طلب ممن لديه كتاب خارجي ممكن ينزل صورته

[ميدو ماجيك]

طلب للسادة الأساتذة أو الطلبة ممن عندهم أي كتاب خارجي قديم أو جديد ينزل صورته في المنتدى لإستفادة الجميع ولو على أجزاء .
والله يسامح اللي كان السبب ، هو مش عارف أن الفلوس اللي عاوزها من بتوع الكتب الخارجية لو رضيوا يدفعوها هاتكون من جيوبنا إحنا وجيوب أهالينا ( هو احنا لايقين ناكل لما ندفع ملايين ) ، ولا يعني هو متصور ان بتوع الكتب الخارجية هايدفعوها من جيوبهم هما ، هههههههههههه ، لو هو متصور ده يبقى يقدم استقالته أحسن ( ولو اننا مش في اليابان ) .
وممكن أنا أقترح عليه عدة اقتراحات :-
1 ) انه يأخد نسبة من كل كتاب يتم بيعه ، وان شاء الله بتوع الكتب الخارجية هايكون عندهم ضمير ويقولوا بالحقيقة هما باعوا كام كتاب .
2) أو اقتراح آخر أن يتعلم مؤلفي الكتب المدرسي طريقة تأليف الكتب الخارجية ، ويستعينوا بمدرسي المادة لفعليين الذين يقومون بالتدريس فعليا .
3 ) أو تقوم الوزارة بتأليف كتب خارجية وتبيعها لحسابها .
سيدي الوزير بأمانة ربنا هل الكتاب المدرسي ممكن يفهم منه الطالب كل حاجة ؟؟
وهل الكتاب المدرسي يشرح كل جزيئات المنهج وكل ما هو مطلوب من الطالب ؟؟ أتحدى أي انسان يقول أيوة
وهل الطالب اللي في ثانوي أو اعدادي أو حتى ابتدائي هل تم اعداده للبحث والتنقيب عما لم يرد ذكره في الكتاب المدرسي وهو موجود في نماذج امتحانات الوزارة نفسها ؟؟؟ أتحدى .
وهل كافة المدرسين ( عفوا ) بنفس القدرات والتمكن من المادة حتى يتم المساواة بين الطالب الذي يدرس له مدرس ذو كفاءة عالية وبين الطالب الذي يعطيه مدرس أقل كفاءة ؟؟؟
أعتقد سيادة الوزير ان القرار يحتاج الى مراجعة ، وذلك لصالح مواطنيك وأبناؤك الطلاب ، فأنت معين في منصبك لتحقيق الصالح العام وليس صالح الوزارة فقط .
وعلشان ماننساش الطلب الأصلي أرجو من السادة الأساتذة أو الطلبة ممن عندهم أي كتاب خارجي قديم أو جديد ينزل صورته في المنتدى لإستفادة الجميع ولو على أجزاء .
وأخيرا لا يفوتني أن أقسم بالله انني لا أنتمي لاتحاد الناشرين او المؤلفين أو لدي مكتبة او مطبعة وخلافة من قريب أو بعيد ، وذلك حتى لا يقال أن لي مصلحة في ذلك ومصلحتي الوحيده هو مصلحة الطالب المصري فقط لا غير والله على ما أقول شهيد .

[ميدو الساحر]

ياجماعة فى مكتبة كانت عمله اعلان على البوابة وعندهم كل الكتب وتوصلك لحد البيت و أنا اتصلت بيهم ودة تليفون المكتبة


0125812580 * 0115572303

[Hima Ryan]

انا عاير الفت نظركم لحاجة
مستشارين المادة و بعض ممن فى الوزارة يعتبروا مؤلفين كمية كبيرة من الكتب الخارجية
و دول اول ناس اتشالوا لما الوزير جة

[ميدو ماجيك]

شكرا على مرورك الساحر
شكرا على مرورك هيما

[hooda_mask]

طب هى المكتبة دى فى انهى محافظة؟

و توصيل الكتب ده لأى محافظة؟

انا من السويس

[ميدو ماجيك]

المشاركة الأصلية كتبت بواسطة hooda_mask

طب هى المكتبة دى فى انهى محافظة؟

و توصيل الكتب ده لأى محافظة؟

انا من السويس

أنا أخدت الرقم اللي كاتبه الأخ ميدو الساحر وبالفعل اتصلت بيهم وبيقولوا انهم ها يوصلوا الكتب لأي مكان وان كل الكتب متوفرة لديهم ، لكن مش عارف ان كان الكلام صح ولا غلط وعموما هو ميعاده معايا بعد ثلاثة أيام هانشوف .

[ميدو الساحر]

المشاركة الأصلية كتبت بواسطة hooda_mask

طب هى المكتبة دى فى انهى محافظة؟

و توصيل الكتب ده لأى محافظة؟

انا من السويس

المندوب قالى لأى مكان

أنا من القاهرة ولما اتصلت جابلى الكتب لحد البيت فى الميعاد اللى حددة

[روين2010]

طب المكتبة اسمها ايه وهيجيب الكتب بالجمله بس ولا اذاكان حد عاوز نسخه واحده بس هيجيبهاله ولا لا ياريت اللي يرد يكون واثق ومتاكدمن كلامة مش اي كلام وبس

[ميدو ماجيك]

المشاركة الأصلية كتبت بواسطة روين2010

طب المكتبة اسمها ايه وهيجيب الكتب بالجمله بس ولا اذاكان حد عاوز نسخه واحده بس هيجيبهاله ولا لا ياريت اللي يرد يكون واثق ومتاكدمن كلامة مش اي كلام وبس

مش بقى اسمها ايه ، المهم انه هايجيب الكتب ، وهو بيبع بالتجزئة يعني لو حد عاوز كتاب واحد لكل مادة الراجل هايجيبه .

[ايمان4]

طب وياترى الاسعار عامله ايه استغلال ولا عادى

[ميدو الساحر]

المشاركة الأصلية كتبت بواسطة ميدو ماجيك

مش بقى اسمها ايه ، المهم انه هايجيب الكتب ، وهو بيبع بالتجزئة يعني لو حد عاوز كتاب واحد لكل مادة الراجل هايجيبه .

هو جابلى نسختين لى ولبنت خالى

[ميدو الساحر]

المشاركة الأصلية كتبت بواسطة ايمان4

طب وياترى الاسعار عامله ايه استغلال ولا عادى

لأ هو المندوب خد الفلوس بالسعر العادى + مصاريف التوصيل

[الحمد والشكر لله]

[quote=ميدو الساحر;2686929]لأ هو المندوب خد الفلوس بالسعر العادى + مصاريف التوصيل[/


طيب والمكتبه دى فين فى القاهره ولا ايه ولو فى القاهره فى انهى حته بالظبط

[شاششاش]

يعنى لو حد فى اسوان زيى المكتبة دى حتفكر توصله مع العلم انها ممكن تبيع كتير

بس بتهيالى مشوار جامد عليه

[البحبحانى]

يا جماعة الكتب خدت تصريح خلاص وهتبقي متوفرة