سؤال للمناقشة

[Hisham_physics]

ده جزء في منهج ثالثة إهدادي بس إحترت في فهمه و شرحه أرجوا من الزملاء التوضيح :

1- إذا كانــــــت الســـرعة المتـــوسطة للجسم تســــــــــاوي السرعة المنتظمة ( ع = ع ) توصف الحركة بأنها حركة مـنــتــظـمـة

2- إذا كانــــــت الســـرعة المتـــوسطة للجسم لا تســــــاوي السرعة المنتظمة ( ع لاتساوي ع ) توصف الحركة بأنها حركة غير منتظمة

[aboloay]

السرعة المتوسطة تنتج من قسمة الازاحة الكلية علي الزمن الكلي وبذلك فاذا تساوت السرعة المتوسطة مع سرعة الجسم تكون سرعته منتظمة ونمثلها بخط مستقيم طردي
اما اذا تغيرت سرعة الجسم بين انخفاض وارتفاع فستكون سرعته المتوسطة غير مساوية لقيمة سرعة الجسم وتكون سرعته غير منتظمة
وبالله التوفيق

[رمات]

لما يتحرك الجسم 3 ساعات بسرعة منتطمةكل ساعة بسرعة 10كم فى الساعة
يكون السرعة المتوسطة = (10 +10+10)\3 =10 كم فى الساعة وهى تساوى السرعة المتوسطة
لما يتحرك الجسم 3 ساعات بسرعة غير منتطمة
ساعة بسرعة 10كم فى الساعة
ساعة بسرعة 15م فى الساعة
ساعة بسرعة 5كم فى الساعة
يكون السرعة المتوسطة = (10 +15+5)\3 =10 كم فى الساعة هى لاتساوى السرعة الغير منتطمة



اخوك تامر صلاح

[باسم فتحى]

تعرف السرعة المتوسطة بانها سرعة منتظمة لو ساربها الجسم لقطع نفس المسافة فى نفس الزمن

[Hisham_physics]

شكراً أستاذ محمد الحطاب و أستاذ تامر صلاح على الإهتمام و الرد بس واضح إن حضراتكم مش فاهمين بالظبط أنا أقصد إيه
هيا رقم (1) أنا فاهمها كويس
أما بالنسبة لرقم (2) فبيقول إنه لو كانت السرعة المتوسطة لا تساوي السرعة المنتظمة تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟

[سمسم استار]

يا استاذهيثم/من الممكن ان تكون السرعة منتظمة كما فى البنول البسيط والحركة غير منتظمة لانة تزيد عند موضع السكون وتقل على الجانبين

[جمال البلتاجي]

ازيك ياعم هشام .................مشكور علي الجهد الرائع

[مسترسمير إبراهيم]

جزاكم ربى كل الخير على المساهمات العلمية حضرات الأساتذة الكرام

[عادل ربيع]

المشاركة الأصلية كتبت بواسطة hisham_physics

شكراً أستاذ محمد الحطاب و أستاذ تامر صلاح على الإهتمام و الرد بس واضح إن حضراتكم مش فاهمين بالظبط أنا أقصد إيه
هيا رقم (1) أنا فاهمها كويس
أما بالنسبة لرقم (2) فبيقول إنه لو كانت السرعة المتوسطة لا تساوي السرعة المنتظمة تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟

بالنسبة لرقم (2) فبيقول إنه لو كانت السرعة المتوسطة لا تساوي السرعة اللحظية تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟

[أ/ احمد عبد الوارث]

لو الجسم يقطع ازاحات متساوية فى ازمنة متساوية تكون متوسط سرعة الجسم ( الازاحة الكلية ÷ الزمن الكلى )
وتكون السرعى التى يتحرك بها الجسم سرعة منتظمة وتوصف حركة الجسم بانها حركة منتظمة

اما لو الجسم يقطع ازاحات غير متساوية فى ازمنة متساوية تكون السرعة غير منتظمة والسرعة المتوسطة لاتساوى السرعة الغير منتظمة ويتحرك الجسم هنا حركة غير منتظمة

[السيد الجابرى]

اريد الاستفسار تعرف السرعة المتوسطة هى السرعة النتظمة التى لوتحرك بها الجسم لقطع مسافات متساوية فى ازمنة متساوية فمثلا كما ذكر الاستاذ هيثم ان الجسم لو تحرك مسافة بسرعة 15 ومسافة بسرعة 10 واخرى بسرعة 5 لو تم حساب السرعة المتوسطة اصبحت 30 ÷3 =10 م\ث
فلو تحرك الجسم هذة المسافات بنفس السرعة الموتوسطة لاصبحت السرعة منتظمة
اريد التوضيح

[مسترسمير إبراهيم]

لأن السرعة المتوسطة هى سرعة منتظمة

[أ/ احمد عبد الوارث]

يا اخ سيد اى ان الجسم يقطع مثلا 10 متر فى زمن قدرة 2 ثانية و20متر فى زمن قدرة 3 ثانية و30متر فى زمن قدرة 4ثانية هنة بنقول ان السرعة منتظمة وبنطلق عليها مسمى السرعة المتوسطة وبعدين من الاخر السرعة المتوسطة لها قانونين (1) الزاحة الكلية ÷ الزمن الكلى

(2) حاصل جمع السرعات ÷ عددهم اسال اللة ان كنت قد وفيت

[سنوات الانتظار]

سبحان الله نفس السؤال فى نفس السطرين دول بالظبط سالته لزمايلى فى المدرسة والحمد لله طلعو كلهم مش فاهمين زيى

[احمدالمعداوي]

ممكن تشرحها بقصة قصيرة كل الطلبة عارفاها
( قصة السلحفاة والارنب )

السلحفاة : سرعتها بطيئة ولكنها منتظمة لانها لم تقف ولم تبطئ حركتها طول الطريق

(فلو حسبنا سرعتها المتوسطة =6م/ث مثلا)
(ولو حسبنا سرعتها عند اي نقطة = 6م/ث)
اذا ع = عً اذا الحركة منتظمة

الالرنب : سريع ولكنه مغرور استراح في منتصف الطريق

(فلو حسبنا سرعته المتوسطة نجد انها 5 م/ث مثلا)
( ولو حسبنا سرعتها نجد انها 10 م/ث احيانا واحيانا صفر )
اذا ع =/ عً اذا الحركة غير منتظمة

ارجو ان اكون قد وفقت في ذكر المثال الصحيح في الوقت الصحيح