التحويل من بترول وتعديل الى هندسة الاسكندرية

[madkour8]

انا حاصل على الشهادة الثانوية الانجليزية وكتبت فى الرغبات بترول السويس رغبة رابعة وجت مش عارف ازاى ولما رحت اغير الى هندسة الاسكندرية من مكتب التنسيق بالقاهرة قالو لايمكن لان بترول السويس من الكليات الغير مناظره ايه الحل وهل يمكن التحويل الى هندسة طنطا مثلا الى وخده نفس مجموعى ولا فى حل ارجو المساعدة

[simsim_sad]

فعلاً هندسة البترول والتعدين كلية "غير مناظرة"، يعني ليس لها مثيل في الجمهورية، واللي أعرفه إن المتاح للشهادات المعادلة هو التحويل بين الكليات المتناظرة بس

بس أنا بقى مش هسيبك النهاردة ... أرجوك قولي وبالتفصيل الملل ليه عايز تحول لهندسة الإسكندرية؟؟، يعن عايزك تعملي سرد لكل الأسباب اللي جعلتك تقرر تحول منها

معلش أنا عارف إني مقلتش جديد .. لكن أنا معرفش تعمل ايه والله .. وإن شاء الله المشرفين هنا يفيدوك

وشكراً ليك أوي

[الأستاذة أم شاهندة]

فعلا
لا توجد كلية مناظرة لهندسة البترول والتعدين بالسويس


تسرعت بكتابتها ما دمت لا تريدها
ليست المشكلة فى المجموع ولا يهم أن تطلب النقل للأقرب لمجموعك
المهم ان تكون كلية مشابهة لما تريد التحويل لها
وكلية البترول عندنا هى واحدة لا شبيه لها
ربنا معاك
بالتوفيق




وإيه الحكاية يا سمسم مش قلنا نحمد ربنا على اللى جه وخلاص
هههههههههه
ربنا معاك

[امجد الصعيدي]

يا عم احمد ربنا
انت المفروض عارف ان الشهادات المعادلة السنه دي صعب اوي و تنسيق تعجيزي و كل الشهادات المعادله أغلبها اتدبس أوي

فلما تجيلك بترول و تعدين تحمد ربنا هيه فعلا مالهاش كلية نظيرة في مصر

و هيه كلية جميلة جدا كفاية فلوسها و شغلها

انت كده في الأغلب ملكش تحويل عشان الشهادات المعادلة التحويل بين كليات مناظرة بس

يعني لو كنت دخلت هندسة الاسكندرية كنت ممكن تحول بسهولة لهندسة طنطا حتى لو مش واخده مجموعك

المهم تحول من هندسة إلى هندسة زيها

مش بترول لهندسة