فى صفط اللبن : اللى عايز يتعلم يجيب معاه كرسى بلاستيك

[ezz_eldeen]

«صفط اللبن الابتدائية» ترحب بتلاميذها: اللى عايز يتعلم يجيب معاه كرسى بلاستيك

كحل عملى لمواجهة أزمة تكدس الفصول فى مدارس صفط اللبن، اقترحت مدرسة على إحدى أولياء الأمور أن تحضر لابنتها كرسياً بلاستيكياً، بدلاً من تلقى دروسها وهى واقفة.. لم تصدق الأم نفسها وهى تسمع المدرسة تقول لها: «هاتى كرسى بلاستيك قعدى بنتك عليه بدل ما تقف»، لكنها لم تجد حلاً آخر بعد أن وصلت كثافة الطلبة فى الفصل الواحد إلى ١٤٠ طالباً.

ولأن الدكك بتشيل أكتر، وتسمح بأن يلزق الطالب فى زميله، لجأت المدارس الابتدائية والإعدادية إلى فرش الدكك فى الفصول، لاستيعاب هذا العدد الكبير من الطلبة.. إحدى أولياء الأمور قالت وهى مستاءة: «بنتى بتفضل واقفة فى الفصل طول اليوم علشان مافيش مكان تقعد عليه، وعدد الطلبة فى الفصل بحسب كشف الغياب ١٣٠ طالباً، ولولا إن كتير منهم بيغيب كان الوضع هيبقى كارثى».

أولياء الأمور أكدوا أن الأزمة لا تتوقف عند حد عدم وجود مقاعد، بل تجاوزت هذا إلى عدم وجود مدرسين، تشرح إحدى الأمهات: «مافيش طالب فى المدرسة هنا بيفهم حاجة لأن مافيش مدرسين بيشرحوا فى الفصل، هماّ بس بيدخلوا الفصول يسكتوا العيال وكل التلاميذ بيعتمدوا على المجموعة أو الدروس مع المدرسين».

الأزمة كما لخصها أحد المدرسين فى المدرسة، طلب عدم ذكر اسمه: لا يوجد فى منطقة صفط اللبن سوى ٣ مدارس ابتدائية، رغم كونها من أكثر المناطق كثافة سكانية على مستوى الجمهورية، وطبيعى أن يكون مستوى التعليم متدنياً للغاية لأن الفصل به ١٤٠ طالباً، ونضطر لتقسيم المدرسة لفترتين صباحية ومسائية، ولا توجد دكك كافية للطلاب لذا نطلب من الطلاب إحضار كراسى بلاستيكية كحل مؤقت».

المصرى اليوم

[SwOrD OF JusTice]

الحمد لله فصلى فيه 35 واحد وانا منهم ومدرسه حكومى