]

اللهم امين واياكم
مشكورين لهالمرور لموضوعى المتواضع