حاجات مش مفهومة

[vip_ame]

البلد دى ماشية ازاى بالظبط عايز افهم !!!

يعنى الوزارة تطلع نشرة بان المدرسين اللى اخدوا الكادر مالهمش فى الدرجات المالية لموظفى الدولة ولكن درجاتهم هى المسمى الوظيفى بهم ويتم ايقاف ترقيتهم؟

بعدها تطلع الشئون القانونية للوزارة (نفس الوزارة والله ) وتقول لا المدرسين ليهم نفس الدرجات المالية ولكن المسمى ده ليه اعتبارات تانية.

يطلع بعدها وزير نفس الوزارة برضه ويقول اللى يحل الموضوع اننا نعرض الامر على مفوضى الدولة وهما اللى يحكموا

يعنى اللى عايز افهمه لما قانون الكادر طلع مش المفروض ان فيه ناس قانونيين فى الوزارة مسئولين عن تنفيذه و فهم بنوده صراحة وايقاف اى شخص يخالف هذا القانون.

ازاى قانون صادر منذ ثلاثة سنوات ولا نعرف نطبقه حتى الان

ده دليل ان القانون ده صدر بدون اى دراسه او تنسيق مع الوزارة المبجلة وكل الهدف منه حاجه واحده انه يتقال ان المدرس اخد كادر وان السيد الرئيس قام بتعديل اوضاع المدرسين

والله العظيم حرام اللى بيحصل للبلد دى !!!

[الكبــيـــر]

ربمــــــــا

[mmagdy_81]

لسه فاهم ده بلد ك الحبيبه (مصر)

[saber samy]

مصر أم ........................ الدنيا

[the keng]

مالي اراك غاضب انسيت انك في بلد الجائب


اوعي تاني اسمه منك كلمة عايز افهم انت عارف ايه اللي جري للي فهمه

خليك كدا زينا احسن ليك واحسن لنا

واللي هيسري عليك هيسري علينا كلنا

[ABDOURAGAB]

أكيد إنت فاهم انهم فاهمين انك فاهم انهم فاهمين انهم مبيفهموش او انك فاهم انهم فاهمين انهم بيفهموا فلو فهمت انك فاهمهم تبقى مش فاهم ولو فهمت انك مش فاهمهم تبقى فاهم فدلوقت يا ترى فهمت انهم فاهمينك وفاهمين انهم فاهمين بس عرافين انك فاهم انهم مش فاهمين

[ahmed salh]

ازاى قانون صادر منذ ثلاثة سنوات ولا نعرف نطبقه حتى الان

ده دليل ان القانون ده صدر بدون اى دراسه او تنسيق مع الوزارة المبجلة وكل الهدف منه حاجه واحده انه يتقال ان المدرس اخد كادر وان السيد الرئيس قام بتعديل اوضاع المدرسين

والله العظيم حرام اللى بيحصل للبلد دى !!! كلامك صحيح بجد

[mr.anwar]

البلد ده مفيهاش اى مشكله فى اى حاجه
ناخد قرار النهارده وبعدين ننام نشوف منام وحش اعوذ بالله نقوم نلغى القرار بغض النظر عن ما فعله القرار بالناس او مدى تاثيره عليهم
قمه الاستهزاء بهذا الشعب المسكين الذى اصبح كل همه هو الجرى وراء لقمه العيش
لنا الله

[الصصاروخ]

مصر ليست بلد القانون بل بلد اراء المسئولين

[بحر العرب]

وما دليلك على أننا نعيش فى دولة ....الدولة معناها النظام والإنضباط أين نحن من ذلك .................لايوجد سوى ....................فقط والقوانين الصادرة أهواء وليست لصالح الشعب