|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
29-09-2010, 10:26 AM
|
|||
|
|||
مقالات !!!
اختيار ام انتحار
ــــــــــــــــــــــــــــــــــــــــــــــــــ ـــ عندما يصبح كل شئ ضدنا !!! ماذا عسانا ان نفعل ؟؟!! أنستسلم لرغبات الاخرين ؟؟!! أم ماذا ؟؟!! أنضحي من من اجل أناس يبخلون علينا بأذانهم كي يسمعونا ؟؟!! أنضحي بأحلامنا التي عملنا من اجلها شهورا ..بل سنين ؟؟!! أنضحي من اجل ارضاء غرورهم ؟؟!! ماذا يجب ان افعل ؟؟!! اتنازل عن حلمي لانهم يريدون ذلك ..فقط يريدون ذلك دون ابداء اسباب منطقيه !! أنحقق رغباتهم لأنهم اقرب الناس الينا ؟؟! أم هم يستحقون منا ذلك ؟؟!! انسمع لأناس ينصحونا بالذهاب الي طبيب نفسي لأننا نحلم ..فقط نحلم !! لا شئ سوي الحلم !! أندافع عن احلامنا علي حساب حب الاخرين ؟؟ أم نرضي بالواقع ؟؟!! ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ لبنات لما تشتري هدوم ـــــــــــــــــــــــــــــــــــ من قريب اوي يعني يومين تلاته كده اضطرتني الظروف اني اخرج مع اختي عشان هتشتري هدوم وطبعا دلوقتي صعب اوي ان حد يخرج بالنهار عشان الصيام فالخروج بيبقي بعد التراويح ..وعلي ما البنات تلبس وتجهز نفسها والحوارات التعبانه دي يبقي الساعه 11 ...فلازم حد يخرج معاهم ...وبما اني الولد الوحيد ...يبقي اكيد اتدبست خرجنا عادي جدا ..والطبيعي عند الولاد انك بتبقي عارف محل معين او اماكن معينه بتجيب حاجات حلوه وبتشتري منها الكلام ده يختلف عند البنات ...لازم يلفوا علي المحلات كلها ..افرض مثلا المحل ده جاب حاجه حلوه !! والمشكله انهم عارفين ان دي محلات تعبانه...تقولك ممكن تحصل المعجزه ويكونوا جابوا حاجات حلوه ...لازم نشوف كل حاجه ..ماشي شوفي اللي انت عايزاه ..احنا ورانا حاجه ؟؟!! واللي يضايق اكتر ان كل الناس بتشتري في وقت واحد ...زحمه بطريقه رهيبه والبنات بردو عندهم عاده غريبه يعني ممكن واحده تدخل تقلب المحل وتبهدل الراجل اللي بيبيع وفي الاخر تقول بكل برود (مش عاجباني حاجه ..يلااااا نمشي ) انا مش عارف بيبقي ايه شعور الراجل بس اكيد بيبقي عايز يقول زي احمد مكي *** هههههههه وممكن بردو تبقي الحاجه حلوه وعاجباهم وتلاقي واحده تقول للراجل فيه منه الوان ؟؟ تخيل انت نفس التيشرت فيه منه الاحمر والاخضر والاصفر والاسود هههههههه عن نفسي الحاجه اللي تعجبني ..يبقي نازل منها حاجه واحده بس ..موديل واحد بس ...مش سوق هو.. التيشرت يبقي نازل ب عشر الوان وانت ماشي بقي سامع الكومنتات من البنات الله يا مامي ..ايه رأيك في المش عارف ايه ده (عندهم حاجات غريبه ..بلارينا و مممم والله ما فاكر بس اسماء غريبه كده ) ده هيبقي تووووحفه (تحفه يعني ) اه هو حلو بس لو فيه منه الاحمر يا مامي بقي ..ده كميل خالص ماشي يلاااا نشوفه وانا ماشي بردو شفت بنتين صحاب بيشتروا مع بعض واحده بتقول التانيه ..ايه رأيك في ده ؟؟؟ قالتلها .....هو حلو بس هيبقي بيئه اوي عليكي ...ده هيبقي حلو عليا انا او علي مريم (مين مريم ؟؟ الله اعلم ) كلمتها تاني وبتقولها طب ايه رأيك في ده ؟؟ قالتلها ....هو حلو بس انا عندي واحد زيه بالظبط ...هيقولوا انك بتقلديني (يعني هو الاستايل معمول ليكي انتي ) وانا واقف سامع الحوار وهمووووووت علي نفسي من الضحك ..ايه التفاهه دي ؟؟!! حوار تاني ..واحده بتقول للتانيه ..انا مش عاجبني حاجه ..بس هاخد اي حاجه واعمل ان انا بقيسها وهظبط الميك اب في المرايه (قال يعني البت هتتخطب دلوقتي ) التانيه بترد عليها بطريقه استفزتني اوي بتقولها ...تيك كير يا حبي !!! و يا سلام بقي لو واحده جاي معاها خطيبها او اخوها ..وعايز يعمل فيها راجل بيدي رأيه في كل حاجه ..لأ ده هيبقي ضيق اوي وهو عادي خالص ...لأ ده شكله مش عاجبني (يا عم هو انت بتفهم في هدوم البنات ..انت مالك انت ؟؟) عايز يرسم وخلاص ويعمل فيها مسيطر ومتحكم الحته دي فكرتني بنكته في فيلم نور عيني (واحد شاب كده وسط صحابه وعامل نفسه جامد اتصل بمراته بيقولها ايوه يا وليه حضري الميه السخنه ...واحد من اللي قاعدين معاه بيقوله واضح يا معلم انك مسيطر ...قاله الله ..امال هغسل المواعين بميه ساقعه ؟؟!!) وبجد انا اول مره اصدع كده وانا خارج اشتري هدوم ...تخيل نفسك واقف في مكان فيه محلات كتير وبنات كتير واكيد كلهم رغايين ..لو كل واحده قالت كلمه ..شوف هيحصلك ايه ؟؟؟!!!! نصيحتي ليكو ...هاند فريهك (hand free ) معاك ..موبايلك في جيبك ..وعيش مع نفسك يا معلم و صح ..متنساش تشرب بريل ...طعم يغطي علي المر اللي بندوقوا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ سذاجه _____________ يعني ايه سذاجه ؟؟؟ يعني استخدام اي صفه بزياده يعني تستخدم الصراحه بزياده فتبقي وقاحه يبقي دي سذاجه يعني واحد يسألك ايه رأيك فيا ؟؟ الصراحه: انت شخص كويس جدا ومحترم بس بحس انك اناني شويه الوقاحه انت اناني وما بتحبش الا نفسك والموضوع ده خنقنا دي سذاجه ..ليه تزعل شخص في موقف كنت ممكن تكسبه فيه ؟؟!! ــــــــــ لما تبقي طيب زياده و تتصرف بطيبه مش موجوده علي كوكبنا دي تبقي سذاجه ــــــــ لما تقرب حد منك لدرجه انك متقدرش تستغني عنه دي تبقي سذاجه ـــــــــ لما تحب حد اوي وانت عارف انه مش ليك دي تبقي سذاجه ــــــــــ لما تثق في حد وانت لسه متعرفوش كويس دي تبقي سذاجه ــــــــــ لما تسامح حد زياده ..هيتحول لضعف دي تبقي سذاجه ــــــــــ لما تعامل ناس ما يستاهلوش كويس دي تبقي سذاجه يعني سذاجه=استخدام صفه بزياده :D:D ــــــــــــــــــــــــــــــــــــــــــــــــــ ـــــــــــــــــــــــــــــــــــ فيه سذاجه من نوع تاني احيانا بيبقي من الذكاء انك تبقي ساذج عشان توصل لهدف معين هحكيلكوا مواقف للتوضيح: ممكن مثلا في شخص انت مضايق منه جدا (عايز توصله كلام معين ومفيش فرصه) تيجي مثلا ..انت ماشي مع صاحبه ويسألك انت مضايق من كذا ليه ؟؟ (لو قلتله عشان كذا وعمل كذا ..هيفتكر ان دي سذاجه) لأ ..دي مش سذاجه: 1-انت بتقوله وعارف انه هيوصله الكلام (حققت هدف من اهدافك) 2-لو موصلش الكلام ..يبقي انت كسبت شخص موثوق فيه وفي نفس الوقت ما خسرتش حاجه و دي انا بعملها كتييير جدا ...و نصيحه ما تقولش اسرار لحد..حتي لو صحابك متديش فرصه لحد ..انه يبقي ماسك عليه حاجه في يوم من الايام ـــــــــــــــــــــــــــــ ممكن مثلا حد معين يبقي مضايقك جدا وعامل فيك موقف وحش جدا لو انت سكت و ما عملتش حاجه (هيفتكر ان دي سذاجه) لأ ..مش سذاجه احيانا بيبقي ناس اقوي مننا في الوقت الحالي ..وما نقدرش ناخد حقنا منهم ليه ندخل معاهم في مواجهه و احنا عارفين اننا هنخسر ؟؟ يبقي لو سكت ..انت كده بتحمي نفسك ..وتأكد ..كده كده هتاخد حقك بعد سنه ..سنتين ..عشره ونصيحه بقي : اعرف قدره اللي قدامك وحدود قدراتك واعرف انت عايز ايه ــــــــــــــــــــــــــــ قصه كنت قريتها من قريب كان فيه راجل كل ما يروح يحلق ..ينادي علي طفل ويحط في ايد 5 جنيه وفي الايد التانيه 1 جنيه الطفل كان كل مره مره ياخد الجنيه والراجل يضحك جه الراجل مره بيقول لصاحبه ..تعالي هوريك اغبي طفل في العالم جاب الطفل وخد الجنيه بردو صاحبه لما شاف الطفل وهو بيشتري حاجات بالجنيه ..سأله انت مخدتش ال 5 جنيه ليه ؟؟ رد و قاله ..اليوم اللي هاخد ال 5 جنيه ...اللعبه هتنتهي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ اللي بيحصل علي النت ــــــــــــــــــــــــــــــــــــــــــ طبعا معظم الناس بتحب تدخل اوف لاين علي الميل ....يجي واحد غلس بقي يقولك ..شايفك يا لئيم ..فاتح اوف لاين ..الله يسهلو يا عم.. وانت طبعا هتنفض ومش هترد الطبيعي بقي يخلي عندو دم ..تلاقيه يقولك مش هترد ؟؟ ماشي يا عم ..بتكلم مين ؟؟ اللي اداك يدينا يا سيدي ..تناحه بقي بعيد عنكو :D:D:D:D:D واحد صاحبي تاني ..مصمم يحكيلي (البنت اللي بيحبها بتقوله ايه)يعني كل شويه ..يقولي قالتلي كذا ..اعمل ايه ؟؟ يلاا بسرعه ؟؟ قولي يا عم اقولها ايه ومصمم بردو يسألني نفس السؤال كل يوم ..انا السي دي بتاعي بايظ هتعرف تصلحو ؟؟!! وارود عليه ..ان شاء الله هاته اشوفه :D:D:D:D واحد صاحبي تاني مصمم يكلمني ميك بالليل (طبعا بقعد كتير بالليل يعني 3 او 4 ساعات كده ) هو اصلا ما بيقولكش حاجه بس انت بقي سامع حاجااااات غريبه ..مثلا : اااااااهاااااااااااااااااااااا نننننننممممممممممممممم اوه اوه اوه (بيكح يعني ) ولما تمل منه وتقوله ارحم اهلي بقي ..انا حاسس انك عايش في وداني ..انزل من علي وداني بقي يقولك طب اغنيلك وتلاقيه يقولك (انت قلبك قاسي اوي اوي ..انت مش بتحس كده وكده ) وصوت اهله يكفر الواحد :D:D:D:D و البارد اوي بقي اللي انت تبقي عامل stepped out وبتتفرج عدم اللا مؤاخذه علي فيلم ..فيلم لتامر حسني او عادل امام او اي حد ومندمج بقي ههههههه ويجي يكلمك يخربيت ام تناحتك يا جدع ..هتخرجني بره الموود هههههه واحد تاني ليه عاده غريبه اوي ..يعمل اوف لاين بعد كده اون لاين (بس حوالي 90 مره في الدقيقه )صداع ..صداع يعني ..دليفري للمنازل لو عايزين تعملوها alt+ ctrl تبقي دايس عليهم وبعد كده تدوس مره i ومره a بس ما تستهبلش وتسوق فيها عشان هي بتخنق بجد :D:D:D:D نيجي بقي للفيس بوك والجروبات اللي عليه انا ممكن ادخل جروب مثلا محبي عمرو دياب ..محبي زيدان لكن ادخل جروب (والنبي يا عم سيد متدنيش الباقي فضه )ليه ؟؟ نفسي اعرف اللي داخلين ..داخلين يعملو ايه ؟؟!! ـــــــــــــــــــــ و يا سلام لو انتي بنت بقي علي الفيس بوك وفاتحه شات هتسمعي احلي مزيكا بوء بوء بوء بوء وده صوت الشات بتاع الفيس بوك اما لو ولد محدش هيعبرك والله احنا في نعمه مره عملت اكونت بلاستيك (هما مش مره دول كتير ههه ) كنت ادخل نص ساعه ..تكفيني صداع اليوم كله واللي بيكلموني شات ايه احنا مش هنتعرف ولا ايه ؟؟؟ واحد تاني هاي ...انتي اكيد تعرفيني ؟؟ هااا؟؟ عارفاني صح ؟؟ مره واحد نفضتله ..بيقولي قدامك دقيقه لو مردتيش هعتبر انك مش عايزه تردي عليا ..يا تناحه اهلك يا اخي والله كنت بصدع منهم ــــــــــــــــــــــ ولما كنا نحب نضيف بنت ..كنت انا وصاحبي عاملين واحد صاحبنا تاني فأر تجارب نقوله ما تضيف دي كده ..يضيفها اول ما تقبله ننطلق اجنرته احنا في الضمان يا معلم :D:D:D:D:D ويقولك عادي جدا لما تتأجنر ..الاجنره للرجاله يا جدع ــــــــــــــــــــ والاستاتس بقي ..دي حكايه لوحدها تلاقي حد كاتبلك انا مخنوق نصيحتي : لو عايز تستفزه اعمل لايك انت مخنوق وانا مالي يا عم ..ما تتخنق :D:D:D وتلاقي بنت كاتبه استاتس (الحب ما هو الا مش عارف ايه ) والشغل بتاع البنات ده تلاقي واحده صاحبتها ..داخله عاملالها كومنت وبتقولها الله ..حلو اوي ومعبره جدا ..كلامك حلو والله يا كميله وهي اصلا نقلاه من اي منتدي ولا من اي حته و عليا الطلائع بيبقوا متفقين مع بعض ..انا هكتب كذا ..وانتي تعمليلي كومنت :D:D:D:D; ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ هعمل نفسي ــــــــــــــــــــــــــ هعمل نفسي مصدق ان حنان ترك في مسلسل ساره كانت بتحب احمد رزق مع ان مش عارف هي بتحبه من انهي زاويه ده ؟؟ :D:D:D: هعمل نفسي مصدق ان عضلات عمرو دياب دي طبيعيه ومش نفخ ومش بحقن مع ان مش عارف مكنش قادر يجري في استاد القاهره ليه ؟؟!! بس اكيد كان لسه جاي من التمرين ومفرهد :D:D:D:D هعمل نفسي مصدق ان (ممدوح هاااي بقولك انت )هيرجعلك عضلات جسمك ولياقتك وهيرجعلك رشاقه جسمك وجماله في اسبوعين مع ان مش عارف هو ليه بكرش ؟؟؟ :D:D:D:D:D هعمل نفسي مصدق ان فودافون شبكه المحمول الاول في العالم ..وموبينيل شبكه المحمول الاولي في مصر وده علي اساس ان مصر مش جزء من العالم :D:D:D:D:D هعمل نفسي مصدق ان هند صبري حولت اتصالات بعد ما كانت بتيجي في الاعلان وتقولك انا فودافون :D:D هعمل نفسي مصدق حمله شيبسي (مصر هتختار طعمها ) وطلع في الاخر مصر طعمها جمبري مع ان مصر كلها بعتت انا عايز شيبسي بطعم البانجو :D:D:D:D:D هعمل نفسي مصدق ان هند صبري مش لاقيه حد يتجوزها وعايزه تتجوز تقريبا ماجربتش تنزل مصر وده لان ربنا حماها من الشباب اللي هيريل وراها :D:D:D:D:D هعمل نفسي مصدق ان الريس حضر فرح هاني رمزي و هنا بقي نو كومنت عشان فيه رقابه بجد :D:D:D:D:D هعمل نفسي مصدق ان الابيض قادم هو بصراحه العميد وعد ..اول ما يطلعله شعر... الابيض هيجي علي طول :D:D:D:D:D هعمل نفسي مصدق ان كريم عبد العزيز راح اسرائيل جاب مني ذكي وولادها ورجع الاختلاف بينه وبين شريف منير كان علي وسيله المواصلات ..مكنوش عارفين يرجعها بالتوك توك ولا بالقطار :D:D:D:D:D:D هعمل نفسي مصدق ان تامر حسني رجع من لبنان لمصر في الفتره اللي كانوا بينقلوا اخوه من البيت للمستشفي بس ممكن المستشفي بعيده شويه عن البيت ...او عربيه الاسعاف اتأخرت :D:D:D:D:D هعمل نفسي مصدق ان عمرو ذكي ..البلدوزر تقريبا اللي سموه كده ماشافوش اميل هسكي بتاع انجلترا ...ولا شافوا محمد شعبان بتاع انبي وهو بيعلم عليه بعد ماتش انبي والزمالك كان نازل خبر بيقول : ان محمد شعبان اصاب عمرو ذكي بجروح في رقبته امال لو كان مسك حسين ياسر ..كان موته ؟؟!! :D:D:D:D هعمل نفسي مصدق ان احمد حلمي ممكن يشتغل بودي جارد عملا بمبدأ واحد صاحبي (يابني الخناقات مش بالجسم دي بالقلب والا مكنش تامر حسني طحن احمد زاهر في الفيلم ) واكيد طبعا احمد حلمي قلبه كبير ..ده بيحب مني ذكي :D:D:D:D:D اعمل نفسك بقي المقال عاجبك ..واخبطني كومنت ــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ احنا زعلانين ليه ؟؟؟ ـــــــــــــــــــــــــــــــــــــــــــــ مش لسه الحزب الوطني بيفوز في الانتخابات ؟؟!! مش لسه الشرطه في خدمه الشعب ...والشعب يقلع عينه عشان الشرطه ؟؟!! مش لسه الاهلي بياخد الدوري والزمالك بيتغلب والحكام تمام ؟؟!! مش لسه موصلناش كاس عالم ..و لسه حسن شحاته محلقش شعره ؟؟!! مش لسه عمرو دياب الهضبه حتي لو نزل البوم فاضي ؟؟!! مش لسه الناس بتكره تامر حسني حتي لو عمل قرد ..وحتي لو جه علي نفسه وشال شعر صدره ؟؟!! مش لسه الشرطه المصريه اسرع شرطه في العالم في الحصول علي الاعترافات ؟؟!! وده طبعا بعد اول كف من اي مخبر مش لسه المخبرين بيلعبوا جيم في ايديهم بس ؟؟!! وعلي رأي احمد السقا ..ده مش كف دول 7 كفوف في بعض مش لسه الشباب بيتسلي بالبنات ؟؟ مش لسه البنات بتصدق الشباب ؟؟!! مش لسه مصر ام الدنيا ..وكل العالم بيحبها ؟؟!! مش لسه بنضرب في الجزاير ونيجي هنا نعملهم رحلات ترفيهيه للاهرامات ؟؟ مش لسه بتاخد رخصتك من عسكري المرور ب 10 جنيه ؟؟ مش لسه عماد متعب مخطبش ومقضيها ؟؟!! (مقيضها دلوقتي مع يارا نعوم ..يا بخته ) مش لسه الدنيا زحمه والجو حر ؟؟ مش لسه الحراميه شغالين وكلو تمام ؟؟ مش لسه فيه ناس عامله سبع رجاله في بعض ويقلبوا قطه مع اول قلم ؟؟ مش لسه عمرو دياب بيحب وحسن يوسف بيتجوز ؟؟!! مش لسه العميد بيقول ان الابيض قادم ؟؟ مش لسه بيبسي المشروب الرسمي لمنتخب مصر ؟؟ مش لسه بريل الراعي الرسمي للراجل المصري ؟؟!! مش لسه الكوسه في الجامعات ...و ولاد الدكاتره بيتعينوا ؟؟ مش لسه الناس بتشرب شاي بالياسمين ؟؟ مش لسه عادل امام بيهدي افلامه للسيد الرئيس راعي الفنون في مصر ؟؟!! يبقي ايه المشكله ؟؟ زعلانين ليه ؟؟!! وانا كمان احب اهدي المقال ده للسيد الرئيس راعي المقالات في مصر :D:D:D:D ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ انها 8.30 صباحا ..ما زلت مستيقظا وبكامل قواي الذهنيه والجسديه ..اشعر بغموض رهيب وهدوء غير طبيعي ..اشعر ان الحياه ميته الان ..لا صوت لا حركه لا شئ ..فراغ فارغ كثيف ..اسمع الاناشيد الاسلاميه بدلا من الموسيقي التي اعتدت سماعها او لنقل ادمنتها ..اسمع ماهر زين و سامي يوسف ..كل شئ كما هو !! كل شئ في مكانه !! لا يختلف شيئا عن اليوم الذي قبله ..كأنه فيلم اشاهده من جديد ..فالكتب كما هي في مكانها ..اعتقد انها ملت الجلوس وحيده دون ان يتصفحها احد ..وجهاز الكمبيوتر (الديسك توب ) -الذي لم اعد استعمله - كما هو في مكانه ..وملابسي في مكانها تقريبا ..والشئ الاكيد انها ليست في الدولاب ..فأنا كسائر الشباب لا تستقر ملابسه في الدولاب ابدااا ..انها الفوضي ..نعم الفوضي المقننه ..فأنا وان كانت ملابسي ليست في الدولاب فأنا اعلم مكانها !! انه مكتبي _الذي رفضت تغييره رغم عدم ملائمته لي الان _ يفكرني بذكريات الطفوله .. انها الكره في مكانها ..كره القدم الذي لم العب بها من زمن بعيد ..والموبايل مكانه ايضا ..وكل شئ في مكانه _فرشاه الشعر والجيل والكريم وماكينه الحلاقه _ نعم ...انها غرفتي ..اسوء ما في بيتنا ..لكني احبها ..احبها كثيرا ..لا ارتاح الا بداخلها !! الان ..اني لا افعل شئ سوي التفكير ..نعم افكر هل انا شخص طيب فعلا ؟؟!! الجميع لديه قناعه شخصيه ..انه اطيب شخص علي الكره الارضيه كيف ابدو للجميع ؟؟ أ أنا شخص جدير بالاحترام ؟؟ ام انا تافه ؟؟ !! هل انا محبوب ؟؟ !! هل استحق انا اكون محبوب ؟؟!! ماذا فعلت كي اكون محبوبا ؟؟!! اسئله كثيره ليست لها جواب ..فمن يراني محبوبا ..اعتقد اني طيبا معه ومن يكرهني ....اعتقد اني غليظ معه نعم ...انها عمليه نسبيه ..فنحن لا نتعامل بنفس الطريقه مع جميع الناس فهناك من يستحق الاحترام ..وهناك من لا يجب ان تأخذنا بهم رحمه ...فهم ليسوا بشر بل شياطين الانس !! وفي النهايه يغلب صوت الصمت ..الي ان يخطف النوم عقلي ويأخذه في رحله يريحه فيها من هموم الحياه . ثم استيقظ ..و ابدأ يوم جديد او لنقل يوم اخر مشابه لاقرانه ..لا جديد لا شئ يذكر !!! نعم انها الحياه عزيزي القارئ ! ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ معاكسه البنات :D:D:D ــــــــــــــــــــــــــــــــــــــــــــــــ الكلام التقليدي الي بيتقال : تمشي في الشارع...تلاقي واحده..مش محجبه..شعرها عادي جدا...لبسها محترم جدا...كل حاجه فيها تمام.. تلاقي ميه تلاته واربعين شاب ماشي وراها ......" ايه يا جمييييل...مفيش حته علينا " - حقيقا لا اعرف حته ايه ..ولا عليه ازاي ..بس هما بيقولو كده - واحد تاني " هو القمر بيطلع بليل ولا ايه " - وده في الاغلب بياخد شتايم من الي ماشيين معاه ..عشان القمر فعلا بيطلع بليل..واصلا المعاكسه دي انتهت من زمان ..انقرضت خلاص - الكلام الغير تقليدي : وده عن تجارب شخصيه 1-اموووووووت انا واعيد السنه (يرد واحد صاحبه ماشي معاه ...ما انت هتعيد يا ابن الفاشله ) 2-اكييييييييييد مامي نحله عشان تجيب العسل ده كله (سخييييييف اوي اللي بيقول كده ) 3-البت اللي في الشارع دي سسسسسسسسسسسسس اوختك 4-و الكلاسيكيات بقي ..دي من الحاجات الغير تقليديه : يعني واحد خفه يقول ..يا صفايح الزبده السايحه او ممكن يقول قطه سسسسسسسس خربش واااااضح ان الشباب بيتشحتف علي فرخه هههههههه لقيت فرخه ماشيه في الشارع هتقوله ..." ايييييه ...ريشك ابيض ولا انتي البيضه " ....- ونحن نعلم عزيزي القارئ من هو البيضه الحقيقيه ههههههههههههههههه نيجي علي الفيس بوك لو دخلت علي حسابك علي الفيس ..وانت تنعم بالهدوء ..وبتكتب باسوردك واميلك وبتستفتح يجيلك علي شمالك في الصفحه ..." لولو الاموره " "سنيه الشقيه " "حسناء البلهاء " "سوسو اللذيذه" وكلهم حاطين صور بنات لابسه من غير هدوم ....او صور بنات اجنبيه طبعا بلا شك وبلا ادني تفكير ..اعرف ان دول رجاله وعاملين نفسهم كده نظرا لنقص ما في شخصياتهم ..وبيشتغلوك بس العيب مش عليهم ..العيب علي سيادتك مش انت بس ..كله كده انا مره عملت اكونت بلاستيك واستقبلت كميه رسايل خد عندك : " الله انتي جميله اوي..بجد انا حبيتك من قلبي..ممكن نتعرف ؟ " " انتي اجمل انسانه شفتها في حياتي...بجد انا ممكن يجرالي حاجه لو متعرفتش عليكي " " انا مش مصدق عيني...انتي لازم تعمليلي ادد (( اللفظ الصحيح هو اد وليس ادد )) حالا " " انا محسن- اسم مجازي - وعندي تمانيه وعشرين سنه ..ولما شوفتك ارتحتلك - زي امه بردو - ..ونفسي اتعرف عليكي ..اكون سعيد لو قبلتي الاضافه - واخد بالك انت من الاضافه دي - .." " ايييه ...متجيبي اميلك .. - علي اساس انه شاب مخلص وبيجيب من الاخر وكده - " " انا شاب في كليه كزا كزا ..وشغال كزاكزا - سبحان الله - ..وابحث عن علاقه جاده..ودي رقمي ..زيرو حداشر " في الاخر احب اوضح ..ان الموضه في المعاكسه (بحب اطلع علي الحاجات دي هههههه) ان البنت الحلوه ما عادتش بتتعاكس ...اللي بتتعاكس البنت اللي بيبقي فيها غلط ههههههههههه عشان الشباب يضحك ويهزر :D:D:D:D:D ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ حراميه اخر زمن ـــــــــــــــــــــــــــــــ الموضوع النهارده غريب ..موضوع السرقه ده بقي غريب اوي يعني واحد رايح يصلي الفجر ..يطلع ما يلقيش شبشبه ههههههههه هحكي حاجه حصلت معايا ..كنت رايح اصلي الفجر كالعاده ورايح متأخر وعايز الحق الجماعه بأي طريقه ..وسبت الشبشب بره ..عادي يعني زي اي حد اطلع ..مش لاقي الشبشب (هروح ازاي يا جدعان ) يرد واحد صاحبي متقلقش الحرامي هيطلع جدع هههههه ويسبلك شبشب مكان اللي خده تروح بيه..استني انت ومتقلقش وكلو هيبقي تمام ..استنيت وياريتني ما استنيت ..لقيت بقايا شبشب ..شبشب اقل حاجه تتقال عليه انه شبشب حقير محدش يرضي يدخل بيه الحمام هههههههه لأ ده انا اروح حافي اكرم لي ..بس انا بجد متغاظ اوي ..الحرامي سرق رفيق عمري هههههه شبشبي حبيبي هههههههههه ــــــــــــــــــــــــــــــــــــــــــــــــــ ـــــــ من فتره بردو كنت اسمع ان فيه ناس بتسرق قضبان القطارات هههههههه..اه يا ولاد ....ههههه خلاص يعني مفيش حاجه في البلد تتسرق ــــــــــــــــــــــــــــــــــــــــــــــــــ ــــــــــــــ كنت قريت في الجرنان السنه اللي فاتت .ان فيه ناس بتجيب شامبو (ماركات معروفه)ويحطو مكانو صابون سايل وينزلو يبيعوه بأسعار لا تذكر هههههههه حراميه ولاد .....ههههههههه والناس شعرها يبقي شبه سلك المواعين هههه عادي جدا ــــــــــــــــــــــــــــــــــــــــــــــــــ ـــــــــــــــــــــــ مره كنت انا وواحد صاحبي قاعدين في كافيه ..لقينا واحد جاي يقولنا 5 ماكينات حلاقه ومعاهم كريم حلاقه وشنطه هديه ب 10 جنيه هههههههههه اكيد بضاعه مسروقه وش ...طب يا غبي عايز تبيع بضاعه مسروقه ,,بيعها بعقل ..ده انت ناقص تقول انا حرامي ــــــــــــــــــــــــــــــــــــــــــــــــــ ـــــــــــــــــــــ الحصول حاليا علي لبن طبيعي =الحصول علي لبن العصفور هنقضيها صناعي بقي ولا ايه يعني المحلات اللي بتبيع منتجات الالبان وكده ..تروح تشتري لبن ..انا مش عارف هي ميه ؟؟ وغاشين الميه وحاطييين لبن ولا ايه ؟؟؟!!! ــــــــــــــــــــــــــــــــــــــــــــــــــ ـــــــــــــــــــــــــــ ده حته السجاير غليت ..يعني كليوباترا المعفنه اللي كانت ب 1.5 بقيت ب 4.5 هههههه يعني زادت 3 مرات ..ازاي يعني ؟؟!!!! علي فكره انا مش مدخن بس مستغرب يعني ازاي سلعه نفس الجوده تزيد 3 اضعاف وهما اصلا كانو بيكسبو فيه جامد !!!! الي اللقاء في ***ه اخر زمن ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ الموضوع اللي هتكلم فيه دلوقتي ..هو موضوع مهم جدا جدا (هو احنا ليه بنقضي الوقت ده كله علي الفيس بوك ؟؟؟) سؤال ..مجرد سؤال !!!هل من اجابه ؟؟ ليه ؟؟ مع انه موقع عادي جدا ..محدود الامكانيات !!!ايه اللي مميز فيه ؟؟ هنا افتكرت مقوله واحد صاحبي جدا (يابني الفيس بوك ده فيه كل حاجه ..صحابك الاودام تلاقي ..موزز تلاقي ..جروبات *** تلاقي.. جروبات اسلاميه تلاقي.. اللي بدور عليه هتلاقيه) اجابه منطقيه !!!! و هنا افتكرت مقوله لواحد صاحبي (علي الفيس بوك ..احتمال ان ولد يشتغلني ويقول انه بنت اقل من اي مكان تاني ) هو احنا ليه بقينا تافهيين اوي !!! من الاخر 70%من الشباب المصري علي الفيس بوك ..داخل يعلق موزز بص يا كابتن انت وهو ..مفيش بنت في الزمن ده هتتعلق كده !! احنا هنضحك علي بعض ؟؟ !!! ولو اتعلقت كده ..تأكد انها وحشه !!! ومعتقدش انك تحب تعرف بنات وحشيين ولا ايه ؟؟ هتقولي يا عم دي ورتني صورتها !! ومين قالك ان دي صورتها ؟؟ هااا ؟؟؟ باقي الشباب يا تري بيعمل ايه ؟؟؟ باقي الشباب اللي هما 30% بيدخلوا كتواصل مع الناس اللي تعرفهم ..بس هل نقضي 8 ساعات يوميا من اجل التواصل ؟؟ (سؤال يطرح نفسه ) بالنسبه للبنات !!!يا تري بيدخلوا ليه ؟؟ انا بصراحه معرفش ..بس اللي هقوله ده مجرد تصور شخصي 60% من البنات بتدخل للتواصل مع صحابها والناس اللي تعرفهم باقي البنات اللي هما 40% : في اعتقادي ..ما هن الا بنات لم يجدن نفسهم علي ارض الواقع ..فأتجها الي عالم الانترنت بحثا عن نفسهم بشخصيه خياليه (يطمحون الي الوصول اليها في الواقع) معظمهم بيبقوا شايفين نفسهم وحشيين!! معلومه للبنات كلها : بالنسبه للجمال الشكلي (مطلوب اكييييد )مفيش ولد بيبعد عن بنت عشان هي وحشه او مش جميله الولد ممكن يبعد عن البنت عشان بارده ..غلسه ..تنكه ..الحاجات دي لكن ممكن تبقي وحشه وتعاملها كويس ..هتلاقي كل الشباب بيقبلها وبيتعامل معاها كويس !!! سؤال (محيرني شخصيا ):ليه بنت تقبل اضافه من شخص (سواء كان بنت او ولد )متعرفوش ؟؟ بتزود مثلا عدد الاصدقاء ؟؟ !! ولا ايه الفكره في كده ؟؟ !!! في النهايه يعني ايه فيس بوك ؟؟؟ يعني عالم وهمي !!شخصيات خياليه !!! يعني انك ممكن تلاقي مرح جدا علي الفيس بوك وتلاقي خنيق في الحقيقه !!! (مجربه شخصيا ) يعني ممكن تلاقي حد بيكتب الاستاتس ادعيه دينيه وحاجات اسلاميه وتتفاجأ بيه\ا شخص تافه او انسانه متبرجه (مجربه شخصيا ) يعني ايه فيس بوك ؟؟ يعني البنت لازم تعمل اجنور اول ما تفتح الفيس بوك ولو ما عملتش اجنور ..تحس ان فيه حاجه غلط !! فيه عاده اتغيرت !!! الفيس بوك عالم مفتوووووووووح ...فأحذروا جميعا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ لكوره في اسماعيليه ..هي كل حاجه ..هي الميه اللي بنشربها ..هي الاكل اللي بناكله ..هي الهوا اللي بنتنفسه ..هي الحشيش اللي بنحششوا الكوره اهم حاجه في اسماعيليه ..احنا ممكن نفرط في اي حاجه ..اييييي حااااااجه الا الاسماعيلي (محدش يفهمنا غلط بليز ) فكره ان جماهير الاسماعيلي متعصبه ..دي فكره مرفوضه ...احنا بنشجع بغباوه عايزين نلعب بغباوه ..احنا احرار يا جدعاااان ..ايه اللي مضايقوا انتوا؟؟ ..ناس غريبه والله المشكله في الاسماعيلي ان مفيش حد يصرف عليه ..هنصرف احنا من جيبنا يعني ؟؟ يجي واحد من المفترض انه هيصرف علي النادي ورجل اعمال وبتنجان ..بدل ما يصرف علي النادي ..ده بينهب النادي مش بسرق بس ويجي بعد ما الفريق ينهار !! يلقي خطابه التاريخي علي الجماهير (قررنا نحن _مجلس سرقه نادي الاسماعيلي _ ان نتنحي تماما ونهائيا عن رئاسه نادي الاسماعيلي ونعود الي صفوف الجماهير ..نصرف الفلوس اللي سرقناها كأي حراميه عاديين ) نتكلم مثلا عن الرئيس الحالي احم قصدي الحرامي الحالي ..مش عارف ليه ..بحس ان عمره ما استحما ..ما علينا تحس انه شخص لزج (يصعب دفنه عند وفاته هههههه) بيفكرني بالغباء (خلاص خلاص ..مش هكمل الحته دي ..احنا في رمضان ..حراااااام ) بالنسبه للاعيبه : كل لاعيب يبقي حلو ..الاهلي يقوله ..(تعالي يا حبيبي ..يا اختي كميله ..تعالي ده احنا هنظبطك ويرموله كام عضمه عشان يتأكد ان هيلاقي الاكل المفضل ليه هناك ) فأصبحت مباراه الاسماعيلي والاهلي = مباره بين l esma3ely vs l esma3ely classic بتشوفها في البلاي ستيشن اكيد لاعب زي محسن ابو جريشه ..حد يجاوبني يا جدعان ..ده مهاجم ولا ليبرو للفريق التاني ؟؟؟ لاعب زي ايمن رمضان (ده لو سمناه لاعب ) ..بيلعب ازاي بكرشه ده ؟؟ ولا جايبينه عشان الاعيبه تغنيله (انا خبيت عليكي كتييييير ...انا عندي كرش كبييير ) ولاااا المعتصم ...يااااااااد يا معفن يا بتاع جولدي يلااااااااااا انت فاكر نفسك حاجه ؟؟؟ انت هترسم ؟؟ ده انت اخرك برشمتين وكوبايه شاي ملاييييين ايه اللي انت عايزها يا بتاع تلفزيونات جولدي انت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ some of my articles in the last summer break no thing >>mn2ooool :P:P plz>>save copy rights !! |
|
#2
29-09-2010, 10:38 AM
|
||||
|
||||
|
يا سلام ... ارشيف لمواضيعك في موضوع واحد
 انا قريت اول موضوعين ودخلت في التالت لقيت لسه باقي 3 اضعافهم قسمهم ياعم كل يوم حط موضوع على الاقل ينفع الواحد يرد
__________________
It was over 3 years since my last visit  |
|
#3
29-09-2010, 10:42 AM
|
|||
|
|||
|
اقتباس:
والله مقسمهم دول جزء من المقالات اصل دول مقالات الصيف كله ..فاضيين بقي ..مكنش ورانا حاجه غير الكتابه 
|
|
#4
29-09-2010, 10:50 AM
|
||||
|
||||
|
اقتباس:
قسمهم كمواضيع مستقلة عشان كل فقرة تاخد نقاشها المستقل وخلي كل اسبوع مثلاً في فكرة جديدة
__________________
It was over 3 years since my last visit |
|
#9
29-09-2010, 11:47 AM
|
||||
|
||||
|
هههههههههه كنت هموت من الضحك ف موضوع البنات والهدوم
بابا مش بيحب ينزل معانا يشترى حاجة اما ماما بتدبس معانا عشان كده ماما بتشرى لكل يوم واحدة من اخواتى لان انا عن نفسى بننزل بعد العصر بنوصل البيت ع الساعة 3 بليل اتخيلوا لو انا واخواتى اشترينا مع بعض نرجع البيت بعد يومين حصلت مواقف كتير من دى كان مرة اب مع المدام وبنته ف المحل البنت اختارت اللبس وخلاص قالت لمامتها اللون مش عجبنى وكمان الزرار ده المفروض مكانة مش هنا ع اساس البنت مصممة ازياء وجابت عيوب الدنيا ف اللبس وكل ده وابوها واقف بيغى  وهاين عليه يضربها هى وامها قال كلمة وهو بيغلى مش هتشترى حاجة حراااااام عليكى قرفتينى انتى وامك يلا نمشى وقالها بطريقة كنت هموت فيها قولت الحمد لله بابا مش بينزل معانا كان حصله حاجة وبشوف كتير واحد مع خطبتة او واحدة اخوها بعمل نفسه سى السيد وبعد كل اللى يعمله يخرجوا وميشتروش حاجة والله الواحدة بتشوف مواقف كتير ف السوق تموت من الضحك ف عاودة ان شاء الله لتكمله الموضوع 
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:46 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
