شكلي كده والله اعلم بينضحك عليا انا وزمايلى

[الطفل البرئ]

شكلي كده والله اعلم بينضحك عليا انا وزمايلى:
قالو لنا ان:
مدة الغياب 8متصل ومنفصل15.
اعادة القيد1000المرة الاولي و3000 التانية والمدرسة بمزاجها يامعلم ياتقبل تعيد القيد او لا.
المنازل ورقها مهمل وارقام جلوسها ضايعة و...و.......الخ.
ولو طلعت اسال في شئون الطلبة ياسلام يستقبلوك احلى استقبال:
شتايم وتهزيق وشخط وممكن لو مدرس مبسوط شوية معدى وسمع الترحيب يجى هوا كمان ويحط بصمته ......مفيش داعى للاحراج.
وانا بصراحة واحلف بالله ان مدرستى مش حلوة وفيها محسوبية ولا دى بنت فلان وده ابن علان وياريت على كده وبس ده احنا مش بنفهم حاجة منهم ده غير انه بعيدة وفمكان مش امان خالص باتعب نفسيا وصحيا بخلص يومى تعبانة اجى انام مش بعرف اذاكر مستوايا نزل خالص ومش عارفة اعمل ايه كده حتى مش هجيب 40%والله انا مش ببالغ ده فيه اكتر من كده كمان .المدارس الخاصة والله العظيم واحد الهالي انه قلهم ابنى مش جا9ي هتخدو الفلوس ولا احوله مدرسة تانيةوفعلا مش بيروح .المدارس اللي في طنطا<اصلي من قرية جنب طنطا >الطلبة مش بتروح ومحدش بيعملهم حاجة اشمعنا احنا ؟؟؟؟؟؟؟حسبي الله ونعم الوكيل.المهم لو حد عارف اي معلومة مؤكدة ومؤكدة كمان مرة ياريت يرد عليا ومايبخلش بيها.<اسفة طولت الشكوى >
مستنية الردود.

[mostafa_gamal2]

الصبر مفتاح الفرج اصبرى اول شهر شهرين بالكتير اوى وهترجع ريما لعادتها الفديمة دة اذا كان فى مدرستى اول يوم غابو الفصل كلو ماعدا 5!!!!!!!!!!

[yami677]

يا ريت حد يفهمنا موضوع الغياب من الاساتذة
لحسن انا اول ما بروح المدرسة الضغط بيرتفع
وماسك نفسي بالعفية وعاوز اضرب كام مدرس ياااااااااااه

[yami677]

اوعي تفتكروني بلطجي ولا حاجة بس المدرسين بتوعوتنا يشلوا
واحد بتاع عربي كل شوية يدخل يتكلم عن المدرسين اللي ما عندهمش ضمير وما بيشرحوش
وهو نفسه بيقعد يضيع الحصة في المحاضرات وياخد الغياب وابقي قابلني لو شرح

[bosha66]

احنا طهقنا والله اليوم بيضيع في المدرسه المنيله ديه دنا حتي مش لاقي وقت اعمل واجب الدرس مش حتي اذاكر بنخرج 2.5 عقبال ما اروح بتبقي 3.5 او 4 كمان واليوم بيضيع انا زهقت ياريت المدرسين يفيدونا والنبي لحسن احنا حالنا بقي بالبلا

[سندريلا العربية]

انا بقى مدرستى المدرسين بيشرحو احسن من الدرس وبستفيد جامد ولما يكون فيه حصة مش مهمة ممكن اطلع الجامع واذاكر هناك شوية